بين احضان قاتلي

part"8"

أنا وذكراكَ.. والشاي الذي بردا
غِب كيفما شئتَ.. إنّـا ها هُنا أبدا
لم يكذبِ الليلُ حينَ الليلُ أخبرني
أنّ الذي غابَ دهراً لن يعود إبدا

.............................................

اشهب..لحضات صعبة مرينة بيها جان شكلها مصرة تطعن نفسها
وهية تقرب السجينة من بطنها بقوة ضجت الاصوات بالبيت
صرخت وانا مذهول بمنظرها
وركضت بحركة سريعة جريت السجينة من ايدها وهية ركعت كاعدة على ركبتها وصارت تبجي بقوة بقيت واكف مراقبها وانا مصدوم
مصدوم بالي صار
جانت راح تفرط بروحها!!
وبسببي!
احساس يوجع وانت تشوف نتيجة الي سويتة بأنسان بريئ

تقدمت امي عليها حضنتها بقوة وهية تبجي وتشهگ بصوت عالي

غزل..دمرني خالة دمرنييي انتهت حياتيي شلوننن اعيش هيج

عيوني تتلفت حواليها وما نطقت بأي كلمة تقدم ايهاب عليها و كعد على رگبة وحدة ووجه كلامة الها

ايهاب.. مو ذنبج هذا اعرف  بس هم مو ذنب الطفل حتة ردتي تقتلي وتقتلين نفسج الله سبحانه وتعالى وصانة على نفسنة

في قوله تعالى: بسم الله الرحمن الرحيم
(يَا أَيُّهَا الَّذِينَ آمَنُوا لَا تَأْكُلُوا أَمْوَالَكُم بَيْنَكُم بِالْبَاطِلِ إِلَّا أَن تَكُونَ تِجَارَةً عَن تَرَاضٍ مِّنكُمْ وَلَا تَقْتُلُوا أَنفُسَكُمْ إِنَّ اللَّهَ كَانَ بِكُمْ رَحِيمًا * وَمَن يَفْعَلْ ذَٰلِكَ عُدْوَانًا وَظُلْمًا فَسَوْفَ نُصْلِيهِ نَارًا وَكَانَ ذَٰلِكَ عَلَى اللَّهِ يَسِيرًا)،