يهزمني الحُب وانا جاهل بدرب المُحبين

البارت الرابع والاربعين

لين تحطمت بعد كلمته بس كان حيل الله اقوى وسكتت وهي م تبي تزيد النار حطب لا عليها ولا على ذيبها
بعد صمت طويل تكلم ذيب وقال : انتي تدرسين صح ؟
لين بعتب واضح : وش يهمك !!
ذيب ابتسم ع جنب وقال : وشفيتس اسأل
لين : م يهم لا تسأل
ذيب لف لها وزل لسانه اول م شاف عيونها وقال : لييني
لين دق قلبها وكانت طااايرة بعد اسمها منه وقالت : هاه؟
ذيب ابتسم ورجع يناظر قدام وركب كاسر وقال : وين وعد ؟
لين : فالصيدلية شوفها طلعت
كاسر مشى ووقف قدام الصيدلية وركبت وعد وقالت : وااه حصلت اشياء كثيير تخييللي حصلت ف..
كتمتها لين وقالت بهمس وهي تصر ع اسنانها : اااصص العيييااللل مووجووودييين
وعد ضحكت : وش طيب ؟
لين همست بأذنها : قصدتس فوط ؟
وعد انهارت ضحك وقالت : لاااا يحييوانه اقصد فرشاة شعر تجنن من اول ابيها
لين رجعت مكانها وقالت : اشوا
ذيب نزل مرتبته وكان قرييب بالحيل من لين اللي فزت وكان قلبها يدق وهي تشوفه يعذبها وهو م يحل لها
كاسر لف له وقال : سلامات يالطيب ؟
ذيب ضحك : والله تعبان اسمحوا لي
كاسر : قم اجلس بس
ذيب : لا
كاسر ضحك وقال : لين مضايقتس ؟
ذيب ناظر فيها وكانت تطالع في كاسر ورجعت بعيونها وتلاقت بعيون ذيب وقالت وهي تحسبه متألم صدق : لا
ذيب ابتسم بحب وهو يناظرها واثنينهم طايحين ع وجيهم عند بعض بس اثنينهم عارفين ان القدر لعب فيهم وبعدهم بالحيل عن بعض وقال بهدوء : يارب ابوس هالعيون
لين توسعت عيونها وقالت : وعد حشى كم باقي ع بيتكم
وعد ضحكت : مدري م حفظت الطريق بس اتوقع قربنا
كاسر ابتسم واشر بيده وقال : ايه قربنا شوفيه ذاك الابيض
لين تحمست وكانت بتوقف وضربت رجولها في مرتبة ذيب وكانت بتطيح عليه بس كاسر مد يده قدامها ومسكها وقال بحدة : انهبللتيي ؟
لين جلست وقالت : ووش كنتت بشووفه وبعديين ذيب هو اللي مفروض تلومه
ذيب ابتسم ورفع المرتبة وقال : العذر والسموحة
كاسر مسك كتفه وقال : شدعوة يولد العمة
ذيب شد ع يد كاسر وقال : بنمشي بعدها صح ؟
كاسر : ايه بس بنزل البنات
وعد بهدوء : كاسر
كاسر وقف السيارة عند مدخل بيتهم وفتح البوابة ودخل السيارة ونزل لباب وعد وفتحه لها وقال : عييونه
وعد ابتسمت بحب وقالت : تسلم بس بتتغدون ؟
كاسر : م اظن بنمشي علطول ندور مخيمات وبعدين هاتي اغراضتس
وعد مدت اكياسها له واخذها ونزلت وعد معه ونزل اغراضها داخل البيت ورجع يشيل اغراض لين وقال : ليونه تعالي معي
ذيب قبل تنزل لين قال : ليونه ؟ ماش صح
لين استغربت وقالت : كيف ؟
ذيب ابتسم وقال : ليني احلى ولا ليّن الذيب ولا اذا بخاطرتس نقول ذيب اللّين
لين ضحكت بحرقة وقالت : ذيب وقف تحرق قلبي
ذيب انفجع ولف عليها بقوة وقال : وش احرق قلبتس انتي اللي بتحرقين قلبي اذا ناويتها فرقى
لين : ايه ناويتها والله يستر علينا وعليك
ذيب ابتسم بألم وقال : استودعتتس الله ي ليّن الذيب
نزلت لين وسكرت باب سيارة كاسر وانتهى اخر لقاء بينها وبين ذيبها
ذيب كان يتأملها لحد م دخلت واختفت عن انظاره وصد وجلس ع جواله وهو عاض ع شفايفه ويقول بنفسه ( تمااسسك يالذييب تمااسك وعهد مني اخذها واتزوجها واقول للعالم كله ان لين حلالي لو تكون الثانية وعلى راس شوق ! ) قال كلامه بحسرة وهو ناويها نية زواج ومستحيل ينتظر سنتين وكان يقول كلامه بجدية وبشكل صارم ..
............••...........
في بيت رعد
صحت هيام برعب والم اجتاح بطنها ولفت يمين ويسار وم كان رعد جنبها وصرخت بأعلى صوتها : ررعععدد
بس م وصلها صوته وعرفت انه في دوامه وصارت تلتفت تبي تدور جوالها وللأسف م حصلته كان كل شيء يمشي ببطيء تحت صراعات هيام والمها ووقفت بصعوبة وطلعت من غرفتها وشافت ساعة الجدار اللي بالصالة وكانت تشير للساعة ١:٣٠ الظهر وانه باقي ع رعد نص ساعة الى ساعة بالكثير عشان يرجع
هيام عضت ع قطعة قماش اخذتها معها وصرخت فيها بأعلى صوتها وطاحت وقالت : ووشش هذذااا الاااللمم ياارببيي
وقفت ودخلت غرفتها وصارت تدور مثل المجنونة ع جوالها وقالت وهي تبكي : ااااه يالرعد ويينك
طاحت هيام ع الارض فاقدة وعيها بسبب تقلصات الحمل اللي كانت قاضية ومؤلمة اكثر من غيرها
............•••...........
في بيت ابو محمد
ابو محمد : بتروحون لبيت ابو منصور صح ؟
ام فارس : ايه ياعمي
ابو محمد : طيب يبنتي روحي وقولي لـ مها تتجهز وفارس بعد
حنين : جدي انا بكلم فارس
ابو محمد : يالله
طلع ابو محمد واتجهة لبيت ابو رعد ودق الباب وطلعت ام رعد وقالت : سم ياعمي اقلط
ابو محمد : وين محمد ؟
ام رعد : داخل يتقهوى ادخل
ابو محمد دخل وهو م يحب يرد احد ولو يشرب فنجال واحد بس
فز ابو رعد لأبوه وقال : ارحبب
ابو محمد نزل راسه لولده وقال : الله يبقيك ي محمد
ابو رعد جلس وصب القهوة لأبوه وقال : امرني نفداك
ابو محمد اخذ الفنجال وترشف منه وقال : بتروحون لبيت ابو منصور ؟
ابو رعد : ايه بس ننتظر رعد للحين م عطانا خبر بيجي ولا لا
الكل كان حاسب لرعد الف حساب ومستحيل يسوون شيء من دونه وكأنه اكبر الاحفاد
ابو محمد : طيب اذا عطاك خبر انا انتظركم وتراني بجي معك
ابو رعد : ابشر
شربوا قهوتهم واستاذن ابو محمد ورجع لبيت ابو هيام وهو يحب يتمشى حوالين بيوتهم
ودق الباب وفتحت بشرى وهي ماسكه لميس وقالت : ارحب ي جدي
ابو محمد ابتسم وقرب وباست بشرى راسه وباس هو راس لميس وقال : عطيني ياها
مدتها بشرى له واخذها جدها بين يدينها وقال : وين محمد وسيف ؟
بشرى : محمد في دوامه وخالي داخل
دخل ابو محمد بعد م عطاها لميس وقال : يوولدد
ابو هيام فز : اررححبببب
دخل وقال : ابقه سلام عليكم
ابو هيام ابتسم : عليكم السلام يهلا بالغالي
ابو محمد : سيف بتجي صح لبيت ابو منصور
ابو هيام : ايه وصلتنا دعوة منصور ومنصور بحسبة ولدنا م بنرده وانا معكم ان شاءالله بس يبه رد عليكم رعد ؟
ابو محمد : للحين لا بس محمد وش قال
ابو هيام ضحك : محمد ولدي ولا اخوي ؟
ابو محمد دقه بالعصا وقال : ولدك بعدين تنكت انت ووجهك !
ابو هيام : سم طال عمرك وايه محمد ولدي بيجي
ابو محمد ابتسم ولف بيطلع واستوقفه صوت ولده سيف وهو يقول : يبه تقهوى معي
ابو محمد : تتقهوى معك العافية تووي تقهويت
طلع ابو محمد والكل استنفروا لعزيمة ابو منصور لهم وتعتبر اول عزيمة بعد زواج ولدهم من بنت اهل قاضي واللي يعتبر قصور جدًا في حقهم والمفروض انهم سووا الغداء بعد غداء الجد قاضي لبنته سلمى
.........••.........
فمباني هيئة الضباط
رعد كان يركض من غرفة لغرفة وقال : صاالح وينن المعااملة حقت سعود ال*******
صالح فز : يووه الصدق اني مدري يالرعد لكن ابشر بطلعها
رعد مشى من مكتب صالح واتجهة لمكتبه وشاف الساعة وقال : هانت كلها نص ساعة واطلع
دخل منصور مستعجل وقال : وررااك للحين جاللسس !
فز رعد ودق لمنصور التحية وقاله : استترح
رعد : وشفيك عسى م خلاف ؟
منصور تكتف : العزيمة يحلو !
رعد ضحك وقال : يووه يعني اوقع واطلع معك ؟
منصور طلع من مكتب رعد وهو يقول : وقع وسكر مكتبي والمفتاح عطه صالح يعطيه حارس الامن
كان منصور واثق في الحراس عكس رعد اللي مستحيل يعطي احد مفتاح مكتبه وطلع رعد لمكتب منصور ووقع وخلص وسكر مكتبه وطلع لصالح وقال : امسك
طيره فالجو ومسكه صالح وقال : طالعين حضرة العميد ؟
رعد : ايه
دق صالح له التحية واسترح بعد كلمة رعد وامره له انه يستريح وطلع رعد وهو ماسك جواله ودق ع هيامه عشان تتجهز بس م وصله رد هيام مما ادى لقلق رعد ودعس ع البنزين لبيته ووصل بعد ١٠ دقايق ووقف سيارته داخل الكراج وطار للبيت وطلع المفاتيح وفتح الباب وناداها بأعلى صوته : هيياااميي
م وصله رد وتأكد رعد انه هيامه فيها شيء وطار للغرفة وانصعق رعد اول م شاف جسمها طايح ع الارض وفز لها وشالها بين يدينه وقال : هيااام بسسم الله علييتس ههيااامم
نزلها ع السرير وطار يجيب لها مويه وصار يرش عليها وفزت هيام بعد عشرين محاولة وانهيارات رعد فز رعد وحضنها بكل قوته وقال : عيييوننيي وشففيتس خوفتيينني عليتس !
هيام ضحكت بتعب وقالت : رعد شرايك تشد اكثر وتذبحني ؟
رعد بعد منها وعيونه غرقانه دموع ويدينه ترجف وقال : انكتمي يحيوانه نشفتي دمي لو تذبحيني الحين م طلع مني دم
هيام فتحت يدينها له وقالت : تعال يحبيبي تعال
رعد قام ودفها وانسدحت هيام ع السرير واعتلاها رعد وباس خشمها وقال : اجيتس يسلم راستس وشلوون م اجيتس
هيام ابتسمت بحب وحاوطت رقبته وقالت : وين فتحنا ملف ؟
رعد : مستشفى العسكري ليه ؟ اوديتس ؟
هيام : ايه بعد العزيمة
رعد ابتسم : تقدرين تستحملين ؟
هيام قطبت : ايه بس ابي افطر
رعد قام من عليها وتشمر وقال : اطبخ لتس ببدلتي بعد
هيام ضحكت : لا لا انا بطبخ
رعد بحدة : والله م تلمسين شيء اعنبوتس طار عقلي يوم شفتتس طايحه تبيني اخليتس تطبخين لي ؟
هيام قامت ومسكت يده ونزلت معه وطلع رعد بعض مكونات الكبسة وطبخ لهم وكان يتقن الكبسة بشكل كبير وطعم كبسته تفرق انتهى من الطبق ونزل الاكل بالصحن وقطع السلطة وحطها ع الطاولة مع كوبين لبن وقال : هيامي تعالي
هيام دخلت المطبخ وشافت الاكل ع الطاولة وكان مرتب وريحته تشهي ابتسمت وركضت له وحضنته وحاوطها رعد وقالت : يالله عساني م انحرم
رعد ابتسم : ولا منتس يهيام الرعد
جلسوا وصار رعد يقطع الدجاج لهيام ويحطه عند جالها وهي تاكل بحب كان الاكل لذييييذ وكل شوي تقول : الله لذيييذ مقدرر بتوحم عليها وبخليك تطبخ كبسة كل يوم
رعد ضحك : عيوني لتس اقولتس
هيام بحب : واااه يعرب احببه احببه
رعد مد يده ومسك خشمها وقبصه بخفه وباس يده وقال : مو كثري اكلي يالله عشان م نتأخر
اكلت هيام وخلصوا الصحن اثنينهم وقام رعد وفسخ بدلته وحطها بالسلة ورجع لها وهو لاف منشفته ع خصره وقال : هيامي اذا غسلتي بدلتي انتبهي تنسين تشيلين الرتب
هيام ابتسمت : لا معليك مستحيل انسى
رعد : يالله بتروش انا واطلع لا اطلع وانتي م جهزتي
هيام : ابشر
رعد دخل الغرفة واتجهة للحمام وسكر الباب وراه وشغل الدش ودخل تحته وبدأ يتروش
............••.........
في بيت منصور
منصور بعجلة : يالله ؟
سلمى كانت تلبس عبايتها وقالت : يالله
منصور مد يده لها ومسكتها سلمى بهدوء وقال : سلومتي كيف شكلي ؟
سلمى ابتسمت : تاخذ العقل
منصور شّد ع يدها وقال : اشهد بالله محد ياخذ العقل غيرتس
سلمى ضحكت وتركت يده واتجهت للمطبخ واخذت سلة قهوتها والحلى حقها وطلعت فيها واخذها منصور منها وركبها فالسيارة وركبوا واتجهوا لبيت ابو منصور
........
في بيت ابو محمد كان فاضي والكل برا
ابو محمد : رعد رد ؟
ابو رعد فز وطلع جواله وهو نسى من رعد ودق عليه ووصله صوت هيام
ابو رعد : هيام سلام الرعد وينه ؟
هيام : عليك السلام يعمي رعد يتروش والله
ابو رعد بحدة : تووه وصل من دوامه ؟
هيام خافت وقالت : ايه ايه
ابو رعد : بتجون صح ؟
هيام : ايه انتظره يخلص وبنمشي اسبقونا انتوا
ابو رعد : يالله سلمينا عليكم
هيام : يوصل
سكر ابو رعد وقال : ايه يبه بيجي
ابو محمد : يالله ؟
ابو رعد : توكلنا ع الله
فارس : حنيني يالله ؟
حنين : يالله
ركبوا السيارات وطلعوا ورا بعض
..........
في بيت كاسر
كاسر انتهى من دوامه ورجع للبيت ودخل ع ريحة طبخ لين اللي اشتاق لها وقال : الله لين طابخة لنا
وعد فزت : جيتت يعيوني
كاسر فتح يدينه لها وقال : تعالي لي تعالي
وعد تقدمت لكاسرها وحضنته وقالت : يحلوك بالبدلة يحبيبي
كاسر ضحك : شرايتس بس
وعد شّدت عليه وقالت : تجننن تاااخذ العققلل
لين طلعت وقالت : هييه احترموا وجودي ؟
كاسر ترك وعد علطول وهو يستحي من خواته وكان عكس رعد اللي م يهمه احد وقال : تعالي طيب انتي
لين : حشى توو شفتك اليوم المهم ربع ساعة والكيك جاهز وعد طلعيه بما انتس خلصتي وتكشختي
كاسر انفجر يضحك وقال : كييك وانا احسبه غداء !!
لين قطبت وضحكت : الغداء ينتظرنا في بيت ابو منصور
فز كاسر وقال : الغداااء اليوومم !!!
وعد فزت : خيير وشفيك ايه اليوم !
كاسر : يويلي ويلاه وانا اقول وشفيه رعد يدق علي
لين برعب : رديت علييه !
كاسر حك راسه وقال : لا والله كنت احسب م عنده سالفة
وعد برعب : حتتى لو م عننده سالفة ررد علييهه !
كاسر انفجر يضحك وقال : ترا علاقتي برعد غير عنكم يالبنات يعني هدوا
لين : يشييينك
وعد : تجهز بسرعة
كاسر طلع فوق لغرفته وطلع جواله وشاف ٧ مكالمات من رعد وقال : قال ايش قال علاقتي فيه غير كله عشان احافظ ع هيبتي اللي يمسحها رعد فالشارع الحين
دق عليه ووصله رد من رعد علطول : وصممخ يصمخ اذننك
كاسر ضحك : سم طال عمرك
رعد بحدة : وييينك !!
كاسر : توو رجعت من دوامي الان بلبس وبطلع
رعد بجدية : اخلصص عليينا فضحتنا واذا جيت تشرح لي سبب اخذتك للين عندك وانت عارف ان امي وابوي معاد عندهم احد فالبيت !
كاسر : ابشر
سكر رعد واتجهة كاسر للدرج واخذ ثوبه ولبسه علطول وطلع شماغه ووقف عند المراية يشخص نفسه وخلص وتعطر واخذ ملابس الدوام وعلقها وطلع ركض وقال : يالله ؟
لين ووعد وقفوا وطلعوا معه وركبوا السيارة واتجهوا لبيت ابو منصور
..........
في بيت رعد
رعد بحدة : هياام اخخللصيي
هيام زعلت من تقلبات رعد وقالت : لاتصارخ طيب !
رعد مسح وجهه وقال : يااارب الهمني الصبر
طلعت هيام بعبايتها وهي حالفة م يشوف كشختها وقالت : الله اكبر ي رعد وش غيرك توو قبل شوي يزينك والحين !؟
رعد تجاهلها وطلع وقال : امشي خلصي
هيام استغفرت ومشت وراه وهي ماهي ناقصة رعد فوق الحمل ذا
............
في بيت ابو منصور
ام منصور : ليييلى
ليلى نزلت تركض وقالت : وصللواا !!
ام منصور بحقد : لا وعساهم م يوصلون خلصي حطي بخور وبخري المجلس
ليلى بزعل : طيب
مشت وحطت البخور وصارت تدور فالمجلس بالمبخرة وخلصت ونزلتها ع الطاولة وبخت في الكنب عطر مفارش وكنبات وقالت : يمه خلصت ترا
ام منصور : طيب اجلسي
جلسوا الثنتين وشوي ودق الباب ودخلت سلمى بحكم انهم اول الحضور وقالت : ياهل البيت ؟
ليلى فزت وصرخت : سلوومتتتيي
سلمى ضحكت : لييللى
ليلى ركضت لها وحضنتها وقالت : وحشتيننيي
سلمى بحب حاوطتها وقالت : م يوحشتس غالي يعيونها
منصور دخل وقال بصوته الثقييل : خير خير وش الاحضان ذي وقدامي بعد ؟
ليلى طلعت لسانها وقالت : اانننن القم بس
تقدم منصور لأمه وسلم عليها وقال بهمس : والله يمه اذا نكدتي ع سلمى اني معاد ادخل بيتتس وكلامي وقلته وم ابي اعيده يمه انتي كبيرة ماله داعي ذي الحركات ابدًا
ام منصور بتصنع : ابشر يعيوني
منصور باس راسها وقال : تبشرين بالجنة
تقدمت سلمى لأم منصور واستوقفتها يد منصور اللي سحبها له وقال : اخر مره اشوف الاحضان اللي قبل شوي سامعه ؟
سلمى ضحكت : مقدر عليها والله
ليلى صرخت : احححبببتتسس
سلمى طاحت ع منصور تضحك وقالت : اههييمتتتسس واهيم بلهجتنا الحلوة منتس
منصور توسعت عيونه وقال : سسلللمى !!
سلمى بعدت منه واتجهت لأم منصور وسلمت وهي مبتسمة بكلافة وقالت : شخبارتس يخالتي ؟
ام منصور بحقد : حمدلله وانتي ؟
سلمى ابتسمت ع جنب وقالت : على م يسرتس
ام منصور خافت ان سلمى حامل وقالت : وش حااممل !
انقلب وجهه سلمى وهي م تحب ذا الموضوع وقالت : هاااه لا لا
منصور ضحك وقال بخبث : قررريييييبب ان شاءالله
سلمى ناظرت فيه بحدة وقالت : سد حلقك
منصور ضحك وسمع صوت سيارات اهل قاضي وطلع وضبط شماغه وقال : ارححببوواا
الكل وصلوا مع بعض وكان عددهم هيبة وقالوا رجالهم بصوت واحد : الله يبقيييك
منصور ابتسم وهو يشوف اهله الثانين ملبين دعوته وجايين ومتعنين كلهم ولا احد استاذن الكل كان موجود
رعد بصوته الرجولي قال : ندخل ؟
منصور : اقلطوا ياهلي البيت بيتكم
ام محمد تقدمت مع ابو محمد وسلم عليهم منصور : وشحالك يجدي ؟
ابو محمد : بخيير يولدي وانت عساك بخير
منصور بحب : تووي صرت بخير بشوفكم
ام محمد : الله يخليك لنا ولسلمى يولدي
منصور باس يدها وقال : اميين
ورفع راسه وقال : رعد
رعد : سم
منصور : الحريم من ورا مدخلهم
رعد : طيب سمعتوه يمه ؟
ام رعد هزت راسها بنعم واتجهت والحريم والبنات كلهم وراها
صالحة : بيتهم كبيييرر قصر ماشاءالله
جميلة ضحكت : مدري م احس فيه فرق عن بيت جدي
شوق : شرايكم تمشون ؟
جميلة : طيب
صالحة : ياليل شوق والبعص
شوق ضحكت : م بعصت امشي بس
ذيب بصوت شبه مرتفع قال : شوق
لفت لين وهو م يقدر يميز لين من حنين ومن الخجل م كان يناظر وقالت بنفسها ( ااااه الله ياخذ شوق وحظها اااه يارب قربني منه واكتبه من حلالي لو اصير الثانية على راس الكلبة ذي راضييية يارب لاتبعده مني )
شوق بتغنج : لبيه يعيونها
ذيب : تعالي
تقدمت شوق له وقالت : امرني
ذيب صد ومد لها صندوق صغير وقال : امسكي هذي لتس
شوق ابتسمت : يالله وش ذا لييه الكلافة
ذيب قال بنفسه ( لو انتس دارية ان امي جابرتني اشتريها بس ) وقال : م فيه كلافة يعيوني
شوق ابتسمت وقالت : ودي احضنك بس م يصير
ذيب توسعت عيونه وقال : لا لا واللي يرحم والديتس م يحتاج وصل
شوق لفت وقالت لين بصوت عالي : ذيييب
ذيب انفلت قلبه من ضلوعه وقال : لبيه
لفت شوق بقوة وقالت : ايششش؟
ذيب انلخم ورفع جواله لأذنه وقال : لبيه امرني
شوق ناظرت فيه بتدقيق وحصلته يكلم ولفت وقالت : لين وش تبين فيه ؟
لين بأستحقار : حبيبي انتي م ابيه ابي ينادي لي كاسر نسيت كيكتي
شوق : اللي هو
مشت شوق ودخلت وقالت لين : اسمع بس
ذيب تقدم بسرعة وقطع المسافة بينهم وقال : عييوني لتس
لين شهقت من قربه ورجعت خطوتين ورا وقالت : تسلم بس ناد كاسر لي
ذيب : ليه م تبيني اصير لتس كاسر بكبره ؟
لين كانت تحب حب ذيب لها بس تحس انه حرام اللي هي قاعدة تسويه وقالت : يالذيب
ذيب بحب : روحه
لين قالت بزعل وهي تحترق ع كل كلمة قالتها : وقف تسوي كذا واستوعب انك خاطب شوق وحبها وعطها كل حنيتك انساني الا اذا انت ناوي الزواج بالثانية واكون لك هذا كلام ثاني ولعاد تقرب مني الا اذا خطبتني سامع
ذيب ابتسم : والله اني عارف انتس تقولين كلامتس ذا وانتي م تبين لكن ابشري واسف اذا ضايقتتس
لف ذيب وهو دعس ع قلبه بلحظتها وقال ( خلاص انساها ) ونادا كاسر للين وطلع للمجلس وشوي وجاء كاسر يركض بالكيكة
لين ضحكت : يحلوك يكاسر الوعد
كاسر ابتسم : عساني م اكسرها يارب
لين ابتسمت واخذت الكيكة منه وطلعت للبيت ودخلت وسلمت ع ام منصور وليلى ونزلت كيكتها وجلست مع البنات بعد م نزلت عبايتها
.............
في مجلس الرجال
كانوا القهوجيين يلفون بالقهوة وقال ابو محمد : والله هقيتها من غيرك ي عبدالرحمن
ابو منصور : افا وش العلم ي قاضي
الكل لفوا لجدهم وقال رعد : الحين بيعاتبه ع العزيمة المتأخرة
منصور ضحك : يستاهل ابوي
العيال ضحكوا وقال زايد : بايع ابوه ذا
ذيب : مررره
محمد : انكتموا شوي
رعد بحدة : ومحمد صادق
ابو محمد : ماهي افعال رجال ذي يوم تعزمنا بعد زواج ولدك بشهرين مدري ثلاث
فارس بهمس : اح اح
رعد ومحمد : فاارسس
فارس ضحك وقال : لبيه
رعد مد يده لفارس ومسكها فارس وقال : امرني
رعد فز وقبصه وقال : وجع صدق
كاسر لف وجهه يضحك عليهم وهو من اللي م يقدرون يمسكون ضحكاتهم
رعد لف بحدة لكاسر وبس شافه كاسر تغيرت ملامحه وتحولت لجدية واختفت الضحكات ابتسم رعد ولف لجده وسمعوا رد ابو منصور اللي يدل ع الاعتذار والفشلة
ابو منصور : والله ان قدركم اكبر من كذا لكن ي قاضي الاهل يعذرون بعض وابيكم تعذروني والله ان عشاكم علي وان اذبح لكم قعودين وشاتين وابشروا باللي يطيب خاطركم
فزوا عيال قاضي وقالوا مع بعض : م تقصصر يبو منصور
ابو منصور : الله يديمنا اهل وحبايب وقرايب
الكل : امين
رعد كان يناظر بذيب بحدة وم كان يرمش
ذيب طاحت عينه ع عين رعد وقال : خير يبو عاجبك وجهي ؟
رعد صد وم رد وتوتر ذيب وقام وجلس عند ركب رعد وقال : امرني يالرعد
رعد فز ومسك ذيب ووقفه معه وقال : لا تجلس عند ركبي انت محلك فوق الراس يالذيب
ذيب ارتعد من كلام رعد وقال : عساني عند الهقوة امرني
رعد بهمس : تعال معي
طلعوا وذيب ميت رعب من رعد لأن محد ينمدح من رعد الا وهو عاجبه ويشوف انه رجال وقال : لبيه ؟
رعد : ابيك تتزوج لين
تكهرب ذيب وقال : ايش ؟
رعد بجدية : جاك العلم وجاتك لين
ذيب : رعد باقي م تزوجت شوق !!
رعد ضحك : طيب ؟ تزوج شوق واجلس خمس اشهر بس وبعدها تعال واعطيك لين بيديني
ذيب كانت كل خلية فيه تصرخ بفرحة وقال : ابشر والله باللي يطيب خاطرك
رعد : شف خمس اشهر بس بكون واقف لأبوي م يزوجها احد غيرك بعدها بكيفه والله م اقول شيء وبعيدًا عن ذا كله م جبتك هنا الا وانت عاجبني واشوفك رجال عن مليون رجال واشوفك سند للين بعد الله ثم حنا يخوانها
ذيب تقدم وباس خشم رعد وقال : ابشر والله خمس اشهر وانا عندك
رعد : تم اجل
دخل رعد وطاح ذيب ع الارض وقال : يييوييل حاللي رععد عطاننيي ليين يعني معاد لخالي رأي ولعاد لها رأي رععد هو اللي وافق وعطاني ليين !
كاسر طلع وقال : ولد ذيب وش يبي رعد فيك
ذيب : قومني تكفى
كاسر مد يده وقام ذيب وقال : عطاني لين !
انصعق كاسر وقال : اسألك بالله !!
ذيب : ورب الكعبة
كاسر : حتى وانت خاطب شوق اجل دخلت براسه وعجبته كفو عليك يولد العمة
ذيب ابتسم : ابششر بي يولد الخال
كاسر : امش ندخل وخلك ثقيل
ذيب دخل مع كاسر وكان يشوف نظرات رعد له وقال : يولد نظرات اخوك توتر
كاسر ضحك وقال : رعد طالع بقهوتك احسن لك
رعد توسعت عيونه وقال : تعال طيب اذا انت قدها
ابو رعد بحدة : ولدد انت وياااه
الكل سكتوا ورعد يتحلف بكاسر اللي طاح بحضن ذيب يضحك
...............
في مجلس الحريم
ثابت : سلمى
سلمى : عيوني
ثابت : ابي موز عطيني
سلمى تقدمت واخذت الموزة واعطتها هيام تقشرها له وقالت هيام : باقي الحساسية
سلمى : مرره وزادت بعد صرت مقدر امسكها واذا اكلتها اموت
مرت ام منصور وسمعت كلام سلمى لهيام واتجهت للمطبخ وطلعت اسرع حلى في موز وصارت تسويه بكل حب وبكل قوة تملكها
هيام : ثابت تعال
ثابت طالع بهيام وقال : انتي هيام ؟
هيام ضحكت : ايه انا هيام
ثابت توسعت عيونه وقال : الله يعني انتي حبيبة رعد ؟
هيام انصدمت وقالت : ايه بس مو حبيبته زوجته انا
ثابت مسك بطنها وقال : وعندك نونو ؟
هيام ضحكت بحب وقالت : ايه عندي نونو ببطني باقي ٣ اشهر ويطلع للدنيا
ثابت صفق بحماس وقال : ولد ولا بنت
هيام مسحت ع راسه وقالت : ولد
ثابت صرخ : الله بييصيرر فييه ولد صغيير انا م حبيت لميس لأنها بنت مدري ليه خالة بشرى جابتها
ضحكوا الحريم كلهم وقالت بشرى : معليه معاد بخليك تشيلها
ثابت : امزح والله احبها
هيام حضنته وقالت : بششرى حرام علييتس
لين ضحكت : عادي ي ثابت هيام بتخليك تشيل ولدها
ثابت : طيب وش اسمه ؟
الكل ناظر في هيام اللي باقي م قررت مع رعودها وقالت : اسأل عمو رعد وبيعلمك
طار ثابت يركض لمجلس الرجال وقالت هيام : مدري وش بيصفق له رعد بأسم لكن يالله
ام رعد : الله يستر
ليلى بتعب : بنات اف وش الرسميات الخايسة ذي كل وحدة تقوم تصب لنفسها تعبت
حنين ضحكت وقالت : ابشري استريحي انتي
جلست ليلى جنب لين وقالت : لين انتي انخطبتي صح
لين شرقت بالقهوة وصارت تكح وقالت : مين قالتس !
ليلى ضحكت : اول شيء بسم الله عليك ثانيًا منصور قالي ان ذيب ولد عمتك خطبك
لين بزعل : ايه صح قبل شهر تقريبًا بس م تمت الخطوبة وشوفي شوق مخطوبة منه الحين
ليلى استغربت : حشى م امداه !
لين ضحكت : الله يعين
ليلى همست : تحبينه ؟؟
لين همست لها : اهيمه واعشقه مو بس حب
ليلى : معليش بس م فيه مقارنة بينك وبين شوق يعني انتي احلى بكثيييير واطيب واجمل كيف يخليك ذا !
لين : انا اللي فرطت فيه
ليلى شهقت : امانه !! لييييه
لين بزعل : كنت ابي اكمل دراستي وطار من يديني بلمح البصر
ليلى : خلاص يروحي هونيها وتهون وان شاءالله يجيك اللي احسن منه
لين ضحكت : احس بتزوجه وبصير الثانية ع راس شوق
ليلى ضحكت : اذا عادي عندك تزوجيه وش وراكم وبعدها فركشيها بينه وبين شوق واخذيه لك لحالك
لين : م فرقت معي والله انا عارفة انه يحبني اكثر منها ليه اخرب ع نفسي ويمكن يكرهني بعد م اسويها ويمكن ن اتزوجه اصلاً
ليلى رفعت يدينها وقالت بهمس : ياااارب لين تتزوج ذيب
لين رفعت يدينها معها وقالت بصوت عالي : اممييينن
ضحكوا الثنتين من نظرات الحريم وقامت ليلى تصب للحريم وسحبت ع البنات اللي كل وحدة صارت تصب لنفسها
................
فالمجلس حق الرجال
ثابت بصوت عالي : عمو رعد
رعد لف له وقال : لبيييه
ثابت كان يشوف رعد هيبة ويشوفه كل شيء بس كان يستحي منه واول م سمع رد رعد فز له يركض وشاله رعد في حضنه وقال : وش عندك ؟
ثابت بخجل : انت ليه صوتك كبير كذا ؟
ضحكوا العيال ورعد معهم وثقّل صوته وقال : لأني رجال
ثابت مسك شنب رعد ولحيته وقال : الله شنبك حلو والله انت رجال حلو يحظ حبيبتك هيام
رعد توسعت عيونه وقال : ااسسلللمم صدق ولد لا تقول اسم محارمنا
العيال طاحوا ع بعض يضحكون وقال ثابت : وش محارمنا
رعد همس له : هيامي
ثابت ابتسم وقال بهمس : هيامك ؟
رعد هز راسه بنعم وقال : ليه جيت عندك شيء تبي شيء ؟
ثابت : ايه ايه وش اسم ولدك ؟
رعد ابتسم : ولدي انا ؟
ثابت صدمهم بردة وهو يقول : لا انا ايييه انت عمو رعد وشفيك كذا !
ضحك رعد بصوت عالي وكانت ضحكته تشّد بحكم انه م يضحك كثير وقال : وش تبي بأسم ولدي ؟
ثابت : انا سألت هيامك وقالت لي اجيك لأنك بتعملني
رعد : طيب اسمعني بهمس الاسم بأذنك ولا تعلم احد
ثابت تحمس : يالله يالله
رعد همس بأذنه وماهي الا ثواني وصرخ ثابت وهو يقول : اييهمم !!
رعد ضرب راسه بخفه وقال : والله الفضيحة
فارس بحماس : ايهم بن رعد بن محمد بن قاضي ال **** !!!
رعد ضحك : والله ونعم
ابو رعد : ونععمم يبو ايهم
رعد فز لأبوه : م عليك زوود يبو الرعد
نزل ثابت وركض للحريم يبي يقول لهيام الاسم
فارس : وش معنى اسمه ؟
رعد بجدية : الشّامخ من الجبال و الجريء و من لا يستطاع دفعه والحجر الأملس و الجبل الصعب المرتقى و الضياء وله معاني كثيير وابرزها يالفارس هو اليُهم وهو الجنون
فارس بحدة : يسااااتر يالاسمم !
رعد ضحك : اعجبك انا
محمد : تعجبنا كلنا يبو ايهم
رعد : م عليك زود يبو لميس
كملوا سوالف العيال مع بعضهم ينتظرون الغداء
...............
عند الحريم
دخل ثابت يركض وقال : انننن عرففت اسممه
هيام ضحكت وقالت : وش اسمه ؟
ثابت : ايهم
الكل فزوا وقالت هيام : ايهم !!!
حنين بصدمة : يجنن يجنن واااو هذا طلع من رعد !!
سلمى : بنااتت فيه حروف هيام كلها !!!
لين صرخت : صحح صحح هياام وايهم وواااوو
هيام ضحكت وقالت : يهبل الاسم والله
شوق : انصدمت والله كيف يحط حروف اسمك م يغار ذا ؟
ضحكت هيام وقالت : شدخل غيرة ؟
قاطعتهم وعد اللي قالت : بنات خالتي ام منصور تكلمكم
الكل لف لها وهي تقول : سويت حلى وان شاءالله يعجبكم الكل بيذوق مالي دخل
هيام اخذت ملعقة واكلت منه بس م اخذت من الموز عشان كذا م حست فيه وقالت بهمس : سلمى لاتردينها عشان منصور
سلمى هزت راسها بنعم واخذت ملعقة ودخلتها واخذت كل الموز واكلته دفعة وحدة وقالت بحدة : يجنن ماشاءالله
هيام : مرره تسلم يدينتس يخالة
ام منصور بحقد : يعيوني والله الله يسلمتس انتي وسلمى
سلمى انتفخ حلقها وبدأ يضيق التنفس عندها وغرقت عيونها بدموعها ووقفت وقالت : الحق...الحققوو..الحقوونيي
قالت كلامها وطاحت قدامهم بطولها ع الارض وصارت بشرتها سوداء وبنفسجية وانتفخ نحرها وكانت مرعبة وفزوا الحريم ع صرخات هيام اللي قالت : يووييلليي سللمىى فيييه مووززز !!
ام منصور بتصنع الخوف : وشفييه وشفييه المووز !
لين بحدة : عنددهاا حسااسية
بشرى شالتها وقالت : نادوواا الرجالل
لين ركضت وقالت بصوت عالي : ذيييبب
فزوا العيال كلهم وركض ذيب للين وقال : هللااا !!
لين برعب كانت حاطه شيلتها ع وجهها وكانت ملامحها واضحة وقالت : سلمىى سلمى الحقووها
ذيب فز ودخل داخل والكل كانوا جاهزين وقال بحدة : وشش العللمم !!!
بشرى بهدوء يعكس داخلها : اكلت..اكل
وطاحت تبكي ع سلمى وتكلمت العنود وقالت : ذيب يخوي تكفى لاتروح سلمى
ذيب بحدة : اعنبوتس انطقي انتي وياها
ورجع يلف وقال : زااايدد ضااررري
رعد بحدة : ذييب وش العلم انططقق
ذيب : سلمى طاحت عليهم
منصور فز يبي يدخل بس وقفه ذيب وهو يقول : خواتي يولد
منصور : زوجتتي وخرر
بشرى تغطت وقالت : خله يدخل
ذيب : ووقفف شووي
دخل ذيب ونزل شماغه للين اللي م جابت عبايتها ولفها فيه وقال بحدة : لعاد اشوفتس طالعة كذا
لين هزت راسها بنعم ودخل منصور وطار لسلمى وشالها بين يدينه وطار فيها بعبايتها لسيارته مع اخوانها وخواتها وامها
ضاري : بجلس مع ابوي عطوني خبر
ذيب : طيب
كاسر : ذيب وين شماغك ؟
ذيب بعجلة : مع ليني
طلع تحت صدمة اخوان لين وقال كاسر : فجرها الحلو
رعد ضحك : اعنبو من لامه بس شدعوة يعطيها الشماغ اجل طلعت قدامه كذا ؟
كاسر : مدري والله
رعد دخل وشاف لين بشيلتها بس بدون عبايتها وقال : اها ليني اجل والله م يسلم ووالله م تسلم هي بعد
كاسر ضحك ودخل المجلس يقول لعمانه الخبر والكل انفجع من الخبر وقال ابو محمد : وش صارر طيب !
كاسر : مدري اكلت حلى فيه موز وهي عندها حساسية
ابو ضاري : بسم الله عليها ان شاءالله انها بسيطة
كاسر : رعد
رعد كان واقف عن الباب ولف له وقال : لبيه
كاسر : لبيت حاج امش اجلس
رعد : اصبر انتظر هيام ابي اكلمها
كاسر : اها طيب
دخل كاسر ونادت هيام رعد وتقدم لها وقال : وش فيها سلمى ؟
هيام بحقد وعيونها غرقانه : امه الكلبة حطت فالحلى موز واكلت منه سلمى وطاحت
رعد توسعت عيونه وقال : تتهمينها انتي ؟؟
هيام تخصرت : نععمم !
رعد مسك فكها وسحبها له وقال : اقصد متأكدة انها عامدة ؟
هيام بحدة : ايه مرت من جنبنا ووقفت ورانا وقت كنا نسولف عن الموز وبعدين م يفوتني شيء انا !
رعد كان يناظر مبسمها وهي تسولف له وقال : بخطفه شوي واتركتس طيب ؟
هيام استغربت وقالت : وش اللي تخطف..
صدمها رعد اللي باس مبسمها بكل قوته وقال : العن ابوتس صدق
هيام احمر وجهها وقالت بصوت خجول : ررععدد !!
رعد بحدة : انكتمي لا اكمل !
هيام مسكت وجهه وصارت تحاول تمسح روجها وقدرت وقالت : كويس راح الله يقلعك
رعد لف وتلطم وطلع برا البيت تحت انظار هيام اللي قلبها كان يدق وقالت : وش صار ع سالفتي طيب ؟
دخلت وشافت لين جالسة قدام شوق بشماغ ذيب وضحكت وقالت بهمس : بدينا ؟
لين ضحكت : يمممكن
حنين : بنات مو وقتكم !
هيام : والله انها متعمدة وبتشوفون
لين : انا كنت اصور ترا اذا رجعت البيت وشحنت جوالي بشوف الفيد
هيام : كووويس تم تم
لين سحبت هيام وجلستها جنبها وقالت : وبعدين ليش روجتس معفوس من عفسه لتس ؟
هيام بهمس : ومن غيره اخوتس
لين بصدمة : يخي مستحيييل ان رعد كذا
هيام : صدقيني انه اسوء
لين وحنين ضربوا هيام بخفه وقالوا بصوت واحد : ترا عادنا خواته !
هيام بحقد : يششينكم ترا عادني زوجته !
ضحكوا كلهم وتقدمت شوق وقالت : لين هذا شماغ مين ؟
لين بغباء : اممم مدري اتوقع حق ذيب
شوق بحرقة : كيف جاء معتس ؟
لين ضحكت : دخل ذيب ونزله ولفني فيه بس
شوق : اها طيب هاتيه
لين استغربت وقالت : شتبين يختي ؟
شوق : خطيبي وش ابي يعني برجعه له
لين بحقد : خطيبتس عطاني ياه انا ارجعه له وبعدين ماني اسعى اخذ ذيب منتس ولا هميتوني بس م احب احد يعطيني شيء ولا ارجعه له بنفسي
شوق ضحكت : ومتوقعه انه يلتفت لتس ؟
لين قامت وبان فرق الطول بينها وبين شوق وقالت : تذكري من خطب ذيب اول شيء بعدها ناقشيني
راحت لين وتركت شوق وراها تحترق غييرة ع ذيب
...............•••.............
فالمستشفى
وصلوا العيال بسلمى وطاروا فيها داخل
منصور : she has a banana allergy
*هي لديها حساسية من الموز *
السستر : alright we gonna take care of her
*حسنًا سوف نعتني فيها *
اخذوا سلمى علطول وابتدأ العلاج تحت انتظار زوجها واخوانها وخواتها وامها برا
وماهي الا نص ساعة وصحت سلمى ودخلوا عليها كلهم بعد م سمحت لهم الدكتورة
سلمى ضحكت : شفيكم كلكم جيتوا معليكم م بموت اليوم
منصور كان ماسك يدها وشّد عليها وقال : خلاص استغفري !
سلمى : استغفر الله عني وعن حبيبي
سلمى كانت تحت التخدير وكانت تهرج بكل شيء يجي ببالها
منصور : ذيب ارجع فيهم لبيتنا
ذيب : ابشر
طلع ذيب وكان كأنه الكبير بحكم ان زايد شخصيته كريهة وم يحب يكون فالمقدمة رغم انه اكبر من ذيب ب ٧ سنوات بس كان ذيب اعرض واطول منه وكان يمشي بكل هيبة بالسيب واخوه الكبير وراه وخواته وامه
منصور : فضحتينا اسكتي
سلمى ضحكت : ابي ابوسك طيب
منصور ابتسم وباس خشمها وقال : نامي طيب
السستر دخلت وقالت : you can take her out after the serum is over
*تستطيع ان تأخذها للخارج بعد ان ينتهي المغذي *
منصور : okay thank you so much
*حسنًا اشكرك حقًا *
سلمى بحقد : وش تهرج معها يحيوان !
منصور كتمها وابتسم للسستر وطلعت ولف بقوة ع سلمى وقال : تبيني اعملتس وش بيسوي الحيوان فيتس ؟
سلمى صدت بزعل وقالت : شدعوة رح لها محد مهتم
ضحك منصور وجلس جنبها ينتظر المغذي يخلص وتطلع سلمى
.............
في بيت ابو منصور
وصل ذيب وقالهم اللي صار وان سلمى بخير والكل ارتاح وتذكر شماغه وقال لثابت يناديها ورا الحوش وماهي الا ثواني وطلعت لين تركض وقالت : ذيب ؟
ذيب كان صاد وهو وده يناظر فيها وقال : وين شماغي
لين استغربت وقالت : ذيب ليه صاد مني ؟
ذيب مد يده وقال : هاتي الشماغ ولا يكثر تبيني ابوستس يعني ؟
لين بزعل : ذيب لابسة انا طالع فيني !
ذيب لف بهدوء وكانت لين بعبايتها وقالت : انت اللي صديت وتحمل صدتك
رمت شماغه عليه ودخلت وهي دموعها بعيونها والمثل عند ذيب اللي قال : والله لو بيدي م تروحين لهم بالشكل ذا لكن حيل الله اقوى وكلها خمس اشهر وانتي بين يديني
طلع للرجال وهو مكسور ع لينه ولين مكسورة من حركة ذيبها ومحد منهم قادر يسعف الثاني ابدًا
:::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( البارت طوييييللل جدًا وصلنا ٦ الاف كلمة عوضتكم عن القطعة اللي صارت احبكم استمتعوا فيه وعطوني رايكم اشوفكم بكرا ان شاءالله 😢 )