رياح قلبي

الحلقة ١٣

حسين : هسه مااكدر احجي وياج من نرجع للبيت نحجي

محجيت بقيت اباوع لهاشم وهو هم يباوع وعيونه بيها الف سؤال وعتب شويه وغوشت عيوني وبعد مااشوف بس اسمع صوت بابا يصيح لحكوها دكتورر

هاشم :من اتصل زيد وكال ريحانه انتحرت وكفت الدنيا بعيني بعد مااستوعب كتله نازل اليوم للحله وهو مقبل بسرعه سديت الاتصال ونزلت للحله وبوجهي كبل للمستشفى وصلت شفتها نايمه مثل الملاك اباوعلها وعيوني كلهن دموع احاول ماانزلها ليشوفهن احد من صحت وحاجوها بقيت واكف اكبالها واباوعلها حتى نسيت الكلام اللي اريد اكوله اباوعلها وبعيونها كومه حزن وهم مو هيه ريحانتي اللي عفتها اخير شي اللمعه اللي بعيونها طافيه وكولش تعبانه هيه بقت تباوعلي واشويه وكامت بالكوه تسحب النفس وغابت عن الوعي وخالي بقى يصيح واني باقي بمكاني ودموعي بالكوه حابسها دخلوها لوحده العنايه المركزة لليل صارت زينه ودخلهوها بغرفه خاصه بس بعدها نايمه مثل الطفل اباوع ادور على عباس ماكو اريد اعرف شبيها هيج دورت عباس ملكيته
طلعت لبرا لكيته كاعد بالحديقه واحس مخنوك وكلبي
ناغزني

هاشم : ليش متعرفون ليش هيج سوت

عباس :لا منعرف وهيه اصلا البارحه مطلعت من غرفتها ابد واليوم الصبح طلع حيدر يصيحها منسمع غير صايحه وركضنه لكينها نايمه وامدمايه يحجي وصوته بيه حنكه

هاشم :ههه شبيك ترا صارت زينه يا عيني عليمن هالدموع

عباس :والله خفت افقدها وهيه هالاخت عندي

هاشم : الحمدلله عدت على خير

عباس : الحمدلله

هاشم :كوم كول لابوك خلي يرجع للبيت واني وياك اهنا

عباس :رايح

مقبل خالي يروح وبالتواسيل يلا راح لان خطيه من الصبح لسه بالمستشفى وهو تعبان شويه ورحت سئلت الدكتور كال هيه من قبل كلبها بيه ضعف وهسه ضعف وصار بيها خفقان اللي سبب اغماءها العصر
بقيت صافن شنو اللي خلاها هيج يصير بيها بقيت اتسائل لمن صحت ب١٢بالليل جنه كاعدين اني وعباس بالغرفه يمها من شفناها صحت ركضلها عباس

عباس :شلونج ريحانتي وبعيونه دموع باوعتله

ريحانه : ابتسمت وكلتله زينه
بقيت بس اباوعلها وكولش زعلان منها على تصرفها شلون تفكر هيج وتعوفنب