يهزمني الحُب وانا جاهل بدرب المُحبين

البارت التاسع عشر

هيام هزت راسها بموافقة وهي تضبط شكلها وتنتظر بحماس يوصلون وتشوف البنات
________••_______
ماهي الا دقايق ودق رعد بواري سيارته وفتحوا له العيال البوابة
فارس : يالطيب باب الحريم مناك
واشر بيده لليمين كان فيه باب صغير ومردود
وقف رعد بسيارته ونزلت هيام واخذت شنطتها الصغيرة واتجهت للباب ودخل رعد سيارته
فارس : ارححبب
رعد ابتسم : البقى يالشيخ
سلموا ع بعض واتجهوا للمجلس وسلم رعد ع الكل وقعد في صدر المجلس
فارس : ورع رعد لاتسوي رسميات امش برا نلعب كورة
رعد تشمر ورفع ثوبه وقال : اخر اثنين يطلعون من المجلس هم الحراس
كل الشباب طاروا للباب ركض كان رعد وفارس اول ناس طلعوا ولف رعد علطول وهو يضحك يبي يشوف مين اخر اثنين وكانوا ضاري ومحمد
رعد اعتلت ضحكاته الحوش وقال : يالله انت وياااه قدامي
محمد : استح ع وجهك حنا اكبر منك
ضاري بضحك : وهو الصادز
رعد ابتسم : طيب اكبر مني تعال وقف قدامي
كان رعد اطول واحد واعرض واحد محد يوقف قدامه
محمد ضحك : اذا ع كذا اصير حارس ورجلي فوق رقبتي
الكل :هههههههههههههههههههههههههههههههههههههههههههههههههههههههههههههه
رعد صفر بقوة : بدييينا
وابتدأ اول شوط وكان م فيه اي قوانين ولا احترام للكورة والكل اهم شيء يسجلون ويحتفلون ويضحكون
" عند البنات "
كانوا فوق السطح ويشوفون العيال بوضوح
بشرى بضحك : عزتي لحمود اضطهده رعد
الكل انفجروا يضحكون
حنين : واي حمدلله فارس سريع وطلع مع رعد علطول
هيام : ودي اعرف وش صار عشان يطلعون ركض
لين بضحك : حبيبتي هيام م تدرين وش كان رعد يسوي فينا يقول اخر واحد ويحط عقاب ويالله يدزها
هيام ضحكت : يويلي شفيه ذا
العنود بضحك : صدق حمدلله سالم م صار الحارس ولا بيفقعون وجهه نحيف وطويل تقول عمود كهرب
الكل انهاروا ضحك
وقالت بشرى وهي دموعها تصب : يحمارة تذبين ع رجلتس
العنود : وش اسوي الصدق
هيام وسلمى كانوا طايحين ع الارض ويبكون من الضحك
سلمى وهي تمسح دموعها : اااااه يبننااتت م اتحممللل ذبتها حللووه الكلبة
هيام كانت تضحك بشكل مرعب ولا قدرت تتحكم بنفسها لحد م انهارت تبكي
حنين بضحك : هيام من قوة الضحك بكت
هيام وهي تسمح دموعها وترجف : اه حسبيها ربي العنود
العنود ضربتها بخفة وضحكت : خير وش سويت محد قالتس تضحكين وبعدين شوي شوي لاتموتين علينا
هيام مسكت يد العنود وقامت راحت للحمام
سلمى وحنين كانوا يناظرون العيال بعد م خلصوا وكانوا جالسين في نص الملعب
حنين : بنات امشوا ندخل نسبح
سلمى : اي والله قدام
اتجهوا البنات للمسبح وراحت سلمى لهيام ودقت باب الحمام
هيام فتحت الباب وطلعت : هلا سلوم
سلمى : بتسبحين معنا ؟
هيام بحماس : يالله !!
سلمى دقت كفها : كفوو
هيام سابقت خطوات سلمى وهي تقول : كفوتس الطيب
بعد ساعة طلعوا البنات وجلسوا فالحوش حول النار بحكم انهم شتاء والجو يبرد فالليل وكانت الساعة ١٢
هيام صبت لنفسها هوت تشوكلت وجلست وقالت : بنات احد عنده سالفة ؟
بشرى : شعندها هيام سولفي لنا طيب
هيام : ايييييهه
الكل لف لها بحماس : وشش؟
هيام : رعد طلع شاعر يبناات
حنين صرخت : كذذاااابببههه
سلمى والبنات : ععشششننااا
هيام ضحكت : والله حتى انا انصدمت
بشرى : شلون شاعر م فهمت
العنود بضحك : يغبية يعني يقصد في هيام
بيان بحماس : طيب عطينا من الشعر اللي قاله لتس
هيام قطبت وهي تحاول تتذكر : اممم مدري نسيت
الكل قاموا عليها يضربونها
هيام : اح يحمير ابعدوا مني
حنين بنرفزة : وجع ليت لين معتس وسمعت والله م تنساه
لين لفت لها بقوة : خيييير
الكل ضحكوا من جديد
سلمى : وهي صادقة وش خير
لين بعصبية : علتبن ي سلومتي !
سلمى ضحكت : اهم شيء تدلع اسمي
حنين ضحكت : اييييه
هيام : الوقت تأخر والرجال باقي صوتهم طالع اعنبوهم م خلصت طاقتهم
سلمى : يختي ابي افهم شدخلتس ؟
هيام تتصنع الدلع : تعرفيين حبيبي رعد يمكن يتعب
الكل رمى الوسايد الصغار عليها
حنين : وجع الله يقرفتس
العنود : اعنبوها محلى الدلع عليها
سلمى ضحكت : تششووفييين حتى وهي تمزح يجنن !
هيام استحت وقالت : اف بنات خلاص مدري الاقيها منكم ولا من رعد
فارس بصوت عالي : يوللدد
سلمى انفجرت ضحك : شكل رعد نقل العدوى
حنين ضحكت بصوت مرتفع : الله ياخذتس ي سلمى
فارس ابتسم وقال بصوته الثقيل : ييوووه يالضحكة
حنين قامت وفتحت له : عيوني
فارس : تسلم عيونتس اسمعي بيدخلون رعد وسالم وضاري ومحمد لحريمهم
حنين : هاه ؟ وشذا كله مداهمة
فارس ضحك : محمد حجز الشالية وفيه ١٠ غرف نوم واخذ اكبرها للمتزوجين عزتي لي ولتس
حنين ضربته بخفه : احسن م سوا انقلع للمجلس يالله
فارس احتد صوته : لاتخليني ادخلتس معي المجلس ! تراتس حلالي يغبية
حنين سكرت الباب بسرعة وقالت : انننن م تقدر
فارس راح وهو يضحك وقال : يالله ياعيال تتهنون
رعد قام وهو منفس : اقول توكل لا ادق وجهك تراك غاثني من ليل
فارس : اقووول لاتخليني اقوم علييك
رعد وقف في وجه فارس وكانوا الاثنين قريبين من بعض بس رعد اطول وقال رعد : وش بتسووي !
فارس مسك فك رعد بقوة ودف وجهه وقال : اذلف من وجهي
رعد رجع يلف له بقوة ومسك رقبة فارس وصرخ عليه : فااارررس اععقققلل !!
فارس كان جدي وفك يد رعد بصعوبة وصرخ في وجهه : رععد العن الشيطان اللي راكبك !
رعد بحدة : الله يلعنك !
ضاري فز ومسكهم : يعيال العنوا ابليس الشيطان شاطر
فارس بعصبية : وشو له ذا كله عشان حطيت المنديل في اذنه بمزح !!
ضاري : خلاص يفارس خلاص
محمد قام ومسك رعد لأنه واحد م بيقدر عليه
رعد صرخ : قللتت للك م ادااانيي الحركة ذيي وترججعع تسووييها يالحرمه !!
فارس انفلت عليه وضربه ع خشمه وقال : انت الحرمه يالحيوان !!
رعد ابتسم ع جنب وهو ماسك خشمه
صرخ محمد : ضااارريي دخلل فاررسس المجلسس
ضاري سحب فارس معه تحت مقاومة فارس ودخله غصب عليه وسكر الباب عشان رعد م يجي
محمد كان ماسك رعد بقوة وقال : خلاص يالرعد م يهون اللي تسويه في اخوك وغلطت يوم قلت له حرمه !
رعد فك يدين محمد بسهولة وقال : ايه حرمه شوفه راح خايف ضربني وراح
ورفع رعد صوته وهو يقول : يالفارس اذا انت على رجال اطلع
ضاري : معليييك منهه اجلسس
فارس : وخرر مننيي !
ضاري : فااررس انت م تعررفف رعد والله ليذبحكك !!
فارس دف ضاري بقوة وطلع وقف في وجه رعد وقال : انا رجال وعلى رجال وشعندك ؟
رعد دق راسه في راس فارس بخفه وقال : والنعم فييك وفي ابوك جعله فالجنة
فارس كان يفور وقال : معلييك زود
رعد تقدم وباس خشم فارس قبل يمنعه وقال : تمون على رقبتي يالفارس ولو انه غيرك كان دفنته
فارس بعصبية : غصبن علييك
رعد ضحك ولف بيطلع بس فز اول م نقز فارس عليه يحضنه وقال : والله م يهون علي تروح وانت متضايق يكلب
محمد : الله يشفيكم
طلعوا سالم وضاري ومحمد واتجهوا للباب الفاصل بين قسمهم وقسم الحريم
رعد ضحك وقال : م زعلت بس نرفزتي ويالله اذلف نام لحالك
فارس بمزح : يوه يالرعد شرايك انام بحضن اختتكك
رعد فز واحتدت نظرته : اعععققبب
طاح فارس يضحك وقال : يحمار تراها زوجتي
رعد دقه برجله بخفه وقال : اذلف بس
قام فارس وراح للمجلس مع كاسر وذيب وزايد
محمد دق الباب وقال : يولد
فتحت ام محمد : ادخلوا م فيه احد
دخلوا العيال ورعد وراهم
سالم شاف العنود وراح لها وسكروا الباب
وبرضو ضاري شاف عياله وراح يركض لهم ويلاعبهم ودخلهم الغرفة وشاف خولة زوجته داخل وسكر الباب
محمد كان يعرف الغرفة اللي اختارها هو وبشرى وراح علطول بدون م يدور ويتعب راسه
اما رعد اللي وقف الصالة وجلس يناظر الغرف بصمت وقال : ابلش وين احصل هيام الحين !
عند هيام وحنين وسلمى كانوا فالسطح ناويين يكملون للفجر عشان يشربون مويه
سلمى : هييااامم !!!
هيام لفت لها بقوة : ووججعع
سلمى : كييف بتصومين بكرا وانتي كاذبة ع رعد !
هيام ضحكت : حشى كم صارلي كاذبة عليه بقول تروشت وخلصت
حنين : والله انتس قوييية انا مقدر اكذب احس يوضح علي
سلمى : اييه يوضح عليتس بس هيام حيوانه م تعرفين اذا هي تكذب ولا صادقة
هيام صارت ترفع حواجبها وتقول : هاهاهاييي موتوا
سلمى : اقول اص لا اقوم
حنين : غريب للحين م جاء رعد
هيام : شكله تحت اصبروا اروح اشوف
نزلت هيام للدور الاول وشافت رعد جالس ع طرف الكنب وعلى جواله
هيام : رعد جيت
رعد لف لها بهدوء وقال : ايه
ورجع يناظر جواله استغربت هيام وقالت : تبي تنام ؟
رعد م ناظرها وقال : ادخلي لحد يجي يشوفتس
هيام م حبت تجاهله وقربت شوي ووقفت وقالت : هذي غرفتنا واشرت بيدها
وناظر رعد الباب وقام ودخل الغرفة بدون م يسكر الباب
هيام طلت براسها وقالت : اسمع بطلع للبنات وانت نام لاتنتظرني
رعد كان متجاهلها بدون سبب وكان يوجع هيام
هيام قربت ونزلت رجوله وجلست في حضنه وقالت : انا مزعلتك بشيء
ابتسم رعد بتعب وقال : لا
هيام شهقت اول م حست بحرارة رعد وحطت يدها ع جبينه وقالت : يييوييلليي تعبااان
رعد : لا يبنت الحلال بس تغير الجو علي
هيام حضنته : يروحي التعبانين انا
رعد ضحك بخفه وحاوطها وقال : خليتس كذا والله اشفى علطول
ضحكت هيام : حتى وانت تعبان تغازل
قامت وراحت تجيب مقياس حرارة من عند خولة عشانها الام الوحيدة اللي عندها صغار ورجعت ركض
هيام : رعد افتح فمك وارفع لسانك
رعد تقرف : يع وشذا من وين جبتيه ؟
هيام ضحكت : معليك كل واحد يستخدمه يتبدل وينلبس شيء ثاني وجديد
رعد فتح فمه رفع لسانه وحطت هيام المقياس وطلعت حرارته " ٣٨ "
هيام : وه يناسو حرارتك ٣٨ وطحت علطول ماش
رعد م طاح على قولتها بس تخدرت عيونه
رعد : يشيخة انتي لا تتعبين تعب بسيط انهرتي علينا
هيام حطت خشمها بخشمه وقالت : اذا بتعب منك جعلني دوم تعبانه
رعد ابتسم وقال : بنام انا اذا طلعتي سكري الباب معتس واذا جلستي تعالي بحضني
هيام : لا والله بقوم مع البنات
رعد : لمتى ؟
هيام : صلاة الفجر عشان نشرب مويه قبل الاذان
فز رعد بقوة واحتدت نظرته واعتلى هيام وقال : ككيييفف تصوومييينن !!!
هيام ماتت رعب وكان رعد كاتمها وقالت : رعد استهد بالله خلصت يرعد خلصصتت
رعد قرب منها وقال : كنتي تكذبين عليي صح !
هيام تجمعت دموعها ونزلت وقالت : لا يرعد لاا تخلص ترا وانا اليوم خلصت وتروشت وطهرت ابععدد يرعد كتمتنيي
رعد بدا يرفع نفسه بخفيف وقدرت هيام تتنفس بس م قام وقال وهو يبتسم بخبث : يعني اسويها ؟
هيام حطت يدينها ع صدره وقالت : قمم طيبب
قام رعد وناظرها وقالت : تستهبل تعبان انت وشذا النشاط اللي جاك !
رعد ضحك ورجع ينسدح جنبها وقال : تراني عارف انها تجيتس مره فالشهر والله لاتجيتس في بداية رمضان اني لا ادفنتس سامعه !
هيام كانت خايييفة وقالت بقوة : يغبي لاتسوي فاهم ترا تقدر تجيني علطول بعد اسبوعين شفيك انت وبعدين م بقعد اقولك متى تجيني وتروح مني !
رعد ابتسم وغمض عيونه وثقّل صوته وقال : انا علمتتس
طلعت هيام تركض وسكرت الباب وراحت للبنات
سلمى : وه جيتتيي
هيام ضحكت : ايه اعطيت رعد علاج حرارة وجيت
حنين شهقت : ليه جيتي طيب كم حرارته ؟
هيام : ٣٨ معليتس م فيه شيء
حنين : لا ي هيام رعد تنتكس حالته اذا نام ويتعب خليه يصحى وياخذ دش وبعدها ينام روحي
هيام فزت بخوف ورجعت ركض وفتحت الباب وكان رعد نايم بهدوء
قربت منه وقالت : رعد رععد ررعععدد !
رعد فتح عيونه بخفه وقال : شفيتس رجعتي ؟
هيام : قم تعال معي اروشك قم
ضحك رعد وسحبها مع يدها لحضنه وقال : اشتقتي تشوفيني ؟
هيام : يوووه مو وقتك قم
قام رعد بهدوء وهو مستند على هيام وصلته الحمام وقالت : ادخل وتروش بماء بارد لاتحطه دافي وانا بجهز ملابسك واذا بغيت شيء ناد علي
رعد تركها ودخل وفتح الماء البارد بعد م نزل ودخل تحته علطول بدون م يرجف ولا شيء بالعكس كان يحب يتروش بالماء البارد
خلصت هيام تجهيز ملابسه ودخلت الحمام وشافته لاف المنشفة ع خصره وشعره المبلول على وجهه كان شكله كافي انه يقتل هيام 
هيام بخقة : رّعودي شفيك واقف
رعد ناظرها وقال : وش تبيني اسوي ؟
هيام قربت منه ومدت يدها لشعره وحركته بقوة وقالت : يحلو الرعد حلواااه
رعد حط يده ورا خصرها وشدها عليه وقال : الرعد م ينصحتس تتجرأين عليه !
هيام رفعت نفسها له وباست لحيته وقالت : يجعل هيامك تفداك يالرعد
رعد ابتسم وبعدها وقال : اخاف اعديتس وخري
طلع رعد ولبس ملابسه وانسدح وجاته هيام
هيام : تعال نام فحضني
رعد سحبها بقوة وقال : انتي اللي تجيني يحلوه
هيام ضحكت وقالت : شدعوة ليه م تجيني انت
رعد كان مسكر عيونه وقال : لأنتس عارفه اذا بجيتس وش بسوي
هيام ضربته بخفه : وش بتسوي هاه وش بتسوي !
رعد : هيااام اعقلليي
هيام حلفت الا تستفزه : اها بس كلام بدون افعال
رعد م زال مسكر عيونه وقال : وقسسم بالله لا اقومم
هيام ضحكت وبعدت منه وضربت راسه وقالت : قم اذا انت رجال !
رعد فتح عيونه بسرعة وقام وراها
هيام صرخت برعب وقالت : ييممهه الله يخررششكك
وصارت تركض فالغرفة وترمي الوسايد عليه وهو يلاحقها
رعد بعصبية : هيياام بسس ي هيياام
هيام وقفت تبي تسمع وش يقول وهي كانت سادة اذنها وتصارخ وم صدق رعد انه سكتت فز واعتلاها وقال : م بغغييتتي يالجنية !
هيام ضحكت وقالت : ابعد طيب
رعد ابتسم وقال : مع نفستس
شهقت هيام اول م عرفت نيته وكانت بتقاوم بس كان رعد مثبتها واستسلمت له علطول واعلن رعد ان هيام صارت حلاله 🌚....
_________••________
فالصباح عند الرجال فالمجلس
ابو محمد : ويين رعد للحين م صحى !!
فارس : لا صحى وصلى الفجر ورجع ينام
ابو محمد : وهو بس يصوم ولا يعبد ربه قم يا كاسر قومه
كاسر قام بس جلس اول م شاف رعد جاي
رعد : سلام عليكم
ابو محمد : عليكم السلام يولدي شفيك تأخرت
رعد : والله تعبان يجدي
جلس رعد جنب فارس
فارس بخبث : من ايش تعبان ؟
رعد ابتسم له بخبث : وشرايك يعني ؟
فارس شهق : سويييتهااا
كتمه رعد بيده وقال : لا يحمااار فيني حرارة !!
فارس حط يده ع جبين رعد وقال : والله اني مشفوح وحتى لو سويتها انا وشدخلني
رعد : اندري عنك !
كان رعد حاط المسواك بفمه ويسوك بهدوء
جاء محمد : رعد ابي مسواك !
رعد ابتسم ومد له المسواك حقه
محمد بقرف : الله يمغصك يشيخ !
رعد : علتبن ابيك تقسمه يحمار غير والله معاد يجيك
ابو رعد : بس انت وياااه وش هالألفاظ !
سكتوا العيال بأحترام قبل يقوم ابو محمد عليهم
__
عند البنات
سلمى : يويلي صحوا هيام خلوها تساعدنا
بشرى : اصبري بروح لها
بشرى دقت باب الغرفة ودخلت وشافت هيام متلحفة ونايمة
بشرى : هيومه
هيام فتحت نص عين وقالت : لبيه ؟
بشرى : تعبانه ؟
هيام قامت : لا لا
بشرى : اجل تعالي ساعدينا فالفطور
هيام كانت عجزانه توقف وقالت : طيب بتروش عشان اصحصح واجيكم
طلعت بشرى وقامت هيام تتروش وخلصت وطلعت تلبس وضبطت شعرها ولبست اكسسوارات خفيفة وتبخرت وقالت : واي يالخمول صدق 
وطلعت وقابلت لين قدامها تركض
لين : ههييااامم سااعدييننيي بطييحهااا
( لين كانت شايلة بطيختين كاملة ومسوية قوية )
هيام انفجعت : يييوويللليي
شلت هيام وحدة ومع لين وحدة وقالت هيام بعصبية : مرييضضة انتي احد يشيل ثنتين وهو صايم !
لين نزلتها فالمطبخ : يختي وش اسوي
هيام تنفست بصعوبة وقالت : ماشاءالله ي سلمى ع القوة يحياتي
سلمى : وياتس يعيوني تعالي م اعرف اتكل ع احد غيرتس تعالي
اتجهت هيام تساعد سلمى
حنين : بنات وين العصيرات ابي اسوي خبصه
سلمى بحماس : ااوووه وقتتهاا شوفيها فالثلاجة
حنين : لا مو فيها انت شفت
سلمى : الثلاجة اللي في قسم الرجال يحلوه
حنين قامت وفتحت الباب الفاصل وشافت كاسر
حنين بهمس مسموع : كااااسسر
كاسر م سمع ودخل المجلس
حنين : اه ياااارب م ابي ادعي وانا صايمة !!
دخلت حنين ركض للمطبخ وفزت اول م شافت محمد فيه ورجعت ركض وشافت سالم جاي جهتها
حنين في نفسها ( يويللليي ويلااه وين اروووح )
شافت فارس طالع من المجلس وم كان قدامها حل واحد راحت له ركض
فارس انفجع اول م شافها وفااار دمهه وعلطول اخذ فروته وفتحها لها ودخلت حنين فيها وهي تتنفس بصعوبة
فارس بعصبية : شففييتتس جااييه هنناا !!!
حنين : ابي العصيرات ودخلت المطبخ وشفت محمد فيه ورجعت وحصلت سالم جاي جهتي بس كان ع جواله وجيتك اركض
فارس كان حاضنها وم سمح لأحد يشوف حتى رجولها ودخلها وقال بحدة : والله لعاد تنعاد في جوال دقي عليي !
حنين باست خشمه وقالت : خلاص ابشر ولاتزعل
فارس بحدة : اييه اعقليي
سكر الباب وراح للمطبخ واخذ الكيسة من الثلاجة وكانت مليييانه عصيرات غازية مختلفة
دق الباب وفتحت حنين واخذتها وكان وجه فارس ضايق منها وهو يغاار بس م يبي يزعلها
حنين بضيق : خلاص يالفارس لاتزعل
فارس : انا م زعلت انا احترق اغار انا م اقدر اقرب حولتس واحتويتس قبل الزواج وانتي تطلعين قدام الرجال حنييين !
حنين : والله كنت احسب م فيه احد
فارس عصب : داخخلله قسسممنا كييف م تحسبيين ان فييه احد تسستهبلييين حننيين !
حنين زعلت : فارس لا تصارخ علي
فارس : انتي اللي تحدييننيي !
حنين : خلصت ؟
فارس فار دمه من كلمتها ومسك فكها بقوة : حننيينن اعقلليي يحنيين !
حنين بتألم دمعت : فارس ابعد مني
فارس استوعب من دمعتها وقال : اه ي حنيني لييه تبيني اوجعتس
حنين بعدت يده بنظرة استحقار وقالت : تبطيي عظم توجعني يروح امك !
ودخلت وسكرت الباب في وجهه
فارس اشتط بعد نظرتها وقال : لا اله الا الله ذي حنين !!!
وراح للمجلس وهو يففوورر
رعد صغر نظراته وقال : فارس شفيك ؟
فارس : ولا شيء
رعد بحدة : تتتكللم
فارس لف له : حنين الله يصلحها
فز رعد وقام : وش سووت !!
فارس قام معه وقال : امش برا امشش
طلعوا وشرح فارس لرعد
رعد احترق غيييرة ع اخته ودخل قسم الحريم وهو يصارخ : ححننييييننن
هيام سمعته وفزت وركضت له : رععد خيييرر داخل ع الحرييم كذا
رعد : وخرريي منيي يالهياام !
حنين خافت ونزلت : هلا رعد ؟
رعد بحدة : تععاالليي !
حنين قربت منه ورفع رعد يده يبي يعطيها كف بس مسكت هيام يده وقالت : ررععدد ترففعع يددك ع اختتك !!
رعد كان مررععبب وقرب وجهه من وجه هيام وقال : م بتوخرريين يعني !
هيام قربت من اذنه وهمست بحدة : وش بتضربني ؟ ولا بتسوي مشكلة وتطلق وانا ممكن اكون حامل بولدك !
رعد ركد علطول بعد كلمتها وهمس في اذنها : محد قال اني بضربتس وخري بربي اختي
هيام وخرت وقالت : انا ثم حنين !
رعد عصب : هييااام
هيام : والله م تضربها قبلي يا انا انضرب قبلها يا م فييه
دخل فارس ركض ووقف اول م شاف رجول هيام وقال : ررععد اطللع بررا زوجتتي وانا اتصررف معهاا
رعد كان يحترق وولف وحضن هيام بين يدينه وقال : فااارس اطللع محارمناا اطلع
وفعلاً محد كان موجود فالصالة الا حنين وهيام ولين
فارس م لمح لين لأنها وراه وحنين زوجته وهيام مغطيها رعد وقال : م شفت احد وتراني احرص منك واطلع معي احسن لك !
رعد لف له وقال : طيب بلحقك
فارس كان بيلف بس قالت لين : لا تللفف
فارس ارتعد بعد صوتها اللي كان يشبه صوت حنين بالضبط وقال : لييين ابعدي من وراي بطلع
راحت لين للمطبخ ولف فارس وقال : رعد الان !!
مسك رعد هيام وقال : وقسم بالله لا اربيتس م توقفين في وجهي !
هيام بعصبية : يارجال حرك ورا فارس محد ناقصك صايمين
رعد شد ع رسغها وسحبها وراه للغرفة وسكر الباب وقال : هيام خير يهيام !
هيام بحدة : تسستهببلل انت ؟
رعد مسك فكها وخلاها تضطر ترفع رجولها عشان توصل لوجهه وقال : هيام
هيام : خيير
رعد بجدية وبضيق : كملتي معي ٥ شهور وصرتي حلالي وللحين م تعودتي ع عصبيتي ولا ع شخصيتي الحااارة ودمي الحامي ؟
هيام فكت يده وقالت : مستعدة اجلس معك عشر سنين بعد بس لاتمد يدك ع انثى سواء انا ولا غيري !
رعد : لاتنعاندييين طيب !
هيام : نهاية كلامك ؟
رعد ابتسم : اوعدتس م امد يدي بس لاتعاندين واذا قلت لتس روحي هنا روحي واذا قلت لتس سوي ذا سويه !
هيام : وعد ؟
رعد باس غمازاتها اللي وضحت اول م ابتسمت : وعد
هيام بعدته وطلعت للبنات وطلع وراها رعد وهو صاد وطلع للرجال
حنين بصدمة : لا اله الا الله كييف قدرتي عليييه !
هيام ضحكت : ان كيدنا عظييييم
سلمى : انششههدد
فجأة دق باب قسم الحريم اللي يطل ع الشارع
بيان : سلمى شكلها ام شوق
سلمى فزت وجات ركض : والله لا ادعسها
وراحت تفتح الباب وقالت : من انتي !
مشاعل تمّثل الخوف : يحلوه سيارتي تعطلت وجيت اول م سمعت صوت حريم تكفين ساعديني !
سلمى ابتسمت لها : بسم الله عليتس ادخلي ادخلي
دخلت مشاعل والكل جاء حولها يسألونها من وين جات ووش صار لها
ماهي ثواني الا طلعت هيام معها العجين وطيحت الصحون من يدينها وقالت بصوت مسموع : مشاااععلل !!
مشاعل ابتسمت ع جنب وهي عرفت انها وصلت للناس الصح بعد ردة فعل هيام .
:::::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( ايييوووه ؟ شرايييكم فالبارت نقدر نقول اخيرًا خضعت هيام ؟ ونبارك 🤣 ، اسفه طولت عليكم بس شغل والجامعة وهيييك😔 )