شلك بية
وطن مهجور
دم يابس
حلم مبيوك
وبصدرة كهف متروس شخطات
الرحل عنة اظلم منفطر مسكون
ماضن وسطة تتهنى
.............................................
شاهين..من بعد مارجعنة من العقد راحت استلمت نتيجة جاد حان ناجح من الروضة بيدي النتيجة امعن نظري بيها والابتسامة شاگة حلگي جنت فرحان هواااي وصلت لبيت عمي اريد ابشر ريم لأن هية تدرسة وصلت قريب لبيتهم وشفت سيارة سودة مضللة تمشي ماهتميت وكملت مشي وية وصلتي طلع اشهب اريد اصيحلة بأسمة وصار صوت رميي كلش قوي التفتت لمصدر الصوت شفتها نفسها السيارة احتميت بسيارة ماعرفها لمنو دقايق وسكت الصوت والسيارة
شخطت وراحت بسرعة التفتت لجهة البيت ولكيت سيارة اشهب مفتوح بابها وهو ماكو تقدمت بخطوات ثقيلة ماجنت مستعد انفجع بأخوي
بس مثل ما توقعت
اشهب واكع والدم ينزل منة بغزارة ركضت علية وصحت بأعلى صوت
..لاااا اشهبببب
تقدمت وخليت راسة بحضني جان مبتسم حاولت اكعدة بس بدون فايدة طلعت امة تعيط ودگ على راسها الناس التمت وحانت بس تباوع
رفعتة بصعوبة واجة وياي ولد جيرانة صعدة بالسيارة وياي خليتة ورة وامة صعدت يمة وطرت بي للمستشفى الطريق صار شطولة
..اشهببب اروحلك فدوة لاتسويها بيةةة كلهم عافوني لاتعوفني انت هم
أنت تقرأ
بين احضان قاتلي
Romanceخليت ايدي على اذاني التفتت لليسار شفت مجموعة أشخاص بيدهم سجاجين وشكلهم يخوف التفتت لليمين شفت دم باوعت الكدامي شفت باب البيت بي ضوة كلش قوي واكف كدامة شخص ضخم مشفت وجهة فتحلي ايدة بدون ماحس رحت اركض لحضنة وذولي الأشخاص يركضون وراية وصلت اريد احضنة ب...
