يهزمني الحُب وانا جاهل بدرب المُحبين

البارت الثاني والعشرين

وباس راسها وطلع ورجعت حنين ركض للمجلس بعد م سمعت اغنيتها المفضلة ورقصت بحب وهي تتذكر كل تفاصيل فارس بحب
سلمى بتعب نزلت كعبها : اعنبوكم تكسرت رجولي
حنين : اه منجد رجولي م احس فيها
سلمى : ابي اعرف هيام للحين م تعبت !
حنين ضحكت : تشوفييين
سلمى بصوت عالي بحكم ان السماعة صوتها عالي ومزعج : يهياااام خلاااص يرحم امتس اجلسي
هيام لفت اول م سمعت صوتها بس قالت : م اسمعتتتسس
لين مسكت هيام وقالت : معليتس منهم يبونتس تجلسين ارقصي معي واسحبي عليهم
هيام بضحك : والله باقي م تعبت حلفت احلل العيد
لين : كفو
شوق : هيام
لفت هيام بكرهه وقالت : نعم
شوق قربت بحيث تسمعها هيام وقالت : شخبار اللي كملت ٦ شهور مع زوجها م حملت
هيام بضحكة مستفزة لشوق قالت : حبيبي احد علمتس الخصوصية ولاتبين شرح مطول عنها ؟
شوق ضحكت : غبية شكلتس م تدرين ان الكل مصدوم انتس للحين م حملتي حتى بشرى م صار لها متزوجة ٣ اشهر وحملت اصحي على نفستس
هيام : اف حشوورة م اتحملتس يع
شوق لفت وراحت لجميلة
شوق : قلت لها
جميلة بحقد : مختلفة ذي شلون للحين م حملت
شوق شهقت : تهقين ان رعد للحين م لمسها !!
جميلة شهقت معها وقالت : مستحييييللل البنت تشّد الواحد والله !
شوق : ايه ادري بس شكلها م سمحت له
جميلة ضحكت : تتوقعين ان رعد ينتظرها تسمح له ؟
شوق : اسمعي وش بقولتس تخيلي لحقت هيام و دخلت المطبخ وكان رعد موجود وينزل الصحون وجلست جنبه والرجال واضح مشغول تخيلي لف لها وباسها في خدها بقوة وقال مقدر ومدري وش وضحكت هيام ورجع يبوسها يعني بالمختصر المفيد رعد جايها ع وجهه ويحبها
جميلة كانت مصدومة ان رعد ممكن يكون رومنسي وقالت : متأكده انه رعد !!
شوق ضحكت : شفتتتي حتى انا انصدمت !
جميلة : انشهد انه جايها ع وجهه
شوق بضيق : اه يحسرتي رعد يجنن قسم بالله كيف خذته حلالها
جميلة ضحكت : معليش تنتظرين رعد يلتفت لتس وانتي ولا شيء عندها ؟
شوق ضربتها : خيير صح انها حلوة بس حتى انا حلوة !
جميلة : ايه بس م توصلين لسلمى حتى
شوق ضحكت : يملعونه !
وعد جات وجلست بتعب : واي بنات هيام للحين ترقص
شوق : تستعرض
جميلة : مرررره
وعد لفت لهم ورفعت يدها وقالت : الله يرزقكم حياة
شوق وجميلة : خييير
وعد قامت وراحت ودخلت المطبخ وشافت كاسر فيه ورجعت ركض وصقعت في رعد اللي كان داخل المطبخ
رعد صد بسرعة وقال : يوللدد طرييقق !!
وعد ارتعبت وبكت وهي ماهي قادرة تطلع وقالت : رعد وخر بطلع
جات هيام اول م سمعت صوته وشافت وعد ترتجف وتبكي وركضت وبعدت رعد وحضنتها وقالت : ليييه الدموع ي وعد
وعد : والله اسفه م كنت اقصد
هيام : شددعووهه
وعد حضنت هيام وجات حنين
حنين : وي شسالفة ليه تبكي وعد
هيام ضحكت : دخلت وشافت كاسر اتوقع وطلعت ركض وخرشها رعد وهو داخل وصرخ في وجهها
حنين انفجرت ضحك وحضنت وعد اللي ضحكت معهم وقالت حنين : شكلتس م تعرفين اني اكثر وحدة تجيب العيد وفارس شوي ويذبحني
هيام : بقوم اشوف وش يبون
حنين : تمام وانا بدخل وعد واجيتس
وعد قامت وراحت مع حنين ودخلت المجلس بعد م هدت وخف احمرار وجهها
اما كاسر اللي كان مصدوم من جمال وعد وهو اول مره يشوف بنت لأنه هادي ودايم م يصادف احد بس اليوم مدري وش صار وم استوعب الا من ضربه رعد ع راسه وهو يقول : شل الصحون اعجل علي !
كاسر : ابشر
شل كاسر الصحون ويبي يوديها للمجلس وقبل يطلع قال يولد وسمعته هيام ورجعت للغرفة وقالت : امش ي كاسر
طلع كاسر ودخلت هيام لرعد
هيام بضحك : شفيك روعت البنت
رعد م رد وهو للحين منخرش
هيام مسكت كتوفه وقالت : لايكون !!
رعد رفع راسه لها وقال : وش ؟
هيام : ولا شيء وش بغيت ؟
رعد : جاي اشل الصحون تشيلينها معي ؟
هيام : ابد ازهلني
رعد ابتسم : لا الله يخليتس اقعدي امزح معتس
حنين جات تضحك : رعد وراك ع البنت
رعد بعصبية : يوووه خلاص عاد هي اللي خرشتني
هيام وحنين طاحوا يضحكون
رعد ضبط الصحن واخذ شماغه وتعصب فيه وشله وطلع
هيام وهي تركض وراه : رعد لايكون زعلت
رعد : تخسين تزعليني
هيام ضربت كتفه : صدق انك ورع
رعد ابتسم وقال قبل يطلع : اذا انتي قد كلمتس خليني ارجع والاقيتس هنا
هيام : بتشوف
طلع رعد ونزل الصحن وقال بعصبية وصوته اللي هز المجلس : خييير يعيال قوموا يدكم بيدي
الكل فز ودخلوا ووقفهم فارس اول م شاف حنين وقال : يوللدد وخروا من الطريق العيال بيدخلون
حنين مسكت هيام وراحت ركض لمجلس الحريم وسكروا الباب
فارس : امشوا
دخلوا المطبخ وخلصوا كل الصحون الاغراض حقت الرجال وودوها للمجالس
رعد ابتسم : ايييه والله والنعم فيكم يعيال عمي ولايهونون الباقيين
سالم ضحك : ابششر بعزك م سوينا شيء
رعد تذكر هيام وقال : شوي واجي
طلع لقسم الحريم وفتح نص الباب وشاف لين وامه واقفين فالسيب قال : يمه ارحبي جعلني قبلتس نسيت اسلم عليتس
ام رعد ضحكت : عادي يولدي والله يبقيك
سلم على امه وعلى لين وعايدهم وعطاهم عيدياتهم وقال : وين حنين
حنين كانت واقفه وراه وقالت : وراك
رعد لف وضحك وحضنها وعايدها
حنين همست له : م عايدت هيام صح ؟
رعد ابتسم : هيام اول وحدة عايدتها بس باقي عيديتها خليها تطلع ونادي امها معها
حنين دخلت المجلس وقالت : يخالة رهف ويهيام رعد يبيكم
ام هيام قامت وراحت له هي وهيام
رعد تقدم وباس راس ام هيام وعطاها عيديتها وحلف : والله م ترديني يخالة خذيها جعلني قبلتس
ام هيام : يالرعد والله لو م انت غالي كان م خذيت بس ابشر بالعوض ونرجعها لك بالأفراح
رعد ابتسم : العوض شوفيها وراتس
لفت ام هيام على بنتها وهي تحمد ربها ان هيام اخذت رعد وقالت : الله يخليك لها سند وذخر وعزوة يارب
رعد : اميين هيام تعالي
هيام تقدمت ومسك يدها ودخلها المقلط حق الحريم وقال : وهذي عيديتس والله انتس العيد بكبره
هيام ابتسمت واخذتها وقالت : م تقصصر والله
رعد باس راسها وقال : قسم بالله ي اني ماااسك نفسي بصعوبة وشذا الزييين
هيام ضحكت وقالت : عطني بيت شعر يالله والله م تروح كشختي هباء
رعد باس شامتّها وقال :
شعور حُبي تجاهتس
هو امر فرضي اجبرتني عليه
ابتسامتتس غمازتس وشامتس
وجمالتس الي مافييه حيله
ولهفتي في كل مرّة لشوفتتس
هيام حضنته وقالت : رعد
رعد ابتسم وحاوطها وقال : يعيون الرعد
هيام : خلك كذا تكفى خلني اشبع من حنانك ولعاد تعصب وتصارخ وتضرب
رعد : انا معتس شخصية حتى نفسي م تعرفها ولا غيرتس انا رعد العصبي واللي يرعب قبايل
هيام ابتسمت وهي فعلاً عارفه ان الكل ينصدم اذا شافوه معها وكيف يتحول وقالت : يعني انا المختارة
رعد بعد وقرب من وجهها وقال : اعنبوتس اييه م تشوفيني امووت في كل مره اشوفتس
هيام ضحكت وقاطع ضحكتها دخول شوق للمقلط وكان رعد معطيها ظهره وم لف وقالت : جميلة وين الشاحن
هيام كانت تناظر فيها وشوق للحين م لفت وقالت : شوق خير ؟
شوق لفت بقوة وصرخت : الله يخررشتس وسكتت ثانية وقالت ييمهه رعد
وطلعت علططول وسكرت الباب بقوة
رعد : حشى وش يمه رعد والله لو اني وحش
هيام ضحكت وقالت : م انت تقول انك تخوف قبايل
رعد ابتسم وقال : روحي تغدي واذا خلصتوا اطلعي مع اهلي وكاسر انا بروح بدري
هيام بضيق : بجي معك
رعد : معي ابوي وجدي بنروح الشرقية نجيب جدي فهد واهله ونجي عشان العرس بكرا
هيام : يووه بتسافر طيب بروح معك البيت اجهز اغراضك
رعد : شفيتس م يحتاج صد رد اصلاً
هيام : طيب اذا قدك بتمشي دق علي بطلع اودعك
رعد حضنها ورفعها من الارض : لذي الدرجة بتشتاقيين اعرفتس نصابة بتلعب عليتس سلمى وتقتنعين
هيام ضحكت وقالت : وشدخل سلمى الحين
رعد بحدة : هي اللي تغيرتس علي
هيام انفجرت ضحك : لا والله انها مسيكينة
رعد : جعل العدو السكينة !
هيام : يالله امش
طلعوا ودخلت هيام المجلس تتغدى ورعد راح يلحق الغداء
فارس : وين رحت انت
رعد جلس ورفع كم ثوبه : دخلت اسلم ع اهلي
فارس : يووه للحين م سلمت عليهم
رعد : للأسف تغد تغد
فارس سمى بالله وبدأ ياكل ورعد مثله
سعيد بحقد : رعد
رعد م ناظر فيه : هلا
سعيد : عطني الشطة اللي على الطاولة 
رعد لف له بنظرة مرعبة وقال : من توصي انت ؟ اصغر عيالك اعنبوك احترم عمرك !
سعيد اشتط : الله اكبر الطاولة م تبعد عنك شيء
فارس لف وراه والطاولة كانت بعييدة وقال : سعيد تستهبل ؟ وبعدين المجلس مليان بزران م لقيت الا رعد !
سعيد بعصبية : اصه انت محد طلبك تحامي اعنبوك رعد يدعس وجهك وللحين توقف في صفه
فز رعد وتخطرى الصحن كامل ونط على سعيد وصرخ في وجهه : وررااا م تننططمم وتسسد حلققكك !!
الكل فزوا والعيال يحاولون يبعدون رعد عنه بس رعد م تحمل اول م لعن سعيد عمه نادر المتوفي وكانت الشياطين فوق راسه
بس سعيد م كان اقل من رعد وللحين حامل الضغينة فيه بعد م فسخ خطوبته وم اخذ هيام وسحب الخنجر حقه وحطه في بطن رعد وقال : قمممم لاا والله انيي لأطعنك !!
رعد بعصبية : اططعن يالرخمة ييالله !!!
سعيد دخل راس الخنجر في بطن رعد وصرخ رعد : ااطططعننن !!
الكل يحاولون يشيلون رعد وكاسر صرخ : ارفعوه شووي بس
رفعوه الرجال وكاسر ضرب رجله بقوة ع يد سعيد وطارت الخنجر بعييد منهم وصرخ عليهم : مررضضااان انتواا عييد عييد حسبي الله علييكم !!
رعد قام وكان مغطي ع بطنه اللي نزفت وقال : اكرمكم الله يبه انا فالسيارة انتظرك انت وجدي
ابو محمد : رح يالرعد رح
فارس فز معه وقال : طعنك !!!
رعد كان يصب عرق وقال : لا
فارس بشك : وشفيك ماسك بطنكك !!
رعد : يووه يالفارس م فيني شيء
فارس احتد صوته : رعد وخر يدك
رعد دخل قسم الحريم وقال : هيياام
هيام كانت عند المغاسل غسلت وراحت له
هيام : لبيه
رعد : بروح الحين
هيام بضيق : بدري طيب
رعد ابتسم : م بنطول علمتتس
هيام حضنته وتألم رعد : اه ياهيام
هيام ناظرت وجهه وقالت : رعد شفييك ؟
رعد : ولا شيء
هيام علطول مسكت يده وسحبتها وشهقت اول م شافت الدم وبكت وقالت : وشففيييك يالرعد
رعد كتمها بيده وقال بحدة : دخليني المقلط سريع
هيام مسكت يده بقوة وهي تستعجل خطواتها وشافت المقلط فاضي دخلته وسكرت الباب وانهارت تبكي : شفيييك من ايشش الدم ذا
رعد نزل ثوبه وفنيلته وقال : بسسسيطه يبنتي ليه تبكيين
هيام شافت الجرح كان صغيير بس عميق نوعًا ما وقالت : الله يجعله بقلبي يالله
رعد حضنها وقال : لااا بسم الله عليتتس
هيام : انتظر بجيب الاسعافات
رعد بمزح : استعجلي يمكن اموت من بعدتتس
هيام : ررععدد !!
رعد اشر لها تروح وهو يضحك
طلعت هيام وقالت لحنين وحنين انطلقت لفارس وقالت له
فارس : اني والله قد دريت شوفوا لي طريق
حنين : ادخل معي
دخلته للمقلط وصرخ في رعد : مررييض انتت
رعد : ابلش محد يقول لهيام شيء
فارس قرب وشاف الجرح وقال : الله يكسسرر يده والله لا اذبحهه
رعد احتدت نظرته : اهجد بس
طلع فارس للمجلس واعتلى صوته وقال : الرخمة سعيد طلع طاعن رعد
الكل فز بصدمة
ابو سعيد : اااييشش ؟
فارس : اللي سمعتوه
ابو رعد ركض لفارس : ويينهه رعدد
كاسر اتجهه لقسم الحريم ركض واشرت له حنين ودخلوا اهله كلهم
رعد بعصبية : يسااااتر خلااص انا اللي بنفسي انا استفزيته
هيام : ممكن تقولون لنا السالفة !
ام رعد برعب : ايه قولوها
فارس قال السالفة كاملة
هيام بعصبية : رعد خخيير ان شاءالله كأنك ناقص شيء !
رعد ثقّل صوته : ودتس تقصرين صوتتس ولا اقوم ؟
ابو رعد عصب وقال : بععدد ذي شرهتها خايفة عليك !
رعد : وقسم بالله م فيني شيء يدوب جرحني ورفعت نفسي اول م حسيت بحرارة الخنجر في بطني
هيام : خلاص بعقم جرحه وانتوا اطلعوا
ابو رعد : الله يقويتس يابنتي خذيتي لتس واحد م معه من العقل شيء
هيام : ايه بس قلبه كبييير ياعم
ابو رعد : الله يهنيكم
طلعوا كلهم ونزلت هيام عبايتها وربطت شعرها وكانت الربطة في فمها وخلصت رفعت شعرها كامل وربطته وكان رعد يتأمل وقال : اعنبوتس جيتتس مطعون تزيدين جرحي ليه ؟
هيام م فهمت : ايشش ؟
رعد كان كاتم نفسه وقال : تعالي خلصيني قبل اقوم
هيام : وشفيك انت !
رعد بحدة : هيااام انا رجال واشوفتس بذا الشكل تتوقعين م اشتهي اقرب منتس !
هيام استوعبت ع نفسه واحتر جسمها بعد كلمته وقالت : طيب طيب بخلص
عالجت جرحه وغطته بشاش وخلصت وقام رعد يبي يلبس
هيام : دقيقة جبت لك ثوب ثاني اصبر اجيبه
رعد م كان يناظر فيها : طيب
طلعت هيام ركضت وشافت سلمى وقالت : سلمى فيني شيء يجذب ؟
سلمى ضحكت : وشذا السؤال اللي انتي تعرفين اجابته ايي تجذبييين وتفتنيين بعدد
هيام خافت وهي اول مره تشوف رعد مو قادر يسيطر على نفسه وقالت : يويلي معاد ابي ارجع عند رعد
سلمى شهقت : وشش الله ياخذتس اغريتيه وجيتي ركض
هيام : اصبري افهمتس انا م كنت اقصد بس طاحت ربطة شعري ونزلت اخذها وحطيتها في فمي ورفعت شعري وربطته بسسس !
سلمى صرخت : وتقولييين بسس بعد اشوف انزلي
هيام نزلت تمثل لسلمى
شهقت سلمى : يوييلللييي عششااانن صدرتتسس !
هيام : م ابي ارجع ييخووف م ابيي
سلمى : يمه صدق طيب انتي ليه طلعتي
هيام : اجيب ثوبه الثاني
سلمى : طيب وديه واطلعي علططوول
هيام هزت راسها بموافقة وراحت تجيب شنطته ودخلت المقلط وكان رعد ع جواله
هيام : هاك ثوبك انا بروح مشغولة
رعد لف لها : وين بتروحين ؟
هيام خافت : داخل وين يعني
رعد : ادخلي وسكري الباب
هيام انتهت خلاص ودخلت وسكرت الباب وشالت شنطته ومدتها له واخذها رعد وبدل علطول وقال : شفيتس خايفة ؟
هيام : هاه ؟ لا لا مين قالك
رعد : تخافين مني ؟
هيام ارتبكت : لا والله بس مدري شفيني توترت
رعد قرب وقال بجدية : حبيبتي اولاً انا زوجتس وبعدين ترا اقدر احكم نفسي م بطير لتس علطول اول م احس اني مشتهيتس !
هيام خافت اكثر وقالت : طيب م قلنا شيء
رعد : ايه م ابي الخوف ذا كله وكأني اول مره المستس
هيام : طيب اسكت خلاص مو لازم تجلس تعيد وتزيد
رعد ضحك وطلع وهو يعدل شماغه وفي يده عطره وتعطر في نص السيب ومد العطر لهيام اللي اخذته وحضنها وهمس : انتبهي لتس من الناس ومني
هيام حاوطته : من الناس ابشر بس منك !
ضحك رعد وطلع للمجلس وفزوا الرجال واللي يسأله وش صار واللي يقول انت مطعون !
رعد : استريحوا شوفوني قدامكم طيب بس انتبهوا لسعيد لايطيح بين يديني وانا لابس حزامي وسلاحي
ابو رعد مسك ابوه وقاموا وقال : بس يالرعد اقطع الشر !
طلع رعد وركب سيارته مع ابوه وجده وحركوا متجهين للشرقية
اما هيام راحت وهمست لها سلمى : وش صار
هيام : اسكتي الله ياخذتس محد ينكبنا كثرت
حنين : اتتفقققق
سلمى ضحكت : خير انتي وياها قلبتوا علي
هيام : اني صادقة رفعتي ضغطي كل شيء تقولينه واسويه اجيب العيد
سلمى : طيب وش صار تحمست ترا
هيام : م صار شيء بس هاوشني يقول ليه تخافين
سلمى تخصرت : يستههببل اصلاً فارق الطول والحجم بينكم اول الرعب طوله ١٩٠ يسستهبل صدق
هيام بحب : والله اني اموت فيه ي سلمى واحب طوله وهيبته
سلمى : وشدخلني انا طيب تعلميني الله يهني سعيد بسعيدة اه ي منصور وينك
حنين وهيام : ععشششننااا
سلمى انفجرت : اصه اعنبوتس انتي وياها لاتفضحوني !!!
حنين : اه ي منصور وينك
انهارت هيام ضحك وحنين معها
سلمى : وجع الله يقرفكم
قامت وركضت هيام وراها وهي تقول : تعالي والله م تروحين وانتي زعلانه
سلمى ابتسمت : ايششش يعين امتس من انتي عشان تزعليني بقوم ارقص
هيام ضحكت : عاااشت سلومتي
ام محمد : طفوه م بعد تعبتوا ازعجتونا
ام رعد ضحكت : يخالة خليهم ينبسطون
ام محمد : طيب العجز يشتكون استحوا ع وجيهكم
ام فارس : يخالة تعالي معنا برا طيب
ام محمد بفرح : والله ؟
ام فارس بأبتسامه : ايه تعالي جلسة ع كيف كيفتس
ام محمد اخذت العجز وطلعوا للحوش
شوق : اخيييرًا طلعوا
هيام ضحكت : منجد
كل البنات قاموا يرقصون مع بعض
لين بحماس : بنات نرقص دبكة ؟
الكل وافق وشغلوها وهم ميتين ضحك محد يعرف للدبكة
سلمى عصبت : يويلي ويلاه وشذا غيروها حطوا عرضة نجدية
هيام : حلفت تحطونها لعيونها
حطوها ورقصوا البنات صفين ومعهم خيزرانات يعاملونها معاملة السيوف
سلمى صرخت : عاااااششوا
الكل : عششتتيي
هيام : وااااه تعبت
جلسوا البنات حلقة وبدت السواليف من منطوق صالحة اول م قالت : حنين وش شعورتس وبكرا عرستس ؟
حنين ارتبكت : اص تكفيين انا ابي انسى
الكل ضحك بعد ردها
بشرى : ليه ؟
حنين : مدري والله خايفة وبطني يمغصني
جميلة : الا بشرى كم حماستس للولادة ؟
بشرى لفت لها بقوة : صفففررر طبعًا !
الكل انهااار ضحك
هيام وهي تمسح دموعها بخفه عشان مسكرتها وقالت : الله يلوم اللي يلومتس والله يهونها عليتس وتشيلينها بين يديتس انتي ومحمد يروحي
بشرى مدت يدها ومسكت يد هيام وقالت : اه لو فيه اثنين هيام كان الدنيا بخييير
شوق بقرف : الله اكبر متى صرتوا تهتمون ببعض ترا كنتوا بتصيرون طباين
بشرى لف لها بقوة : ووش حاشرتس انتي ؟؟ ومع احترامي لخوات رعد وحرمته ترا احمد ربي اني م خذيته !
شوق ضحكت : الله نسسينا ي بشرى يوم تجينا تشتكين من هيام
بشرى : طبعًا كنت اشتكي لأني انا وهي كنا بنجتمع ع رجل واحد !
شوق : اجل اصه لا اطلع علومتس
بشرى كانت تجاريها : طلعيها طيب ؟
شوق : ترا بشرى فقشت راس هيام عمد وبرضو بشرى هي اللي كانت تكلم رعد ليليًا عشان يجي يخطبها وقت خطوبته من هيام
شوق تكلمت وليتها م تكلمت الكل كان مصدوم وقالت سلمى : خلصتي ؟
شوق : ايه
سلمى تكلمت بصرامة : قاعدة تذكرين سالفة مر عليها ٦ شهور مسكينه للحين م تخطيتي ترانا كلنا قافطينتس وعارفين انتس شوي وتموتين ع رعد اللي م درا عن هوا دارتس يالفشيلة !
شوق انصدمت : انااا احب رعد !!!
سلمى تخصرت : لا انا ؟
شوق ارتبكت : تعقبين انتي وياه
هيام صرخت : بس خلاااص اقرفتونا بسواليفكم
جميلة ضحكت : ليه غرتي ع زوجتس ؟
هيام لفت : ايش ؟
جميلة : زوجتس اللي للحين م سمحتي له يلمستس
تكهربت هيام وهي فعلاً توها قبل شهر سمحت له وقالت : وش قاعدة تخربطين انتي !! استحي ع وجهتس
جميلة : كلنا عارفين من بطنتس اللي للحين م انتفخ
سلمى تشمرت وصاحت : فكووننيي عليييههاااا
هيام مسكت سلمى وقالت : اجلسيي انتي !!
جلست سلمى وتكلمت هيام : والله يعيوني فيه اشياء يستخدمونها المتزوجين اذا م كانوا يبون طفل من اول الاشهر ويستحسن اسكت عشان الصغار اللي مثلتس م يعرفونها
حنين ضحكت : المهم بنات غيروا الموضوع قبل تفجرها هيام
هيام ضحكت : قسم بالله ناس مدري شلون
العنود : بنات وش بتلبسون بكرا ؟
لين فزت بحماس : بلبس فستان سكري لونه ومنفوش ويجنن يبنااات والكعب ذهبي وبعدين م اصدق حنيني بتتزوج
حضنتها حنين وتكلمت سلمى وقالت : بلبس فستان كحلي ماسك ع جسمي وكعب ابيض
بشرى : انا بلبس فستان سماوي ناااعم وكعب ابيض
هيام : انا بلبس فستان اسود مخملي ماسك ع جسمي وكعب احمر
الكل انبهروا وهم للحين م شافوا هيام وقالت سلمى : طبعًا معنا كلب اسمه هيام ناوي يغطي علينا كلنا بكرا
الكل انفجروا ضحك ع كلمة سلمى
ضربتها هيام بقوة ع ظهرها وقالت : يكلبه وش سويتت
سلمى ضحكت بألم : اعنبوتس من الوصف عرفت كيف بيكون شكلتس
هيام ضحكت وتكلمت وعد : انا بلبس فستان اصفر فاتح ولونه هادي يعني مو الاصفر اللي يعور العين فهمتوا ؟
الكل هز راسه بنعم وكملت : المهم ومعه كعب بني
شوق : بلبس فستان ابيض وفيه كذا رسمات بالأسود
سلمى همست لهيام : بتتحول حمار وحشي بكرا
هيام شرقت بالقهوة وطرطشت عالبنات
حنين : وجعع ياهياام
سلمى ضحكت بخفه عشان م تنفضح وقالت : مغص يكلبه
هيام كانت تكح وتمد يدها وعطتها العنود مويه وشربت وقالت : اااااااهههه الله ياخذ سلمى
سلمى قبصتها : اص اص
حنين : كملي شوق
شوق كانت متنرفزة خلقة وقالت : بس ومع كعب اسود
هيام تذكرت ذبة سلمى وماتت ضحك وهي مغطية وجهها وم انتبهت للين اللي تصورها وارسلت لرعد وقالت : زوجتك ماتت علينا وكله من سلمى
رعد ابتسم وفتح المقطع وهو واقف عند المسجد عشان يصلون العصر وقال : ااااه يويل حاااللي يالضحكة بسم الله عليها الرحمن
وارسل للين وقال : كثييير ع قلبي ي لين
لين : الله يعينك
سكرت جوالها وهيام باقي تضحك وقالت : بس يهيام
هيام كتمت نفسها ولفت ع سلمى وكان وجه سلمى ضححكك بحد ذاته وانفجروا الثنتين
جميلة : وجع خلاصص
قامت هيام اول م سمعت جوالها يدق وراحت وهي ترجف من الضحك وشافت اسم رعد وردت : هلا رعد
رعد : يساتر والصوت المبحوح وشفيتس ؟
هيام لفت وشافت سلمى وراها وانفجرت تضحك وقالت : سللمىىى خلااااصص انقلعععيي
سلمى وسط دموعها : ووااااه يهييااام مقدددرر اول م قالت كعب اسود تذكر رجل الحمار
هيام انهارت ضحك وقالت : يوييلليي بططننيي اه خلاص خلاص
سلمى راحت للحمام ركض
رعد : هيام شوي شوي ع نفستس
هيام كانت تمسح دموعها : لبيه وش بغيت
رعد : ابيتس
هيام استغربت : عيوني وش ؟
رعد : امزح بس استغربت انتس م دقيتي تتطمنين وقلت اقولتس انه باقي ع الشرقية نص ساعة
هيام شهقت : ايششش كم تمششي انت !!
رعد ابتسم : ١٨٠ هاه ٢٠٠ ليه ؟
هيام خافت : تسستههببلل !!
رعد احتد صوته : وشفييتتس ؟
هيام : مررره يرعد مسسرع وشذا انتبه ع نفسك الله يحفظك من السرعة اللي مالها داعي
رعد : على خشمي ولكن تعودي انتي بعدين
هيام : وانا اقول ذاك اليوم م امداني انام فالسيارة وشوي ووصلنا للشالية
ضحك رعد بصوت عالي وقال : صباح الخيير هيام
هيام : اه ليتني عندك اعلمك وش تسوي فيني ضحكتك
رعد : عششناا وش بتسوين ؟
ام هيام : ياهييااام م تسمعيين
هيام : احبك بسكر امي تناديني
رعد : وخالقتس اكثر
انتظرت رعد لما سكر رعد وراحت ركض
هيام : لبيه يجنتي
ام هيام : لبيتي حاج يالله مشينا
هيام : يالله
راحت تلبس عبايتها وجاتها سلمى : هيام شفتي جوالي ؟
هيام : ايه فسلة القهوة حقت عنود
راحت سلمى وحصلته وشافت مكالمة فائتة ودقت وانتظرت ورد الطرف الثاني
سلمى : الو
منصور : ارحبي يادهر قلبي
سلمى عصبت : نعم اخوي مضيع ؟؟
منصور شك : سلمى ؟
سلمى : وصلت خير بس مين ؟
منصور بزعل : افا م عرفتي صوتي ؟
سلمى شهقت : منصصورر !!!
منصور : يعييووننه
سلمى كان قلبها يدق ومره ماهي متعودة ع الحب والاشياء ذا وقالت : يمه صدق يمه قلبي
منصور ضحك : وشفيك لاتخوفيني
سلمى بربكة دخلت الغرفة وقالت : م فيني شيء بس انصدمت كيف جبت رقمي
منصور : اساليب خاصة
سلمى ابتسمت : امرني طيب
منصور : م يأمر عليك عدو واولاً من العايدين يعيون منصور وعساك من عواده يارب
سلمى استنكرت اللهجة وهي متعودة على لهجة اهلها وقالت : وانت من الفايزين والسالمين والغانميين يارب
هيام جات : سلمى يالله
سلمى : وش بنروح ؟
هيام هزت راسها بنعم
سلمى : يالله جايتتس الحين
منصور : مشغولة ؟
سلمى : لا لا والله بس بنطلع من الاستراحة
منصور : ماشاءالله يالله عيد الاضحى ان شاءالله وانا معتس
سلمى ضحكت : ماشاءالله مسكت اللهجة
منصور ضحك : والله لعيونتس م نقول لا
سلمى : تسلم والله
منصور : يالله حبيت اسمع صوتك واعايدك استودعتك الله انتبهي لنفسك
سلمى : ودعتك ربي بس بتجي عرس فارس ؟
منصور : ايه بجي
سلمى ابتسمت بفرح وقالت : تمام معسلامة
سكر منصور وقلب سلمى للحين يدق بحب وهي مستغربة الشعور بس سكتت
ام ضاري بعصبية : وججع وينتتس من صبح
سلمى : يمه موجودة يالله
ام ضاري طلعت لذيب اللي كان واقف ينتظر وقالت : حسبي الله ع ابليس هيام حلقي راح فيها
بيان : سلمى وين رحتي ؟
سلمى عصبت : يساتر شفييكم
بيان : وي اسأل بس !
سلمى تجاهلت وكانت تتذكر صوت منصور وتحلف لو يشد شوي قلبها انفجر
هيام : يمه متى بنمشي للأستراحة بكرا
ام هيام : الظهر واحنا فيها تعرفين لازم نعين ونعاون
هيام : انشهد
ابو هيام : هيام وصل زوجتس ؟
هيام : ايه يبه وصلوا قبل ٢٠ دقيقة
ابو هيام ارتاح وقال : والله ابوي معني نفسه لو انه جلس ابرك
ام هيام : خله يروح يشوف اخوه شفيك عليه
ابو هيام : بس ابوي تعبان وم يحب يسافر مفروض عمي فهد جاء مع رعد ومحمد بدون ابوي
ام هيام : خلاص هو راح برضاه ولأنه عارف ان اخوه الكبير بعيد ويبي يوصله والله يستر علينا وعليه
ابو هيام : يالله انزلوا
نزلت هيام وامها لبيتهم وابتدأ الشغل والتجهيز لزواج فارس وحنين
________••_______
في الشرقية تحديدًا الدمام في بيت الجد فهد ( ابو جيهان )
...............................
*تعريف بسيط*
الجد فهد كان اكبر اخوان الجد قاضي ( ابو محمد ) وم كان عنده عيال الا بنته جيهان وعايش لحاله مع زوجته وبنته في الشرقية بعد م سافر ابو هيام من عندهم
حورية ( ام جيهان )
انسانه حالها حال نفسها تعيش بهدوء مع زوجها وبنتها ولا يهمها حكي الناس
جيهان
بنت طييبة وحنونه بس م كانت تحب هيام مره وكانوا يتهاوشون وهم صغار وحاليًا حالها حال نفسها عمرها " ٢٩ "
................................
ابو رعد : شخبارك ياعم
ابو جيهان : بخييير نحمد الله انتوا وشعلومكم
الكل : حمدلله بخيير
ابو جيهان بأبتسامه : ماشاءالله يالرعد كبرت وصرت عريس
رعد ابتسم : ابششرك
ابو جيهان : وكيف حياتك انت وهيام ؟
رعد : على م يسرك
ابو جيهان : قد جبتوا احد ؟
رعد انصدم من سؤاله اللي جذب الانظار لرعد وقال : ربك الرازق وللحين لا والله
( ابو رعد انقرص من السؤال وحلف يفتح الموضوع مع رعد بعدين )
ابو جيهان : ونعم بالله والله يرزقكم يارب
رعد بقهر : اميين
ابو محمد حس في رعد وعلطول بدا يسولف وابعدوا السيرة
ام جيهان : رعد يولدي
رعد لف لها : لبيه يجدة
ام جيهان : ابيك تدور لي واحد توثق فيه ورجال كفو مثلك وشرواك ازوجه بنتي جيهان
رعد ابتسم : شرواتس الطيب وابشري
جيهان بهمس : ييمهه
ام جيهان : اسكتي !
رعد : وشرايك يجد فهد
ابو جيهان : في وش يالرعد ؟
رعد : نزوج بنتك جيهان ولدنا زايد
ابو رعد : انشهد انها الساعة المباركة
ابو جيهان : يالله اول م نوصل الرياض بنكلم ابو ضاري عاد المسيكين لاهي في زواج بنته سلمى
جيهان شهقت : سلمى اعرست !!
رعد صد منها وقال : والعنود وبشرى
جيهان : ايه العنود حضرنا وبشرى باقي مخطوبة فيك صح ؟
رعد : لا لا بشرى خذت محمد اخو زوجتي
جيهان الدموع تجمعت في عيونها وقالت : محمممد !!!!!
( جيهان كانت تحب محمد وتبيه لها من وهي صغيرة وانصدمت صدمة عمرها اول م سمعت رعد )
ابو رعد : ايه وشفيتس انتي !!
جيهان بخنقة : ولا شيء ياعمي
رعد انصدم من ردة فعلها وطلع من المجلس وكلم محمد
محمد : ارحب يالشيخ
رعد : من يرحب يبقى
محمد : امرني
رعد : ولا شيء بس بسألك تعرف جيهان ؟
محمد استغرب : ايه وشفيها ؟
رعد : هي كانت تحبك ولا شيء ؟
محمد ضحك : ايه بس حب طفولة ليه ؟
رعد : وانت م كنت تحبها ؟
محمد : لا والله م كنت ادانيها كانت تنشب لهيام وتضربها وهيام تطلب فزعتي وانا اروح ادافع عنها وشكلها اعجبت فيني تعرف محد يقدر ع وسامتي
رعد بقرف : يرجال علتبن
سكر رعد ورجع للمجلس وشاف اوله واقف عند الباب
ابو رعد : ولد جدك حلف ننام عنده
رعد : اسف بمشي انا
ابو رعد : اللي ودك يولدي الا بسألك
رعد : امرني
ابو رعد : م تسمع كلام الناس عليكم ورا م تجيب لك ولد ولا بنت من هيام وتريحون راسكم من كلام الناس اللي م يرحم ولا يكون هيام عقيم !!
رعد عصب : لاا يبه شدعوة تونا عرساان حتى م كملنا سنة !!!
ابو رعد : ها عجل يولدي !
رعد صد وهو يسمح وجه : الله يستر عليكم
وطلع لسيارته ودق ع هيام
____
اما محمد انهار ضحك
فارس : ليه م سألته متى بيمشي ؟
محمد ابتسم : وشدراني معصب
فارس : ياليل مستحيل يروق ذا
محمد : تشوف
فارس عصب : انت اللي عصبت به يحمار
محمد ضحك : اه انا حمار ! والله لو منت بعريس لا ادق وجهك
فارس ابتسم بأستفزاز : يرجال عريس ولا لا تخسي فالحالتين
محمد قام ووقف في وجهه وبان فرق الطول بحكم ان فارس اطول بكثير من محمد
فارس : باقي بتدق وجهي ؟
محمد : اعنبوكم انا ولد عمكم ليه م خذيت من طولكم !
فارس بضحك : وش نسوي عمي سيف قصير وانت طلعت على ابوك
محمد : اه حسيبكم ربي بس م تحس رعد اوفر طوله
فارس ابتسم : لا انا ١٨٧ وهو ١٩٠ يعني م احس اوفر
محمد ابتسم بضيق : عادي انا ١٧٨
فارس : يلللااا بس بيني وبينك ١٠ يالقصييير
محمد : والله خلك مني عزتي للبنات يولد قصصاااار
فارس انفجر يضحك وقال : انشهد بالله وتزوجونا يويل حالي عليهم
محمد ابتسم : كم طول حنين ؟
فارس احتدت نظرته : وش تبي بمرتي ؟
محمد : علتبن يشيخ والله محد قاهرني بعد الا كاسر ورع عمره ٢٣ وطوله ١٨٨ !
فارس : ايييه فارس طالع ع اخوه وابوه
محمد : كم طول عمي محمد ؟
فارس : والله مدري بس حولك انت
محمد : اني داري عشان كذا مصدوم كيف عياله اطول منه اكيد ان البنات بعد طوال
فارس : ايه طوال خواتهم م تشوفهم بالعبايات ؟
محمد : شفت لين واعطيها ١٦٩ او ١٧٠
فارس : حنين اطول منها بشوي يعني ١٧٢
محمد : ماشاءالله تبارك الله
فارس ضحك بقوة : عزززتيي والله لهيام
محمد شرق بالمويه وهو يكح : انشهد بالله !
فارس وهو يمسح دموعه : بالله كم طولها
محمد انفجر ضحك وقال : ١٦٠
فارس انصدم : مسستححيييلللل !!!!!
محمد : وقسسم بالله اختي واعرفها
فارس : يرااااسسي بينهم ٣٠ !!!
محمد انصدم : احللفف
فارس : ورب الكعبة !
كاسر : للحين تسولفون عن الاطوال ؟
فارس : يخي نسوي مساج م عندنا سالفة
محمد : اي والله
كاسر : الله يرزقكم حياة وسواليف
فارس : اقوول لا اقوم بس
كاسر ثّقل صوته وشابه صوت رعد وقال : قم !
فارس : اعوذ بالله متحور رعد يولد
محمد انفجر ضحك : يويلي ويلاه اسكت !!
فارس ابتسم : سم
.....................................
عند البنات
سلمى : بنات تخييلوا
هيام وحنين لفوا لها
سلمى : دق علي منصور اليوم
هيام بحماس : اماااانهه
حنين شهقت : وش قاللل
سلمى علمتهم بكل شيء
هيام بحب : وااااي يوم خذا اللهجة خذا قلبي
سلمى عصب : انا اللي باخذ قلبتس ياللي م تستحين !
حنين ضحكت : بنات شعري كويس ؟
هيام : تهبليييينن
سلمى : الله يقوي قلب فارس بس
حنين استحت : بنااات
هيام بضحك : عيون البنات
حنين عبست بشفايفها وقالت : احببكمم
هيام : يحبيبييي والله اني اعشقتس
سلمى : اكثر يعمري
هيام : بنات جوالي يدق شكله رعد
سلمى : روحي ردي طيب
هيام تمغطت : اف مافيني حيل
حنين دفتها برجلها : اقول قومي ترا عادني اخته
هيام وقفت وتخصرت  : وتراني زوجته !
سلمى صرخت : الجووواال
هيام راحت ركض وردت قبل يسكر
رعد بعصبية : هييااام خييرر وينتس من الجوال ساااعة عشان ترديين !
هيام استغربت : لاحول ولا قوة الا بالله وشفيك تهاوش الناس تسلم
رعد بحدة : اسمعيني بس لاتنامين انتظريني بجي لحالي
هيام : وين عمي وجدي ؟
رعد : حلف عليهم الشايب يرقدون عنده وانا قلت اني لازم اكون مع فارس واستأذنت وشوفيني ماسك خط
هيام بحذر : رعد
رعد كان يسوق بيد ويد يشرب اسبريسو ومثبت الجوال بأذنه وكان صوته ثقيل وقال : عييوونه
هيام : ابوسهم عيونك اسمعني
رعد : لبيه
هيام : كم تمشي ؟
رعد ضحك : ١٩٠
هيام : ررعععدد
رعد ثّقل صوته : روحه
هيام خقت بس حاولت م توضح وقالت : امش ١٢٠
رعد : معليتس يحلوه مركز بالطريق وان شاءالله بعد ساعة وانا عندتس
هيام شهقت : متى مشيت !!
رعد : قبل ساعة ليه ؟
هيام بخوف : رعد خاف الله في نفسك وفيني الناس توصل الرياض من الشرقية في ٤ او ٥ ساعات !!
رعد : بس الناس ماهم بالرعد والرعد ماهو بالناس
هيام برعب صدق : رعد اذا انت تغليني خل ممشاك ١٢٠
رعد : اعنبوتس ايه اغليتس بس ابي اوصل بدري
هيام : رعععدد
رعد ابتسم : لعاد تقولين اسمي توجعين قلبي ترا
هيام : امش زين !
رعد : اسمعي لعاد تدقين ولا تقلقين كلها ساعة ساعة ونص وانا عندتس انتي فبيتنا ؟
هيام بضيق : لا بس بطلع الحين وبروح له
رعد : جعلني يالصوت الضايق
هيام مثّلت وتكلمت بصوت باكي : معسلامة ي رعد معسلامة
رعد فز وانكبت القهوة عليه وشهق وضغط البريك بقوة وطاح الجوال عند رجوله
هيام شهقت : رررععدد !!!!!
رعد : العن ابوها قهوة احيييه صدق وكان يدور الجوال
هيام بكت : تكفى يالرعد رد اه يقلبي
رعد مد يده وسحب جواله وقال : بنت انتي معي ؟
فزت هيام وهي تشاهق : اااه يالرعد وش صصار
رعد انخرش : بسم الله عليتتس وشفيتس تبكين ؟!
هيام : صار لك شيء ؟؟
رعد ابتسم : لا بس احرقتني القهوة وكله من صوتتس الباكي
هيام : انت سالم م فيك شيء ؟
رعد بمزح : انا الرعد من سالم هااه !
هيام ضحكت بخفه : رعد فيك شيء انت
رعد ضحك : اييه اضحكي دايم ترا دنياي تضحك لامن ضحكتي وتخيب لامن ضقتي
هيام : احبك
رعد ارتعد : ودي اسمعها من صوتتس كل ثانية والله يشهد علي لو تشوفين كيف ارتعد اذا سمعتتس تقولينها
هيام بخجل : اهييمك
رعد احتد صوته : هيامي وقسم بالله ياهيام !
هيام ضحكت : خلاص قول م تبيني اقولها وخلاص
رعد : قوليها وانا قدامتس وشوفي وش بسوي
هيام : كيف جرحك ؟
رعد م تذكر جرحه الا تذكر شكل هيام فالصباح وقال : اه صدق
هيام شهقت : وش باقي يوجعك ولا التهب عليك !!
رعد : انشهد انتس انتي اللي اوجعتيني اليوم
هيام استغربت : انا ؟ ليه وش سويت
رعد ابتسم : ولا شيء خلينا ساكتين احسن
هيام استوعب وصرخت بقوة : ررعععدد
رعد ضحك بقوة : استوعبتي هاه ؟ اعنبوتس انشهد انتس موتن حمررر
هيام بتساؤل وفضول : صدق وراك اختبصت اليوم ؟
رعد : ابد والله م شفتي كيف نزلي قدامي ؟
هيام : وشفيك حشى صدق نزلت اخذت ربطة شعري
رعد بحماس : بالله عليتس تشوفينها طبيعية ؟
هيام : ايه والله
رعد كان حالف يحرجها : وانحناءتس كذا قدامي وصدرتس اللي طلع قدامي عادي ؟
هيام حمرت وقالت : وجع ي رعد وجع
رعد ابتسم : هاه للحين عادي منظرتس ؟
هيام عصبت : وانت ورا م تصد
انفجر رعد يضحك : تراتس حلالي من ساستس لين راستس
هيام : حتى ولو صد شفيك انت
رعد : مانتي صاحية والله م اصد عنتس لو اموت
هيام : رعد طمني كل شوي عليك بسكر
رعد : معسلامة يروحه
وسكر رعد وطلعت هيام متجهة لبيتهم مع محمد
محمد : انزل معتس لين يجي رعد ؟
هيام : لا يروحي رح بسكر البيبان كويس
محمد ابتسم : طمنيني طيب ؟
هيام : ابشر
مشى محمد وراح متجهة لبيته اللي كان قريب من بيت رعد
دخلت هيام مستعجلة وسكرت كل شيء وراها ودخلت داخل وكان البيت كبييير ومرعب دخلت غرفتها وشهقت اول م شافت شخص ع السرير
رعد انفجر ضحك : تعالي تعالي انا رعد
هيام وهي ترجف : شللوونن كذا !!!
رعد حضنها بقوة وقال : وانا اكلمتس كنت مع حواري الرياض
هيام حاوطته : هييين يالرعد هييين
رعد رفعها من الارض : ليه م تبيني ؟
هيام بعصبية : اول شيء نزلني يخاين
رعد هز راسه بنفي : مععصصيي
هيام : وانا بقدر انزل وافارق عيونك ؟
رعد ضحك ونزلها وقال : ابي عشاء
هيام : عادي يقلبي عادي اسهل طريق لقلب الرجل بطنه
انفجر رعد وقال : ماشاءالله انتي احتليتي قلبي م يحتاج توصلينه !
هيام : طيب تعال تحت نتعشى
رعد : بتروش واجيتس
هيام نزلت تسوي كبسة سريييعة ورعد دخل يأخذ شور سريع وطلع وكان بيلبس بس ضحك وقال : احب وجهها اذا نزلت لها كذا
لبس ملابسه الداخلية وشورت قصير ولف المنشفة ع خصره ونزل لهيام
هيام لفت وهي تاكل خيار وكانت بتغص وقالت : رععد خير نازل كذا !
رعد ابتسم : وشفيتس ؟
قرب واخذ الخيار من شفايفها وقال : عطيني شوي
اكلها وجلس وفك منشفته وصرخت هيام وغطت عيونها بيدينها
انفجر رعد يضحك وقال : شوفيني طيب
هيام بصراخ : مهببوول انتتت
رعد قرب وحضنها وشهقت هيام وفتحت عيونها وضربت صدره : يع م تضحك
رعد : ادري طيب انا م ابيتس تصارخين كل مره حشى للحين م تعودتي !
هيام : لا م ابي اتعود حتى
رعد : المهم اسمعي
هيام : وش
رعد جلس ع الرخام وقال بجدية : ليه م حملتي ؟
هيام انصدمت : هااه ؟
رعد : لييه م حملتيي مني ؟
هيام : تستهبل انت والله لو انه انا اللي منعت نفسي
رعد بشك : اخذتي حبوب منع حمل قبل ولا بعدي
هيام بحدة : خير رعد خييير من اللي حاشي راسك كلام مع ذا الليل !
رعد عصب وقال : محد يحشي راسي ماني مثلك يالهانم !
هيام رفعت صوتها : ررععدد شفييييك !!
رعد بحدة : وشفييني انا اسألتس وم تجاوبيني بالعكس تفتعليين مشكلة !
هيام عصبت : رعد اذلف من وجهي
رعد قام وحشرها ع الرخام وقال : من اللي مخوفتس ! تكلمي ليه م حملتي للحين ؟
( هيام كانت من اليوم ممتغثة من اسئلة البنات وسواليف الحريم والحين جاء دور رعد يكمل الناقص )
رعد قرب من وجهها : انطقي !
هيام كانت تناظر فعيونه وساكته
رفعها رعد وجلسها ع البلاطه وحاوط خصره برجولها وقال : ليه ساكته ؟
هيام : لأن الموضوع م يشّدني اسمعه !
رعد حط راسه ع كتفها وقال : وش اللي يشّدتس طيب ؟
هيام بمزح : حبيبي
رعد ابتسم : من حبيبتس ؟
هيام : شدخلك
رعد : كلنا نعرف انه انا الا انتي
هيام ضحكت ضحكة مستفزة وقالت : لا يروحي انت زوجي فيه فرق بين حبيب وزوج
رفع رعد راسه بسرعة وحط عينه بعينها وقال : يعني حبيبتس واحد ثاني
هيام : ايه
رعد ابتسم وقال : بس هل حبيبتس يقدر يلمستس
هيام : ايه
كانت ردود هيام المختصرة تحرق رعد بس كان يحاول م يوضح وقال : هل يقدر يكون بالقرب اللي انا قريب منتس فيه ؟
هيام : ايه
رعد عصب ورفع صوته : ههييااااام اععقللييي
هيام همست في اذنه : حبيبي الحين معصب ويغار علي من نفسه
رعد لف لها وقال : احلفي !
هيام باست خشمه : حلفت م تعصب
رعد بحدة : انا عصبت طيب
هيام : احببك
رعد ابتسم وقال : اهيمتس
هيام شهقت اول م رفعها رعد وقالت : رعد العشاء
مد رعد يده للفرن وطفى عليه واتجهة لغرفة النوم
هيام صرخت : لا واللي خلقني م تسوييهااا
رعد احتدت نظرته وقال : لاتحلفيين لاتحلفين !
هيام كانت تقاوم وتصارع وقالت : رررععد ابععدد
رعد ثبتها وقال : خخييرر وش ابعد !
هيام كانت تتنفس بصعوبة وبسرعة وقالت : ابعد م ابي ابعععد
رعد ابتسم وهمس لها : انا ابي طيب
هيام صرخت : اعنبوك توك متروش وخخرر
رعد : عادي سهالات
هيام كانت تقاوم بقوتها وقالت بصراخ : ررععد اترككننيي
رعد عصب وصرخ : بسسس يبنتتت انهبلتتييي
هيام بكت : م ابي وخر مني
رعد مسك رقبتها وقال : انكتمي وسدي حلقتس ترا حلال لي اجبرتس وغصبًا عنتس بعد
هيام كانت ترجف وقالت : يرضيك !
رعد : م يرضيني بس اهجدي
هيام استسلمت لرعد وتركت نفسها له وو🌚....
..................................
طلع رعد من الغرفة بعد م تروش وقال : بتتعشين معي ؟
هيام كانت كارهته وقالت : لا
نزل رعد وتعشى وخلص وطلع واخذ جواله ونزل للصالة ودق ع فارس ووصله صوته
فارس : ارحححب
رعد ابتسم : سللمه يارب
فارس ابتسم : وينك يولد
رعد : موجود في بيتي
فارس : جيييتتت !
رعد : ابشرك
فارس : طيب يولد وش الحل عجزت انام
رعد ضحك : تبي تخاويني ؟
فارس بحماس : ويينن ؟
رعد : مدري نفرفر
فارس استغرب : وزوجتك وينها ؟
رعد ابتسم : نايمه
فارس : اجل تم بجيك
رعد : يالله
سكر رعد وطلع فوق يبدل وشاف هيام صاحية ع جوالها
رعد : متى بتنامين
هيام بقرف : شدخلك !
رعد ابتسم : هيام اعقلي
هيام بعصبية : يخي وش حارقك خلني صاحية اف حتى عشاء م تهنيت كله منك !
رعد احتد صوته : اقصري الشر
هيام قامت وتخصرت : نعم نعم استاذ رعد على وييينن ان شاءالله
رعد : شدخلتس ؟
هيام : وقسم بالله م تطلع من الباب وان تجي تنام معي مثل م جبرتني قبل شوي اجبرك انا !
رعد عصب : هيام وعدت فارس وجاي الحين
هيام فتحت يدينها : قلت كلمتي
رعد طلع جواله واعتذر من فارس وفارس تفهم بحكم انه للحين م طلع من بيتهم وقال : ابد يالرعد خذ راحتك
رعد : بكرا الرعد يعريس
فارس ابتسم : ان شاءالله
سكر رعد ولف لهيام وم زالت واقفة وقالت : يالله تعال
رعد ابتسم وقال : قسم بالله لو انه غيرتس كان ذبحته بس تمونين ع رقبتي
هيام : غصب عليك امش
رعد انسدح وحضنها وقال : زعلانه مني ؟
هيام : كنت الصراحة بس الحين لا
رعد باس راسها بقوة وقال : الله لايحرمني منها ياعرب
هيام كانت مغمضة عيونها وقالت بصوت ناعس : ولا منك يارب
وناموا ابطالنا والكل متحمسين لبكرا ولعرس فارس وحنين ................................
فالصباح الكل كان مستنفر ويركض من بيت لبيت
فارس بتعب : البشت !!!!
كاسر فز : وييننه !!
رعد دخل والبشت معه ومكوي وقال : موجود يعريس
فارس فز وحضن رعد : انشهد انه م يجيبها الا رجالها
كاسر : الله ياخذك وفزتي !
رعد ضحك وقال بحدة : اللي يمدحون اخوك يالكاسر يمدحونك
كاسر : اذا ع كذا موافقين
رعد ابتسم وحضن كاسر وقال : عقبالك يخوي
كاسر تذكر وعد وفز قلبه وقال : لا يخوي مانبي الحين شيء
رعد : الا صدق محد جاب راسك انت !
كاسر ابتسم : الا والله انها تلت قلبي من اقصاه
الكل فزوا : ععششناااا
رعد بحماس : اخلص من !!
كاسر : م بقول خلوها مستورة لين تزين
رعد : طيب تحس احد بياخذها قبلك ؟
كاسر بحدة : يعقب والله محد ياخذها غيري
رعد ثّقل صوته : عزز يخوي عزز
كاسر ابتسم وجلس قبل يزعجونه
ذيب ابتسم : يحظ وعد فيك يشيخ
كاسر : اص لاتفضحنا
محمد صرخ اول م سمع ذيب وقال : ووعععدد
رعد لف : وشفيييهاا !!
كاسر : محمد الله ياخذك اصه
رعد : وعععدد !!!
كاسر : اه حسبي الله ع ذيب ايه وعد
ذيب ضحك : وش اسوي محمد اللي سمع
كاسر ضربه : لو انك انطميت كان م سمع !!
رعد : وش معنى وعد ؟
كاسر : وش معنى هيام
رعد احتد صوته وقال : لاتقول اسم محارمنا يولد !
كاسر : حتى انت لاتقول اسم محارمنا
فارس ضحك : بدري يالكاسر بددري
كاسر ضحك : ادري والله
رعد : اسمعوا استعجلوا شوي عشان نلحق باقي الحريم بيسوون لنا سالفة
فارس : انا بروح لأمي وبلحقكم
الكل استنفر وطلعوا
ركض كاسر ودخل بيتهم وكل البنات فيه بحكم انهم جايين لحنين بعد الصالون
كاسر : يولد
لين م التفت وقالت : كاسر ادخل
كاسر دخل وراح للدور الثاني وكانت اصوات البنات تحت فمجلس الحريم م اهتم واتجهة لغرفته
اما وعد اللي كانت فالحمام فوق والحمام كان جنب باب غرفة كاسر وطلعت وهي مستعجلة ولفت وصدمت بصدر كاسر وشهقت وقالت : ككاااسسرر !!!
كاسر كان جاي بهدوء ويمشي ببطيء وانصدم اول م صدمت وعد فيه وانهبل اول م قالت اسمه وقال : عيونه
وعد كان قلبها يدق وبعد كلمته ركضت ودخلت غرفته وسكرت عليها وهي تتنفس بسرعة
كاسر ابتسم وقرب من الباب وقال : المشكلة انتس داخل غرفتي
وعد كانت يدوب تتكلم وقالت : كاسر ابعد بطلع
كاسر كان جريء معها وفعلاً وقع لها وقال : والله العظيم انه م ودي بس يالله اطلعي
فتحت وعد الباب ودفه كاسر بقوة وقال : اطلعي قبل اجرم فيتس !
وعد تراعدت بعد كلمته وقالت بعصبية : صدد بنظظررك يحيووااان !!
كاسر مسك فكها وقال بحدة : انا اقولتس تطلعيين وانتي تهاوشيين وفغرفتي بعد !!!
وعد بكت وقالت : صد يحيوواان م احل لك يحقييير
كاسر صد وقال : بس خلاص اطلعي !
وعد طلعت ركض ونزلت تحت وهي كارهه كاسر
( وكانت تعرف من اول انه وقح مع البنات اللي يطيح لهم وتعرف انه لعّاب ويحب اكثر من بنت في وقت واحد وتعرف برضو انه يكلم بنات وكان كل شيء تعرفه صح وكانت شخصية كاسر الخفية كذا بس طاح لوعد وحبها من كل قلبه وهو حالف ياخذها حلاله في اقرب فرصة بس وعد حالفة انها م تكون لشخص مثل كاسر )
كاسر كان قلبه يدق وقال : اعنبوتس وشذا الزييين اه يويل حالي صدق
دخلت لين وقالت : من يوسخ !
كاسر لف لها بقوة وقال : تعالي اجلسي
جلست لين وتكلم كاسر وقال : وعد احد يحبها ولا هي تحب احد
لين استغربت بس قالت : ايه
كاسر احترق قلبه وقال : من ؟
لين : بدر اخو سعيد هو اللي يحبها بس هي م اتوقع
كاسر بأبتسامه : اللععببب ي بدر
لين شكت وشهقت : تحببهااا !!!
كاسر كانت عيونه تحكي وقال : اهيمها بعد
لين صفقت بحماس : وقسم بالله انك اخترت لك قمر
كاسر : اني والله داري
لين شهقت : وعد كانننت فووقق شفتهاا !!
كاسر : لا يبنت الحلال شفتها امس فالعيد
لين : اوه صح تذكرت
كاسر : يالله تقلعي وانكتمي لين تتم الامور
لين قامت وقالت : يارب
كاسر : ايه صح كم عمرها وعد ؟
..............................
*تعريف بسيط*
ابو شوق ( هادي )
رجل عقله محشور بين المرآة محلها المطبخ كرييه ومحد يحبه وطلق زوجته قبل ٧ سنين واختفى من الانظار من وقتها عمره " ٥٠ "
ام شوق ( عبير )
كانت الام والاب لعيالها وتحبهم حبًا جمًا وعسوله مع الكل وم ترد احد ابدًا الكل يحبها وكانت احدى بنات ام محمد وابو محمد عمرها " ٣٩ "
حمد ( البكر )
شخص فزززعة والكل يعتمد عليه بس م يداني رعد ولا رعد يدانيه واعداء من اول م عرفوا انفسهم عمره " ٢٥ "
شوق
الكل يكرهها وحدة نشبة وحشورة واخذت من صفات ابوها بكثييير عمرها " ٢٣ "
وعد
شخصيتها هادية بس قوية اذا احتاجت وتحب من قلبها وتحقد من قلبها كانت علاقتها في شوق زفت وم يحبون بعض عمرها " ٢١ "
سامي
كان اخر العنقود وم يحارش احد وفي حاله وماله حس ابدًا عمره " ١٧ "
................................
لين : ٢١
كاسر طاح ع فراشه وطلعت لين وسكرت الباب وراها وقال : يالله م بتدخل الـ ٢٣ الا وهي مرتي
نزلت لين وركضت لوعد
لين : وعد شفيتس ساكته
وعد ابتسمت : وش ودتس اقول ؟
لين مسكت يدها وراحت معها للمطبخ وقالت : كاسر سوا لتس شيء
ارتعبت وعد وقالت : هاه لا
لين : تراه اخوي واعرف انه وقح مع اللي يحبهم بس قولي
وعد : اللي يحبهم !!
لين : اييه يعني يحبتس
وعد شهقت : يع الله يقرفه
لين ضحكت : خييير يحلوه تراني اخته
وعد : اسفه لين بس معليش مستحيل احب واحد مثل كاسر
لين تبي تعرف : ليه ان شاءالله ؟
وعد : بس كذا م ادانيه واحسن لتس توصلين له بكلام مبطن اني اني م اطيق الارض اللي يمشي عليها
لين : ابشري بي
وعد ارتاحت : احبتس
لين حضنتها : اكثر والله
طلعت لين ووعد وراها ركض لغرفة كاسر وفتحت الباب وكان كاسر متروش وبمنشفته وعد كانت تناظر من طرف الباب وشهقت وقالت : يويل حااااالي صدق
ونزلت ركض
كاسر بحدة : خير دقي الباب طيب ؟!
لين : اسمع بس البنت تكرهك ومررره م تبيك
كاسر ابتسم : ومين قال اني باخذ رايها ؟
لين شهقت : وش يعني غصب !
كاسر : ايه واطلعي منها
لين طلعت من غرفته وشافت وعد عند الدرج وقالت : الله يقويتس اخوي حطتس في راسه
وعد بصوت عالي : كاسر اعلى م في خيلك اركبه وتخسي تقرب مني
نزلت بسرعة مع لين ولين مصددوومة
كاسر ابتسم اول م سمع صوتها وقال : جوووي العناد
لبس ثوبه وتعطر وعدل شماغه وتبخر ولبس الكبك حقه والساعة ونزل وقال : يولد شوفوا لي طريق
هيام : ادخل
كاسر لف لها وكانت متغطيه وقال : هيام شخبارتس ومن العايدين بعد الزحمة
هيام ابتسمت : والله بخييير ونسلم عليك وانت من الفايزييين
ابتسم كاسر وطلع متجهة للباب وكانت شوق ووعد واقفين ينتظرون اخوهم سامي
كاسر : يولد طريق
شوق لفت له ووخرت : تفضل الباب وش كبره
كاسر طلع وقال : وشفيكم ع الباب
شوق : ننتظر سامي
كاسر : طيب شوفوه دخل مع البوابات
شوق طلعت وركبت مع سامي ووعد وقفت اول م وقف كاسر في وجهها وقال : حرام بالله ان اخذتس وان م خذيتتس وقسم بالله م يقربتس لا بدر ولا مليون واحد مثله !
وعد شهقت وقالت : وخرر م تستحي ع وجهك
كاسر : اللي بخاطري وقلته
مشى من قدامها وركب سيارته وراح
سامي كان ع جواله وقال : يالله يوعد
ركبت وعد وهي تتحسب عليه وتحلف م تخليه ياخذها
_________
العصر الكل كانوا فالقاعة
هيام : كيف شكلي ؟
سلمى : تكفين لعاد تقولين لي والله تهبليييين
هيام : الله يجعلني ي سلمى
سلمى ابتسمت ودخلوا ع حنين وقالت : اوووه يحنننيينن ارفققييي بناااا
حنين ابتسمت : يحياتي ي سلومتي
هيام : وانا ؟
حنين فتحت يدينها لهم وحضنوها البنات وهم يحاولون م يبكون
هيام قامت وهي تهف بيدينها ع وجهها وقالت : رعد برا بروح اشوف وش يبي واجي
سلمى : بجي معتس
هيام مسكت يد سلمى ونزلوا مع بعض
هيام شافت رعد واقف ويضبط البشت حقه وقالت : خير انت العريس ولا وش ؟
رعد لف لها وضاااع من شكلها كانت تفتن بالأسود وقال : وشذا الزيييين يالهيام
هيام ابتسمت وقربت تسلم عليه خدادي وقالت : شرايك فيني ؟
رعد مسك وجهها وباس خدها بقوة وقال : تاخذيين العقل
سلمى طلت براسها وقالت : خلاص يحبيبة امشي
هيام ضحك ولفت بتروح لها بس مسكها رعد وقال : شدخلتس ي سلمى !
سلمى بصوت عالي وهي تضحك : يبوي محد كلمك وبعدين مشغولين محد رايق لك الله يصلحك
رعد ابتسم : منصور تعال شف سلمى
هيام شهقت : تدخله علي !!!
رعد ضحك : مابيدخل اصلاً
هيام : اسمع بعد نص ساعة او ساعة بالكثير تعال ابيك
رعد لف بيطلع وقال : ابشري ادخلي يالله
دخلت هيام وشافت سلمى تنتظرها
سلمى : حشى وشذا التبويس زوجتس مشفوح
هيام ضربتها وضحكت : خليه مالتس دخل
سلمى : يعووووه صدق مغثتوني
ركضت سلمى وهيام وراها تركض
لين بصراخ : بناااتت يالله المعازيم جاوو
هيام وقفت جنب امها وراحت سلمى عند بشرى والعنود وبيان
ام فارس بصوت عالي : ارحبوا جمييعًا على زواج ولدي فارس من بنتي حنين
الكل صار يزغرط ويبارك لهم
حنين شهقت وهي تشوف يدينها ترجف : يمه يالتوتر خلاااص يحنين خلاص اه وين البنااات
هيام : سلمى امشي نرقص
سلمى ضحكت : جوووووي
لين : يالله وانا معكم
وعد ابتسمت : يالله يالله
الكل قاموا يرقصون ويفرحون ويزغرطون ودخلت الطقاقة معلنه بداية الزواج بمنطوقها :
باركوا لفارس خذا اللي يتمنى
حنين اجتمعت فيه وقرت عينها
وافرحوا جميع في ليالٍ مثنى
ليلة مثل الاعياد يشع نورها
الكل صفق وزغرط وابتدأ عرس حنين بفارس
...........................
عند الرجال
رعد : عيال شفييكم قوموا صفوا الفرقة بتوصل في اي لحظة
كاسر كان يضبط حزامه وسلاحه وقال : رعد تعال شّد حزامي
رعد ابتسم وقال بصوت الرخّيم : م يحتاج اشّده انا حزامك لا ضاقت يخوي احتزم واضرب ولا تسمي
كاسر شاش راسه وقال : ععزز يخوووي
الكل : عززززز
كاسر ابتسم ومسك ذراع رعد وصف جنبه والكل صفوا واكتمل الصف ووصلت الفرقة واعتلى صوتها :
متشابهة كل الليالي
اما ليلتنا غييير
من فرحنا لفارس نغني
واحساسنا احساس طيير
الليلة من قدنا في فارسنا
الكل يدعي معنا الله يتمم ع خييير
الليلة ليلتنا غييير
الكل صرخ وفرح ورقص لفارس في اعظم ليلة بحياته
رعد بتعب : فارس اجلس خلاص
فارس ابتسم بتعب : مقدر اليوم انا لحنين وحنين لي
رعد ابتسم : الله يتمم لكم يعين اخوك
فارس شّد ع ذراع رعد وقال : الله يسمع منك
كاسر كان ماخذ الانظار له وهو يعرض بالسيف وقدامه ذيب
ذيب بصوت مرتفع : عقباااالك يالكااااسر
كاسر ابتسم بشموخ وقال : ويااااك
رعد كان يناظر اخوه بفخر والكل مصدوم من الشبهة اللي بين رعد وكاسر قام رعد واخذ السيف من ذيب وصار يعرض مع كاسر والكل يناظر ومندمج واللي يصورون
فارس بفخر : عاشوا عيال عمي عااااشوا
ابو رعد ابتسم وقام واخذ سيفه ومسك فارس ودخل مع عياله مد كاسر سيفه لفارس ورقص فارس مع رعد وعمه محمد
كاسر جلس وقال : عااااششوووا
زايد : عششت يالكاسر ماشاءالله عليك عقبالك يالامير
كاسر كان يضبط شماغه ويتنفس بسرعة وقال : وياك ي زايد
زايد ابتسم وقام يكمل الصف مع عيال عمه وعمانه وخواله والكل كان فرحان ومندمجين
رعد جلس واخذ جواله ورد ع امه
ام رعد : ويينكم يولدي اخلصوا الساعة ٩ والزفة بتبدأ
رعد ضحك : يالله جايين خذانا اللعب ونسينا
ام رعد ابتسمت : يعساها افراحنا دايمة
رعد : اميين
سكر رعد وقال بصوت عالي : يالله يعريس
فارس لف له بقوة : اسألك بالله الحيينن !!!
رعد : ايه وراك اختبصت
فارس : تعال مو وقتك ادخل معي وابي اتبخر واجدد عطري ساعدني يالرعد
رعد : اعنبو غيرك احتزم
دخلوا كاسر ورعد لحنين يسلمون عليها
رعد : بسم الله عليتس ماشاءالله وشذا الزين يالحنين
حنين ابتسمت وكانت ماسكة دموعها وقالت : طالعه عليكم يخواني ي سندي وحزامي
كاسر ابتسم : لبى والله عينتس احتزمي وشدي حزامتس دامنا وراتس ومبروك يعيون اخوتس الله يتمم عليكم بخير
رعد : مبروك يحنين وابشري بسعدتس والله يتمم ع خير ومنتس العيال ومن فارس المال
حنين بخجل : متى بيدخل ؟
رعد ابتسم : مستعجلة ؟
حنين صدت : لا لا
ضحك كاسر : يحمار شفييك عليها
رعد ضحك بقوة : م قلنا شيء
طلعوا ونادوا فارس وبخروه وعطروه وضبطوا شماغه وبشته وقال رعد بحذر : عطيناك حنين ولا اوصي حريص يالفارس
فارس دق صدر رعد بيده وقال : ابشر والله انها في وجهي وشنبي من جور الايام واني معها في كل لحظة من اليوم ولا بتشتكي احتزموا يعيال عمي
كاسر : م تقصر يالفارس
رعد ابتسم : هذا العشم فيييك والله
فارس ابتسم : ادخل ؟
رعد : ادخل
دخل فارس وشاف حنين وكانت تفتن وفستانها ناااعم ومكياجها وملامحها كانت تتعب الواحد يناظرها وقال : بسم الله عليتس الرحمن الرحيم وشذا الزييين يالحنين
حنين كانت مرتبكة وقالت : الزيين زينك يالفارس
فارس قرب وباس راسها وقال : مبروك يروح فارسك والله يجعلها سنين م انحرم منتس يعيوني والله يتمم لنا
حنين وقفت وقالت : ولا منك يروحي والله يخليك لي ذخر وسند
مسك يدها فارس وطلع للقاعة عشان الزفة
هيام شافتهم وزغرطت بقوة ولفوا الحريم وزغرطوا كلهم وفارس كان هيمان فاللحظة ذي وكل شوي يشّد ع يد حنين ويمشي بهدوء وصلوا للكوشة وجلسوا والكل يبارك ويزغرط
هيام بصوت عالي : مبروك يالفارس مببرروك اخذت حنينك عساها سنينكم سعييدة يارب ومنك المال ومنها العيال
فارس ابتسم وقال : الله يبارك فيتس يهيام الرعد
هيام انصدمت واستحت وجلست بعد كلمته
سلمى : احسن محد قالتس تباركين
هيام : اص ترا م تساعدين
سلمى : مبروك يالفارس
فارس رد بجمع وقال : الله يبارك فيكم جميع وعقبالكم
لين بصوت خجول : مبروك يالفارس وانتبه على حنين لانوصي حريص
فارس كان مصدوم من شبه الصوت بين لين وحنين وقال : معليتس حنين فعيوني
ام رعد : هذا العشم يولدي
ام فارس وسط دموعها : الف مبروك يولدي الف مبروك والله يخليك لحنينك ولي يولدي
فارس قام وحضن امه وقال : خلاص يمه جعلني قبلتس خلاص ليه الدموع
رعد بصوت هز القاعة : يوللدد طريييق اخوان العروس بيدخلون
الكل فز ولفوا عليهم
دخل ابو رعد ماسك رعد ع يمينه وكاسر ع شماله وكان شكلهم مُهيييب وهييبة وقال ابو رعد : الف مبروك يا ابوتس وجعل فارس عند الهقوة وانا عارفه رجال كفو شرواي وشروا اخوانتس
فارس ثّقل صوته : شرواك الطيب يعم
حنين بدموع : الله يبارك بعمرك يبه ويخليك لي يارب
رعد فز : لييه لييه الدموع يالحنين ليييه
حنين فزت وحضنت رعد بقوة وقالت : م يهون علي اخليكم
رعد شّد عليها : انتي مع الفارس وانا وفارس واحد خلاص لاتخربين كشختس
هيام قربت واخذت حنين عشان يجهزونها وهمست لرعد : رعد مرت ٣ ساعات ولا جيت خير
رعد شهق : لبى عيونتس والله اني نسييت
هيام استحقرته وراحت مع حنين وسلمى
رعد ضحك وقال : اه يقلبي صدق يالله يالفارس ؟
فارس ابتسم : يالله
طلعوا رعد وفارس للسيارة يجيبونها وطلع وراهم ابو رعد اما كاسر كانت عينه ع وعد وشوي وياكلها بعيونه
وعد في نفسها ( عمى يعميه الكل طلع الا هو يناظر )
ام الليث بصوت مرتفع : ماشاءالله يالكاسر عرييس اليوم
كاسر لف لها بقوة وقال : ماعليتس زود يخالة
لف كاسر البشت حقه في يده ومشى من المنصة ونزل وراح من جهة طاولة ام شوق وقرب ووقف ورا وعد بعذر يضبط حذيانه وقال : عقببالنا يالوعد واوعدتس محد ياخذتس غيري
لفت وعد بقوة وقالت بعصبية وبهمس : اطلع بكرامتك ولاتفضحني معك محد ناقصك ترا
كاسر بأبتسامه سحرت وعد وقال : اموت ع المعصبين انا
وعد ناظرته بقوة وقالت : كاااسر
كاسر : يروحه
وعد شهقت ولفت قدام
ضحك كاسر بقوة وطلع ركض يلحق رعد وفارس
شوق لفت لوعد وقالت : شفيتس ؟
وعد قامت : ولا شيء بس بروح الحمامات
شوق : طيب
راحت وعد ركض وسحبت لين معها وقالت : لين اخوتس ماهو صاحي اخاف يفضحني
لين : حشى وش سوا بعد ؟
وعد قالت لها كل شيء وضحكت لين : وقسم طلع رومانسيي م عرفتته
وعد : اي حلول ؟
لين : اخضعي له
وعد بعصبية : يخسسسى والله م اخضع !
لين ضحكت : بكيفتس
راحت لين لحنين ركض وطلعت وعد وراحت لطاولتهم
...........................
رعد دخل الغرفة وقال : حنين يالله ؟
حنين قامت ومسكت يده وطلعها لفارس وركبت السيارة ومشوا للفندق ورجع رعد للغرفة وقال بحدة : ههييااام
هيام كانت تشيل الاغراض وقالت : يمه شفيك !
رعد : ارفعي نفستس
هيام شهقت وناظرت صدرها اللي كان واضح وقالت : لعنه شفيك انت زوجي ترا حشى صدق
ضحك رعد وقال : تعالي وش كنتي تبين مني ؟
هيام : يوووه نسيت تصدق
رعد عصب : ماني ناقصتس انطقي
هيام قربت وحاوطته وقالت : حبيبي لو يهمك جيتني علطول
وبعدت ورعد منزل يدينه كان مستسلم لها وقال : تعالي ليه بعدتي ؟
هيام طلعت من الغرفة بدون رد وقالت : سلمى ؟
سلمى لفت وهي تاكل ورق عنب : اممم هياام تعالي يجنن
هيام اشتهت وقربت تاكل وقالت : وواااي لذييييذ
سلمى مسحت شفايفها وجددت روجها وقالت : مرره المهم انا بروح
هيام : وين ؟
سلمى : اكمل رقص
هيام ابتسمت : انتظريني طيب
سلمى راحت وكان في باب مفتوح ع قسم الرجال وقال منصور : سلمى
سلمى لفت برعب : وجعاااه
منصور انفجر يضحك وقال : منصور منصور
سلمى ارتعبت وقالت : منصورر !!
منصور طلع قدامها وكان طوييييل وهيبة وكاشخ بحزامه وسلاحه وقال : يعيونه ي سلمى
سلمى كانت تناظره بحب وقالت : تسلم والله عيونك
منصور : شخبارتس ؟
سلمى ابتسمت : شخببااار اللهجة والله
منصور ضحك : اعجبتس
سلمى : والله بخييير ومشغولة وانت ؟
منصور : توو الحين صرت بخييير
سلمى بخجل : يبعد اهلي والله
منصور ابتسم وقال : ايش ايش ؟ يبعد من ؟
سلمى بفشلة : لا لا ولا شيء
ضحك منصور وقال : قسم بالله ودي احضنتس بس تعرفين الوضع كيف
سلمى تبي تقهره وقالت : محد قالك تخليه عقد والملكة مع الزواج احسن
منصور ابتسم بخبث وقال : ترا م في العن مني ها روحي قبل اجيتس
سلمى : وي لا والله بروح
راحت سلمى ركض وضحك منصور وقال وهو مصدوم من جمااال سلمى : يويل حالي صدق انا طحت ع قمر قسم بالله !
هيام كانت تراقبهم وشافته طلع وراحت ركض للقاعة تشيل مع اهلها وترقص شوي
ام هيام : سلمى هيااام بس امشوا !!
سلمى ضحكت : يالله يالله يخالة
هيام ضحكت : رعد كسر جوالي اتصالات بطلع له
سلمى ضربتها : يحيوانه وانا ؟
هيام : وشفيتس ؟
سلمى : ولا شيء انقلعي
ضحكت هيام وركضت ولبست عبايتها وطلعت لرعد وانتهت اجمل ليلة بحياة فارس وحنين .
:::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم🤍
( هااااي وحشتووننيي البارت طوييييلل ويتعب وجميييللل مررره استمتعوا ولاتحرموني مع دعمكم ابي الكومنت يتفجر احبكم 🫶🏻 )