بين احضان قاتلي

مشاهد من المستقبل..

المشهد الاول
................................

فتحت الباب حتة اودعهم واتفاجئ بـ.... واكف بالباب دخل
وكال ....
..احنة نخليكم تتفاهمون

طلعو وسدو الباب وراهم تقدم ناحيتي وعيونة حمر ووجه تعبان والكانونة بيدة باوعلي بنظرة مزيج بين الغضب والحزن وكال

..شتردين مني؟

جاوبتة بهدوء عكس الاعصار الي بداخلي

..اريد حريتي

كور ايدة وصك على اسنانة بغضب وكال

..كوليها

كلت وعيني بعينة ودمعتي نزلت

..طلگنيي

ماحسيت غير حاوط وجهي بيديه وشفايفة طوقت شفايفي ببوسة عميقة عنيفة كأنُ دينتقم مني بسبب الكلمة الكُلتها دموعي نزلت وحتة مكدرت ابعدة وخر عني بعد عناء طويل خلة گُصتة على گُصتي وكال

..يجرالج ياكسرتي الكاسرها انا.....

المشهد الثاني
.................................

فتحت الباب وشفت الغرفة تخوف جان لونها ابيض وبيها رسومات مخيفة بلون الاسود جان اكو لوحات اغريقية تظهر كُل تفاصيل الجسم خليت ايدي ع حلكي بخجل من الشفتة جانت الغرفة فارغة بس كنتور وجرباية  رحت استكشف الغرفة لأن اثارت فضولي فتحت الكنتور رجعت ليورة بخوف من الشفتة  تقربت مرة ثانية وتلمستهم جان اكو كلبجات وخناجر عادية واكو خناجر عليها رسومات تخوف تركتهم بسرعة ردت اطلع بس لفت انتباهي سلاسل طويلة وأشياء سودة اخذت السلاسل جان اكو شي مكتوب عليهم داقرا وسمعت صوت الباب انفتح و نقفل التفتت بخوف وشفتة واكف بجبروت ووجه عليه علامات الغضب جان وجهه مظلم  كال بنبرة خلتني ارجف

..شدسوين هنا

صرت امتمت ماعرف شكول

.اا ا ش شنو هاي

..شد سو ين ه ن ا

جاوبتة بخوف

..ماسوي ش شي و والله ب بس باوعت

صار يتقرب مني ويحجي

..شنو شفتي

بقيت ساكتة مجاوبتة صار يتقرب اكثر واني ابتعد صاح علية بصوت خلاني اكعد ع الارض واخلي ايديه ع اذاناتي

..شننوووو شفتييييي

أشرت ع الكنتور هو باوع على المكان الاشرت عليه ورجع باوعلي تقدم بحركة سريعة شالني ووكفني على الحايط أو بالأحرى عصرني على الحايط وجان لازم فكي بايدة كال بفحيح ومن بين اسنانة

..كشفتي سري راح اخليج تتمنين الموت وماتلكي .....

.
.
.
.

وهذي المشاهد ك اعتذار الكم ع التقصير الي صار كلش اعتذر بس جانت عندي مشكلة بالواتباد ومجان يكتب ف ان شاء الله بهذه الاسبوع بارت 3

.
.
.
.

هذه الحساب سويتة بس للروايات
ضيفو حتة تعرفون شوكت التنزيل

مـها ال عـبـدالله