တွယ်ကပ်ရန်ကူးပြောင်းလို့လာ[Completed]

အခန်း(၅၀)

<မိန်းကလေး၊မင်းဘာလုပ်ချင်နေတာလဲ?>

ထိုစကားများကို ပြန်အမှတ်ရသွားလေရာ ဝမ်ရွှမ် ချွေးပါရွှဲလာရတော့သည်။ထိုအချိန်တု
န်းက ချူလျန်မှာခဲ့သော စကားအဓိပ္ပါယ်ကို
သူနားမလည်နိုင်ခဲ့ပေ။သို့သော် ယခုအချိန်တွ
င် သူရှေ့မှ မြင်ကွင်းကို တွေ့လိုက်ရသောအ
ခါ ထိုစကားများဟာ ဤနေရာသို့ လမ်းညွှန်နေမှန်း သံသယဖြစ်စရာပင် မလိုတော့အောင် ရှင်းလင်းသွားခဲ့ချေပြီ။မျက်စိတစ်မှိတ်အတွ
င်း၌ ဝမ်ရွှမ် ဘာဆက်လုပ်ရမှန်းမသိတော့အောင် ထုံအသွားရသည်။

ချူလျန်က စကားပြောရာတွင် ထိုကဲ့သို့ လေ
သံမျိုးဖြင့် ပြောသည်ကား အလွန်ရှားလှ၏။တစ်စုံတစ်ခုကို မှာကြားရာ၌ ထိုလေသံမျိုး အသုံးပြုခဲ့သည်ဆိုထဲက အသက်နှင့်တမျှ အရေးကြီးသော ကိစ္စမျိုးသာဖြစ်လိမ့်မည်။

ဝမ်ရွှမ်သည် သူကျိုးပဲ့သွားအောင် လုပ်ခဲ့မိသော ရေခဲပြင်ပေါ်မှ အပေါက်ငယ်ကို စိုက်ကြည့်ရင်း ကြေကွဲမှုနှင့်အတူ နောင်တပါရလာတော့သည်။သူ့အတွက် အကာအကွယ်အ
ဖြစ် ပိတ်ဆို့ထားခဲ့သော ရေခဲပြင်ကို သူ့လက်နှင့်ကိုယ်တိုင် ဖျက်ဆီးခဲ့မိခြင်းကြောင့် ကြော
က်ရွံ့သွားရလေသည်။

ကံကောင်းထောက်မစွာဖြင့် ခဏအကြာတွင် အပေါက်ငယ်သည် ဖြည်းဖြည်းချင်း သူ့အလို
လို ပြန်ပြည့်လာခဲ့သည်။တစ်ချိန်တည်းမှာပင် ငယ်ရွယ်သော ကျင့်ကြံသူအမျိုးသား၏ ပုံရိ
ပ်လည်း ဖြည်းဖြည်းချင်း မှိန်ဖျော့သွားတော့
သည်။

၎င်းသည် မသိသာလောက်သော ပမာဏမျိုးဖြစ်သော်လည်း ဤနေရာကို ကာကွယ်ရန်အတွက် ထိုမှတ်ဥာဏ်ပုံရိပ်သည် လက်ရှိတွင် ကိုယ်ပိုင်စွမ်းအင်များကို အသုံးချလျက်ရှိသ
ည်။

ဝမ်ရွှမ်လည်း ယခုမှ ခပ်မြန်မြန် သက်ပြင်းချနိုင်ခဲ့ပြီး အရှိန်အဟုန်ပြင်းစွာ စီးဆင်းနေ
သော ဝိဥာဥ်စွမ်းအင်များကို အခြားတစ်နေ
ရာသို့ ပြောင်းလဲတိုက်ခိုက်ရန် စေလွှတ်လိုက်သည်။အနှီထူးဆန်းလှသော ရေခဲပြင်ကိုတော့ သွားမထိသည်က အကောင်းဆုံးဖြစ်မ
ည်ဟု မှတ်ချက်ချလိုက်သည်။