رياح قلبي

الحلقه ١٨

‏"من المُخيف أن تملك مشاعر عملاقة، ولا يُمكنك تسريب ولو كلمة واحدة نحو الاتجاه المطلوب"

*********************

-اووف يحظج يايمه ولدج الكل تهدد بيهم واضرب على رجليي صفن على حجايتي وكالي شنووووو
بعدين استوعبت شحجيت

عباس : احجي ولججج تحجين لو شلون

ريحانه : اتخربطت اوضاعي من جفصت كدامه وكمت امتمت ها لا ماكوشي بس انت مو كلت يهددوني بيج وبعائلتنه فلهذا السبب حجيت هيج

-ها الحمدلله عبالي متورطه بشي

-لا بس كلي شراح تسوي

-ماادري والله دايخ اذا هي الدولة وياهم شكدر اتصرف

-شنوووو شلون هسه شنسوي

-اي مرة شفت واحد ضابط من ظهره وملحكت اشوف وجهه

-عزاا خاف يكلونلك ارجع اشتغل وياهم شلون؟؟!

-ماارجع لو موت لو اعرف اخبر عليهم مااشتغل ،وثاني شي همه ميأمنون بيه بعدلان عرفت شغلهم وشفت اغلب الوجوه اللي سلمت الها الممنوعات
بس اللي امحيرني لسه ليش مقتلوني حتى يخلصون مني

-يمممههه ولك شجاي تحجي بطني كامت توجعني دخيلك يا ابو الحسنين

-لعد شتدرين صدكي حياتي مرهونه بكلمه هسه وعلساعه تلكيني بخبر كان

-عليك الله لتخوفني بعيد الشر عنك

-اهدي لتخافين راح احاول الكه حل

-يا رب ونخلص من هل الشغله

*راح تتفاجئون شلون جان عباس هيج ويايه ويحجي بكل هالصراحه عادي لان احنه تعلمنه من احنه ازغار واحد صندوق اسرار الثاني حتى نشيل هموم بعض وهالمرةجان غير معرفنه انو هذا السر راح يدمر كل حياتنه كلها.

طلعت من غرفته وداخلي يرجف من اللي سمعته وحرت شلون حتى اساعد اخويه فكلت خلي احجي لشهاب اتصرفت بغباء عبالي يطلع كد كلامه مدام هو يعرف بهل السالفه اتصلت بيه ماكو ميرد لليل اتصل عليه حاولت احجي وياه بهدوء

ريحانه :الوو شونك عيني

شهاب :هلا بحبيبه الكلب

-اكلك اكدر اكلك على شي وتساعدني بيه؟؟

-اتصلتي حتى اساعدج مو مشتاقه مووو واني عبالي مشتاقه بس لمصالحج تحجي