بلاي ي جابر بعناد روس الرجال

البارت الثامن

( الهم صل وسلم على نبينا محمد )
  
    ( لايك وكومنت ورايكم بروايه يحفزني اكتب )

صقر بستعجال : بعدين اقولك روحي جيبي عباتها بسرعه
وعد راحت ركض ورجعت معها العبايه لبست المها واخذ صقر المها للمستشفى
اما مهره راحت بعيد عنهم تستوعب الي سوته وكيف لو المها اشتكت عليها وصقر كيف تخليه ينسى الموضوع واسأله كثيره وقررت ...
بسياره صقر توتر من دموع المها حتى لو بدون صوت بس صوت شهقاتها تكفي : المها تحملي قربنا للمستشفى ( هم بنجد والمستشفيات الكبيره حقت حروق وكذا برياض )
المها ماردت وبعد دقايق وصلو
الدكتور : لا بصيطه انشاء الله بس الحرق كان قوي شوي علشان الي انكب عليها كان حار حيل وهاذا مرهم تحطه على الحرق يومياً علشان الاثار
صقر : يعطيك العافيه
الدكتور : يعافيك
.................................
ببيت الجد
خالد : وين المها
حلا قالت له كل الي صار
خالد بعصبيه وبصراخ  : نعممم وينها بنت ** وينها
جود بتوتر وكذب : خالد المها مافيها شي تو صقر اتصل وطمنا والي ماتتسما اتصلت بخوها وجا اخذها توه وصقر ضربها واذا رجع ماراح يسكت لها انت اهدا
خالد : والله لربيها اذا ماتربت ( خالد عنده كلشي الا خواته ) اخذ نفس . لحد يقول لبوي ان المها وداها صقر
سلمى بانفعال : خالد جود تـ
جود قرصتها قوا
خالد : وش
سلمى : ولا شي بس كنت بقولك انها خايفه على المها
خالد بعدم اقتناع : طيب  وراح
جود : تبين تقولين له وتكبر السالفه انتي بعد
سلمى : هي كبرت وخلصت  وراحت تركض لمهره
دخلت الغرفه ولقت وعد تهاوش مهره ومهره فوق الي سوته ترادد راحت لمهره وضربتها كف : سكتنا لك بس اضاهر ماعاد ينفع السكوت معك . وبدت مضاربه بين سلمى ومهره ومحد قدر يوقفهن
لين دخلت روابي : المها وصقر جو.    اسرعو البنات يلبسن عبيهم ونقاباتهم الام مهره الي خافت من صقر طلعن البنات وشافو صقر والمها وخالد
خالد محاوط المها بيد واليد الثانيه ماسك يدها الي فيها الحرق : توجعك يعيني ؟
المها : لا
خالد طالع صقر بحده : والله والله يصقر لو ماتأدب مرتك لتشوف شي ماشافته ولاشوفها متعرضه خواتي مرا ثانيه
صقر بحرج : ماعليك والله المها مايروح حقها و
قاطعه خالد : حصل خير عدت وادري انت مالك دخل بلي صار
وعد جت تركض حضنت المها : وش سوت يدك
المها ببتسامه : الحمدالله  ضحكت ماتوقعت اني غاليه عليكم لهدرجه
روابي ضربتها : غاليه ونص
المها : يروحي
خالد : المها تعالي معاي   وراحو
سلمى  : وش عندهم
روابي : ملقوفه امشي
سلمى : روابيو
روابي : سلمو
وعد ضحكت : مهبل قسم بالله
صقر : وعد 
وعد : هلا
سكت شوي وقال : ناديها
وعد : طيب بنات امشو داخل انا بناديها واجي
راحو كلهم وبقت
رغد : صقر ي خوي لتسوي شي تندم عليه بكرا
صقر ابتسم : ماعليك
مهره جت : نعم
صقر : رغود تبين شي اجيبه لك وانا جاي ؟
رغد : سلامتك  وراحت داخل
صقر ركب السياره بدون ماينطق بحرف مع مهره وقف قدام بيت اهلها : انزلي وانتي طالق
مهره وهي متوقعه انها بتكسره بكلامها : يعني بروح وبزعل على بالك لا غلطان ورح شف وحده ترضى تتزوج واحد اكبر همه خواته العوانس
صقر ضرها كف وشرار يتطاير من عيونه نزل وسحبها من السياره ودفها على باب بيت اهلها وبصوت غاضب : لو جبتي سيرة خواتي والله لخليتس تندمين على الساعه الي جابتس امتس بها فاهمه   مشا وركب السياره وحرك
................................
عند المها وسُلاف
سُلاف : المها
المها : هلا
سُلاف : انا لو مكانك الحين محتفله احتفال كبير واذا ماتبين تحتفلين انا احتفل بدالك
المها فهمت كلامها : سُلاف صدق ان في شعور فرحان بس بنفس الوقت مابي اكون سبب بشي يصير بينهم
سُلاف قعدت على الطاوله الي بلمطبخ : لو الدنيا كلها عندها قلبك يوه ي المها كلشي بخير
المها ضحكت : اشتغلي اشتغلي بس
سُلاف ضحكت : ابشري طال عمرك
اما روابي ووعد وسلمى وساره كانن يتمشن بالحوش ( بيت الجد احواشه كبيره مرا )
روابي : واحد ثنين ثلاثه
وبدو يركضن
روابي : انا قدامكم ي حرام
سلمى : روابيووو
روابي : سلموو
وقفن يتهاوشن لفن على صوت ضحك ساره ووعد سبقوهن وهم يتهاوشن وقاعدات يضحكن عليهم
سلمى تخصرت : خير كنا سابقاتكم
ساره بضحك : كنتن فعل ماضي ي حلوه
روابي : انقلعي عادي اصلاً
وعد : عادي حيل المهم انت وساره فزنا موتن
وبعد ضحك وهواش حطن فرشه وقعدو فيها بشكل دائري
وعد : خير انتي وياها سكتن
روابي : انا وسلمى زعلانات لحد يكلمنا
وعد : طقن راسكم بجدار وانتي ساره
ساره ماردت
وعد : ساره الو وين وصلتي
ساره بعيون تلمع وصوت راجف : امس بليل سمعت ابوي يتصل على جدي يقول له انه بياخذني
سلمى حضنتها : حبيبتي انتي ماعليك جدي مابيخليك ولا ابوي وعمامي
روابي مسكت يدها : وبعدين لو رحتي معاه مابيسوي لك شي وبتشوفين امك كل يوم لو تبين
ساره بكت : ابوي مو مثل خوالي ترا وانتم عرافين
ابوي يصدق جواهر بكل شي وجواهر متحبني وتكذب على ابوي وابوي يضربني لو رحت وعشت عنده وش بيصير ؟
بيحرمني من امي والله انا سامعته كان يقول لجواهر كذا برا المزوعه يوم السالفه مابي تكفون مابي اروح
وعد دمعت : ساره خلاص ي روحي والله مايخلونك تروحين اذا انتي ماتبين سكتت شوي ساره عمتي جايه نشفي دموعك بسرعه
ساره نشفت دموعها بطرف اناملها الصغيره
سعاد : وش تسوون يلا قومو السحور قربت لساره   ساره حبيبتي فيك شي !
ساره ابتسمت بضيق : لا بس وحنا نتسابق طحت
سعاد : طيب يلا يلا امشن
رواحو

الساعه 4 بليل
طلعو البنات والعيال لسطح مجتمعين فيه ( سياف وخلف وخواتهم بعد موجودين لانهم يمونون على بعض اكثر من الخوان من طلعو على الدنيا وهم سوى + البنات متنقبات ) وحاطين مفرحات على طاوله كبيره مجتمعين حولها
سُلاف : الجوو يهبل
وعد : اجواء اشتاء لايعلى عليها
سلمى : خالد بالله نبي نسمع شي
سالم : وحنا نخيرك اغاني او قصايد
خالد : بعد تخيرني
سالم ضحك : يلاا   خليف وين العود
خلف : مو اصغر ورعانك انا
سالم : لا اله الا الله وش بكم علي اخلصو عاد
خلف بدا يدق بلعود
خالد : وش تبون تسمعون ؟
ساره بحماس : نادر الشراري تمون
روابي : لاا سعود الصليلي
سلمى : راشد
خالد : خلاص علشان متهاوشن بقول قصيدن 
سلمى وساره وروابي  : لا والله
وعد : اخلصو الحين يقوم عمي
سُلاف : يلا خالد ابدا
خالد تنحنح وعينه على وعد الي مبتسمه :
" ي وجهك الي خلقه الله رضي وضحوك
    ويا صوتك الي من يمله وهو سامعه
    حزين لاني مافكر اخليك
   واكذب عليك ان قلت الشي عادي
    احبك وانا فارح احبك وانا محتاس
    اقدرك واداريك في كل حالاتي
    احبك لا ضحكت بضحكك الزاهي "

الكل : صح لسانك
خالد : صح بدنكم
اما وعد انحرجت وهي عرافه انه يقصدها بكلامه وروابي ناضرت فيها وضحكت بخفه

وماهي الا دقايق وسمعو صوت ابو خالد وراحو كلهم ركض مع الدرج البنات لغرفتهم والعيال كذالك
................................
بعد يومين بليل الساعه 11
الكل نايم الا الجد وخالد وعمامه وابوه
خالد : وش فيكم مناديني لحالي مو بلعاده ؟
الجد بضيق : خالد ادري ان الي بقوله غلط وان انت تختار المفروض مو حنا بس انت اكثر واحد فاهم بينهم وعاقل ولو الموضوع ماوصل للحد ذا ما فاتحناك بلموضوع
خالد : جدي فيك شي لتخوفني عليك !!
ابو خالد : الي بنقوله بتـ
الجد قاطعه بصرامه : فيصصلل !
ابو خالد سكت
خالد بنرفزه : احد يفهمنيي
الجد : قبل كم يوم اتصل ابو جواهر وانت عارف ان جواهر مو بنت سعاد وساره بس بنتها وهو   سكت شوي  يبي ياخذ ساره معاه والبنت ماتبي لانه يضربها ويبي يقطع عنها امها وسعاد تحبك وتعتبرك ولدها اكثر واحد
خالد : للحين انا مو فاهم
ابو صقر : نبيك تتزوجها ؟