يهزمني الحُب وانا جاهل بدرب المُحبين

البارت السابع والثلاثين

طلعوا رعد وهيام ودخلوا كاسر زنزانة في المخفر نفسه وم نقلوه للسجن بأوامر من رعد
..............••.............
في سيارة منصور
منصور : ليلى يالله انتي وثابت
ليلى نزلت وثابت كان نايم وقالت : منصور نزل ثابت معي
منصور ترك يد سلمى ونزل وشل ثابت بين يدينه ودخله البيت
سلمى وهي تمسح يدها : يويلي ماهو صاحي عرقت يدي وهو حالف م يتركها !
شوي ورجع منصور وقال : مشينا ؟
سلمى : يالله بس ع وين
كان منصور مبسوط ان سلمى نست وقال : نتمشى
سلمى ابتسمت : طيب على اني تعبانة لكن كل شيء معك يهون
منصور مسك يدها وباسها وشابكها بيده وقالت سلمى : ابلش
منصور لف لها بقوة : ايشش ؟
سلمى ضحكت : ولا شيء بس يدي عرقت يخوي ارحمني
منصور ترك يدها بدون اي رد وصد عنها تحت صدمة سلمى وخافت يكون زعل بس م قالت شيء ومسكت يدينها ببعض ووصلوا لبيت كبيير وفخم وقال منصور : انزلي
سلمى ناظرت البيت وهي للحين م استوعبت ونزلت بهدوء ووصل لها منصور ومد ذراعه له واحتضنتها سلمى ودخلت معه البيت وقال : شرايتس في بيتتس الجديد ؟
سلمى شهقت وقالت : اسألك بالله !!!
منصور ابتسم وقال : والله
سلمى لا شعوريًا نطت وحضنت منصور بكل قوتها وحاوط خصرها وقالت : ياكبر حظي فيك ي منصور قلبي
منصور باس فكها وقال : والله انا اللي يكبر حظي فيك
سلمى بعدت وكان خشمها ع خشمه وقالت : فيك ؟
منصور ضحك : فيتس فيتس
سلمى باست خده وقريب من مبسمه وقالت : احبك
منصور شّد عليها وقال : اعشقتس
سلمى كانت تناظره بحب وقال بعد ثواني : خلصتي ؟
سلمى ضحكت وبعدت عنه وقالت : وااااي كبييير مررره
منصور بحب : يالله ي سلمى الله يخليتس لي واشوف عيالنا وبناتنا يراكضون فأرجاء ذا البيت
سلمى بحب : امين يحبيبي
دخلوا غرفة النوم تحت صرخات سلمى وفرحتها ببيتها الجديد ونامت بأحضان منصور وهي تضحك من الفرحة
...........•••..........
في بيت ام شوق دق الباب اخر الليل
وعد قامت من الصالة وهي عجزت تنام بعيد عن كاسر وللحين م تدري وش صار له وم تدري انه دخل الحبس
وعد : مين ؟
رعد ابتسم : كويسس وعد افتحي
وعد فزت من صوت رعد وركضت تجيب شيلتها وفتحت الباب وهي مغطية كل شيء الا عيونها وقالت : بشرني يالرعد
رعد : كلها اسبوعين وتشوفين كاسر
وعد استغربت : قصدك بزواجنا ؟
رعد م كان يبيها تحس بشيء وقال : ايه
وعد ابتسمت : طيب هو وينه الحين ؟ وليه م يرد
رعد بقلة حيلة : كاسر م يقدر يستخدم جواله
وعد : كيف يعني ؟
رعد : سالفة طويلة
وعد برعب : رععد ويين كاااسسر
رعد بحدة : لاترفعيين صوتتس !
وعد : خلاص قولي تكفى وينه
رعد : فالسجن
وعد شهقت وصرخت وكتمها رعد وطاحت لثمتها من وجهها وانصدم رعد من جمال وعد ودخلها داخل وهو صاد عنها وقال بحدة : وععدد اقصصرري الشرر !!
وعد كانت تبكي بحرقة وقالت : تكفى يالرعد طلعه انت منصب ورتبة تكفى اذا ماهو عشاني عشان اخوك تكفى ياللرععد
رعد كان يستغفر وهو م فكر في وعد بشيء بس عشان م يكون عليه ذنب وقال : خلاص م بيصير الا كل خير
وعد : طمني عنه كل شوي
رعد : بقول لهيام الكلام وتوصله لتس
وعد ابتسمت ومسحت دموعها وقالت : اسفه اني صارخت والله اسفه
رعد : لاتعتذرين لي اعتذري لربتس وثم كاسر اللي يحترق ع صوتتس ولا يقدر يسمعه
وعد نزلت دموعها وقالت : ابشر
طلع رعد من بيتهم لسيارته وشافته وعد حتى طلع وكانت بتسكر الباب بس شافت سيارة تدخل لحوشهم وهي م تعرفها وسكرت الباب علطول
نزل ابو شوق بعد انقطاع ٨ سنين عنهم وتقدم للباب ودقه
وعد استغربت : ميين ؟
ابو شوق : وعد ؟
وعد : ايه نعم من !
ابو شوق بفرحة : ابوتس يالوعد
وعد فزت وفتحت الباب وشافت ابوها اللي بان عليه الكبر والشيب وقالت : يبه !!
ابو شوق علطول بدون اي مقدمات مسك وعد مع شعرها وقال بحدة : انااا لمتى بجلسس ادقق عليتس انتي وشووق ولا تردوون عليي وشذاا العقوق ولا نفختوا خشومكمم عليي !!
وعد بكت وقالت بصوت عالي : ششووقق حممد سااامي
ركضوا اخوانها وصرخ حمد : يبهه !!!
ابو شوق بعصبية : م ابي منكم شيء بس ابي وعد تروح معي
وعد كانت منهارة : م ااببييييك
ابو شوق بحدة : مالتس رأي اصلاً !
حمد بحدة : منجدك انت صاااحي ؟ قاطع م تدري عن هوا دارنا واخرتها تجي من الباب للطاقة وتقول بأخذ وعد !
ابو شوق : ايييه بأخذها بنتي وبكيفي
حمد بصراخ : بنتتك ماههي ع ذمتيي ولا ع ذمتكك بنتت ع ذمة رجااال يصونهاا ويحفظها !
ابو شوق توسعت عيونه وقال : وعد تزوجتت !!
حمد بكل قوته : اييه وتزوجت بكاسر بن محمد بن قاضي ولد خالها
فز ابو شوق وهو م يطيق طاري عيال محمد وقال : هاااااه
وعد بدموع : وخرر مننيي م ابيييك ومستحيييل يسمح لي كااسر مستحيييل
ابو شوق ضحك : ومن قالتس اني بأخذ رأيتس ورأيه ؟
حمد تقدم ولف يد ابوه وسحب وعد وسكر الباب بوجهه وقال : يوييلتسس تفتحيين له !
وعد هزت راسها بموافقة وطلعت ركض لغرفتها وقال سامي : يخي وش جابه الحين احس بيسوي شيء !
حمد بحدة : اعلى م في خيله يركبه !
سامي ضحك وقال : يعتبر عقوق ؟
ضحك حمد معه وقال : ايه بس م يهم
طلعوا لغرفهم تحت حريق ابو شوق اللي ركب سيارته وهو يتحلف م يخلي وعد لهم لأنه يبيها لولد اخت زوجته
..........••••..........
في بيت محمد
بشرى صحت من نومها ع الم في بطنها وفزت للحمام وشافت نفسها بالمراية وقالت بألم : ااااه وش الالام ذيي !
وماهي الا ثواني وصرخت بأعلى صوتها وقالت برعب : محححممممددد
محمد فز من نومته وجاها يركض وقال بحدة : وشففييتتتسس !
بشرى تحت صرخاتها : بووولدد بوولددد
فز محمد وشالها بين يدينه وركض بعبايتها للسيارة وطار فيها للمستشفى
بشرى بصراخ : محممد بسسررعةة يمحممدد
محمد بتوتر : ابششرريي ابششرري هونييهاا ي بيششو هونييهاا
بشرى زاد صراخها وقالت : بووولددد !!!!!
محمد ناظرها بقوة وقال : ووصللناااا اصببررري
ركض محمد للنيرسز وطاروا معه وشالوها ونقلوها لقسم الاطفال والولادة
محمد برعب : هيي باقي بالشهر السابع يدكتورة
الدكتورة ضحكت : ايوه ي فندم عادي تقدر تولد ولادة مبكرة بس تكون اخطر من الولادة فالشهر التاسعة
محمد : كييفف يعنيي ؟؟
الدكتورة : البنوته واضح صغيرة وشكلها اول حمل لها
محمد فز : ايه ايه صغيرة
الدكتورة : كم عمرها ؟
محمد : ٢١ يدكتورة
الدكتورة شهقت : يالله صغيييرة مرره انت زوجها ؟
محمد : ايه
الدكتورة : طيب سجل بياناتها وبياناتك وإن شاءالله تعدي ع خيير
طلعت الدكتورة تولد بشرى وانطلق محمد يوقع ويكتب كل شيء من بياناته لبيانات بشرى ورجع يجلس لمدة ساعتين ولا حصل رد واخيرًا طلعت الدكتورة
محمد فز بتعب : تكفيين طمنيننيي
الدكتورة ضحكت : استاذ محمد ؟
محمد بحدة : ايييه اييه محمد
الدكتورة : حمدلله ع السلامة ومبروك م جاك يباشا بنوته صغيرة نفس المدام
محمد ابتسم وقال : والمددام كيفها
الدكتورة : بخييير حمدلله
محمد طاح ع الكرسي وبكى فرحة لسلامة بشرى وعلطول فز ودق ع ابوه
ابو هيام : بسم الله حمود فيك شيء ؟
محمد ابتسم : ايييه فيني كل خييير ابشرك انك صرت جد
ابو هيام فز بفرحة : حمدلله ياارب حمدلله
محمد : اي والله الحمدلله
ابو هيام بفرحة عظيمة لأول حفيدة لهم قال : وش جابت بشرى ؟
محمد : بنت يبه
ابو هيام كان يعشق البنات وقال : ماشاءالله الله يخليها لك يولدي ويرزقك برها
محمد وسط دموع الفرح قال : امييين يبه
ابو هيام : ابشر والله وتبشر بنتنا بالتمايم الزيينة
محمد : م تقصر يبو قاضي
ابو هيام سكر ونشر الخبر فالقروب والكل فزوا ع الرسالة اللي ترد الروح
ام ضاري : ماشاءالله تبارك الرحمن الله يخليها لأمها وأبوها والحمدلله ع سلامة بنتي بشرى
ام هيام : ماشاءالله الله يرزقكم برها يارب ويخليها لكم
ام رعد : بسم الله عليها ماشاءالله الله يهنيكم يحمود وبيشو م جاكم
ابو رعد : ماشاءالله تبارك الله الله يرزقكم برها يمحمد وابشر والله بكل شيء يرضيك يالسمّي
واكتملت التباريك حتى وصلوا لرسالة رعد اللي كانت تعبر بحب وكان كاتب فيها : حمدلله ع سلامة مرتك يالشيخ ومبروك م جاك جعلها من الصالحين والله يرزقك برها اميرة وجات من رجال اشهد بالله انك تستاهل كل خيير يبو سيف
محمد رد عليهم كلهم وكان يناظر جواله بحب ويشوف كيف فرحة اهله له وشوي ودخلوه ع بشرى
بشرى ضحكت : محمد عدت ع خير ؟
محمد تقدم وباس راسها بقوة : يجعلتس دايم بخيير يعيون محمد
بشرى حضنته بصعوبة وقالت : حمدلله اللي عوضني فيك ي حمود والله مدري كيف كنت عايشة بدونك
محمد ضحك : الله يرزق رعد بولده بسرعة مثل م خلاني اتزوجتس واعيش معتس وانجب منتس بنت
بشرى : يالله ي رعد الله يرزقهم هو وهيام
محمد : امييين يارب
شوي دخلت النيرس ومعها بنت محمد وبشرى وكانت صغيييرة وقطنه شالها محمد بين يدينه وقال : بسم الله عليييها
بشرى ضحكت بدموعها وقالت : الله يخليكم لي يارب
محمد ابتسم : ولا يخليني منتس ي بشرى حياااتي
تقدم ونزل بنتها لها وقالت : وش نسميها ؟
محمد : مدري والله شرايتس برهف ؟
بشرى ابتسمت : بدينا بأسامي الأمهات ؟
ضحك محمد : خلاص ابشري وش ودتس فيه ؟
بشرى : لميس او غيمة
محمد : لميس احلى نعتمده ؟
بشرى ابتسمت : لميس بنت محمد بن سيف بن قاضي وااااه يحمود وش كثر احبك واحب اسمك
محمد ابتسم ونزل ووصل لوجه بشرى وقال : والله ماهو كثري ي بشرى بنت عبدالله بن قايد
بشرى تقدمت وسلمت مبسمها لمبسم محمد اللي باسها بكل حب وبكل نقطة فيه وصلها لبشرى
..........•••..........
فالحبس
كاسر بملل : سلام
السجين اللي جنبه : هلا والله عليكم السلام
كاسر : وش السبب اللي جابك هنا
السجين : والله طعنت واحد بالغلط ومات
كاسر شهق : لا اله الا الله كييف بالغلط !!
السجين : والله مدري كيف مات
كاسر : الله يفرج عنك يارب
السجين : امين وانت ؟
كاسر : ابد ضربت لي واحد قبل شهرين وتووه يفكر يشتكي وتلوني مع راسي
السجين ضحك : عمومًا اسمي حامد
كاسر : عاااشت الاسامي ي حامد معك الكاسر
حامد شهق : كاسر بن محمد !
كاسر قطب : ايه نعم وصلت خيير
حامد فز : اررححبب
كاسر قام وهو م يعرفه بس قال : الله يبقيييك
حامد ابتسم : اكيد م عرفتني بس انا خوي ذيب
كاسر ابتسم : يالله انك تحييه رجال دامك خوي ذيب
حامد : اييييه وش صار ع ذيب ؟
كاسر : متى اخر علمك به ؟
حامد : والله سنين
كاسر : بخييير ابشرك
حامد كان بيتكلم بس قاطعهم دخول العسكري وسحب حامد معه وقال بصوت عالي : كاسر وصل سلامي لذيب
كاسر : ابشر يوصل
كاسر جلس مع نفسه وقال ( وش تسوي وعد الحين ؟ وكيف بتتصرف اذا عرفت اني دخلت هنا )
...........••...........
في بيت ابو رعد
لين بضيقة : اف الله حسيبه سعيد وش سووا كاسر الحين وش اقعد اسوي !
ام رعد بتعب وهي توها تصحى : خلي رعد ياخذتس معه لبيته
لين شهقت : نععمم محلاني بينه هو وزوجته
ام رعد : وخيير يطير ترا هيام حامل يعني م بيقرب منها وبكيفتس
لين : تصدقين بكلمه
ام رعد راحت بدون م ترد ودقت لين ع رعد اللي وصلها صوته الثقيييل : هممم
لين ضحكت : يالله اشتقت لصوتك وانت صاحي من النوم
رعد ابتسم : لبى عيونتس يروحه امريني
هيام فزت وقالت بحدة : وعممىى يططسس عيوونك انت ويااهااا مننن تكللمم يحيوواانن !!
رعد فز برعب وقال : خييييرر هيااام خيييرر !
هيام بعصبية : انططققق منن تكللمم يقلييل الخاتمة هذا وانا حاامل بولدك !
رعد قطب : ولدي ؟
هيام م كانت تبي تقول لرعد عن جنس الطفل لكن من العصبية كشفت كل شيء وقالت : هاه يعني اللي هو
رعد فتح السبيكر وقال : حبيبتي تكلمي
هيام توسعت عيونها وقالت : ررععد !!!
لين بضحكة : اهلييين هيوممه
هيام سحبت المخدة وضربتها بوجهه رعد وقالت بصوت عالي : لييين والله م اخليييتس يكلبه احد يدقق ذا الوقت !
لين : والله ملييت ي هيام ابي اجيكم عادي ؟
هيام ابتسمت : تعالي والله م نردتس
رعد بحدة : خيير وانا مالي رأي !
هيام همست : عشان ادق وجهها
رعد توسعت عيونه : ترااني اخووها !
لين استوعبت وقالت : كففوو اخوووي
هيام بزعل : طيب طيب
ولفت بجسمها وراحت للجهة الثانية من السرير
رعد : لين متى بتجيننا ؟
لين م كانت تبي تزعجهم وقالت : بكرا يحبيبي
رعد : ابشري
سكر رعد ولف لهيام وقال بصوته الرخّيم : تعاللي لحضضني
وسحبها تحت مقاومتها وقالت : اببععدد
رعد قطع المسافة بينهم وقال : حامل بولد ؟
هيام بزعل : وشدخلك !
رعد دخل يده ورا خصرها وشّدها له وقال بهمس وهو صار لاصق بهيام : انا اللي خليتتس تحمليين فيه
هيام كانت تتنفس بصعوبة وقالت : ايه حامل بولد
رعد ابتسم وباس خشمها وقال : يالبيه ي هيام الرعد يالبييييه
هيام : ممكن تبعد عشان سلامتي انا وولدك
رعد ابتسم حط راسه ع كتفها ونام ونامت هيام وهي تحس بثقل رعد وكانت دايم م ترفضه وتحضنه وتعطيه كل الحنان اللي هو يبيه
...........••..........
في بيت ابو محمد
فارس : حنيني
حنين لفت له بخوف : هلا
فارس مشى لها بهدوء وحضنها ونزلت دموعه بحرقة وقال بصوت يرجف : اسسفف يحنيني اسف
حنين شهقت وقالت : فااارس بسم الله علييك شفيييك
فارس حكى لها كل اللي صار تحت صدمة حنين اللي رجعت تحضن فارس بقوتها وبكت وانهارت معه وقالت : كنتت بتخللى عنكك كنتت بتركك ي فارسي وراي
فارس حاوطها وقال بصوت مبحوح : والله م الومتس يحنيني الله يكسر يديني ع كل مره مديتها عليتس
حنين : خللااص لا تدعيي اللي صار صار والحمدلله ع رجوعك لي يعيون حنينك
فارس حضنها وقال : بعوضتس والله بكل شيء فات والله بنسيتس ايامنا السوداء
حنين ضحكت بفرح : م فيه ايام سوداء عشتها معك من اول م حبيتك وانا بعمر التسع سنين وانا واثقة اني لك وانك لي ومستحيييل تزعلني بعقلك وبرضاك احبك يالفارس
فارس بعدها بقوة وقال : تحبيني من وانتي صغييرة !
ضحكت حنين : اييه قد قلت لك اصلاً
فارس بدون اي مقدمات تقدم وباس حنين واخذها لأحضانه وهو فعلاً ناوي يعوضها عن كل شيء سواه وو🌚..
..........••.........
في بيت ام شوق قبل اذان الفجر بثلاث ساعات ابو شوق قدر يدخل للبيت وكتم انفاس وعد وسحبها
وعد فزت من نومها برعب وكانت بتصرخ بس كتمها ابوها وسحبها لسيارته وربطها وقفل عليها فالشنطه ورا وهرب علطول وتمت خطته بسرعة وبدون محد يشوفه
اما وعد كانت تصارخ وانهبلت اول م ربطها وخلاص استسلمت علطول وصارت تدعي لها بهدوء وهي ترجف رعب اصلاً وقالت بنفسها ( يارب استودعتك نفسي ويارب اني بحفظك يارب رجعني لكاسر وانا بخييير وم فيني خدش واحد يارب لاتبعدني عنه كثيير يارب ) انهت كلامها ونامت علطول وسط دموعها
وصلوا لمزرعة ابو شوق المهجورة واللي صار لها ١٧ سنة محد جاها
ابو شوق فتح الباب لوعد وسحبها وهي م تشوف بحكم انه غطى عيونها وقالت وهي تبكي : منن انننتت
ابو شوق : انا ابوتس يكلبه !!
وعد تكهربت وقالت علطول : ليييه يبه علي ليه تسوي كذا ببنتك
ابو شوق لان علطول وقال : هاه وش سويت ؟
وعد بحنية : يبه فكني وبنتفاهم مع بعض والله ماله داعي ذا كله
ابو شوق انصاغ لها بس كان ذكي شوي ودخلها الغرفة المظلمة والباردة وربطها بالسلاسل وفكها وصرختت بأعلى صوتها وهي تقول : يالككاااااااسسسسررر الححققنيي تكك...
الجمها كف ابوها القوي وقال وهو يضحك بشكل مرعب : محد بيسمعتس هنا ولو اذبحتس وادفنتس محد درى عنتس !
وعد انفجرت تبكي وقالت : ليييه تسوي فينني كذاا !!
ابو شوق : وش منتظرة يعني اخليتس تتزوجين من الكلب كاسر !
وعد بحدة وكانت مرعبة وقالت : لااا تغلللطط عللى كااسسرر !
ابو شوق طلع وهو يضحك وقال : بجيتس كل ليلة اعطيتس اكل وانتظرتس اذا تطلقتي من كاسر تركتتس وان كانتس صاملة عليه م عندي مشكلة اصمل سنين وانا حابستس وتراني اعرف انه فالسجن يعني ماهو حولتس ابدًا
وعد انهارت تبكي اول م سكر ابوها الباب وهي خلاص تأكدت انها مخيرة بين خيارين لا ثلاث لهما يا تتطلق من كاسرها ولا تجلس هنا لين تموت ومحد بيدري وينها ..
::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( يبدو ان مصير وعد وكاسر مجهووول 😔 ، بتزعلون واجد بس نعديها ؟ 😭🫵🏻 )