صباح الخير، جمعة مباركة أولًا
ثانيًا الكلام حصري لبتوع الواتباد بسبب التأخير اللي أنا حقيقي مش شيفاه
لأني هكون أكتر واحدة عارفة مواعيدي وأولياتي كويس
كلامي للي دخل يقول البارت أمتى؟! طبعًا ده حقكم من تفاعلكم الطيب لكن ماحدش يقول
أظن مش هيجرى حاجة لو دخلت قالت أو ردت وده هيفرق وفيه احترام للناس
أول شيء أنا عملت رد فيه قلة احترام؟! ثاني شيء حضرتك تعرفي ظروفي إيه؟! بأي أساس بتحكمي عليا وعلى ظروفي وإني متفرغة طول النهار؟!
وبعدين أنا عندي سؤال مش أنا نزلت وقولت قبل كده إني هنزل الرواية بعد ما تخلص قولتلوا لأ ولو حصل تأخير هنستنى عادي وبعدين أنا منزلتش اسبوع واحد!!
الاسبوع الواحد بقى مشكلة؟! طب مع احترامي وبدون مقارنة فيه منكم بيقرأ روايات قيد الكتابة والمؤلف بيغيب بالشهور
وماحدش بيتكلم اشمعنى عندي أنا طيب
ولما قعدت انزل الاسبوعين اللي فاتوا كل يومين بارت ماحدش ساعتها قال ديه نزلت أكتر من اللي متفقين عليه
غير كده كان فيه فترة حِداد على والدة الأدمن بتاعتنا واللي معانا بشكل أو بالآخر يعرف قد إيه أنا قريبة منها واللي ماتت كانت شخص غالي عندي جدًّا يعني ذوقيًا وإحترامًا للإنسانة اللي في مقام أخت اقدر مشاعرها واحس باللي بتمر بيه
وناهيك عن كل اللي فوق أنا بكتب الفصل، والله الكتابة فعلاً مش شيء سهل والفصل اللي بتقروه في ساعة أنا بقعد فيه شهر وزيادة ما بين أفكار وترتيب أحداث وسرد وحبكة وردود أفعال وبعد كل ده اقرأه من جديد عشان لو هغير فيه حاجة ثُمَّ بيدقق قبل ما بيتنشر يعني الموضوع مش بسيط أوي كده وأنا مبحبش التأخير ومش هكون مبسوطة لما كل شيء حد يقولي إنتِ بتتأخري ليه أول لما الفصل يخلص هينزل وياريت بلاش أحكام مسبقة لأن ماحدش فينا عارفة حياة كل حد فيها إيه
أنت تقرأ
معشوقة النجم - الجُزء الرابع
Romanceعندما سألوه لِمَ هي من وسط نساء حواء، قال والعشق يفيض من مقلتيه "جذبني حُزنها؛ فشعرت أنه لا يوجد ملجأ غيري لها" أوجعوه بقولهم"هي لا تُلائمك، من تغنى بالمرح ليلًا ونهارًا، عاش حياته بألوان قوس قزح، لا وجود للون الأسود أو الرمادي عنده، لا تُناسبه "مل...
