يهزمني الحُب وانا جاهل بدرب المُحبين

البارت التاسع والثلاثين

كانت طايحة غرقانه بدموعها وبعض من الجروح اللي كانت تنزف كانت تناظر السقف المشوه والخالي من الانوار وتتذكر حضن كاسر لها وكلامه وشعره وقصيده فيها وانهارت تبكي بحرقة وتدعي ربها يفرج عنها وتشوف كاسر مره ثانية ...
..........••..........
في بيت رعد
لين : هيام عندتس بجامة
هيام هزت راسها بنعم وفزت اول م سمعت صوت رعد يكلم بجواله ومعلن انه وصل بعد م ودع فارس وحنين
لين ضحكت : تعالي وراي والله م يجيتس
هيام : احتزم فيتس يعني ؟
لين بحدة : تععاااللي
هيام وزت نفسها ورا لين ودخل رعد بعد م سكر جواله وقال بحدة : وش الحين اشتغلت الحمية !
لين : هي في وجهي صح ؟
رعد : ايوه ؟
لين بحدة : ها والله م تلمسها
رعد عصب : تحلفيين علي انتي ؟؟
لين : انا علمتك اذا طلعت من وراي هي لك اما اذا هي وراي والله م تجيها
رعد كان متيقن انه مستحيل يقدر يقرب من هيامه وهي ورا لين وقال : هيياامم اطلعيي
هيام ضحكت : وش متوقع اطلع ؟
رعد : م بسوي لتس شيء تعالي
هيام : احلف
لين صرخت : غبييية انتي محد يستأمن رعد
هيام انفجرت ضحك وقالت : ليييه يغددر ؟
لين : اييييه
رعد توسعت عيونه وقال : لييين اعقلليي
لين : اص م سوييت شيء والصدق وقلته
هيام ابتسمت وطلعت من ورا ظهر لين وقالت : انا الهيام وانا اللي م يقدر يغدر فيني
رعد ابتسم بخبث وقال : قربي مني اذا انتي ع ابوتس
لين صرخت : ههيياااام اررجعععيي
هيام تقدمت خطوة ورا خطوة حتى عدمت المسافة بينهم ورفعت رجولها عشان تعادل طول رعد ولو شوي وقالت : قربت وانا بنت ابوي وقربت وانا هيام الرعد
رعد علطول لف يده ورا خصرها وشّدها عليه وقال بحدة : انتي هيام الرعد بدون بنت ابوتس انتي للرعد لحاله
هيام م تنكر انها ترجف من الموقف وخصوصًا انه قدام لين بس قالت بهمس : انا لك وحلالك لحالك
رعد ابتسم ع جنب وقال : طيب تسمحين لي اخذتس شوي
هيام بهمس : ولين ؟
رعد ضحك : راحت اللي تتعزوين فيها مني
لفت هيام تبي تشوف وفعلاً م كانت لين موجودة وفزت هيام من بوسة رعد اللي استقرت في نحرها وقالت بحدة : للااا توو العلامة بدت ترووح لااا
رعد ابتسم وبعد وقال : م علمت لاتزعجيني !
هيام بعدت منه وقالت : اللي هو بتنام انت ؟
رعد مد يده وسحبها له وقال : لتس وجه تسألين وانا للحين م حاسبتتس ع اللي صار مع فارس ؟
هيام ضحكت وحطت يدينها ع صدره وقالت : خلاص عاد لاتصير حساس بالغلط اصلاً شافني
رعد حط خشمه على خشمها وقال بحدة وهو يصر ع اسنانه : انااا م ابييه يشوفتس ولوو بالغللط
هيام ابتسمت : اهيم فاللي يغار انا
رعد قال بخبث : تهيمين فيه وانتي م تخلينه يقرب منتس ولا ياخذ راحته معتس
هيام : تعرف نفسية الحمل
رعد ضحك : اخخص م امداتس شهرين حتى مسرع ذي النفسية
هيام ضحكت معه وقالت : هي ع المزاج فهمت ؟
رعد : فهمنا فهمنا
هيام : طيب بتنام ؟
رعد بعد منها وراح بعيد وطلع فوق وهو يفرك عيونه وقال : تعالي مشتهي انام بحضنتس اليوم
هيام : طيب بشرب لبن واجيك
رعد لف له وابتسم : وشعنده لبن ؟
هيام ضحكت : مدري والله اشتهيته
رعد بخبث : اجل لو تعرفين وش مشتهي انا
هيام : اف اص يفضيحة !
رعد دخل الغرفة وهو يضحك ودخلت هيام المطبخ وفتحت الثلاجة واخذت اللبن وشربت منه كوب وطلعت لرعد
............••...........
يوم عيد الاضحى تحديدًا بعد اسبوعين بدون اي احداث مهمة في بيت ابو محمد الكل كان مستنفر للعيد الا شخصين مكسورين " كاسر ، ام شوق "
ابو محمد : كااااسر يالله يولدي
كاسر كان متحطم لأنه باقي ع زواجه من وعد ٥ ايام وهي للحين مالها حس وكملت ٣ اسابيع مختفية والقلق اكل كاسر اكل وقال وهو مكسور : لبيه ياجدي وش ناقصك ؟
ابو محمد بحدة : اععقبب انت م تسمعني من صبح !
كاسر : لا والله وش كنت تبي
ابو محمد عصب وقال : وش انتظر منك اصلاً يالرعد
رعد دخل وشعره مبعثر وشكله يفتن وقال : بطلع اذبح عيدي وارجع
ابو محمد : تعال يولدي تعال
رعد تقدم وجلس قدام جده وقال : اسلم امرني
ابو محمد : خل كاسر يقوم يوديني للصلاة
رعد لف بحدة لكاسر اللي كان ضايق ولا كأنه بعيد وقاله : كاسر خير ان شاءالله ؟
كاسر انفجر عليهم وقال بعصبية وبنفس واحد : اناااا ماننيي كاااسسرر انااا فقققدت زوجتتي قبل اجتممع فييهاا وباقيي ع زواجناا خمس اياام بسس وهي للحيين مدري حية ولا مييتة لا اهل ولا ناس قدروا يدورون ليي وعد ويجيبونها لي مححد عشان كذاا وقفوا تكسرووني زيادة وتمثلون انكم مبسوطين وانه م يهمكم اناا مييت يالرعد اناا متت من قبل شهر من اخر مره شفت وعد فيها وانا ميييت !!
خلص كلامه وطاح بطوله ع ركبه وقال بتنهيدة : اااه والله م اتمنى احد يحس فيني ولا في شعوري والله م اتمنى
ابو محمد فز لكاسر ومسكه مع كتوفه وقال : لا تقنط يولدي ولا تنهي وتقطع الامل في وعد هي مالها الا انت تحمل وتصبر
كاسر نزلت دموعه وقال : يااااربب احصللها اليوم يااارب يكمل عيدي بشوفتها يااارب اعيد معها وتعيد معي
رعد بحزن ع حال اخوه : امين يارب
ابو محمد : اميين واليوم عيد استبشر بالخير يولدي يمكن تحصلها م تدري وش ربي كاتب لكم
كاسر حس بشعور حلو وقام وراح يغسل وجهه وطلع وذبح اضحيته هو ووعد بس بدونها ودخلها للبنات
هيام : من العايدين يالكاسر
كاسر ابتسم : وانتي من الفايزين يهيام الرعد
سلمى : من العايدين ي كاسر وعساك من عواده وتعيده مع وعد يارب
كاسر ابتسم بقوة وقال وهو مستبشر : بأذن الله وانتي من الفايزين ي سلمى
رعد صدع صوته في ارجاء البيت وهو عاض ع اطراف ثوبه الاسود وماسك صحن اضحيته بيدينه وقال بصوت عالي : يوولللدد طررييق
كاسر لف له علطول ومسك الصحن معه وقال : شفييك صوتك عالي
رعد ابتسم : رجال انا وش تبي
كاسر : وننععم والله
رعد : معلييك زود
هيام : رعد ادخل
رعد دخل وكان شكله يجذب شعره ع وجهه ومشمر ثوبه وعروقه تمسكت بكل انش بجسمه وابتسامته وغمازتينه كان يفتن حرفيًا
هيام ابتسمت بحب وقالت : حبيبي خلصت ؟
رعد هز راسه وهمس لها : حبيت حبيبي عيديها
هيام ضحكت ودخلت للمطبخ وقالت : لاتدخل البنات فيه
رعد طلع اصلاً وم سمع وش قالت هيام وقال لكاسر : ولد وش بتسوي بعيديتك ؟
كاسر : بوزعها والله يعني نص لنا ونص بوزعه للمحتاجين
رعد ابتسم : كويس يالله امش فارس ينتظرنا هو والعيال فالحلاق
كاسر ابتسم وطلع مع رعد واتجهوا للحلاق
...........
سلمى بحماس : بنات كملت اسبوعين م شفت منصور واليوم بيجي وانا قاصه شعري
هيام بحقد : اقول اص بس مسوية تغير وانا اصلاً م يمديني اسميه نيو لوك هذا حتى اطراف م يجي
لين شرقت بالقهوة وقالت : ااااااععع حسبييي الله ع هيياااام
هيام انفجرت ضحك هي وحنين وبشرى
سلمى ضربت هيام بخفه وقالت : ملعوننه ذي البنت
ام محمد بحدة : استغفري ربتس واللعن !!!
فزت سلمى وقالت : استغغففرر الله
طاحوا البنات ضحك عليها ولفت عليهم بحقد وقالت : بدال الضحك ساعدوني نقطع اللحم باقي لنا اضحية فارس ورعد
حنين : انا بديت بأضحية فارس وبخلصها معليتس
هيام : وانا بمسك اضحية رعد
سلمى : يالله خلونا نتساعد قومٍ تعاونوا ماذلو
لين : يالله
البنات بدون استثناء حطوا يدينهم مع بعض وخلصوا كل شيء وطبخوا الغداء والتجهيزات وانتهوا من كل شيء
هيام : يمه شوفينا خلصنا كل شيء الباقي عليكم متى م بغيتوا توزعون الغداء وناكل وزعوه بنروح نتجهز
ام هيام : يالله يالله لا تطولون علينا بس
طلعت هيام وشوق ولين وحنين وسلمى وبشرى وبيان والعنود وصالحة وجميلة والباقيين لبيت ابو رعد بحكم انهم جايبين كوفيرة وميكب ارتست
سلمى : عجلوا يبنات كل وحدة تخلص تقوم وتلبس وتتبخر وتتعطر وتروح لبيت جدي لحد ينتظر احد
هيام هزت راسها بموافقة وجلست وكانت هي وبشرى اول ناس بيبدون وماهي الا ساعتين وانتهوا البنات كلهم بشكل نهائي وبدأ دور الفساتين
( هيام تزينت بفستان ابيض ماسك بخصرها وكان مليان زينه من فوق وساده من تحت وكانت تفتن بشكل مرعب ، حنين تزينت بفستان كساه اللون الاسود وزينه فتحة الفخذ اللي امتلت بالريش الوردي وبرضو كانت جمييلة ، سلمى لبست لونها المفضل وكان ازرق وحريري ويجذب وماسك عليها ومبرز لنا ملامح جسمها وكانت تفتن ، بشرى اختارت اللون الاخضر الباهت الحريري وتزينت بنفس نوع فستان اختها سلمى وكانت جمييلة ، لين اختارت اللون الوردي الفاتح وكان سادة وفيه زينة من ورا وحريري وماسك عليها وبارز لنا طولها وحدة ملامح جسمها ، بيان اختارت فستان سماوي وكان ناعم جدًا ويناسب عمرها ، جميلة اختارت اللون البنفسجي الغامق وتزينت فيه ، صالحة اختارت اللون الازرق برضو وكان مليان شغل فستانها )
انتهوا وصرخوا اول م شافوا كشخة بعض
سلمى بحماس : يالله نكسر عيون الحساد
هيام ضحكت : يالله مشينا
لين مشت بس استوقفها صوت جوالها وفتحت وشافت رقم غريب وردت علطول ووصلها صوت ذيب وهو يقول : سلامي ع اللي تل قلبي من اقصاه
سلامي والله عليه وعساه من العايدين
ياعساتس يالين الذيب من عواده
ياللي خذيتي الزين كله من الناظرين
ارفقي يالين بذيبتس وارفقي بحاله
عقب م اجتمع فيتس ويصير عيدي عيدين
-
كانت لين ترجف بشكل مرعب وقالت بهمس : ذذييب ؟؟
ذيب ابتسم بحب : يروحه والله
لين : كيف كييف !
ذيب : العاشق وم يفعل
لين ضحكت وانتهى ذيب بعد ضحكتها وقال : يالله عساها ضحكة ابطي م فقدتها
لين : وانت من الفايزين يالذيب وصح لسانك
ذيب بحب : واااااه يزيييين اسمي من منطوقتس
لين ابتسمت وقالت : بسكر انا
ذيب سكر قبلها وقال لكاسر : جيت
كاسر ركب : ايه يالله ؟
ذيب : اصبر جدي دق علي نجيب اغراض
كاسر ناظر الساعة وكانت ٤ العصر وقال : وشهي طيب ؟
ذيب قال الاغراض كلها لكاسر واتجهوا من محل لمحل وم حصلوا شيء وهذا شيء سيء طبعًا وجدهم بيفجر فيهم اذا م جابوا اللي يبي
كاسر ركب وهو معرق ومتشمر وقال : ييوولدد وش البلشششة ذي !
ذيب بتعب : اعنبووهم ولا محل فيه !
كاسر : اسمع بنطلع من الرياض ندور ونرجع قبل الساعة ٨
ذيب : يالله توكلنا ع الله
............••..........
فالمزرعة
دخل ابو شوق للغرفة اللي كانت ريحتها كرييهة وتوقع ان وعد ماتت بحكم ان له اسبوع م جاها ودخل وحصلها قاعدة تصلي
ابو شوق بصدمة : انتي للحين م متي !
وعد ضحكت : تستهبل انت والله م اموت واكون عليك عائق واكرهك بحياتك ياللي م تخاف ربك
ابو شوق : المهم لاتحاولين اليوم عيد ومس..
صرخت وعد : الييومم العيييدد !!!!
ابو شوق فز : خييير ايه وشفيتس !!
وعد تذكرت انه زواجها بعد خمس ايام من العيد وقالت بجدية : اسمعني انت انا استخرت وخلاص بتزوج اللي تبيه بس ابي اطلع اتجهز عشاني ابي الزواج يوم ١٥
ابو شوق : منجدتس ؟
وعد : ايه اجل امزح بسرعة قبل اغير رأيي
ابو شوق فز وفكها ومسكها وكانت وعد نحيييفة وتغيرت ملامحها بس احتدت اكثر وكانت جميييلة بشكل يوجع وقالت : وين بنروح
ابو شوق طلعها وطاحت علطول اول م شافت الشمس لأول مره من ٣ اسابيع وقالت : وواااااه الشمسس
ضحك ابو شوق وقال : يالله امشي لاتبطيني
ركبت وعد وربطها ابوها وقال : بتاكلين شيء ؟
وعد هزت راسها بموافقة وطلعوا لمحطة بعيدة بأميال عن موقع المزرعة وكانت وعد تتأمل الطريق بفرحة وهي تبكي وقالت بنفسها ( يالله يارب اشوفه لو من مسافة راضية ياربي انا نسيت ملامحه وابي تتجدد روحي بشوفتك يالكاسر )
فالطرف الثاني بسيارة كاسر وقفوا عند المحطة وقال كاسر : ذيب اعنبوك انزل معاد فيني حيل بعبي بنزين وانت خلص وتعال
ذيب ضحك ونزل للمحطة يركض يدور اغراض جده اللي يبيها ونزل كاسر وقال للعامل : صديق عبي فل احمر طقة واحد
العامل : اوكي صديق
كاسر طلع بوكيت الدخان وقال العامل له يبعد من المحطة وفعلاً راح كاسر وجلس ع حديد في اطراف المحطة ينتظر ذيب
ذيب طلع من المحل بحكم انه حصل الاغراض بس لازم يجلسون ٣ ساعات عشان يجهزها العامل لهم ووقف يناظر وم شاف كاسر فالسيارة وطلع يمشي واستوقفته سيارة ابو شوق وناظر فيه ذيب وابتسم ووقف له ابو شوق وعدا ذيب الشارع وكمل ابو شوق ووقف ونزل وحكم اغلاق السيارة بس ترك لها شباكها مفتوح عشان الحر وكذا اما وعد كانت منسدحة وتناظر سقف السيارة وتغني بنفسها وهي مستمتعة بالهواء اللي يدخل عليها وتكهرب جسمها اول م سمعت صوت ذيب اللي ارتفع في المحطة يقول : يالكاااااسسسر
شهقت وعد ونزلت دموعها بحرقة اول م سمعت صوت اشتاققت له بالحيل يقول : يعييونهه
كانت ترجف بشكل كبير وكل خلية فيها كانت اذان صاغية لصوت كاسرها وقالت بصوت عالي : ااااااممممممم
ورفعت راسها وشافت ذيب وعرفته وكانت ترجف وتضرب باب السيارة برجلها بكل قوتها
ذيب لف للصوت وقال : تسمع ؟
كاسر قرب وكان اطول من ذيب وشافت وجه ابطت منه ونزلت دموعها بغزارة وصارت تضرب اكثر واكثر وقرب كاسر من السيارة وقال : وشسالفة ؟
ذيب : اصبر لاتروح !
كاسر لف لذيب وقال : ليه ؟
ذيب : ترا اغراض جدي بتأخذ ٣ ساعات على م تخلص
كاسر بتعب : اسألك بالله !
ذيب ضحك : ورب الكعبة
كاسر كان بيتكلم بس تضايق من الصوت وقال : اااوووه خلااص عاد !
كانت وعد هايمة بشكله اللي تغير بشكل محلوظ بس كان محافظ على ملامحه وقالت بنفسها : اقرب مني يالكاسر اقرب لوعودك اقرب
ذيب : وييين يالطيب ؟
كاسر لف لذيب وقال : الصوت ابلشني يخوي
ذيب : اقول اقعد مالك دخل لاتورط نفسك بشيء انتي في غنى عنه !
كاسر رجع لذيب وجلسوا ع دكة قدام محل من المحلات وقال كاسر : ايه كم باقي ؟
ذيب بضحك : على زواجك ؟
كاسر : احلف !
ذيب : امزح والله
قام كاسر وقال : تعال نشوف وش ذا الصوت وبعدين انت ضابط ع الفاضي !
ذيب قام مع كاسر وقال : الله يستر اجل
قرب كاسر وكأنه ينفذ كلام وعد له وشاف الشباك مفتوح بس السيارة كتم اسود وم شاف اللي داخل فقرر يقرب ويناظر مع الفتحة وقرب وصغر عيونه ودقق داخل السيارة وسمع وعد تون وتقول : ااانننننن
وطاحت عيونه بعيونها وفز كاسر وطاح بطوله ع الارض وفز له ذيب ورفعه وقال بحدة : علاااامكك !!
كاسر كان مصدوم وقال : ووععدد ووعععدد !!
ذيب شهق : ااايششششش
كاسر فز علطول ودخل يده اللي كانت طويلة وفتح حكم الباب وسحب يده وفتحه ووقف يناظر وعد اللي كانت منسدحه بس رافعه راسها وعيونها غرقانه دموع وكان وجهها مفتوح وقدر كاسر يتأكد انها وعوده وفز وركب معها وسحب القماش اللي ع فمها وكان معتليها وقال بشوق : يالوعد انطقي واحييني وجددي روحي
وعد انهارت تبكي وحضنته بكل قوتها وقالت : اااه يالكاااسر وييينك عننيي
كاسر ابتسم اول م سمع صوتها وشالها بين يدينه ولبسها شماغه وقال : اسمعيني زين ابيتس تهدين يالوعد وابيتس تعلميني ابوتس وش كان لابس ؟
وعد كانت منهارة وترجف ورجعت تحضن كاسر وحاوطها بحب وقال : لبى عيونتس الباكية خلاص ي وعد الكاسر والله اني متمسك عشانتس ولا اني شوي وانهار معتس
وعد تكلمت بصوت مهزوز : لابس ثوب اسود وغترة حمراء كاملة
ذيب علطول اتجهة للبقالة وفعلاً شاف ابو شوق وقبض عليه بحكم انه ضابط في مركز هيئة الضباط مع رعد وقال بحدة : العيد عندك يختلف يالكلب
ابو شوق برعب : هييييه وخرر مننيي من اننتت
سحبه ذيب ودق ع الشرطة من جهازه وجات اقرب وحدة له وسحبوه معهم للمركز ورجع ذيب وقال : كاسر ركبها السيارة
كاسر هز راسه بنعم ووقف وعد وقال : تقدرين تمشين
وعد كانت تقدر بس بعد شوفة كاسر انهارت وطاحت وفز كاسر وحضنها وقال : تمسكي فيني يالوعد شّدي علي
وعد حاوطته من رقبته وشّدت عليه وقالت : لعاد تروح وتبعد عن الوعد يالكاسر لعاد تبعد منها
كاسر ابتسم : ابشري والله م اخليتس تبعدين بعد اليوم ذا من قدام عيوني وبعدين شوفيتس ناحفه ؟
وعد بكت علطول وسكت كاسر وقال : خلاص يعيونه خلاص
ركبت وعد سيارة كاسر اللي اشتاقت لها بالحييل وركب كاسر جنبها وقال لذيب يروح للأغراض ينتظرها وفعلاً راح ذيب ونزل كاسر شماغه من وجهها وانسدحت ع حضنه وقال : وعد كيفتس يالوعد ؟
وعد علطول سحبت كاسر مع وجهه وباست مبسمة بشوق ولهفة له وبعدت بهدوء وقالت : توو الوعد صارت بخييير والله تووها
كاسر ابتسم بحب ورجع يبوسها ويوضح لها كمية الشوق والحب والحزن والفراق وكل مشاعره طلعت فيها وم تركها الا ضرب وعد له طالبه النفس وبعد وهو يبتسم وكان يفتن وقال : اعنبوتس توو رجعت لي روحي
وعد حطت وجهها ع بطنه وحاوطته من وراه وحط يدينه ورا راسها وقال : خطاتس الشر ي وعد الكاسر ويالله كلها خمس ايام وانتي معي ببيتي
وعد ابتسمت بحب وقالت : الحين وين بنروح ؟
كاسر : لبيت جدي عشان العيد وكذا
وعد انهارت تبكي بحب وقالت : عاااد عيددك يالكاااسر وانت معيي وعاااد عييديي وانا معك
كاسر كانت كل خلية فيه ترجف بحب وقال :
تجدد حبي وشعوري برجوعتس
ورجعتتس اشهد انها لحالها عيد
يالوعد ابطيتي على معشوقتس
وانا بعدتس عافيتي راحت عني بعيد
-
وعد فتحت يدينها وهي بحضن كاسر ونزل لها وحضنها وقال بحب : كل عام وانتي عيدي وكل عام وانا فيتس ومنتس ولتس
وعد نزلت دموعها وقالت : عساني معك دايم وعساه عمرك يزهى وتحلى سنينك و كل عام وانت بخير وصحة وسلامة وكل عام وانت حبيبي
كاسر ابتسم وقال : تنامين عشان ترتاحين قبل نوصل للبيت
وعد ابتسمت وهزت راسها بنعم ونامت علطول وهي تتمنى انه م يكون حلم وتتمنى اذا هو حلم انها م تصحى منه
...............•••.............
في بيت ابو رعد
رعد : يمه وين البنات ؟
ام رعد طلعت وهي كملت كشختها وقالت : ارحب م بتسلم علي من غير البنات ؟
رعد ابتسم وقال : للاااااعع وش الكششخة ذيي ؟؟
وتقدم وباس راسها ويدينها وقال : كل عام وانتي عيدي ي جنتي وكل عام وانا اشوفتس بكل اعيادي عيدن لها
ام رعد بحب : وانت بخير يارب وصحة وسلامة يعيون امك
ابو رعد طلع وقال : وانا ؟
ضحك رعد وقال : يبدو ان القائد يغار ع القائدة من ولدها
ابو رعد ضرب رعد بخفه وسلم عليه وباس رعد راسه وقال : كل عام وانت بخيير يبه
ابو رعد : وانت بخيير يتاج راس ابوك
رعد شّد ظهره وقال بحدة : ابششر بي يعزوة ولدك
ام رعد : يالله مشينا تأخرنا ترا
رعد تقدم عطى امه عيديتها وكانت طقم الماس وحلف عليها م ترده وقال بحدة : يمه الله ياخذني قبلتس والله ان تقبليين فيه ولا ترديني
ام رعد اخذته وقالت : رح الله يرضى عنك يولدي والله م تقصر
رعد : ولا لي جمييل عليتس اصلاً
طلعوا ام رعد وابو رعد من بيت ابو رعد وجلس رعد يتكشخ ويلبس ثوبه بحكم انها صارت الساعة ٧ الليل
.....
في بيت ابو هيام
محمد دخل : اف اف وش الزيييين ي رهوفه
ام هيام لفت وضربته بخفه وقالت : ماشاءالله اشوف بعض الناس صاروا يمونون
محمد باس راسها وقال : كل عام وانتي بخييير يجنة محمد
ام هيام : وانت بخييير ولميسوه بخير يارب وبشرى بعد
محمد بمزح : وشدخلني فيهم الحين عايديني انا لحالي
ابو هيام ضحك وقال : اهلك يالدبشة المهم وانا مالي عيد مع الناس
محمد تقدم وباس راس ابوه وعايده وطلع يتجهز ولبس ثوبه وخلص وتعطر وقال : بطلع لرعد اتبخر معه
ام هيام وابو هيام طلعوا مع محمد وسكروا باب بيتهم متجهين لبيت ابو محمد اللي كانت الزينة وروح العيد فيه 
فارس بصوت عالي : اررححببوااا
محمد ضحك : مو الحين تعال نتبخر مع رعد
فارس : يووه يالله امش
راحوا ركض لبيت ابو رعد ودخلوا وشافوا رعد يكشخ شماغه عند المراية وقال : يالله يعياال ابطيتوا
فارس قرب وباسوا خشوم بعض " سلام الرجال " وسلموا خدادي وعايدوا بعض وتبخروا وخلصوا
محمد : بالله كيف ؟
رعد ابتسم : حميد خلاص والله تهبل وكشخة صدق
فارس : هلاااابي يالتسلييييك
ضربه رعد بخفه وقال : امشوا الرجال ينتظرون
طلعوا على دخول سيارة ذيب بدون كاسر
رعد : ولد وين كاسر ؟
ذيب نزل ركض وقال : بيجي اصبروا ابي اتكشخ انتظروني ويين اخواني ؟
رعد بحدة : انا سألتك سؤال صح !
ذيب كان متوتر رعد يكشفه وقال : يووه يالرعد لاتغثني مدري وينه نزلني عند بيتنا وجيتكم
رعد : طيب خير ان شاءالله
طلع رعد للمجلس مع فارس ومحمد وضاري
وشوي ولحقهم ذيب بعد م تكشخ وخلص وجلسوا يسولفون ويعايدون بعض
...........•••...........
في سيارة كاسر
وعد بحب : وين بنروح ؟
كاسر كان شابك يده بيدها وقال : بتشوفين
وعد استغربت المكان وكان زي المشغل الفخم وم يدخله الا كبار الشخصيات وقال : يالله انزلي تكشخي واكسريهم واحرقيهم يكل وعُودي
وعد بحماس : من عيوني بس ابي فستان
كاسر ابتسم وقال : موجود
وعد : وينه ؟
كاسر : ادخلي وخلصي وقوليهم لهم وين فستان زوجة كاسر بن محمد بن قاضي
وعد بحب : من عيوني والله
نزلت وعد تتكشخ ونزل كاسر يضبط نفسه ويلبس ثوبه وشماغه وتبخر وتعطر ورجع للسيارة
اما بالنسبة لوعد دخلت وعلطول اخذت شور عن مية سنة وطلعت بعد م سووا لها اظافرها وشعرها ومكياجها وخلصت كل شيء وقالت : فستاني وينه ؟
العاملة : ايش اسم ؟
وعد بحب : زوجة كاسر بن محمد بن قاضي
العاملة فزت وراحت تجيبه ركض وخلصت وفتحته من الكيس وطلع لها فستان احمر ولبسته وكان ماسك ع خصرها ويفتن ع انه سيمبل جدًا لكن كان حضور وعد فيه اكبر من انه يكون عادي وسيمبل
العاملة : ماشاءالله تبارك الرحمن
وعد خلصت وقالت : اف م معي عباية
العاملة : لا هذا بابا يجيب عباية وكل شيء
وعد توسعت عيونها وقالت : وينها ؟
طلعتها ولبست وعد وتعطرت وتبخرت ولبست اكسسواراتها وكانت تفتن بشكل مرعب وطلعت لكاسر اللي كان ينتظرها واخذها مع يدها وقال : لبى الزييين
وعد ابتسمت وقالت : خلاص تكفى م ابي ابكي
كاسر ضحك وركبوا واتجهوا لبيت الجد قاضي
وماهي الا ربع ساعة ووصلوا ونزل كاسر ومعه وعد اللي اشتاقت للبيت ولصوت اهلها
رعد كان واقف عن باب المدخل وقال بصوت عالي : اررححببوااا ي ووعد الكاااسسسر
الكل فزوا وطلعوا وشافوا مشية الثقة في كاسر ومشية الحب في طرف وعد وكانوا ينافسون بعض كان طول وهيبة كاسر هازم جمال وعد الطاغي وقالت بصوت مسموع : عاد عيدكم ي اهلي
جدها وخوالها واخوانها فزوا لها وحضنوها وسلموا عليها السلام الحااار
ابو محمد : عااد عييدنا بشوفتتس يبنتي
وعد بحب : الله يجعلني م افقد حسكم مره ثانية
رعد : عساتس حولنا وحول كاسرتس وعساتس من عواده يارب
وعد : وانت من العايدين والفايزين يالرعد
كاسر ابتسم : خلاص عاد خلوني ادخلها واجيكم
الكل ابتسموا ودخلوا ينتظرون كاسر يقول لهم وش صار
وعد : يمه مو مستعدة
كاسر ابتسم وقال بصوت عالي : يووولددد
لين فزت : كاسر ادخل
وعد نزلت عبايتها وجددت عطرها وكانت بتدخل بس سحبها كاسر وقال : انا اول من يشوف كخشتتس
وعد حاوطته وقالت : تأمل والله اني لك يالكاسر
كاسر باس راسها وقال : اشهد بالله ان عيدي اكتمل بشوفتتس
وعد : جعلني م اخلا ولا اعدم منك
كاسر : استودعتتس الله اذا بغيتي شيء كلميني ترا جوالتس في شنطتس جهزت كل شيء
وعد بحب : من عيوني يعيوني
دخلت ولفت لين ع صوت الكعب وصرخت بصوت عالي : وووعععدد !!!
الكل فز وصرخت شوق بفرحة وركضت لوعد وهي دموعها اخذت مجراها وقالت : ووععد وععد ييمهه
ام شوق ركضت بفرحة عظيمة واستقبلتهم يدين وعد اللي فتحتها لهم وحضنت اختها وامها بحب وبشوق عظيييم وقالت : يالله كم اشتقت لتس يمه انتي وشوقي
شوق بحب : والله واحنا اكثثرر
ام شوق بصوت مهزوز : اللهم لك الحمد يالله عساني م انحرم منتس يبنتي
وعد بعدت وباست راس امها وقالت بصوت عالي : عااد عيدكم ي اهلي وخالاتي وخواتي
هيام بفرحة : تعالي يحيوانه واحشتني
تقدمت وعد برزينة وصوت كعبها وكشختها غطت ع الكل وسلمت ع جدتها اول وحدة وبعدها ام رعد
ام محمد بحب : الحمدلله ع سلامتس يبنتي
ام رعد بفرحة : الحمدلله يارب اللي رجعتس لنا ولكاسر الحمدلله
وعد : الله يسلمكم جميعًا
اتجهت بعدها للبنات
وعد بصرخة : هيياااامم
هيام بحب : وووععدد
ركضوا وحضنوا بعض بحب وبشوق
وعد : يالله حلوتي اللي لابسة ابيض يالله قد ايش رعد محظوظ
هيام بحب : ويالله قد ايش كاسر محظوظ فيتس
وعد بهمس : شفتي رعد اليوم ؟
هيام استغربت : لا والله للحين م دخل
وعد بمزح : اففف شققق والله
هيام توسعت عيونها وقالت : خييير
ضحكت وعد وتقدمت لسلمى وسلمت عليها بحب
سلمى : وشذا الزيييين بس ناحفه يحيوانه
وعد خنقتها العبرة وقالت : خليني اتماسك اليوم تكفين
سلمى فزت وحضنتها وقالت : افا عليتس والله لا انسيتس كل شيء وبنجلس مع بعض ونتحلطم ونقولتس كل شيء
وعد ابتسمت وعيونها بدت تغرق وقالت : اف خلاص
تقدمت وعد وشافت لين قدامها وكانت تذكرها بكاسر وفزت وحضنتها بكل قوتها وقالت : لييينني وحشتتيننيي
لين شّدت عليها وقالت بصوت مهزوز : والله انتس اكثررر
سلمت عليهم كلهم وجلست وماهي ثواني الا ودخلت حنين وشهقت وقالت : وععد !
وعد قامت وركضت لحنين وحضنتها وقالت : اشتتتقتت لتسس
حنين بكت علطول وقالت : يمه قلبييي كييف كذا
طاحت قوة وعد في حضن حنين وانهارت تبكي والكل انفجعوا وطاروا لها يهدونها وبعد فترة سكتت وقالت بهدوء : بشرى وين بطنتس ؟
الكل ضحكوا وقالت بشرى بضحك وعيونها تدمع : جبت بنت يالوعد وسميتها لميس
وعد بفرحة : والله وريني وريني
شالتها بشرى ومدتها لوعد اللي انهارت تحضنها وتبكي وانفجعت لميس وبكت واخذتها سلمى وعطتها بشرى وقالت سلمى : ماش دلوعة ولا احد يخاف من وعد !
وعد بحب : يروحي والله
صوت رعد قاطع عليهم المشاعر وهو يقول : ياهييااام الرعد
هيام فزت وناظرت بوعد اللي غمزت لها وضحكت وقالت : هلا هلا
رعد كان يفور ومعصب عشان ولد ضاري كب القهوة عليه وقالت : خلصيننيي تعاللي
دخلت هيام وكانت كالملاك بيضاء وكأنه قطنه وشعرها الاسود كان اكثر شيء صاب رعد فالمقتل وقال بحدة : لااا ي هياامي
هيام ابتسمت وقالت : وشو اللي لا بعدين وش فيه ثوبك اصفر
رعد قال بكل حب : اقربي واتركي ثوبي ماهو وقته
هيام قربت منه وحطت يدينها ع صدره وقالت : وشذا الزين يالرعد
رعد حط يده ورا خصرها وشّدها عليه وقال : متأكده اني انا الزين ولا اللي قدام عيوني هي الزين
هيام ابتسمت بحب وقالت : تبي الصدق والله م الزيين الا انت
رعد بكل حب وبكل مشاعر لهيامه قال :
ياللي سكنتي القلب والدار دارتس
‏ماني حول العيد ولو انهم عايدوني
العيد ماهو بس معايد غيرتس
‏العيد والله شوفتتس في عيوني
-
هيام فزت بفرح وحضنت رعد بكل حب وقالت : صح لسااانك ياللي وحشتني بشعرك
رعد ابتسم وحاوطها وهو لاف ثوبه عشان م يوسخ فستانها وقال : مالي عيدية من مبسمتس ؟
هيام ابتسمت وقالت : اولاً نغير ثوبك
رعد : شوفي ثيابنا بغرفة فارس بتحصلين ثوب اسود جيبيه
هيام راحت تجيب ثوب رعد وحصلته وجابته ونزلت له
هيام : ذا ؟
رعد هز راسه بنعم ونزل ثوبه بحذر عشان م يتوسخ شعره ولبس الثوب الاسود وقال : تعالي طيب بخريني وعطريني
هيام تقدمت بالمبخرة وبخرت رعد وعطرته وقالت : ي جعلها اعيادي م تخلا من شوفتك يكل اعوامي واعيادي
رعد حاوط خصرها وقال : تبين تموتيني انتي ؟
هيام ابتسمت وقالت : شدعوة م نمدح يعني ؟
رعد باس خدها قريب من مبسمها وقال : احبتس طيب
هيام بحب : اهيمك
طلع رعد وهو يتأمل هيامه ويحلف لو م فيه احد ان يفترسها ولا يخلي هالكشخة تروح عليه
دخلت هيام واستوقفها صوته يقول : هيامي نادي سلمى لمنصور
هيام هزت راسها بموافقة ودخلت وقالت : سلمى اطلعي لرجلتس
قامت سلمى وهي متوترة بحكم ان لها فترة م شافته وطلعت وقالت : منصور ؟
منصور دخل وكان كاااشخ ويفتن وقال : ارحبي يعيونه
سلمى ابتسمت : وييين الغيبة ؟
منصور حضنها وقال : لو اني غايب والله انتس حولي واقرب لي من روحي
سلمى ذابت صدق وقالت : كل عام وانت بخيير وصحة وسلامة وكل عام وانت معي ي منصور
منصور بحب : وانتي بخيير يعيونه وعساتس من عواده
كان منصور هايم بشكل سلمى وكان يتأمل كل جزء فيها وقاطعه صوت سلمى : خير وين وصلت ؟
منصور ابتسم وباس راسها وقال : بعيونتس وصلت
سلمى ابتسمت وطلع منصور بعد م خلص وسلم وعايدها ورجعت سلمى تكمل العيد ع اصوات وايقاعات الاغاني ورقص البنات واستحلال هيام عقول الحريم في تمايلها ورقصها
::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( البارت يجنن صدق ويعتبر طويييلل احبكم استمتعوا فيه لأني بطول ع البارت ٤٠ 😢 )