يهزمني الحُب وانا جاهل بدرب المُحبين

البارت الواحد والاربعين

هيام استحت ولفت بوجهها واتجهوا لبيت الجد قاضي يكملون السمرة بحكم ان الوقت باقي بدري
وصلوا بعد فترة قصيرة
ابو محمد : رعد الرجال عندي فالمجلس امش
رعد فز ونزل يساند جده بحكم انه شافه بدون عصاته ودخله للمجلس ورجع لهيامه
هيام نزلت وسكرت الباب ولفت وانصدمت بقرب رعد منها ورجعت خطوتين ورا وضحك رعد : افا شفيتس ؟
هيام استغربت : انت اللي وشفيك دخلت بوجهي
رعد عدل بشته وسحب سيفه وبدا يدق قدام هيام اول م اشتغلت العرضة وطلعوا الحريم والرجال والكل كانوا يشوفون كيف رعد تغيير مليون بالمية بسبب هيام اللي كانت واقفة ومنهبلة عليه كان يفتن من قريب رفعت هيام يدها وتقدم محمد وعطاها سيفه وابتسمت واخذته وصارت تراقص رعد في منظر يقشعر فيه البدن زغرطت بشرى بأعلى صوتها ودخلوا معها البنات علطول
ابتسم رعد بحب وهو يتأمل هيام اللي كانت عبايتها حدودها ذهبية وكانت كأنها لابسة بشت وهي لافتها ع جسمها وتضرب برجلها وكان اللي يميز رقص هيام هو ميلان جسمها مع السيف كانت تزامن معه وتقدم رعد وحضنها ببشته وباس راسها وقال :
يابخت سيفٍ يراقصتس يالهيام
‏تمايل خصرتس والقلب من زينه مال
عشتي يالهيام وغيرتس كلهم حرام
والعبي بقلب رعّودتس بالغنج والدلال
-
ابتسمت هيام بحب وباست خشمه وقالت : عشت لي وحولي وحواليني يالرعد وصح لسانك يرعد الهيام وبعدين لازم نعيدها بس ببيتنا
رعد ابتسم : عيوني لتس
فارس : عششتوا والله الحين تشفقنا وكل واحد بيراقص حرمته صح ولا لا يجدي ؟
ابو محمد ابتسم واخذ سيفه وتقدم لأم محمد وشاشوا العيال والبنات واعتلى التصفيق والصراخ
رعد بصوت رعّد فالبيت : عااااش جدنا قاضضي
ام محمد كانت من اهل نجد القديمين وكان دقها فالرقص اقوى واجمل من غيرها وكانت تراقصه بحب واحترام لعشرة العمر اللي بينهم
ابو رعد مسك رعد وصفوا صفين وصاروا يرقصون و ام محمد وابو محمد فالنص
لين كانت واقفة وتصور كل شيء وترسله لكاسر عشان يشوف ويحس انه معهم
ذيب قرب من لين بدون م احد يحس فيه وقال : ليتني اراقصتس والامس بيديني خصرتس الجايع والمنحوت وابطي وانا حاضنتس بين يديني
لين لفت له بقوة وقالت : ذييب انتببه !
ذيب لف لها وكانت عيونه تدل ع الهيام والحب وقال بتخدر : تكفين انتي بالذات لعاد تسكتين كرري اسمي ولا توقفين
لين ضحكت وعذبت قلب الذيب اللي صد عنها بعد م ناداه ضاري يرقص معهم ودخل وشاركهم وكانت لين مركزة عليه وهي قلبها يدق له ومستنكرة الشعور ذا مره وقالت بصوت عالي : عشششت يالذيب
ذيب دق قلبه ولف لها وقال بهمس : وعشتي للذيب
الكل التفتوا لها وهي تصور وقالت : وشفيكم عشاني اصور
البنات ضحكوا وهم فاهمينها والعيال م دققوا وحسبوا انه فعلاً عشان التصوير
بشرى بحدة : اعنبوتس مجرأتس !
لين ضحكت وكملت تصور وتعبت ونزلت وكانت تتأمل وهي ماهي قادرة توقف تأمل في ذيب
دخلوا بعد م تعبوا وانتهت ليلة جمعت حبيبين كثييرين في منهم اللي اجتمع مع حبيبة وفي منهم اللي يتمنى يجتمع مع حبيبة
...........••..........
فالفندق
كاسر كانت الابتسامة شاقة وجهه وقال : يالوعد
وعد لفت له بخجل : لبيه
كاسر : تتعشين ؟
وعد : مدري اللي ودك
كاسر ضحك : بطنتس ترا مو بطني
وعد ضحكت : ايه بتعشى
كاسر : خلاص دقايق وانا عندتس بدلي ملابستس وخلصي
وعد هزت راسها بموافقة وطلع كاسر يجيب العشاء
وعد وقفت عند المراية وشافت بشت كاسر واغراضه وفزت واخذته وحضنته بكل قوتها وقالت : وااااه ي عسااااني م انححررم مننه
علقت البشت ورتبت اغراضه وشيكت ع الغرفة ودخلت للحمام ولبست بجامتها وكانت قصيرة توصل فوق ركبتها وقالت : حشى م لقوا الا ذي يعطوني !!
لبستها ووقفت قدام المراية وشهقت : يويلي وشذا قصيييرة مرره !
مشت كانت تبي ترجع للحمام ودخل كاسر وشافها ببجامتها اللي كانت حمراء غامقة ومصنوعة من القطن وكان شكلها يجذب وكانت انظار كاسر لرجولها شهقت وعد وركضت للحمام وضحك كاسر وقال : شفيتس حلوه لا تغيرينها
وعد كان قلبها يدق بقوة وقالت : ليييه جييت الحيين !
نزل كاسر العشاء وتشمر وقال : اطلعي اكلي طيب
وعد لفت منشفة الفندق على رجولها وطلعت وجلست قدام كاسر وابتسم وقال : وش الحين تغطين رجولتس مني ؟
وعد انهارت من الخجل وقالت بصوت خجول : يخي لاتدقق وبعدين شفيك تناظر اكل وخلص
انفجر كاسر ضحك عليها وقال بخبث : يالله كلها ثواني وانتي بين احضاني
وعد كانت توها تحط اللقمة في فمها وغصت وبغت تطلع روحها وفز كاسر وهو يرجف من الضحك وقال : بسسسم الله عليييتس خلاصص والله م اقول شيء ثاني
وعد شربت ماء وقالت بصوت مبحوح : حسيبك ربي بغيت تذبحني !!
ضحك كاسر وتقدم وباس فكها وقال بحب : وش اسوي اهلكتيني يالوعد
وعد ابتسمت من الحب اللي تشوفه من كاسر وقالت : انا شبعت والله
كاسر توسعت عيونه وقال : حشى توتس اكلتي !
وعد ضحكت : اقصد شبعت من الحب واحنا تونا فالبداية
كاسر ابتسم وقال : انتظري بس والله لا اغرقتس
وعد بتخدر : انا راضية بأمواجك اذا عصفت علي وراضية اغرق ببحرك ومستحيل اطلب النجاة
كاسر كان يناظرها بحدة ولا يرمش وثقّل صوته وقال : وعد
وعد دق قلبها من شكل كاسر وصوته اللي يجذبها وقالت : عيونها
كاسر : تنامين الحين ؟
وعد توسعت عيونها وقالت : مدري احس بدري بس اذا تعبان انت نام عادي
كاسر ابتسم ع جنب : اقصد تنامين معي
وعد كانت عيونها شوي وتطلع وقالت بهدوء : مدري
كاسر قام وطلع للحمام واخذ ملابسه معه ولبس وطلع بشورت اسود بس وبدون تيشرته تحت صدمة وعد اللي صدت ومثلت انها تشتغل وتشيل الصحون تقدم كاسر ومسك يدها وقال : اتركيها وتعالي
وعد تكلمت بقوة : اصبر يخوي م بطير ترا بوديها للمطبخ وارجع
كان كاسر ماسك نفسه م يقوم ويغصبها ع شيء هي م تبيه وقال بحدة : انا اقول اتركيها صح !!
وعد بعدت من كاسر وشالت الصحون بيدها واتجهت للمطبخ وهي تتنفس بسرعة وقالت بنفسها ( يويلي وش اسوي الحيين ! ) نزلتها ودخل كاسر وشالها بين يدينه وشهقت وعد وقالت : كاااسسر
كاسر ابتسم اول م نطقت بأسمه وقال : يحبيبه
وعد كانت مصدومة وقالت : نزلني !
كاسر اتجهة فيها للغرفة ونزلها ع السرير وقرب من وجهها وقال : نزلتتس
وعد كانت تتنفس بصعوبة وهي تشوف وجه كاسر قريب منها وقالت بصعوبة : م ابي..
كاسر قطب : وش م تبين ؟
وعد : م ابي م ابي انام معك بدري وانا م استعد...
قاطعها كاسر اللي انقض عليها ولا ترك لها فرصة تبرر له وكان كاسر من اللي م يقدرون يمسكون انفسهم وشالها وكان يخوف ولا قدرت وعد تدافع او حتى تبعده وو🌚..
.............••............
فالمجلس
رعد بتعب تكلم بهمس : محمد وجع لعاد ترفع صوت الجوال !
محمد لف وضحك بهمس وقال : وش علتهم ذولا رقدوا !
رعد انسدح ع الارض وقال : بنام والله
محمد : ماش
رعد بدأ يتخدر واستسلم للنوم ولحقه محمد بعد ربع ساعة
لين بهمس : اييه اتوقع ناموا
هيام : يارب م احد يصحى يااارب
بشرى ضحكت : م اظن احد يصحى
سلمى : بيصحون اذا م انكتمتي انتي وياها
هيام توسعت عيونها وقالت : بنناااتت ذييبب صاااحي !!
لين دققت وقالت : لا لا كلهم نايمين
هيام : يمهه احس انه صاحي
ضحكت بشرى وقالت : يالله ؟
حنين : يالله
كانت خطة البنات ياخذون السوني من عند العيال عشان يلعبون ويشغلون افلام عليه ومن الحركات ذي
هيام : ابلش كيف بنفكه الحين ؟
لين : يمه رعد اللي نايم ع الارض ؟
حنين بهدوء : ايه هو وفارس ومنصور
سلمى شهقت : منصصصورر موجوود !!
كتمتها بشرى وقالت : انكتتمميي
هيام : لين تعالي فكيه اكيد تعرفين له
لين تقدمت وسحبت السلك وطاحت اللمبة وفز رعد وهو نومه خفييف وفتح نص عين وم كان فيه احد وكانوا البنات ورا الشاشة وجالسين كلهم
رعد بحدة : بسم الله وش طيحها ذي !
قام ووقف وقال بصوت مسموع : اااااه ظهررري
وفعلاً كان رعد متألم من ظهره وجلس يلف يمين ويسار تحت صوته المتألم وطق ظهره بصوت عالي وطاح بطوله ع الارض تحت نظرات هيامه اللي كان قلبها يدق وقالت بهمس : بنااات بروح له تكفوون
حنين ضحكت : ترا شيء طبيعي عند رعد ومعليتس بيقوم كأنه حصان
هيام مسكت قلبها وقالت : استودعتك الله يحبيبي
رجع رعد ينسدح ع الارض ونام علطول
سلمى : اطلعووا بسرعة انكتتمتت
بشرى بسرعة طلعت وقالت : امشوا لعن اللي بياخذه من جهاز
لين بحدة : لا يروحي معليش جينا من داخل عشانه ونسحب عليه !
شوق دخلت بهدوء وقالت : انتوا هنا
صرخوا البنات بأعلى صوتهم وصحوا الرجال كلهم من رعد لسامي
رعد فز لخواته وهيام والبنات بحكم انه يغار ع اهله وغطاهم وهو يترنح وقلبه يدق من الصحوة والرعب اللي وصله وعلطول دفهم داخل وحط الباب بينهم وصرخ فيهم : خييييرر انتيي وياااها انهبللتوواا !!!
هيام انفجرت تضحك وطاحوا البنات معها يضحكون تحت صدمة رعد اللي قال بحدة : هييااام اطللععي
هيام قامت وطلعت له وهي ترجف من الضحك وحضنته تحت انفاس رعد الغاضبة وقال : تضحكييين بللاا اسناان !
هيام رفعت راسها له وقالت : يطاوعك ؟
رعد مسك فكها ورفعها له وقال : اييه يطاوعنني يطاوعني قلبي اللي احرقتيه غيرة !
هيام رفعت نفسها وباست رعد وقالت : احبك واحب غيرتك علي اهيمك كلك يرعد هيامك
رعد بحدة وهو يقاوم شعور الرغبة بهيام : ابعدي قبل يصير شيء م يعجبتس !
هيام رفعت حاجبها وقالت : حبيبي انت اللي ماسكني ؟
رعد بعدها منه ولف وهو يمسح وجهه وقالت هيام بخبث : رعد تبيني ؟
رعد لف لها بقوة وقال : ايشش !!
هيام ابتسمت : تبيني ؟
رعد تقدم لها ونزل لمستوى طولها وقال بهمس : ايييه
هيام بحدة : اييه ايش ؟
رعد لف يده ورا خصرها وشّدها عليه وقال : ابيتتس
هيام باست لحيته وقالت : ماش م يمديك
رعد توسعت عيونه وقال : وش وش اللي م يمدي !
بعدت هيام ودخلت للصالة وبدون اي رد تحت دقات قلب رعد وشعور قوي يعصف داخله وقال بنفسه ( العن ابوها بتروح وانا كذا !! )
دخلت هيام للبنات وقالت : نجيب السوني ؟
لين ضحكت : لا كنسل بنروح البيت ونأخذ سوني كاسر
هيام ابتسمت : جووي يالله
طلعوا لين وبشرى وهيام لبيت ابو رعد عشان يجيبون السوني
دخلوا مع الباب الخلفي وطلعوا للدور الثاني
لين : وييينه !
هيام تخصرت : وشدراني انا !
لين : اف يارب انه موجود
بشرى بجدية : تخيلوا تصحى لميس !!
هيام : ارجعي بشرى وخليتس عندها
بشرى طلعت وشافت ظل ورجعت ورا وناظرت وشافت رعد طالع للدور الثاني مع الدرج الرئيسي وطلعت لبيت جدها بدون م تقول للبنات ان رعد جاء
هيام بهدوء : لين غرفة رعد مفتوحة ؟
لين هزت راسها بنعم وقالت : ايه بس ليه ؟
هيام بتعب : بنام فيها مالي خلق انام ع الارض وانا حامل
لين بزعل : والفلم !! هياام تكفين
هيام ابتسمت : اف خلاص بنزل اغراضي وبجيتس
لين هزت راسها بمعنى " فهمت " وطلعت هيام لغرفة رعد وحصلت نورها شغال واستغربت بس م اعطت اهمية ودخلت ونزلت فستانها وفتحت دولاب رعد وطلعت قميص طويل عنده ولبسته وهي تضحك وقالت : كويس اني قصيرة ولا كان بيجي اقصر
كان القميص يوصل لركبة هيام وفتحت دولاب صغير وطلعت لها شرابات ولبستها برجولها وفكت شعرها وعدلته وفزت اول م حست بيدين ع خصرها ولفها رعد له وقال : ماشاءالله وش جابتس ؟
هيام برعب : رععد !!
رعد بحدة : ايه نعم رعد وش بلاتس !
هيام بخوف : جيت بنام بغرفتك عشان الارض م تناسبني وانا حامل
رعد ابتسم ع جنب وقال : ايه م يخالف بس م تحسين انه اكبر غلط سويتيه انتس تجين بعد م تعذبين قلبي وترغبيني فيتس ؟
هيام : مو منجدك عاد !
رعد رفعها ع طاولته وقال : وشو ؟ حسيتي بالندم ؟
هيام كانت تغطي فخوذها ومسك يدينها رعد وقال : خير تراتس ملكي وحلالي تغطين ليه ؟
هيام برعب : رعد ابعد بس خلاص
رعد همس بأذنها : وش خلاص ناسية اني لي فترة م نمت معتس كويس وبالطريقة اللي تعجبني
هيام اقشعر جسمها وقالت بتردد : برو..بروح اتابع مع البنات فل..فلمم
رعد مسك فكها وقال : هيااام خييير خايفة مني !
هيام بتوتر : لا لا بس حسيت بالبرد من المكيف
رعد شالها بين يدينه وحاوط سيقانها ع خصره وانهل عليها رعد وكان يحط بوساته ع كل انش بجسمها معبر عن حبه وشوقه لها وو🌚..
............••............
في بيت الجد قاضي
لين دخلت بالسوني واستوقفها صوت سلمى وهي تقول : بنت وين هيام ؟
لين استغربت : ماهي عندكم ؟
سلمى : لا
لين : اجل نامت بغرفة رعد وسحبت عليها
بشرى بخبث : قصدتس سحبها رعد وخلاها تسحب علينا
لين قطبت : رعد فالمجلس !
بشرى ضحكت : لا في بيتكم ودخل غرفته بعد
سلمى شكت وقالت : وانتي وش عرفتس ؟
بشرى : وش شفته وطلعت لكم علطول
سلمى : اشوا
بشرى بحدة : سلمى اتمنى تتخطين فكرة اني اكن مشاعر لشخص غير زوجي !
سلمى ضحكت : حبيبي هدي م قلنا شيء
جلسوا البنات وم امداهم يشغلون الفلم الا ودخلت عليهم ام محمد تصارخ : حسبييي الله علييتس انتي ويااها العرب ينامون انتوا زي الجنوون والعفاريت طففي الكلب ذاا
لين فزت وطفت السوني وقاموا البنات وناموا علطول من الفجعة
.......
فالصباح فالمجلس
فارس بهدوء : عيال قوموا صلوا الفجر
منصور قام وتوضأ ورجع يصلي بهم جماعة
ذيب : انا برجع مع زايد لبيتنا
زايد : يالله اجل
طلعوا وتذكر ذيب لين وقال : زايد دقايق واجيك
زايد م رد وراح ركب السيارة ودق ع جيهان يقولها انه بيجي للبيت
ذيب دخل للبيت ومشى داخل وكانت لين صاحية وتتمشى بالبيت وشافت ظل وقالت : مين ؟
ذيب انشق وجهه من الابتسامة وقال : صباح الخير يالخير كله
لين وزت نفسها ورا الجدار وقالت : ذيب وش جابك !
ذيب بحب : جيت اشوفتس واصبح عليتس ياليّن الذيب
لين ابتسمت وقالت : صبحك الله بالنور خلاص توكل
ضحك ذيب وقال : مالي نظرة تروقني ؟
لين كانت بجلالها ولفته عليها وطلعت قدامه وكان في فرق كبير بينهم بحكم ان لين م هي لابسة كعب وقالت : هاه وش بغيت ؟
ذيب ابتسم وقال : طلعتي قصيرة وين الطول اللي شفناه امس ؟
لين : كنت لابسة كعب وبعدين انا طولي طبيعي انت اللي اوفر مره
ذيب قرب منها وقال : يحبيبي ي لين
لين : ذيب لاتحاول م بتاخذني
ذيب قطب : وليه وش ينقصني ؟
لين بهمس : انا باقي صغيرة مستحيل يزوجوني اخواني ومستحيل اتزوج انا بعد
ذيب ابتسم ع جنب وقال : وش صغيرة الله يهديتس لو اسويها حملتي مني صح ولا لا ؟
لين توسعت عيونها ولفت وطلعت للدور الثاني وضحك ذيب وطلع وهو قلبه مو مرتاح ويدعي م يرفضونه هو مرتاح من جهة رعد وكاسر بس يخاف من خاله محمد
..........••.........
فالفندق
صحت وعد وكاسر حاط خده ع خدها وكان قريب بشكل مرعب وبعدت وطاح راسه ع صدرها وصحى كاسر وفتح عيونه وقرب وباس خدها تحت صمت وعد وقال بصوته الثقييل : صباح الخير يالوعد
وعد بهدوء قامت وقالت : اذا مو اطلق صباح
كاسر ابتسم : الله الله
وعد دخلت لحمام وتروشت وطلعت بمنشفتها اللي حاوطت صدرها وقالت : كاسر بتصحى اسوي فطور ؟
كاسر كان منسدح ولف لها وقال : اسألتس بالله تجين تعالي تكفين
كان كاسر فاتح يدينه لوعد اللي تقدمت وحضنته وقالت : م تشبع انت ؟
كاسر كان بيطير من الحب وشّد عليها وقال : لا والذي نفسي بيده م اشبع منتس لو بعد مليار سنة
وعد انهارت من حب كاسر وقالت : يعساني م انحرم
كاسر : منتس يارب
قامت وعد بعد م طلبته يتركها ولبست وخلصت وراحت تسوي فطور من اغراض جابها كاسر معه من امس وقالت : يالكاسر الفطور جاهز
كاسر دخل وباس خشمها وقال : يعيونه والله
جلسوا يفطرون وياخذون ويعطون مع بعض وقالت وعد : كاسر بسألك
كاسر : امريني
وعد بخوف من ردة فعل كاسر قالت : م يامر عليك عدو بس الحين انت امس ليه رفضت تخليني انام بدونك واجبرتني
كاسر ابتسم : م اجبرتتس بس م خليتتس تروحين لأني من الرجال اللي م يمسكون انفسهم وللحين م نسيت اول م كلمتيني من الشرقية وخليتيني ابيتس وسكرتي وانهيتي الاتصال وانا احترق عشان كذا امس م تحملت اخليتس وتعودي علي يالوعد
وعد بهدوء هزت راسها بموافقة وكملوا يفطرون وقام كاسر وقال : يالله يالله الغداء ينتظرنا
وعد ابتسمت وقامت تشيل الصحون وتتجهز لطقوس اهل بيت الجد قاضي اللي لازم غداء بعد اي عرس عندهم
.............••............
في بيت ابو رعد تحديدًا غرفة رعد
صحى رعد وكانت هيام نايمة جنبه ابتسم وحضنها وباس خدها وقال : الحلو م وده يصحى ؟
هيام تأففت : رعد ابعد
ضحك رعد وقام ودخل يتروش وطلع وطفى المكيف وشغل الانوار وفز اول م رمت هيام المخدة عليه تحت صراخها : لييشش تططفيي التكييييف
رعد احتد صوته وقال : بس بتمرضين م انتي بلابسة شيء تبينه شغال
هيام ناظرت فيه وتلحفت ونامت وتجهز رعد وطلع وسكر الباب عليها ونزل للصالة وم كان فيه احد وطلع من البيت لبيت جده ودخل واخذ المبخرة وتبخر وتعطر عند الباب ودخل المجلس وقال : صبحهم وربحهم
الكل ردوا عليه وجلس رعد وقال : فارس كاسر جاء ؟
فارس : لا باقي
رعد ابتسم : ايه اشوا
جلسوا يتقهوون وافطر رعد من باقي فطورهم الصباح وكانوا ينتظرون العرسان يشرفون والبيت كله مستنفر وجاهز لأكبر عزيمة وبدؤا الحضور يجوون بيت الجد قاضي
...........
عند البنات
دخلت حنين بعد م افطرت للحمام وهي اشترت جهاز تحليل حمل وحللت وجلست ربع ساعة تنتظر وفجأة فزت وصرخت وهي كاتمة صرخاتها وقالت وهي ترجف : يمهه انااا حااامل !!
طلعت وهي حاطته بمنديل واستوقفتها يد سلمى اللي قالت : وشفيتس ؟
حنين ابتسمت : بصير ام ي سلمى !!
سلمى فزت وصرخت بفرحة وزغرطت بأعلى صوتها والكل تجمع وكانوا مستغربين وضحكت حنين وقالت : يمه انا حامل
ام رعد شهقت بفرحة وقالت : ماشاءالله الله يتمم لتس يبنتي
ام فارس بفرحة عظيمة : ماشاءالله يالحنين الله يتمم لتس يعيون فارس وعساها سهالات يارب
حنين تقدمت وباست راس ام فارس وقالت : يعيوني يعمة الله يخليتس لنا يارب
الكل فز لحنين يبارك لها ولين كانت منهارة وسط دموعها بفرحة وقالت : حنينني بتصييريين ام وبصير خالة منتس !
حنين بحب ضحكت وقالت : ايه بس رعد بيسبقني وبيخلينا عمات
لين بحب : ايييه يالله ابي اشوف ولده يخي
الكل جلسوا وصاروا ينتظرون هيام اللي دخلت بعد ساعة وهي بكامل كشختها وكان اللون البنفسجي لاعب دور عظيم في كشختها وقالت : سلام عليكم
الكل ردوا السلام وقالت سلمى : هيام تخيلي حنين حامل
هيام توسعت عيونها وقالت : اسألتس بالله !!
حنين ضحكت : والله
هيام تقدما وسلمت عليها وباركت لها وقالت : الله يعني رعد بيصير خال قريبًا ؟
لين ضحكت : وانتي م يهمتس الا رعد
هيام ضحكت : ايه والله ومن غيره يهمني
جلسوا البنات وهم مستغربين تأخير وعد وكاسر والكل كان ينتظرهم ع احر من الجمر
:::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( شرايكم بس حملت حنين وبتصير ام وهي اللي تستحق هاللقب صدق 😢 ، وعد وكاسر !! وهيام الرعد !! عشق كبير 😭 ، اصبروا ذيب ولين شكلي م بزوجهم وبقهر نفسي واقهركم😏 )