يهزمني الحُب وانا جاهل بدرب المُحبين

البارت الثامن والثلاثين

وعد انهارت تبكي اول م سكر ابوها الباب وهي خلاص تأكدت انها مخيرة بين خيارين لا ثلاث لهما يا تتطلق من كاسرها ولا تجلس هنا لين تموت ومحد بيدري وينها ..
.........••........
فالسجن
رعد دخل وفز كاسر وفتح العسكري لرعد ودخل وسلم ع كاسر وقال : وشحالك طمني ؟
كاسر ابتسم : معليه بخير بس يوم واحس اني مكتوم اجل كيف بصبر اسبوعين !
رعد ابتسم : احمد ربك اني توسطت لك ولا كان انت بين سجناء ومجرمين
كاسر : اي والله الحمدلله
رعد نزل راسه بضيق وهو عرف عن سالفة وعد وقال كاسر : افا وشفيك ؟
رعد بصوت خافت : اجلس والله بفهمك بكل شيء
كاسر بخوف : وششفيييك احدد صارر له شيء !!
رعد جلس كاسر غصب ومسك يدينه بقوة وقال : وعد ابوها خطفها
فز كاسر وصرخ : ننعععمم !!!
رعد بحدة : اجلس يالكاسسر اجلس
كاسر كان قلبه يدق بسرعة وقال : كيييف اخذذهاا وهيي على ذمتتتي ولازم يستشيرنيي !
رعد قام وبان فرق الطول بينهم وقال بحدة : اقولك خطفها تقول ليه م يستشيرني ؟؟
كاسر كان يرجف وقال : ااااه يالوعد اسسف اني م كنتت معتس رعد تككفى طلعنني
رعد : قاعد اشتغل اصلاً عليك
كاسر تطلم بشماغه وقال : لييييتك م قلت ليي لييتك م جيت يالرعد بسلامتك
رعد باس راسه وقال : والله والذي نفسي بيده انه م يصير لها شيء وبنحصلها بأقرب وقت واوعدك بالوعد ورجوعها لك
كاسر تطمن وقال بصوت مهزوز  : ثقتي فيك كبييييرة ارعد عليهم يالرعد تكفى يعزوتي وتاج راسي تكفى رجع لي الوعد
رعد شاش بعد عزوة كاسر فيه وقال بصوته الرخّيم : اعتبرهاا عنددك
كاسر ابتسم بضيق وشاف رعد يطلع من عنده وطاح بطوله مكسور وكأن معنى اسمه انقلب عليه اما رعد انطلق يشتغل ويدور لأي اثر لها بس للأسف كانت كأثر الاقدام في منتصف الثلوج والعواصف م كان لها اثر ابدًا بس م استسلم رعد وكان يشتغل بتعب وجهد
.............•••............
في بيت رعد
لين دخلت : هااااااي
هيام استقبلتها بحضن : ارحبي يحيوانه
لين ابتسمت : شكلتس للحين ناوية
هيام ضربتها بخفة : تقلعععيي
لين انفجرت تضحك ودخلت الصالة وقالت : ماشاءالله بيتكم يجنن وكبيير
هيام : ايه يجنن بس يكسر الظهر واخوتس الوسخ م يساعدني
لين استغربت : غرييب عاد رعد نظييف وم يحب الوساخة ابدًا
هيام صغرت عيونها وقالت : حمارة انتي اقولتس م يحب يساعد م قلت يوسخ انا اللي اوسخ اذا سويت له اكل وابيه يساعدني وللأسف
لين جلست ع الكنب : جربتي تطلبينه ؟
هيام هزت راسها بالنفي وقالت : لا والله
لين ابتسمت : طيب اسأليه والله م يرفضتس عاد اني غييييييير عن الرعد
هيام : خلاص بجرب ويويلتس يرفض
لين ثقلت صوتها وكانت تشبه رعد بشكل طفيف وقالت : معليييتس ابشري والله انتس بوجهي وشنبي !!
انفجرت هيام ضحك وقالت : وااااه يحلووكمم تعالي ابوستس
لين قربت خدها لهيام اللي باستها ع دخول رعد وهو يقول : ماشاءالله خذيتي بيتي والحين زوجتي ؟
لين صرخت برعب هي وهيام
لين فزت وركضت ع مدت يدين رعد لها ونطت بحضنه وهو م ابعدها بالعكس حضنها بقوة وهي محاوطة سيقانها على خصره وكان هالمنظر كافي انه يقتل هيام اللي كانت تناظرهم بحدة وقالت : هلا والله جيت
رعد م رد عليها وهو كان يبوس راس لين ونزلها وقال : شخبار اخر العنقود ؟
لين كانت متمسكة بيدينه وقالت : بخييير يعيونها
رعد ابتسم : جعله دوم يروح الرعد
لين ضحكت : كيف دوامك ؟
رعد : سيء للأسف لكن بعد شوفتتس تعدل يوممي
لين حضنته وقالت : احبببك يالرعد
رعد : اهيمتس ياليين
هيام دخلت المطبخ وحضرت الغداء وطلعت للصالة : رعد
رعد لف لها بهدوء : سمي
هيام كانت تنتظر كلمة " لبيه ، عيوني ، روحه " بس عبست بزعل وقالت : سم الله عدوينك الغداء تعال
رعد قام ومسك يد لين وقال : تعالي تغدي معي منزمان عنتس
لين قامت وشّدت عليه وراحت معه وجلسوا ع الطاولة
هيام كانت تحترق وهي م كانت تتوقع انها ممكن تغار من خوات رعد وم كانت تدري كيف يعاملهم وانصدمتت من لطفه وحبه لهم وقالت بنفسها ( م بدخل وبشوف بيفقدني ولا لا ) وراحت للصالة وجلست ع جوالها ومرت ١٠ دقايق ورعد م فقد هيامه وهذا شيء كسرها بقوة وقامت ودخلت وحصلتهم يسولفون وميتين ضحك ولف رعد لهيام وقال : هييامي وينتس تعالي الغداء
هيام بحدة : مالي نفس عافية عليكم
لين ضحكت : الحين تقول مالي نفس وهي وقت م كانت تطبخه اكلت منه لما شبعتت
رعد انفجر يضحك وقال : جعلله مع العافييية
هيام توسعت عيونها وقالت : خير لين مو لذي الدرجة عاد اذا انتي تسوينها انا م اسويها
لين لفت لها : شفيتس تحسستي طيب امزح ترا
هيام ابتسمت وتقدمت لرعد ومسكت فكه وقربته لمبسمها وهمست له وهي تقول : وشفيك اليوم رجعت ولا سلمت علي ولا شيء مضايقتك بشيء انا ولا ليه ذا الاسلوب كله !
رعد كان ياكل وقلبه مع هيامه وعقله مع لين وقال : لين عطيني الشطة
لين اخذتها ومدتها له واخذها رعد وناظر بهيام وقال : تعالي قربي مني
هيام كانت مصدومة صدق وقالت : خلاص تاكدت م يحتاج اقرب
وراحت وفز رعد وراها علطول ورفعها بين يدينه وقال : الحلو زعلااان ؟ هيياام الرعد زعلانه ؟
هيام شهقت اول م رفعها وقالت : رععد لا تطييحننيي
رعد شّدها له وقال : افا للحين م وثقتي فيني وبعدين شفيتس زعلانه ؟
هيام : نزلني طيب
رعد ابتسم بخبث وفتح رجول هيام وحاوطها ع خصره وقال : لاا عندتس مانع ؟
هيام فزت ومسكت رقبته وقالت : ررععد
رعد ضحك وجلس وهيام باقي بحضنه وقال : وش مزعلتس
هيام : ولا شيء
رعد ابتسم وباس خدها وفزت هيام وقالت : م غسسللتت فمك !!
رعد انفجر يضحك وقال : م يتوسخ اصلاً وبعدين م تبين ابوستس الا وانا نظيف ؟
هيام قامت وقالت : قم كمل غداك طيب
رعد قام وقال : تعالي اكلي طيب
هيام اتجهت معه وجلست وشافوا لين جالسة ع جوالها وقالت : طولتوا ؟
ضحكوا هيام والرعد وجلسوا وكملوا الاكل
............••...........
في بيت ابو محمد كان الكل مستنفر وكانت مصيبة وعد كالجبل الثقييل اللي طاح ع ظهور رجال اهلها
فارس بحدة : حممد ويين كنتوووا انتوا معقولة م فييه رجال فالبيت !!
حمد بعصبية : كمم مره اقولك وافهمك انها غددرة !
ابو محمد عصب : بسسس انت وياااه ماحنا ناقصيينكم
رعد بقلة حيلة : وش السواة ؟ احد عنده افكار او اماكن نقدر نروح لها
ابو رعد : مثلاً ي سامي انت وحمد مكان كان ابوكم يروح له كثيييير
سامي : مدري م اتذكر شيء
حمد بتعب : والله ولا انا
رعد احتدت نظرته واحتد صوته وقال : فكرروا زييين تراها حياة اخت وبنت عمة ولو اني م اهتم م كان تعبت ذا التعب كله
سامي بصوت مهزوز : والله م كسرنا الا انها كملت يوم مختفية وامي وشوق منهارين وقسم بالله
رعد بحدة : اجللل كاااسر ! لييي ييوومم م رحت لهه م ابيي اشووف كسرة اخووي
محمد : الله يجبر بقلوبهم يارب ويساعدنا نحصلها سالمة غانمة
الكل : امييين
...........
في الصالة
ام رعد بحزن : خلااص تكفيين خلاص ي عبير
ام شوق بكسرة وحرقة ع بنتها : مقدررر ي ناديه والله اني مكسووورة ع بنتي ومكسوررة ع حالها
ام محمد وسط دموعها : خلاص الله يجبر بنا ونحصلها والله لا يوفقه اللي م يستحي ولا ينتخي الله ياخذه
سلمى : خلاص تكفون خلاص
شوق بأنهيار كانت في حضن هيام وقالت : اااه يهيام كانت معي في سريري ولا حسييت فيها
هيام بحزن : خلاص يعيوني ان شاءالله بنحصلها والله ان رعد م وقف وانه كل يوم طالع اذا حصلوا شيء او دليل
حنين فزت اول م سمعت صوت فارس وقالت : لبيه
فارس : بنطلع ندور مع رعد انتبهي لتس ونبهي اللي داخل لحد يطلع شوفوا سامي بيجلس اذا تبون شيء كلموه
حنين حضنته وقالت : الله يوفقكم ويساعدكم وانتبه لك يحبيب حنين
فارس كان مستعجل وخطف بوسه منها وراح يركض لرعد اللي يزهم فيه : ياللفااااارس اخللص
فارس ابتسم : جييت جييت يالرعد
حنين بخجل دخلت وسكرت الباب وهي م تبي تدخل من الاكتئاب وراحت للميس : وااه ي بشرى قمر قمر
بشرى بحزن ابتسمت : يعيوني انتي القمر والله
حنين : هاتيها لا تتعبين
بشرى مدت لميس لحنين واخذتها حنين وصارت تلاعبها ونست الحزن شوي
...........••...........
فالسجن
كاسر كان منهار وكان اسوء حال منهم كلهم بحكم انه م يدري عن شيء ويتمنى يطلع في اي لحظة وقال بصوت يدوب ينسمع : اااه يالوعد وينتس وكيف حالتس لي اكثر من يوم م وصلني خبر عنتس والقلب يالوعد احترق ومات ولعاد فيني روح اااه يحبيبة كاسر وروحه استودعتتس الله يعيونه
قاطعه دخول محمد
محمد : كاسر
كاسر فز ومسك قلبه : بششرررني
محمد بحزن : والله للحين م لها اثر
كاسر مسك رقبة محمد وصرخ في وجهه بشكل مرعب : لكممم يوومم وييين الوععد وييينهاا !!
محمد مسك راس كاسر ولصقه بجبهته وقال : اذكر الله وادع لها يالكاسر يمكن انت تكون سبب
كاسر نزلت دموعه وقال : ااااه يحمود وقسم بالله اني معاد فيني حيلة ولا طاقة واني م اكل ولا انام وكيف انام وانا مدري اذا هي تاكل ولا تنامم ولا بخييير ولا حية ولا ميتة
بعد كلمته الاخيرة طاح كاسر بطوله مغمى عليه ووجسمه واطرافه راح لونها وتحولت للون شااحب وصرخ محمد ع الامن وطاروا وشالوه وطلعوه للمستشفى ودق محمد ع رعد يعلمه وش صار وطار رعد لهم علطول
رعد بخوف : حمييد وش صاار !
محمد بحزن : والله وضعه يتعب الواحد يالرعد طلعوه اعنبوكم حرااام عليكم والله اللي يصير له
رعد : والله م باليد حيله
محمد : اه بس الله يكون بعونه
رعد بضيق : امين يارب
كاسر بدأ يصحصح وقال : تككفى يالرععد
رعد فز هو ومحمد وقال بحدة : لبيييه
كاسر بحزن : حصلتوا الوعد !
رعد بضيق : لا والله يالكاسر مدري وين خذاها ابوها لكن لا تخاف مستحيييل ابو يسوي شيء لبنته
كاسر انفجر : لوو م بيسوويي لهاا شيء لييه خذااهاا !
رعد فز وحضن كاسر وقال : خلاص يخوي خلاص حرام علييك اللي تسويه بنفسك حرام عليك
كاسر بكى وطاحت دموعه بحرقة وقال : الله لايحسسك بشعوري يالرعد اااه صدري يحترق ولا اقدر اكل ولا اشرب ولا حتى انام وهي ضايعة بين يدين كلب م بيرحمها !
رعد شّد عليه وقال : ادع ربك يخوي والله يفرج عنك وتحصلها
كاسر : اللهم امين والله م انساها من دعواتي نساها موتها م نسيتها
طلعوا رعد ومحمد من عند كاسر عشان يرتاح
...........••...........
في بيت ابو محمد
حنين شهقت اول م شافت رعد تحت عند الباب وفزت ركض وفتحت له وحضنته : رعععد
رعد ابتسم وشّد عليها : عيييونه
حنين : خير تأخذ لين عندك وانا !
رعد ضحك : والله م انتي ع ذمتي استأذني من فارس وابشري
حنين ضحكت : موافق معليك بس اخذني معك ابي اجلس مع البنات طفشت والله
رعد : تم اجل جيبي لتس ملابس وتعالي
حنين : عادي بأخذ من هيام
رعد ضحك : ونسيتي انتس اطول منها ؟
حنين : عادي م بطول اصلاً امش بس
رعد مسك يد حنين بعد م لبست وطلعوا وقابلوا فارس
فارس بتمعن : خير يبو شكلك بتخطف مرتي عشان تأخذ ثار اخوك بس ترا مرره مالي دخل
رعد انفجر يضحك وقال : ادري يحمار بس اختي معاد تبي تجلس فالبيت
فارس بزعل : افا يحنيني افا
حنين فزت له وحضنته : تكفى لاتخليها بخاطري
فارس : يالرعد دق ع مرتك تجهز القهوة والشاهي واعزم العيال يخوي خلنا نغير جو
رعد : ابشر يالله بسبقكم
فارس ابتسم : الله يحفظك
ركب رعد سيارته واخذ جواله ودق ع هيامه
هيام : لبيه
رعد ابتسم بعد صوتها اللي كان يعتبره ملاذه الامن وقال : اشتقت لتس
هيام بخجل : وينك طيب ؟
رعد ابتسم : اسمعيني جاي وترا بسوي عشاء كبير ابي كل شيء جاهز
هيام : منعيوني بس ليه ؟
رعد : بتعرفين اذا جيتتس
هيام : احبك طيب
رعد تخدر بحب وقال بصوته الرخّيم : اهييمتس
هيام ضحكت وسكر رعد واتجهة للقسم
رعد : خلاص اقدر اخذه ؟
العسكري : ايه حضرة العميد
رعد : يالله طلعه علي طيب
العسكري : ابشر
دق لرعد التحية وراح بعد م سمع رعد يقوله يستريح
كاسر طلع وهو يرعج ويمشي بعكازة وقال : ارحب
رعد فز ونزل يساعده وقال : الله يبقييك يخوي وسندي وعصابة راسي
كاسر رفع نفسه وباس راس رعد وقال : والله مدري كيف اشكرك يالرعد
رعد احتدت نظرته وقال : خيير كاسر ؟ م بيننا والله لو اخدمك طول عمري مالي جميل عندك !
كاسر ابتسم وركب السيارة وحركوا لبيت رعد
............••............
الكل عرف بالعزيمة بس محد يعرف السبب والكل لبى الدعوة اللي تعتبر كبيييرة بحكم انها من رعد
ابو محمد : ماشاءالله م بغى ولدك يعزمنا في بيته
ابو رعد ابتسم : يبه توه خلص تأثيثه
ابو محمد : اها اجل بعذره
ابو هيام : ابوي يدور الزلة
ابو محمد لف بعصبية : خير يقليل المرؤة !
ابو رعد : يبه خلاص جعلني قبلك دخلنا ؟
ام محمد : اذا تكرمتوا يعني !
الكل دخل وسلموا ع هيام اللي كانت واقفة وتبخرهم وتسلم عليهم
ام رعد : هيومه ادخلي عشان فارس والعيال
هيام فزت ودخلت داخل ركض
فارس دخل وقال بصوت عالي : ماشاءالله تبارك الله عساااه بيت عامر بأهله
كاسر تكلم من وراهم : وعسااه عامر بحس الرعد وهيامه
الكل لفوا بقوة لصوت فقدوه اربع ايام ويحسونها ٤ سنين
ابو رعد بصوت هز البيت : اارررححببب يالكااااسسسرر
الكل فزوا له وسلموا عليه السلام الحااار
كاسر ابتسم بألم اول م شاف حمد وسامي وكان يشوف ملامح وعُوده ع وجيهم وقال بضيق : الله يبقيكم يأهلي ياتاج راسي والله يطمن قلبي برجوع وعد يارب
الكل تنكدوا وقالوا بصوت واحد : امييين
رعد دخل : اقلطوا الله يحيكم
دخلوا الرجال للمجلس وشاف رعد كل شيء بمحله من صواني حلا وصواني موالح ومسكرات واعداد من الدلال والبراريد وشبة نار كان كل شيء يبرد الخاطر واتجهة داخل ودوى صوته ببيته وهو يقول : يوولدد طرييق
لين بصوت عالي : ادخل
دخل رعد واتجهة لهيام علطول اللي كانت واقفة عند العشاء وتجهز فيه وتقدم لها واستوقفته يدها اللي تقول : رعد ابعد فيني ريحة اكل ابعد
رعد ضحك : ابشري بس هاتي راستس
سلمى بقرف : خلاص يبو تقلع
رعد لف لها بحدة وقال : نعععم ؟
سلمى : يمه خلاص اسفين
ضحكت هيام وتقدمت لرعد اللي باس راسها بقوة وكانت ريحتها ياسمين وعطر خفيف وم كان فيها ريحة طبخ ابدًا ولف يده ورا خصرها وشّدها عليه وقال : ممكن تطلعين ؟
سلمى م كانت معهم اصلاً وطلعت بكرامتها وهي تتحسب ع رعد اللي كان قريب من هيام بشكل مرعب وقالت : رعد مو وقته ابدًا !
رعد : انتي كل اوقاتي طيب
هيام بحب باست لحيته وقالت : احبك
رعد ابتسم وقرب وباس خشمها وقال : اعشقتس
هيام : صدق ليه العشاء ؟
رعد : افتتاح بيتي المتأخر جدًا ثانيًا كاسر طلع
هيام فزت : اسألك بالله !!!
رعد ابتسم : والله
هيام : وينه بسلم عليه
رعد بحدة : نعم ؟
هيام : وش تكفى والله انه واحشني
رعد مسك فكها بقوة وقال : ههيياااام !!
هيام بألم : اف خلاص ابعد بس بتحمد له ع سلامته
رعد كانت عيونه تطلع شرار وقال : اهجدي انا بوصل له كلامتس !
هيام : خلاص طيب
رعد طلع وهو مستعجل وم قال يولد حتى وقال : مبروك م جاتس ي بشرى
بشرى فزت برعب من صوته وقالت : الله يبارك فيك يالرعد وعقبالك
رعد م كان يناظر فيهم وقال : حنين ولا لين هاتوها لي
لين قامت واخذت لميس وودتها لرعد اللي اخذها من يد لين وقال : بسم الله علييها الرحمن الرحيم ماشاءالله
لين بحب : وااااه يالرعد شكلك يجنن وانت ماسك رضيع
رعد غمز لها وقال : كلها ٦ اشهر
لين : الله يتمم لكم يعيوني
رعد مد لميس للين وقال : امين عقبالتس انتي واللي تحبينه
لين بضيق : م فيه احد يحسرتي
رعد همس : مدري اتذكر واحد اسمه ذيب
فزت لين وكتمته وقالت : للاااااا
رعد ضحك وطلع من عندها تحت صدمة لين وكيف رعد يتكلم معها كذا وهو يغار على خواته وتيقنت انه تغيير بعد هيام
............
في مجلس الرجال
ابو محمد بفرحة : حمدلله ع سلامتك يالكاسر
كاسر : الله يسلمك يجد
ابو محمد : وعقبال م ترجع وعد وتتزوجها يولدي وتعزمنا في بيتك
كاسر ابتسم بضيق وقال : ابشر والله باللي يرضيك بس خلني احصلها
رعد دخل : بنحصلها لك يالشيخ احتزم واضرب الارض ولاتسمي
محمد : انشهد احتزم فينا حنا درع جنبك
فارس بصوته الرجولي : شد حزامك يولد العم
كاسر بفخر : الله لايحرمنيي منكم والله انكم محازم وكل واحد فيكم حمر عيين ولا فيه شك عندي شهادتي فيكم مجروحة
ذيب : ابششر بنا يالكاسر
كاسر ابتسم وحضن ذيب وقال بهمس : انت بالذات غييير والله انك بقلبي يالذيب وابشر باللي يرضيك
ذيب بعد كاسر عنه وباسوا خشوم بعض وقال بهمس : ودي باللين
كاسر : ابشر بها
ذيب ابتسم وتذكر شكل لين وضحك بحب وقلبه دق لها مره ثانية
.............••............
بعيييييد جدًا في مزرعة ابو شوق المهجورة اللي ملئ ارجائها الافاعي واصوات الكلاب واصوات اشياء ثانية خارج عالمنا ...
كانت وعد كالمجنونة لها ٤ ايام عايشة بظلام ولا تشوف الا نور الشمس فالصباح مع فتحات بالجدار وكانت حالتها ترحم الكافر وتخليه يحن لها وقالت بصوت مبحوح وباكي : بدال م اكون بأحضانك الدافية وبدال م اكون احس بيدينك حولي وبدال م اشعر ببوساتك الحارة ع بشرتي انا هنا يالكاسر وانت بعييد مني اه يالكاسر خوفي انساك وانسى حياتي وانسى كيف اعيش وانسى كل شيء واموت هنا وانت م تدري عني اه يالكاسر وعدتني م تتركني وتركتني وانا اهم وعودك انا الوعد اللي تحقق لك بعد كل شيء اه يالكاسر يارب اجبر خاطري يارب
كملت وعد ليلتها الخامسة بذا المكان اللي حتى الحيوان م بيقدر يعيش فيه وكلمت يومين من اخر مره شافت ابوها وصارت تبكي وتحترق وكانت قريييبة من انها تخسر نفسها لأنه كمل يومين وم جاب لها اكلها ولا حتى مويه تشربها
نعست عيون الوعد وطاحت ع الارض وهي تحلم بكاسر وانه في حلمها يحضنها وتبكي ويواسيها
كاسر : خلاص يعيوني والله انتس معي والله محد يجيتس انتي في وجهي وشنبي ي وعد الكاسر
وعد فزت من نومها بخوف وقلبها يدق وشافت راس اسود يناظر فيها وكان مرعب بشكل جنوني وبشكل يطير العقل من مكانه
ابو شوق بحدة : صحيتي !
وعد صرخت بأعلى صوتها وهي تحس ان روحها طلعت اول م صب ابوها عليها موية مثلجة وصفقها بقوة وقال : عمى يعميتس يبنت الكلبة !
وعد برجفة : يبه خلاااص يبه بمووت يبه
ابو شوق بفرحة : توقعين ع الاوراق
وعد بهدوء : اييه
ابو شوق فك السلاسل من عليها وابتسم وقال : شوي واجيتس
وعد هزت راسها بموافقة وطلع ابوها وفزت وعد بصعوبة وهي تعرج و علطول حطت حديدة صغيرة عند الباب وتوهم ابو شوق انه سكر الباب وطلع وجاب الاوراق ورجع وحصلها باقي بمكانها
ابو شوق : وقعي
وعد : والله لو تذبحني م اوقع
ابو شوق طارت عيونه وضربها بقس ع وجهها الحساس والانوثي اللي تشوه بعد ضربته بحكم انه لابس خاتم وقال : هيييينن ي وععد هييين !
طلع وسكر الباب واحكمه وهو ع باله انه تسكر وتوهم صدق ونجحت اول خطط وعد وركزت واستقوت ووقفت بصعوبة وفتحت الباب اول م اختفى صوت سيارة ابوها وطلعت للسيب وشافت غرف تخوف وكانت تتهيئ عيون حمر تطالعها كان المكان مررععب واصواته ارعب اتجهت للصالة وشافت نور بسيط وحصلت تلفون وركضت له وهي تبكي وتحاول تتذكر رقم كاسر بحكم انها تبي تسمع صوته وبعد ساعات من المحاولة رجع صوت سيارة ابوها وفزت للغرفة وسكرت الباب ومثلت النوم وهي منهارة تبكي عشانها كانت تبي تتطمن بصوت كاسرها
...........••...........
في بيت رعد الكل كان فرحانين ببنت محمد وبشرى والكل بنفس الوقت كانوا مكسورين ع وعد وخصوصًا شوق وامها
هيام : شوق تعالي بنجلس فالحوش
شوق قامت وراحت ورا هيام وجلسوا جلسة مع بعض
سلمى بجدية : شوقي حاولي تتذكرين اماكن ابوتس كان ياخذكم لها
شوق بكت : والله اني احاول م فييه شيء براسي ابدًا
هيام فزت وحضنتها وقالت : خلاص يروحي خلاص
حنين : الله يطمن قلوبنا وقلب كاسرها فيها
الكل : امييين
بشرى مسكت يد شوق وقالت : معليه صلي وادعي لها
جميلة : ايه والله لا تستسلمون يمكن وحدة مننا اقرب لله
صالحة بحدة : الله ياخذه ولا يوفقه يارب
شوق : اميييين
هيام : شوق استغفري تراه ابوتس !
شوق بحدة : ولييه استغفر هو حرمني من اختي !
هيام : انا فاهمة انتس زعلانه وخايفة عليها بس حرام عقوق
صالحة : وش عندتس الحين ؟
سلمى : افف خلاااص انتي وياهاا بكيفها تتحمل الذنب !!
جميلة ضحكت : جاتكم الثانية
لين : م يضحك !
الكل سكتوا وتكلمت بيان بعد فترة : بنات
الكل لفوا لها وكملت وقالت : محد معه شيء لوعد نقدر نحصلها منه
هيام بضيق : لا والله اصلاً حاول رعد فيها وم حصل شيء
فزوا البنات ع صوت كاسر وهو يقول : الله يبقيكمم
ركضوا لين وحنين
لين بصوت باكي : كااااسسسر
كاسر ابتسم وقال : يعيييونهه
فزت لين وحضنته وركضت حنين وحضنته بعد ومسك خواته بحب وقال : لبى والله عيونكم وحشتوني
حنين بصوت مهزوز : م يوحشك غالي
كاسر بضيق : والله انه وحشني وقطع قلبي وكسر ضلوعي يحنين
حنين : معليه يخوي تصبر وان شاءالله ترجع سالمة
لين بدموعها : اه يالكاسر الله يقوي قلبك يخوي وتحصلها وتمسكها بين يدينك
كاسر كانت دموعه متجمعة وقال : الله يسمع منكم
ذيب بصوت عالي : كاسر يالله
لين فزت وقالت : بسم الله !!
ذيب ضحك وهو متوتر اول م سمع صوتها وقال : يالبيه يالحس اللي اشتقت له
كاسر بحدة : هيه احترم نفسك !
لين ضحكت : كفو كفو
كاسر ابتسم وطلع لذيب اللي ماسك قلبه وقال : وانا مالي كفو
لين لفت وراحت وعلى لفتها فاحت ريحة عطرها اللي شق صدر ذيب وطلع وهو يترنح ويقول : ابييها يالكاسر
كاسر توسعت عيونه وقال : خييير يبو !
ذيب ضحك : والله معاد اتحملها وهي بعيدة مني
كاسر : تقدم لها طيب وبعدها يصير خير
طلعوا لجلستهم فالحوش
............••...........
فالمزرعة
وعد فزت من حلمها اول م تذكرت رقم كاسر وراحت ركض وهي منزله عيونها عشان م تطالع المرايا والغرف المرعبة وكتبت رقمه واتصلت عليه
كاسر رفع جواله وشاف رقم ثابت وغريب وقال : الله يشغلهم
وسكر كاسر وهو م يدري انها الوعد اللي تستنجد فيه بد الناس كلهم واختارته هو بس
وعد انهارت وهي حاطه السماعة على اذنها : اااااه يالكاااسسر رد عليي تكفى تكفى ابي اسمع صوتتك
كتبت الرقم مره ثانية واتصلت ووصل الاتصال لكاسر للمره الثانية
كاسر بحدة : الحين وشيبي ذا يدق ! عيال احد نشر رقمي
رعد : سكر وخلصنا العب
ذيب ابتسم : كاسر سكرت ؟
كاسر لف له بهدوء : ايه
ذيب : يمكن وعد تدق من مكان مهجور
فزوا العيال ركض ورجعوا يدقون ع الرقم اللي كان احساس ذيب بمحله بس للأسف وعد م كانت موجودة عند التلفون كانت تنسحب مع شعرها من ابوها وتنضرب وهو يصارخ بوجهها : كييييفف طلعتتيي !!
وعد بخوف : كنت..كن...كنت ادو....ادور اككلل
ابو شوق : انا بجيب لتس لعاد اشوفتس طالعه !
وعد : ابشر ابشر خلاص
طلع ابو شوق وسكر الباب ونفس كل مره كان يحسبه متسكر بأحكام والحديدة اللي حطتها وعد كان تحجب عليه انه يتسكر
وعد كانت تشهق وتبكي ورجعت طاحت مغمى عليها وهي ودها تقوم وتروح تسمع من اللي دق..
..........
عند العيال
رعد : اخلص العب ونزل كروتك اصلاً الشرهة مو ع ذيب علينا يوم نصدقه ونطير ندق اكيد مو هي
كاسر بضيق : اااه يعيال كنت متأمل اسمع صوتها
حمد بحزن واضح : معليه يالكاسر بنحصلها ان شاءالله وهي سالمة غانمة
فارس : رعد دورك
رعد نزل كرت وضحك هو وفارس اللي كانوا ضد ذيب وكاسر في البلوت
..........
انتهت ليلة جميلة وتعيسة بنفس الوقت جميلة من ناحية تجمع العايلة وتكاتفهم واكلهم وسوالفهم مع بعض وتعيسة لكل شخص فقد وعد واولهم كاسرها..
طلع الكل من بيت رعد وكان واقف وسكر الباب وتشمر وطلع ركض لهيامه
رعد م كان يدري ان لين للحين موجودة وحنين بعد وسلمى دخل وشاف هيام تطلع الدرج
رعد بحب : هياامي
هيام لف بقوة وقالت : بسسم الله خرشت...
قاطعها وصول رعد لمبسمها وامتلاكه له بقوة تحت مصارعة هيام اللي تبي توصله ان البنات فيه !!
رعد ابتسم وبعد عنها بعد م حس انه انقطع نفسها وقال : اهيمتس يالهيام ولو الود ودي سويت اكثر من كذا
هيام كانت ترجف من المشاعر اللي اجتاحت قلبها وقالت بهمس : رعد البنات موجوديين !
رعد م كان يتمنى احد يشوفه بالمنظر ذا وكان يبي يكون هيبة بعين كل شخص يعرفه الا هيامه اللي يتمنى انها تأسره دايم وتطيحه وتخضعه لها وقال بحدة : ميين !
هيام حاوطت رقبتها وعلطول نزل رعد ورفعها وحاوط سيقانها على خصره وقال : تبين اكمل عليتس ؟
هيام كانت متخدرة له تماماً وقالت بهدوء : لا بس ابيك تدخل الغرفة وتنام
رعد دخل الغرفة ونزل هيام ع السرير وحاوطها واعتلاها وقال : اعنبوتس والزيييين كله
هيام ابتسمت : حبيبي انت الزين والله
رعد : هاه انا الزين ؟
هيام ضحكت : لا هونت خلاص
رعد ابتسم وباس خشمها وقال بهمس : عادي انزل ؟ عادي ابوستس وعادي احاوطتس بيديني وعادي احتويتس ؟
هيام كان قلبها يدق بقوة وكانت بتتكلم بس قاطعها هجوم رعد عليها وهو كان م ينتظر اجابتها بس كان يبي يعطيها خبر انه يبيها
لين : هيام وين راحت ؟
سلمى : لعنه تلعنها قلت تروح تجيب لنا الشوكولاتة اللي هي حاطتها واختفت
حنين ضحكت : رعد مو موجود عشان كذا لين روحي وناديها انتي اصغر وحدة
لين بملل قامت وقالت : اف الله يكون بعوني
سلمى بعصبية : خلصصيي خوفي يجي منصور !
ركضت لين وهي تضحك وراحت للدور الثاني وشافت باب غرفة رعد وهيام مفتوح وكان رعد ناسي يسكره وهو ع باله ان هيام تكذب عشان م يجيها
ركضت لين ودخلت وشافت وحشية وحب تمّلك رعد لهيام وقالت : سكرروااا البااااب طططييبب !!
رعد توسعت عيونه وعصب وركبوا الجنون كلها فوق راسه وطلع بحدة وقال : ددققيي البباااابب طيييب !
لين بحدة : عمممى غلللطااانن ويصاارخ
حنين جات ركض : بسسم الله شفييكم !
لين وزت ورا حنين وقالت : اخوتس اللي م يستحي تارك الباب مفتوح ووالله ي حنين لو شفتي اللي شفته ان تذبحين نفستس وتقولين ذا مو رعد
رعد تكتف : احلفي ؟ وكيف تبيني اكون مع هيامي
حنين بخجل : اف لين ليتتس م رحتي
لين ضحكت : وربي اني مصدومة هل انت رعد ؟
رعد هز راسه بنفي وقال : انا م اكون رعد مع هيام انا اصير لها رعّود الهيام
حنين ولين صرخوا بنفس الوقت وفز رعد عليهم وحضنهم : اصص انتيي ويااهااا
حنين حاوطته وقالت : يحلوكم صدق الله يديمها لك يعيوني
لين بخبث : ويديم الاحضان والقبلات بينكم
حنين توسعت عيونها وقالت : لييييينن
رعد قرب وعض اذنها وقال : اعقللي
لين ضحكت بقوة وقالت : هيام اطلعي بالشوكولاتة يالسحبة !
هيام طلعت ومعها الكيس وهي ترجف وتضحك وقالت : هاتس انزلي وشوي ولاحقتكم
لين هزت راسها بنعم واخذت الكيس ونزلت تحت
هيام كانت بتنادي رعد بس شافته انشغل مع حنين وكانت تسمع سواليفهم وم يزيد غيرتها الا حنين بحكم انها قريبة من عمر هيام وقالت : رعد تعال شوي
رعد لف لصوتها وانشّد له وقال : ادخلي يروحه شوي واجيتس
دخلت هيام وهي تفوور واخذت شاور سريع وطلعت ولبست افخم البجايم الحرير اللي كساها اللون الكحلي و اللي كانت شّاده ع ملامح جسمها واللي برزت لنا خصرها وحطت ميكب خفيف وسدلت شعرها الاسود على ظهرها وتعطرت بأفخم العطور اللي عندها وبخرت نفسها ولبست اكسسوارات نااااعمة وطلعت راسها من الغرفة وشافت حنين باقي تسولف لرعد اللي كان يسألها متى لاحظت ان فارس متغير
حنين بهدوء : وبس والله كان كذا وكنت اخاف منه وكنت اتمنى اني استقوي واجيك اذا فقدت الامل بفارس
رعد باس راسها وقال : معليه سهالات يعيوني واي شيء يصير حتى لو جرحتس بكلمة بسيطة تعالي عندي !
حنين ابتسمت : ابشر يعيوني
رعد ابتسم وراحت حنين وطلعت هيام ولحقت حنين بس استوقفتها يد رعد اللي مسكتها مع خصرها وسحبها له وقال بصوته الرجولي : على ويين يالحب ؟
مع لفت هيام لرعد تلامس شعرها بوجهه وتداخلت ريحة هيام الانثوية الطاغية مع عطر العود حق رعد وريحة شبة النار
هيام بخوف : وش بكمل سهرة مع البنات وانت ادخل نام لاتنتظرني
رعد بحدة : تتوقعين اني بخليتس تروحين !!
هيام فكت يده من وراها وقالت : وشدعوة م تخليني نام وبجيك م بطول اصلاً
رعد صد علطول وهو يمسح وجهه ودخل الغرفة وكانت كلها ريحة هيامه وهذا اللي صاب رعد بالمقتل واستغفر ودخل فراشه وكان يحاول ينام بس هيام كانت براسه ومو راضية تطلع
.......
سلمى بحدة : خيير انتي طولتي !
هيام ضحكت : وش اسوي عاد المهم اسمعوني
الكل انصغى لكلام هيام
لين : مستحييييل يطلعونا للبحر ووعد للحين م حصلناها
حنين ضحكت : اصلاً شلون بحر فالحر ذا
هيام : اف حننين نفس اعذار اخوتس حر يخي شفيكم !
سلمى : انا منصور برا بطلع له وبرد لكم خبر بعدين
هيام قامت وحضنت سلمى وقالت : وحشتيني يحيوانه منزمان م فضفضت لتس
سلمى شّدت عليها وقالت : اعنبوتس انا اقرب لتس من روحتس دقي بس واطرحي كل شيء مضايقتس
هيام ابتسمت وطلعت مع سلمى وانتظرتها حتى ركبت مع منصور واتجهت داخل البيت وقالت : لين بتنامون هنا صح ؟
لين : انا ايه بس مدري عن حنين
هيام : وينها هي طيب ؟
لين : فالحمام
هيام هزت راسها بنعم وراحت فوق تشيك ع رعد وفتحت الغرفة وعلطول طاحت عينها بعينه وشهقت وسكرت الباب
رعد ابتسم ورجع يناظر جواله بحكم انه م فيه نوم
هيام كان قلبها يدق بقوة وقالت : ييممهه وش مصحييه ذا !!
رجعت تفتح الباب ودخلت
رعد كان مبتسم ع جنب وقال : وشفيتس طلعتي ؟
هيام قربت وجلست ع حافة السرير وجنب رعد بالضبظ وقالت : خرشتني والله توقعتك نايم
رعد حاوطها بيده عشان م تطيح وقال : طيب راحوا ؟
هيام ضحكت وقالت بصوت عالي : بناااات اخوكم يطردكم
فز رعد وكتمها بيده بس فات الاوان ودخلت لين وهي متخصرة : اححللفف !
رعد حك راسه وقال : الحين وش بتسوين حتى لو اني قلته ؟
حنين دخلت : وش بنسوي قصدك ؟
رعد قام ووقف وقال : يالله انا لكم سوو اللي تبون فيني
هيام تخصرت : نععمم وش انت لهم !
رعد غمز لها وقال : احسسن انتي اللي ناديتيهم
ركضوا لين وحنين وطاحوا ضرب برعد اللي كان مستسلم لهم وطايح يضحك
حنين وهي تصفق وجهه بخفه : صدق انك حيوان
لين كانت تقبص فيه وقالت : مررره جحدنا اول م خذا هيام
رعد ابتسم : وش اسوي طيب روحوا لها هي انا مالي دخل
حنين ولين ناظروا بهيام وفزت : بسم الله بنااات يويلكم تقربوني انا حامل !
حنين : وشدخل بنضربتس م بنضرب بطنتس
لين قامت وطارت لهيام وطيحتها ع السرير وصارت تضرب فيها ورعد ميت ضحك هو وحنين اما هيام كانت تصارخ وفعلاً كانت تتألم بحكم انها تحسبها قوية نفس رعد وقالت هيام بصراخ : تككفىى يالرععد تكفى يحبيبي افززعع ليي
فز رعد وشال لين من عليها ورماها وقال : يعيون حبيبتس
هيام وزت وراه وحضنته من وراه وقالت : احسسن ي ليين احسن
لين بأستحقار : حيوان والله لا اعلم ابوي
رعد ابتسم : احبتس ي ليني
لين ضحكت : اهييمك والله
حنين قامت : يع الله يقرفكم
هيام فكت يدينها ورجع رعد يمسكها وقال : لا خلييها
هيام بقهر : شدعوة رح لها احسن
واشرت ع لين وقامت لين وفتحت يدينها له وقالت : تعال يخوي تعال
رعد كان متمسك بيدين هيام وقال بحدة : هيام ارجعي بسرعة !
هيام سحبت يدينها بسرعة وقامت وطلعت مع حنين
لين ضحكت وسحبت على رعد بعد وقالت : حنين بتروحين ؟
حنين من الصالة تكلمت : ايه فارس برا
هيام نزلت تودعها وفجعهم ركض رعد اللي فتح الباب لفارس بعد م جات فارس نوبة ربو وطاح ع راسه ونزف وشافه رعد من فوق
رعد : حنننييينن تععاااللي ساعدييننيي
حنين فزت برعب وطلعت ركض هي وهيام وكان فارس مغمى عليه ويرجف
حنين : ييمه يمه رعدد وشفيييه
رعد بحدة : ساعديينني ندخله داخل
كان فارس ثقيل على حنين وتشمر رعد وشاله بكل قوته وانفتح جرح في ظهر رعد وصرخ بألم : هييااام ادخخليي داخخخلل
فزت هيام ودخلت داخل هي ولين بحكم انهم م يكشفون قدام فارس وجلس رعد ونزله وعطاه علاجه وماهي الا ثواني وصحى فارس وفزت حنين وحضنته بكل قوتها وهي ترجف وقالت : يالفاررس وش صار لك
فارس كان مافيه حيل واشر لرعد يبعد حنين منه عشان م يبعدها وتزعل
رعد مسك حنين وقال : يبنتي خافي عليه بعدين ماهو وقته
فارس رفع عينه وشاف هيام من فوق وكانت واضحة وصد علطول وناظر رعد بداله وشاف هيام وصدت علطول من رعد وصرخ بصوته : هييياااام معلييه اورييتس
فارس ضحك بألم : والله انها نفسها م تغيرت
رعد ناظر بفارس بحدة وقال : ايششش !
فارس : لا ولاشيء
رعد : شفتها !
فارس هز راسه بنعم وقال : والله م تقول لها شيء
رعد بحدة : تستهبل انت وبعديين بيني وبينها !
هيام ضحكت وقالت : فاررس انا في وجهك يولد عمي
فارس فز : شدّي حزامتس والله م يجيتس
رعد قام وطلع من البيت وهو يحترق ويعرف لو يدخل ع هيام بيذبحها ..
............••...........
في بيت ابو رعد تحديدًا غرفة كاسر
كاسر كان جالس ع جواله ويسولف مع ذيب
كاسر : وقسم بالله ي ذيب تمنيت انه ماخذ مني ضلوعي كلها وترك الوعد لي
ذيب : معليه يخوك تصبر وان شاءالله نحصلها
كاسر : الله يصبرني ويقوي قلبي
انتهت محادثتهم وقام كاسر يصلي له ركعتين ويدعي ربه يرجع له وعُوده
كاسر فنهاية الدعاء قال : يارب تقويها وتعطيها قوة وتعطيني اشارة واسمع حسها يارب
انسدح اول م خلص صلاته وكان يناظر السقف ويتذكر اخر مره شاف فيها وعد وكانت لابسة احمر وكان عرس زايد وجيهان وكيف كانت ماخذه عقله اشتاق لها جدًا واشتاق لكل انش فيها
بينما عند وعد
كانت طايحة غرقانه بدموعها وبعض من الجروح اللي كانت تنزف كانت تناظر السقف المشوه والخالي من الانوار وتتذكر حضن كاسر لها وكلامه وشعره وقصيده فيها وانهارت تبكي بحرقة وتدعي ربها يفرج عنها وتشوف كاسر مره ثانية ...
::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( انا فالديرة والنت عندي يدوبكم وعندي اسايمنت لأنقليزي وللحين م كتبته والله اني اعاااني عشان كذا ابي منكم تعلقون ع كل شيء وتروقوني احبككمم وحشتوني صدق 🫶🏻 )