ဒုက္ခိတ အာဏာရှင်ကြီးနှင့် လျှပ်တစ်ပြက်လက်ထပ်ပြီး​နောက်

43.2

Unicode

"မင်းရယ်၊ ခဲယွဲ့နဲ့ ရှီမိသားစုကြား ဘာတွေဖြစ်ကြမှန်း ငါတကယ်မသိဘူး။ ဒါပေမယ့် ငါ့အတွက်တော့ ခဲယွဲ့ကသာ ငယ်ငယ်လေးကတည်းက ငါ့ကို အသိအမှတ်ပြုပေးတဲ့ သူငယ်ချင်းပဲ။"

ထို့နောက် အဲ့နေ့ ဂိုဒေါင်ထဲမှာတုန်းက ရှီယွင်နန်သူ့ကို ချီးကျူးတဲ့ စကားလေးကို ရုတ်တရက် သတိရမိသွားပြီး စိတ်ထဲကနေ စကားတစ်ခွန်းထပ်ပြောလိုက်သည်။

မင်းကတော့ ဒုတိယချီးကျူးတဲ့သူပဲ။

ယွမ်ရွေ့သည်ကျောက်စိမ်းများကို ခွဲခြားစိတ်ဖြာရာတွင် အနည်းငယ် ထူးချွန်သော်လည်း ယွမ်ဖုကွမ်လို ကျောက်စိမ်းပညာရှင်များအတွက်တောာ့ ထိုစွမ်းရည်မှာ အခြေခံသာသာဖြစ်ပြီး အနည်းငယ်မျှသာ အသုံးဝင်သည်။

အရက်မူးနေသော်လည်း ဖြူစင်သည့်မျက်လုံးများနဲ့ လေးနက်သည့်အမူအရာကို ဆက်လက်ထိန်းထားနိုင်သေးသည့် ယွမ်ရွေ့ကို တွေ့သောအခါ ရှီယွင်နန် နားလည်လိုက်သည်—

ယွမ်ရွေ့က ဒီလိုအနှိမ်ခံရတဲ့ စကားသံတွေအောက်မှာ ကြီးပြင်းလာခဲ့ရတာကြောင့် သူအလိုအပ်နေဆုံးအရာက အပြင်လူတွေရဲ့ ချီးကျူးစကားပဲ။

ရှီးခဲယွဲ့ကတော့ စကားလုံးတွေသုံးပြီး ရေကို ပျားရည်ဖြစ်အောင်တောင် လုပ်နိုင်တဲ့သူ။ သူက ယွမ်ရွေ့ကို အစကတည်းက အကြံတွေနဲ့ ချဉ်းကပ်ခဲ့တာပဲဖြစ်ရမယ်။

သူ့ရဲ့ အိပ်မက်ထဲမှာ၊ ယွမ်ရွေ့က တကယ့်ကိုပင် ရှီးခဲယွဲ့ စိတ်ရင်းနှင့် ပေါင်းသည့် သူငယ်ချင်းတွေထဲက တစ်ယောက်ပဲ။ သူတို့ရဲ့ ခင်မင်ရင်းနှီးမှုမှာ နဂိုကတည်းက ဒီလိုခိုင်ခိုင်မာမာ တည်ဆောင်ထားတာဖြစ်နိုင်တယ်။

"ငါအစက ခဲယွဲ့အကြံကို ငြင်းသေးတယ်၊ ဒါမယ့်သူ က သူ့ပိုက်ဆံတွေဆုံးရှုံးသွားရင်တောင် သူ့ကံတရားကို ကြိတ်မှိတ်လက်ခံဖို့ ဆန္ဒရှိတယ်လို့ ထပ်ပြောလာတယ်။"

သို့သော် ရှီးခဲယွဲ့ရင်းနှီးမြှုပ်နှံရန် တစ်ခုတည်းသောလိုအပ်ချက်မှာ သူ့သူငယ်ချင်း ယွမ်ရွေ့အား သူ့အစား ယွမ်ကျောက်စိမ်းဒီဇိုင်းတွင် ပါဝင်ခွင့်ပေးရန်ဖြစ်သည်။