يهزمني الحُب وانا جاهل بدرب المُحبين

البارت الرابع عشر

وقعت هيام ورجعت للحريم وكملوا سهرتهم وهي بس بالها في رعد وتتمنى تشوفه .
______••______
انتهت اجمل ليلة بحياة ابطالنا هيام ورعد وحنين وفارس
كالعادة تجمعوا البنات بعد الكرف وسوت لهم سلمى شاهي نعناع وحب وبدأت فقرة الحش
بشرى بضحك : يويلي شفتوا صالحة كيف كانت تحترق لأنها م خذت فارس
ضحكوا البنات كلهم
هيام : والله اليوم حفلة صدق
سلمى : اف بنات اعرستوا كلكم وانا باقي
حنين : لاتستعجلين النصيب الطيب بيجيتس
سلمى : ظنتي ماهو بجاي
هيام ضحكت : استغفري عادتس محلتس
سلمى شهقت : استغفر الله واتوب اليه
الكل انهار ضحك
محمد دق ع بشرى
بشرى : لبيه
محمد : انا برا اطلعي
بشرى ابتسمت : يالله بنات استودعتكم الله والله يتمم لتس يحنين
ودعوها البنات وطلعت لمحمد
( اما بالنسبة لمحمد وبشرى تزوجوا في فترة عّدة هيام وكان زواجهم بسيط وحفلة صغيرة بين اهلهم وم تكلفوا حتى )
حنين طلعت لغرفتها تكلم فارس
لين : اف لعنه والله ان تسحب علي بتشوفون
البنات ضحكوا كلهم
بيان : خليها يختي تستانس م صدقت ع الله تجتمع بفارسها
هيام ابتسمت بحب : واااااه فارسها !! حبيييتت
سلمى : منجد ابي اعرف وش صار فالشوفة ! ياحننييينن
حنين سمعتها وهي تكلم فارس وقالت : هلا ي سلمى
فارس ابتسم : خلي سلمى في خير وكلميني انا
حنين استحت : معك والله اني معك بس اصبر اشوف وش تبي
حطت حنين ميوت وهي تحسب انها حطته صدق وغلطت وضغطت زر ثاني وكان فارس يسمع كل شيء
حنين نزلت للبنات وجوالها في صدرها وقالت : هلا
سلمى وهيام : قووليي لنا وش صار
حنين استغربت : وين ؟ فالشوفة ؟
هزوا روؤسهم البنات كلهم
حنين استحت وحكت لهم اللي صار وسط صراخ البنات
هيام كانت ماسكه صدرها بيدينها وقالت : يوييللليي والله وطلعتي جريئة يوسخة انا م قدرت ارفع عيني في عين رعد يوم الشوفة !
حنين : واللي يشوف فارس يجلس بدون م يضمه ؟ والله لا ادخله في ضلوعي بعد
الكل صرخوا بحماااس
فارس كان هايم في سواليفها وصوتها وقال : يحنيني تراني بنام وينتس ؟
حنين رفعت الجوال وشافت انها مهي ضاغطة الميوت وشهقت : يويللليي يسسممعع !
سلمى صرخت : اااييششش !
انفجروا البنات ضضحككك عليها وهي ضحكت ع غبائها ورفعت الجوال لأذنها وقالت وهي تتقطع من الخجل : استر م واجهت
فارس ضحك وقال : وش استر انا ودي اجيبتس عندي واعلمتس وشلون استر عليتس صدق !
حنين قامت وراحت لغرفتها وهي تتحسب ع سلمى اللي كانت تنكب الكل بدون اي مجهود
رعد دخل : يولد شوفوا لي طريق
لين فزت وقالت : اصبر وين بتروح ؟
رعد : غرفتي بأخذ جوالي منها
لين شافت الصالة مليااانه بالبنات وقالت : لا لا انا اجيبه
رعد صد وطلع وقال : اعجلي علي طيب
لين دخلت للبنات وقالت : هيام قومي جيبي جواله
هيام انصدمت وقالت : ليه م تجيبينه انتي ؟!
لين جلست : زوجتس مالي دخل انا تعبت منه طول حياتي م صدقت يعرس
هيام قامت ودخلت غرفته وقالت : امااا ذي غرفتتهه !!
كانت كبيييرة غرفته وكساها الاسود وريحة العود كانت اول مره تدخلها وشهقت اول م شغلت النور وشافت كل شيء يخص رعد فالغرفة ذي وقالت : ااااه مو طبيععيي حتى غرفته تجنن !
رعد بصوت مرتفع : يالييين اخلصي
لين فزت وراحت له : وشفييك
رعد ناظر يدينها وقال : وين جوالي ؟؟
شهقت لين وقالت : ارسلت هيام تجيبه والله
رعد ابتسم وقال : شوفي لي طريق
لين : مقدر الصالة مليييانه حريم
رعد : عادي بصد م بشوفهم
لين بخبث : لا انا خير شر م ابيك تشوف هيام ودخلت وسكرت الباب وراها
رعد فتحه ودخل : يوولللد
طلع مع الدرج والحريم ساكتين محد نطق انصدموا من دخوله
انبسط اول م شاف باب غرفته مفتوح ونورها شغال دخل وم حصل احد
كانت هيام في غرفة ملابسه وتتأمل كل شيء يخصه
رعد بصوته الرخّيم : ياهيامي
هيام فزت وهمست : يويللي ويلاه ذا متى جاء كيف شكلي الحيينن ؟
راحت لمراية صغيرة فالغرفة وضبطت شكلها وهي تدعي انها م تشوفه م كانت مستعدة ابدًا
لين جات تركض وقالت : ترا هيام تحت يحمار
رعد لف لها وضرب راسها بخفه : طيب لاتسبين وين جوالي
لين وهيام شهقوا لأن الجوال مع هيام في يدها
رعد : وشفيتس !
لين ابتسمت : تحت مع هيام
رعد ابتسم : طيب روحي جيبيه بجلس بغرفتي
لين ابتلشت : يخي اطلع برا
رعد احتدت نظرته : داخله غرفتي وتطرديني ؟
هيام كانت ماسكه الضحكة ومدت يدها من الغرفة ورمت جواله وراه وركضت لين اول م شافته وحضنته
رعد حاوطها وقال : شدعوة كل ذا شوق
لين اخذت الجوال من وراه وقالت : اي والله اشتقت لك
رعد شد عليها وقال : جعلني م انحرم منتس لا انتي ولا امي وحنين
لين باست راسه : ولا منك يخوي الان اجيب جوالك لك
رعد ابتسم : يالله تكفين استعجلي واذا جيتي دقي الباب بأخذ شور سريع
لين شهقت اول م شافت هيام فغرفة الملابس اللي يتواجد فيها حمام رعد وقالت بفزع : لاا اصبر اجيبه وبعدها تروش
رعد شك : بنت انتي مسويه شيء ؟
لين بأرتباك وهي خايفة رعد ينزل ملابسه ويلبس براحته بحكم انها غرفته وقالت : ايه
رعد فز : وش !!
لين سحبته : تعال معي طيب
رعد تركها وقال : نسيتي ان الحريم فالصالة ؟ وبعدين انطقي وش مسوية !
لين قربت تهمس له ونزل لها رعد عشان يتساوى في طولها واشرت لهيام تطلع من الغرفة وركضت هيام وصارت واقفة وراه
رعد ناظر عيونها وقال : والله م عندتس سالفة
ولف علطول ولفت هيام معه بحكم انه م يشوفها بس وقف اول م شم ريحة عطرها وقال : لين هيام هنا صح ؟
لين كانت فاتحه الباب وطلعت هيام ولفت له : هاه ؟ لا لا
رعد ابتسم وقال : يلعن ريحة العطر اللي تثبت صدق
لين ابتسمت وسكرت الباب وركضت لهيام
هيام برجفة : اه يويلي م اصدق اني نجوت
لين انفجرت ضحك وقالت : والله لا يدري ان يذبحني وبعدين مدري ليش افزع معتس وهو رجلتس يعني عادي تشوفينه !
هيام ضربتها : لا لا حمدلله انتس فزعتي لي
نزلوا للحريم اللي باقين كانوا ٣ حريم يقربون لأم فارس وام هيام وبناتهم
انتهت السهرة وراحوا الكل لبيوتهم وراحت هيام مع امها بعذر اني بجهز نفسي وهي اصلاً تبي تطول عشان م يشوفها ونظرته لها فالمطبخ كانت سريييعة جدًا م لحق فيها رعد يتأمل هيام
رعد طلع يلبس وشاف سوارة طايحة عند الباب حق غرفة ملابسه قرب واخذها وعرف انها لهيام بحكم انه شافها تلبسها مره وقال وهو يضحك : اهاااا توني استوعب ليش لين مرتبكة عشان هيام فالغرفة حقت ملابسي !
كمل يلبس ثوبه وطلع من البيت متجهة لبيت ابو هيام
رعد دق الباب ودخل : يولد يأهل البيت
طلع ابو هيام بكرهه وقال : خير يرعد وش جايبك فنص الليل
رعد : جيت اخذ هيام
ابو هيام : طيب اصبر اكلمها
رعد ابتسم : خذ راحتك
طلع ابو هيام للصالة وشاف هيام جالسه مع امها وقال : هيام رعد برا بيأخذتس معه
هيام فزت : لا لا باقي م تجهزت م بروح معه الحين
ابو هيام تفهم وراح لرعد
رعد : وشلون ماهي متجهزة ؟ ياعم طلعها لي بكلمها
ابو هيام بدأ يعصب : رعد توكل ع الله بتجيك بكرا
رعد عصب : شفييك تنافخ طيب ؟ زوجتي وبأخذها لي ٣ شهور م شفتها وكله بسبتك !
ابو هيام مسك راسه : رعد اقصر الشر واطلع البنت ماهي رايحة معك
رعد بصوت عالي : هيااام اطلعي اكلمتس بس
ام هيام ضربتها : روحي لرجلتس وراتس انتي !
هيام استجمعت نفسها ووقفت عن المراية تضبط شكلها وكانت جمييييلة والشعر الطويل لاق علييها وحلاها وطلعت لرعد
هيام : هلا رعد وش بغيت
رعد كان معطيها ظهره ولف بكل قوته وشافها وانكسر من جديد وقال في نفسه ( انا شلون فرطت فيها ! اه حسبي ع اللي كان السبب ) ابتسم وقال : بدال م تسلمين ع زوجتس تقولين وش بغيت ؟
هيام مثّلت الثقل وقالت : انا اسألك طيب
رعد لف لأبو هيام وقال : ياعم اذا تكرمت خلنا لحالنا
ابو هيام جد استحى ع وجهه وطلع وسكر الباب وراه بدون م ينطق بكلمه
رعد قرب منها وكان يمشي بخطوات ثابتة وقال : ارحبي يادهر قلبي ورجعانه
هيام ابتسمت : من يرحب يبقى وله فالصدر والخافق مكانه
رعد فتح يدينه لها ومشت هيام متجهة له وكانت قلوبهم تصرخ بفرح وبس يحلم انه يمسكها بين يدينه
شهقت هيام اول م سمعت طلقة نار و طاح رعد بطوله والدم يطلع من جسمه وفقد الوعي علطول
هيام كانت مفجوعة وصرخت بأعلى صوتها : ييببههه الححقق رعععدد !!!
ابو هيام طلع بسسرعة : وششففييه لا اله الا الله !
هيام بصراخ : اااهه ياقلببييي اهه يالرعد تكفى لاتموتت وتخلييننيي اهه يارعّودي م امداني احضنك ياااررب اجببرر قلببيي
ابو هيام مسكها وكان يحاول يدخلها وسط صراخها ودموعها كانت ملابسها كلها دم رعد
طلعوا اهل البيوت كلهم بعد الصوت اللي دوى في سمع كل فرد منهم وركضوا لصراخ هيام
فارس بخوف : ادخلي يهيام ادخخليي
ام هيام وسط دموعها سحبت بنتها ودخلتها
فارس : لا اله الا الله تكفى يالرعد لاتروح
ابو رعد : لاحول ولا قوة الا بالله كييف تصاووب ؟!!
ابو هيام : مدري والله دخلت وسمعت الصوت
كان كاسر مثبت رعد ع رجله ويرجف من شكل رعد وم قدر من كثر الدم اللي طلع يحدد مكان الرصاصة بس كان متيقن انها اكثر من طلقة وقال بصوت هز البيت : دقققواا ع الشررطة والاسعااافف !!!
فارس قرب ومسكه : خلاص دقينا اهدى
كاسر كان يرجف وهو م يبي يفقد اخوه وقال : تكفى يافارس لايموت رعد
فارس كان يتكلم بصعوبة وشد عليه وقال : تفائل بالخيير ياكاسر وان شاءالله انها سهالات
ابو محمد صرخ بصوت عالي : لحد يقول للحريم شيء سامععيين
الكل هز راسه بنعم
وصلت الاسعاف ونقلوا رعد علطول للمستشفى كان فاقد دم بكميات كبيييرة
المسعف : وش صارر !
كاسر : مدري تصاوب ومحد يدري مين اللي اطلق
المسعف : وانت مين ؟
كاسر ورعد كانوا يتشابهون بالملامح بشكل يخوف بس كاسر كانت ملامحه انعم شوي عكس رعد اللي كانت ملامحه حادة وقال بصوته الثقيل : اخوه الصغير
المسعف : طيب ممكن م نقدر نسعفه ترا
كاسر احتدت نظرته : هاااه !!
المسعف : انا اقول لك كم احتمال وابيكم تستعدون نفسيًا لأي شيء ممكن يصير للمريض
كاسر فز : تكفون لايموت اخوي !
المسعف : اخوك رعد انصاب بـ٧ طلقات مختلفة الاماكن بس اللي واضح لي ان بنية الجسدية اقوى وتحملها وم انهار للحين بس ممكن بعد العملية تصير لها مضاعفات يعني معاد يمشي او م يتكلم فهمتني؟
كاسر شهق وبكى وقال : حسبي الله عليهم ٧ ططلقات عيااال الحرامم
المسعف خبط ع ظهره وقال : الله يكون بعونكم
انتشر الخبر بسرعة والكل تجمع من اخوياء رعد فالشغل يساعدونه فالقضية ويطلعون الشخص اللي اطلق النار على العقيد
منصور : سلام عليكم ياعم
ابو رعد وابو محمد فزوا : عليكم السلام يالله حيهم
منصور : معكم اللواء منصور ال******
ابو رعد : ارحب والله حضرة اللواء
منصور ابتسم : والله م جيت الا علشان خوتي مع رعد وانشهد انه رجال كفو والله يطلع بالسلامة يارب
الكل : اميين
منصور : م ابيكم تخافون ان شاءالله بيطلع المجرم ونمسكه
ابو محمد : م تقصر والله
ابتدأت مهمة منصور والجنود اللي معه يدورون ع طارق اللي اطلق النار وهو ناويها في هيام بس كان رعد اضخم من هيام وغطاها واطلق عليه بدالها
نقلوا رعد العناية المركزة بأسرع الطرق
وقفوا كاسر عند الباب
تكلمت النيرس : You can't go inside !
" لاتستطيع الدخول الى الداخل "
كاسر فهمها وعرف انها تمنعه م يدخل وهز راسه بموافقة وجلس عند الباب يدعي لرعد
ابتدأ الطاقم الطبي يساعدون بعض ويطلعون الرصاص من جسمه وشافوا فيه علامات من قبل من ايام الدورات العسكرية كان فيه حروق بسيطة تاركه علامة عليه وطلقتين رصاص قديمة وعرفوا انه عقيد من اسمه
الدكتور : انتبهوا له عشان تخفف المضاعفات !
الكل وافق واستنفروا وبدت العملية واخذت ساعتين ونص
طلع الدكتور ووجهه م يطمن
كاسر فز بدموعه : ماات !!
الدكتور مسك كتفه : لا لا بس دخل غيبوبة مجهولة ولا نعرف متى بيصحى
كاسر انفجر يبكي وقال : اهم شيء هو عايش ؟
الدكتور ابتسم بضيق من حالة كاسر وقال : ايه حمدلله حالته مستقرة واخوك رجال وقوي واضح عليه ماشاءالله ولا محد يتحمل ٧ طلقات وطلقتين سابقة
كاسر تذكر اول م تصاوب رعد بداية مشوارة فالعسكرية وكيف تعب وكان بيموت وقال : حمدلله ع كل حال وحسبي ع اللي كان السبب
ماهي دقايق الا وامتلى السيب بأهل رعد
ام رعد وسط دموعها : وش صار يكاسر تكفى لا تكسرني بخبر وتفجعني
كاسر حضنها وقال : رعد بخير وحالته مستقرة بس دخل غيبوبة محد يعرف كم بيجلس فيها
ام رعد زاد بكائها
والكل انفجع من الخبر كان جزء فيهم فرحان انه باقي عايش وجزء فيهم يقول الله يستر لايموت من الغيبوبة او يجلس فيها معاد يصحى
فارس : حمدلله ع كل حال والله يصبرنا ع ما اصابنا وان شاءالله يطلع بالسلامة يالله تكفون روحوا للبيوت ارتاحوا وتعالوا بكرا وانا برافق معه
كاسر هز راسه بنفي : لا وال...
كان بيحلف بس حلف عليه فارس يروح
كاسر ضاق واتجهة لأمه واخذها واتجهوا للبيت
فارس لبس ودخل عليه وشافه من ورا القزاز كان شكله يحزن وكيف كان وكيف صار كان يتذكره قبل ساعات وهو يرحب فالضيوف وواقف وم عنده الا كل خير وعافية وقال بضيق : تكفى يالرعد لاتروح وتخلينا لاتروح وتخلي امك ولا خواتك ولاتخلي هيامك وتخلينا !
رعد كان فاقد الوعي وم يسمع ولا يشوف حتى
مر اول يومين والكل رايح وجاي يزورونه بس محد كان يدخل عليه بس يشوفونه من القزاز
ام هيام م سمحت لبنتها تجي وتشوفه كانت هيام في انهياار وتدعي ربها وكانت م تقوم من سجادتها : يارب وش سويت يارب عشان تمتحنيي في رعد يارب رده لي سالم غانم
كانت كل م تذكرت المشهد وكيف طاح رعد قدامها وم قدرت تسوي له شيء ترجع تنهار
______••______
مرت اسبوعين ورعد في غيبوبة وم صحى حتى ولا استجاب لسواليف فارس اللي كان يحكي له من اللي جاه اليوم ويحكي له كل شيء بحكم انه هالشيء يساعد رعد يستفيق
فارس بضيق : رعد قم يالرعد قم ماهو انت اللي تهدك طلقة رصاصة ! قم يالرعد
م كان من رعد اي استجابة وكان جثة هامدة
كانوا اهل رعد رايحين جايين من المستشفى للبيت ويطمنون هيام وهي تبي تروح له بس رافضين لأنها بتتعب اذا شافت حالته
هيام بعصبية ووسط دموعها : انا ابي اشوفه حرام عليكم اللي تسوونه فيني انا بتحمل كل شيء عشانه وبصبر بس خلوني اشوفه زوجي ترا ومن ابسط حقوقي اروح له
ام هيام ضاقت اكثر وقالت : يبنيتي حالته م تسر انتس تشوفينه والله بتتعبين
هيام بحرقة والم : يمه تكفين وديني له يمه قلبي يحترق والله ابي اشوفه واتطمن عليه تكفييين يميمتي
ام هيام م تحملت وقالت : يالله اجهزي طيب
طلعوا للمستشفى مع ابو هيام اللي فتح محاضرة ع بنته وانها لازم تصبر وببتوجع من منظره بس مع ذلك هيام م ترددت وكانت مصرة تشوفه
دخلوا القسم وراحوا لغرفة رعد دق الباب ابو هيام وقال : ياهل المحل
فارس فز : ادخل ياعم
دخلوا كلهم وهيام وراهم واول م شافته انهارت وطاحت عليهم تبكي بحرقة
فارس ضاق : يخالتي لييه تجيبينها م بتتحمل والله
هيام كانت ترجف بقوة وقالت : لا لا للاا تودونيي خلوني عنده شوي
ام هيام كانت تبكي من حالة بنتها وقالت : طيب يبنتي قومي ساعديني قومي قربي منه وشوفيه
هيام قامت بقوتها وقربت من رعد وطاحت ع صدره المكشوف واللي كان مليياان اسلاك واجهزة وبكت من قلبها وهي تقول : اه يالرعد لاتروح وتخليني تحسن علشاني تكفى لا يبدأ رمضان الا وانت معي تكفى م ابي يجي العيد وانت باقي م صحيتت تكفى ياكُلي !!
فارس خاف عليها وعليه وقال : ياعمي ابعدها م يصلح والله
ابو هيام وامها اخذوها وطلعوا للبيت بعد انهيار وصراع من هيام اللي كانت رافضة تطلع كان جسمه بارد وكانت خايييفة من فكرة فقدان رعد .
:::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم🤍
( البارت حزييييين جدًا ونهاية حزينة البارت الجاي ان شاءالله ينتهي الحزن احبكم 🫶🏻 )