يهزمني الحُب وانا جاهل بدرب المُحبين

البارت الخامس عشر

ابو هيام وامها اخذوها وطلعوا للبيت بعد انهيار وصراع من هيام اللي كانت رافضة تطلع كان جسمه بارد وكانت خايييفة من فكرة فقدان رعد .
________••_______
بعد اسبوع وكمل فيه رعد ٣ اسابيع فغيبوبة
"يوم الجمعة الساعة ٥ الفجر الموافق ٢٩ شعبان"
فارس : كاسر قم صل !
قام كاسر ودخل الحمام يتوضئ ورجع وصلوا جماعة
فارس : انتبه لرعد انا بروح اجيب فطور
كاسر كان دايخ وهمهم له : هممم طيب
فارس طلع يجيب الفطور وكاسر نام وحط راسه على سرير رعد
رعد فتح عيونه بخفه وكان يشوف اشعة الشمس الخفيفة من الشباك اللي قدامه لف براسه وشاف كاسر وقال بصوته المبحوح : كاسر
كاسر م رد وكان في سابع نومه
رعد زفر بعصبية : كااااسسرر
كاسر فز من النوم وشاف رعد فاتح عيونه صرخ كاسر بقوة : ررععععدد !!!
رعد ابتسم وقال : ايه رعد نسيتني ؟
كاسر تقدم وحضنه بقوة وتألم رعد وقال : وجع ابعد
كاسر وسط دموعه : حمدلله حمدلله يااارب حمدلله ع سلامتك يخوي الله يخليك لي ذخر وسند ولا افقد بسمتك م حييت
رعد ضحك : الله يسلمك يعيون اخوك ولا يحرمني منك
دخل فارس وقال : ولد كاسر تعال ساعدني
كاسر همس لرعد يرجع يسكر عيونه ونفذ رعد وهو اشتااق للحياة
كاسر : جيتك جيتك
دخلوا الفطور وجلس فارس ومسك يد رعد وقال : الله يشفيك يخوي ويردك لنا سالم
كاسر ضحك وهو مقدر يمسك نفسه
فارس قطب : شفيك انت ! وش فيك صحصحت قبل شوي دايخ !
رعد : ابد شافني صحيت
فارس فزز بقوة وصقع راسه في احد الاجهزة وصرخ : ررعععدد صحيييتتتت ؟؟؟؟
رعد ابتسم : لا بس امقلبكم وبرجع انام تستهبل انت !
فارس فز وحضنه وهو يبكي ويقول : يارب لك الحمد يارب حتى ترضى ولك الحمد عند الرضى ولك الحمد بعد الرضى اه يارب الحمدلله
رعد رفع يده وحطها ورا ظهر فارس وقال : م هقيتك تبكي علي يالفارس امسح دموعك يخوي لاتنكد علي
فارس ابتسم : والله انها دموع فرحة وم عاش من ينكد علييك
شهق كاسر وقال : عيال ابوي يدق
رعد ابتسم : هات هات الجوال انا بكلمه
كاسر مد الجوال له وقبل يرد شرب رعد موية وجلسوه بهدوء ورد وحط الجوال ع اذنه
ابو رعد : كاسر كيف حال اخوك ومتى تفتح الزيارة ؟
رعد : ارحححبب ي ابو رعد ارحب ي تاج راسي
ابو رعد فز وقال : ررعععدد !!
رعد : لبيه يعيون رعد
الكل صرخ فالبيت بحكم ان ابو رعد فاتح السبيكر
رعد شهق : يبه تكفون لحد يقول لهيام
ابو رعد وهو يبكي من الفرحة : ابشر يولدي الحين بنجيك كلنا
رعد : الله يحييكم
ام رعد وحنين ولين كانوا يبكون ويحضنون بعض
ابو رعد : يايبه
ابو محمد خلص صلاته وكان يتسنن وقال : هلا
ابو رعد : رعد صحى يبه
ابو محمد ابتسم : ماشاءالله الحمدلله يارب
ام محمد بدموعها : يالله لك الحمد لطف فينا وم ذوقنا فقدان رعد وفقدان عمود بيتنا
الكل : الحمدلله يارب
استنفروا كلهم يجهزون له ملابس واكل وطلعوا للمستشفى
_______••_______
محمد دخل غرفة رعد
محمد : سلام يعيال
كاسر اتفق هو وفارس مع رعد يمقلبونه بعد
ردوا : عليكم السلام
محمد بضيق : يوه للحين الامير نايم
رعد فز : تخسى وش امير !!
محمد شهق : بسسسسم الله !!
بعدها استوعب وصرخ : ررعععددد
رعد زفر بملل : خلاص شفيكم تصارخون بأسمي ايه رعد اييه
محمد قرب وباس خشمه بخشمه وقال : علي الحرام انها مرحبا في مرحبا توو رجعت لنا الحياة
رعد ابتسم : من يرحب يبقى والله م الحياة الا شوفتكم يخواني
جلسوا يسولفون وجاء الدكتور يكشف ع رعد
الدكتور : بسم الله ماشاءالله استعاد قوته وقام بدون مضاعفات الغيبوبة الحمدلله ع سلامتك ياباشا
رعد ابتسم : الله يسلمك
الدكتور عطاه مسكن وطلع
وماهي الا ثواني ودخل ابو رعد واهله بدون هيام وامها
ابو رعد قرب يبي يبوس راس ولده بس حلف رعد ونزل ابو رعد راسه لرعد وباسه
جلسوا كلهم وصاروا يسولفون معه وام رعد ماسكه يده وتسمح ع قفى يده وقالت : رعد م كلمت هيام ؟
رعد ابتسم : لا والله للحين الا بسألكم كم جلست انا ؟
حنين : ٣ اسابيع وزيادة
رعد ضاق : اوووه والله مر وقت
فارس بمزح : ايه وتزوجنا انا وحنين
رعد لف له بقوة : يالخااااييييين
فارس انفجر يضحك : امزح امزح الله يقطعك
رعد رماه بالمخدة اللي عنده : سامج م تضحك
محمد فز : هيام تدق تبي تكلمها
رعد ابتسم : ياهيييه يالهيام هاتها
ام رعد فزت : امشوا كلكم خلوهم يأخذون راحتهم طلعوا الكل ورفع رعد الجوال لأذنه ورد
هيام ببكي : محمد طمني ع رعد تحلمت انه صحى تكفى طمني
رعد مسك قلبه وقال في نفسه ( تحلمت اني صحيت ؟ يكثر الحب يهيامي )
هيام زاد بكائها وقالت : محمممد شفييك م تتكلم لايكون صار له شيء !
رعد ابتسم : اييه صار لي انتس اوجعتيني بصوتتس اللي اشتقت له
هيام سكتت وقالت : يمه محمد صوتك كأنه رعد يمه !
رعد : انا الرعد ياكُل هيامي
هيام شهقت : رععووودييي
رعد ضحك : ياروحه وقلبه وكُله
هيام بكت : رعد صحييت يارعد ! صحيييت قبل رمضان بيوم اه يرعد وحشتني يرعد تكلم معي لاتسكت اخاف افقد حسك مره ثانيه
رعد : يالبيه ياهيامي م عاش من يخليتس وراه والحمدلله ربي اراد لي عمرٍ احياه جنبتس ياكُل عمري
هيام ضحكت وعورت قلب رعد بضحكتها وقال : ياجعلني فدوة لضحكتها ياعرب وفدوة لمبسمها تعالي ياهيامي تعالي خلي روحي تتجدد بشوفتتس
هيام : ابشر والله ان اجيك ابشر
رعد : تبشرين بالجنة يعيوني
هيام : ويدي بيدك يارب
سكر رعد ناد فارس وقال : اسأل الدكتور كم يبي لي ؟
فارس شهق : تستهبل ! تبي تطلع
رعد : ايه ابي اطلع مقدر اتحمل والله
فارس : طيب
طلع فارس وقال الدكتور : ماشاءالله استرد طاقته والله وجسمه العقلي والجسدي والحيوي كلها مستقرة وكويسسة جدًا عشان كذا بعطيه يومين
فارس هز راسه بـ" فهمتك "
دخل فارس بعد م راحوا اهل رعد واهله
فارس : يومين يرعد
رعد زفر بضيق : الليلة بتهربني سامع !
فارس شهق : تستهههببلل !
رعد ابتسم : والله م تأخذ حنين اذا م هربتني
فارس ابتسم : اووه جوي تهددني بحنيني
رعد : ايه اهددك بحنينك
فارس اشر بأصبعه ع خشمه وقال : ع ذا الخشم والله لا اهربك
رعد : كفو ذيبان والله
فارس جلس : اه الله يقوي صبري عليك
رعد ابتسم ومسك لحية فارس ومسحها وبيده وباسها وقال : الله يخليك لي
فارس فز وباس راسه بحكم ان رعد اكبر من فارس بـ٨ شهور وقال : ولا منك يالرعد
جلسوا ساعتين ودخل محمد وقال بصوت عالي : فارس اطلع هيام بتدخل
فارس طلع ودخلت هيام تركض لرعد استوقفتها يد رعد اللي حط يده قدامه وقال : وقفيي
وقفت هيام مستغربة وقالت : شفيك ؟
رعد فك الاجهزة والاسلاك من صدره وترك ابرة الغذاية اللي كانت ع قفى كفه ووقف ومد يدينه لهيام وقال : قربي مني يهيامي ادخلي بحضني وجددي روحي تعالي ياهيام الرعد تعالي
هيام ركضت وحاوطته بيدينها وشدت عليها وبكت وقالت : حمدلله ع سلامتك يروح هيامك حمدلله علييك وعساها اخر اوجاعك
رعد شد ع خصرها وقربها له وهو يبيها تدخل فضلوعه وقال : بس دموعتس لاتنزل بس ياهيام لاتنكدين علي اضحكي وانبسطي اليوم قدرت اكمل الحضن اللي كان ناقص وقدرت المستس واقربتس من حضني بعد اربع شهور فراق اليوم يومنا لاتبكين
هيام ضحكت وقالت : اه يالرعد والله انك خوفتني عليك كل يوم ابكي وادعي ربي تطلع سالم والله اني انهرت اول م طحت قدامي وم قدرت اسوي لك شيء امتلت ملابسي واختلطت بدموعي وبدمك كان منظر مفجع
رعد ابتسم وقال : اه ذاك اليوم اه صدق كنت احاول اوقف عشان م تخافيين حتى اسمتس م قدرت انطقه وطحت بس حمدلله عدت ع خيير
هيام ابتسمت : اي والله الحمدلله
بعدت وجهها من كتفه وحطته قدام وجهه وقالت : اعنبو غيرك حتى وانت صاحي من غيبوبة وجهك حلو !
قرب رعد وباسها بوسة تعبر عن شوقه لها وشوقه لكل شيء يخصها من صوتها وحركاتها وشكلها وشعرها ووجهها وشامّتها وغمازاتها اشتاق لكل شيء فيها وبعد منها اول م طلبته يبعد عشان تتنفس
كان وجهها احمر وتتنفس بصعوبة وقالت : رعد
رعد كان هايم فيها : يعيونه
هيام : متى بتطلع ؟
رعد ابتسم : الليلة
هيام ابتسمت وباست راسه وقال : اليوم عييد برجوعك يدنيتي
رعد ضحك وقال : اووهو يهيامي كذا كثييير علي والله كثييير
محمد دق الباب وقال : يولد ادخل
هيام بعدت من رعد وقالت : ايه ادخل
محمد دخل وانصدم وهو اول مره يشوف فرق الحجم بين رعد وهيام كان فرق كبيييير كانت هيام صغيييره جنب رعد وقال : يويلي يرعد ارفق بأختي ماشاءالله تبارك الله
رعد م فهم وقال : وشو شفيك !
محمد ابتسم : فرق البنية الجسدية وفرق الطول
رعد ضحك : ايييه انا رجل وهي انثى
محمد : انشهد انك جسّدت الرجال وهي جسّدت الاناث المهم مو موضوعنا جاهز بنهربك ؟
رعد ابتسم : ايه جاهز
فزت هيام : نعممم !!
رعد شلها بين يدينه وقال : اص عشان م اسوي شيء مستحييل يعجبتس
شهقت هيام اول م رفعها رعد من الارض وقالت : نزلننيي اخاف اعورك
ضحك رعد : انتي تعوريني ؟
ضربته هيام بخفه : ايه انا وشفييك علي
محمد ابتسم : نزلها وبسرعة اجلس ع العربية
نزلها رعد ودخلت هيام الحمام حق الغرفة عشان تضبط نقابها وطلعت وم كان فيه احد فالغرفة
هيام : حقيرين طيب انتظروني !
طلعت تمشي وضيعت الطريق وقالت : يوهه ويينكم اف
طلعت جوالها ودقت ع محمد ورد
محمد : هلا يبنت وينتس ؟
هيام : خيييير سحبتوا علي !!
رعد : محمد عطني اكلمها
محمد مد له الجوال ورد رعد
رعد : هيام وينتس
هيام كانت تتلفت يمين ويسار : لو يهمك عرفت !
رعد ضحك : اف اف مسرع زعلتي
جاء ممرض كان وسيييم بشكل يوجع وطويل بس نحيف وقال : كيف اخدمك ؟
هيام لفت له وقالت وهي تضحك : اوه الله يسعدك ضيعت والله
رعد بعصبية : هييااام من تكلمين
هيام ابتسمت وسكرت في وجه رعد
الممرض : تعالي معي
مشت وراه هيام ووصلها للمخرج
هيام : يالله م ادري كيف اشكرك
الممرض : ماله داعي والله م سويت شيء
هيام ذابت في تعامله كان رااااقي وجميييل وقالت بهمس : اعنبو حظها اللي بتأخذك
الممرض ابتسم وهو سمع وش قالت وقال : ابد حاضريين لك
هيام شهقت : لا لا مو انا انا متزوجة
الممرض تفشل وهيام تفشلت ولفوا وكل واحد مشى بطريق
اما عند رعد كان يفورر من العصبية ويقول : ابععدووا مني يخي بروح اشوف وينهاا
محمد بعصبية : لو يشوفونك بيرجعونك الغرفة !!
هيام جات من وراهم : يالخونة
فارس ضحك : اقول اركبي
هيام : اص بس
رعد لف لها : من كنتي معه ؟
هيام ضحكت تحت نقابها وقالت : واحد يجنن ساعدني ووصلني للباب من الدور الثاني
رعد ابتسم ع جنب وقال : يجنن ؟
هيام شهقت وهي تمّثل الغباء : اوه اسفه بالغلط
رعد : لا لا خليتس انا بعلمتس كيف يجنن
هيام قطبت : شتقصد ؟
رعد ضحك : بتعرفين بعدين
ضحكوا فارس ومحمد وقالوا : يهووه موجودين ترا
رعد ضحك : الله اكبر كلكم متزوجين !
فارس ركب يسوق : ايه بس مو كذا يالغالي
محمد ابتسم : تشوف
رعد : ايه ايه مسويين محترمين
هيام همست لمحمد : وش يقصد يخي ؟
محمد همس لها : هيومه وش يسوون المتزوجين مع بعض ؟
شهقت هيام وحطت يدها ع فمها وقالت : رعععدد
رعد انفجر ضحك بتألم وقال : يعييوونه
هيام كان وجهها الوااان واحترت وهمست بأذنه بحكم انها وراه وقالت : هيين خلك تحرجني ووالله م اخليك تقرب مني يحيوان
رعد لف ومسك خشمها بقوة وقال : م اخذ اذنتس انا ترا
هيام تألمت وقالت : اتررك خشمميي
ضحك رعد وباس يده
ووصلوا البيت والكل مجهز والكل موجود
ابو رعد : ارحببووا بس م كأنه بدري
رعد لف للعيال : اسكتوا لحد يعلمه
ضحكوا وقال فارس : الدكتور قال عادي يطلع بس م يهمل ادويته
ابو محمد : ايه اشوا احسبكم مهربينه نفس م هربتوا محمد يوم انكسر
محمد شهق : يويلي ذا كيف يصيدنا
سمعه ابوه وقال : مهربييينهه !!!
فزوا العيال وركضوا ورا ام محمد
ام محمد : وخروا والله م تلمسونهم رجال الشنبات تخط وجيههم وانتوا تضربونهم !
ابو محمد : وخري ي مها
ام محمد : والله م اوخر وش بتسوي ي قاضي
ابو محمد مسح وجهه وتشمر وجاء يركض ودخل وراها وضربهم بعصاته
رعد انفجر ضحك بتألم : اه ي جد توني طلعت
فارس كان منصرع ضحك ومحمد مو اقل منه
ابو محمد : قوموا الرجال جاو قوموا
رعد فز وقال : بروح ابدل واجيكم
فارس ومحمد استقبلوا الرجال بمساعدة كاسر وعيال عمهم
رعد طلع لغرفته وشاف هيام فيها تجهز ثوبه
رعد ابتسم : ماشاءالله ع القوة
هيام لفت له وكانت جمييييلة ولابسة فستان اسود حرير وريحة عطرها ملت ارجاء الغرفة ومكياجها كان جريئ وقالت : الله يقويك يارب
رعد : والله م ظنتي بعد شوفتس استقوي
هيام ضحك وحطت شعرها ورا اذنها وقالت : كيف شكلي
رعد : اعنبوتس بتذبحيني انتي ارحميني وحني اني توو طلعت من غيبوبة والله ويشهد ربي علي اني م الوم العذاال فيتس
هيام ضحكت وقالت : خلاص رعد لو قلت حلو بس بيكفي والله
رعد قرب منها وباس راسها وقال : والله اني م كذبت وكل حرف اقوله يعجز انه يوفيتس
هيام بعدت منه اول م سمعت البنات ينادونه وقالت : اسمع تجهز واذا خلصت نادني عشان ابخرك
رعد وقفها : وين وين ؟ مقدر البس لحالي
هيام شهقت : اماانه
رعد ابتسم بخبث : والله تعالي ابي اتروش وبعدها بلبس
هيام زفرت بخجل : ررعدد جاك حب الشور الحين !
رعد ضحك ومسك يدها : امشي بس
هيام وقفته وربطت شعرها وقالت : يالله امش
دخل رعد يتروش وكانت هيام حوله وتساعده وخلص ولف المنشفة ع خصره وطلع وهي معطيته ظهرها ولفت : اوه خلصت
رعد ابتسم : ايه وشفيتس
هيام كان وجهها يحترق من منظره كان حتى وهو تعبان يجذب بشكل مرعب وقالت وهي تايهه بين ملامحه وجسمه : هاه لا ولا شيء بس اسأل
رعد مر من جنبها وطلع
هيام دخلت الحمام وسكرت عليها وصرخت صرخة مكتومة في وحدة من المناشف وقالت : اااااه يويللليي ييجنننن يارب الثباااتت
طلعت وهو لابس السروال والفنيلة ويجهز ثوبه
هيام بتوجع : تكفى لا لاتلبس اسود اعنبوك ارفق بي
رعد ابتسم : ععششننا ارفق بتس وانتي بتذبحيني بالأسود
هيام : ايه بس انت غييير يخي وم بتجذبني بس بتجذب كل البنات تحت وانا احترق يرعد عليك
رعد لبسه وقال : واذا كثروا كل البنات الزيين واحد والزين ذا اشوفه قدامي واقف وكل حركه يسويها يخطف روحي
هيام ابتسمت وقالت : قرب مني ببخرك
رعد قرب وهو يسكر الكبك حقه وقال : بخريني جعل م يبخرني غيرتس
هيام كانت قريبة من وجه رعد بحكم انها لابسة كعب طويل وقالت : شرايك صرت طولك
رعد ضحك وقال : يعيوني انا منزل نفسي لتس
رجع رعد يرفع ظهره وبان فرق الطول حتى وهي لابسه كعب زفرت بضيق : عادي حلو طولك وعاجبني
رعد ضحك وراح لتسريحة وشخّص شماغه وتعطر بالعود ومد يده لهيام وقال : انزلي معي
هيام مسكت يده وسكرت النور وقفلت الباب ونزلوا مع بعض
حنين ابتسمت : الله وحشتونني مع بعض
هيام ضحكت : شفتي حتى انا اشتقت اشوفه جنبي
كان رعد ع جواله وابتسم وباس راس هيام
جات بشرى : ماشاءالله يحلوكم مع بعض
رعد لف لها وطول وهو يناظر فيها وقال : شخبارتس يبشرى
بشرى ارتبكت : بخير وانت ؟
رعد ابتسم : حمدلله بخيير
بشرى راحت علطول وبدون م تفكر فيه اصلاً
هيام كانت تناظره كذا 😑 وقالت : شخبارتس يبشرى
طاح رعد يضحك وقال : اهجدي احسن لتس
هيام بعصبية : يشيخ طييير
دخلت للحريم ورعد طلع للرجال ورحبوا فيه كلهم وجلس في صدر المجلس
::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( عطوني رأيكم فالبارت منجد لأني تعبت فيه احبكم بينزل بارت ثاني فالليل على الساعة ١١ وبيكون طوييل وفيه اجزاء حللوه 🫶🏻 )