Unicode
ထူထဲသိပ်သည်းလှသော မြူစိုင်ထုပျောက်ကွယ်သွားပြီဖြစ်၍ ယခင်ကသတိမပြုသော အောက်ခြေကအရာများမှာ ရှင်းလင်းစွာပေါ်လို့လာသည်။
ရွှမ်းမင်သည် လမ်းကြောင်းတစ်လျှောက် ပုံပျက်နေသော မြက်ပင်များကို ကြည့်ပြီး
"တစ်ယောက်ယောက်ရောက်လာခဲ့ပြီးအခုတော့ပြန်ထွက်သွားပြီ"
【အသိသာကြီးကို! ဘယ်သူမဆိုကြည့်လိုက်တာနဲ့သိတယ်】
ရွှဲရှန်နှာမှုတ်လိုက်ပြီးနောက်
【နေပါဦး... တစ်ယောက်ယောက်ရှိနေတာ?】
"ဘယ်သူကလာရဲမှာလဲ? သေချင်နေကြတာလား?"
ရှီထို့ကျန်းသည် ဇဝေဇဝါရေရွတ်ပြီးမှ ရွှမ်းမင်စကား၏ အဓိကကျသော အကြောင်းအရာကို သဘောပေါက်သွားသည်။
"လာပြီးပြန်ထွက်သွားတယ်? အသက်ရှင်ရက်နဲ့ပြန်ထွက်သွားတယ်?"
ကံမကောင်းအကြောင်းမလှ၍ ရောက်လာသူမှလွဲပြီး တစ်ပါးသူမရှိသောနေရာ။ ထိုနေရာမှ အသက်ရှင်ရက်နှင့် ပြန်ထွက်လာနိုင်သူဆိုလျှင် သာမန်သူတော့မဖြစ်နိုင်။
"သူ့ကိုလိုက်ရှာနေတဲ့နောက်တစ်ဖွဲ့မဖြစ်နိုင်ဘူးလား? ဒီနေရာအထိတောင်လိုက်လာကြတယ်..ဘယ်သူတွေဘယ်လောက်များများကိုအပြစ်ပြုခဲ့လဲမသိဘူး..ရောက်ပြီးပြန်ထွက်သွားကြပြီဆိုတော့ကိစ္စပြတ်ခဲ့ကြပြီနဲ့တူတယ်..အပြတ်ရှင်းပစ်လိုက်ကြတာမဟုတ်ဘူးဆိုရင်ဖမ်းခေါ်သွားကြလောက်မယ်..မဟုတ်ရင်ဒီမှာရှိမနေတာလဲဖြစ်နိုင်တယ်"
ရှီထို့ကျန်းသည်ငတုံးမဟုတ်။ စကားဖောင်ဖွဲ့လွန်းသူသာဖြစ်သည်။ သူ့ပါးစပ်တစ်ခုတည်းနဲ့တင် လေးယောက်သားကိုယ်စား ဖြည့်ပြီးသားဖြစ်သည်။
ထို့နောက် ရွှဲရှန်သည် လုညန့်ချီကိုတစ်ချက်ကြည့်လိုက်၏။
ရှေ့ဖြစ်ဟောခဲ့သည်မှာမှန်မမှန် မဟုတ်လည်း နောက်တစ်ခါထပ်ကြည့်စေချင်သည်လို့သာ လုညန့်ချီယူဆလိုက်သည်။ လုညန့်ချီစကားပြောမည်ပြုချိန်တွင် ရွှဲရှန်သည် အမြန်အကြည့်လွှဲသွားပြန်၏။
YOU ARE READING
Copper Coins《铜钱龛世》
Historical FictionNovel : tongqiankanshi(铜钱龛世) Author : Mu Su Li 木苏里 English translator : jiaqikangjiaqi Chapters : 102+extra တသီးတသန့်နေရတာသဘောကျ၍တည်ငြိမ်သူဘုန်းတော်ကြီးရွှမ်းမင် (ဘုန်းတော်ကြီးအစစ်မဟုတ်)နှင့် အများနှင့်မတူတမူထူးခြားသောဒေါသအိုးရွှဲရှန့် MC(shou) is h...
