Unicode
" ဘာလို့ လေက ဒီလောက်တိုက်နေတာလဲ ! "
ညည်းညည်းညူညူ ထွက်ပြူလာသည့် စွဲရဲ့
စကားသည် အနည်းငယ်ဒေါသသံစွက်သည် ။
စွဲ သည် ပြတင်းပေါက်ဝကလေးမှာ ခေတ္တရပ်ကာ
ကြွေကျနေသည့် ခရေပန်းလေးများကို
အပေါ်စီးကနေ ကြည့်နေခိုက်
စိမ့်,စိမ့်တိုက်လာသည့်
လေကြောင့် အေးလာသလို ခံစားရ၏ ။
စွဲတို့နေထိုင်သည့် WS ဆောင်ရဲ့
အနောက်ဘက်တွင် စီစီတန်းတန်းဖြင့်
စိုက်ပျိုးထားသည့် ခရေပင်ကြီးများဟာ
သူ့ထက်ငါ အပြိုင် ခရေပန်းကလေးများကို
မိုးစက်မိုးပေါက်ကလေးများကျနေသည့်နှယ်
တဖြောက်ဖြောက်နှင့် ခြွေချနေသလိုပင်
သိပ်ကို ကြည်နူးဖို့ကောင်းလှသည် ။
သို့ပေမယ့် ပြင်းထန်စွာထိုက်ခတ်လာသည့်
လေကြောင့် စွဲ ထိုအရာကို အာရုံစိုက်နိုင်စွမ်း
အနည်းကျဉ်းမျှ မရှိတော့ပါ ။
ထိုနောက် စွဲသည် ပြတင်းပေါက်တံခါးလေးအား
ပိတ်ဖို့ ပြင်လိုက်ကာ ဘောင်းဘီ အိတ်ကပ်ထဲ
ထည့်ထားသည့် လက်နှစ်ဖက်အား ထုတ်လိုက်၏ ။
ထိုအခါ လေ၏ အရှိန်ကြောင့် တစ်ဖက်တစ်ချပ်သို့
ကပ်နေသည့် တံခါးအား စွဲ ဆွဲကိုင်လိုက်သည် ။
" ကျွစ်!
ဘာလို့ ဆွဲရခက်နေပါလဲ တကယ် အေးပါတယ်ဆို "
စုတ်တစ်ချက်သပ်ကာ စွဲ တံခါးအား
စောင့်ဆွဲလိုက်၏ ။
" အ! "
ဆွဲလိုက်သည့် အရှိန်ကပြင်းသည်ထင်ပါရဲ့
စွဲရဲ့ လက်ဖဝါးနုနုလေးအား တံခါးညှပ်သွားသည် ။
နာကျင်လွန်းသည့်ဒဏ်ကြောင့် စွဲ လက်လေးအား
ခါယမ်းလိုက်၏ ။
" ဟင့် နာလိုက်တာ..."
သွေးပူနေသည့် အချိန်မို့ လက်ကစီးကျနေသည့်
သွေးစက်လေးတွေကိုတော့ စွဲသတိမထားမိချေ ။
" အေး အေးသိပြီ ။
weeding တွေအတွက် လာရောက်
booking ယူထားရင် Hotel က
အထူးအခွင့်အရေး တစ်ခုပေးဖို့ ပြင်လိုက်လေ ။
အင်း သိပြီ...သိပြီ လိုအပ်တာတွေကို
ခန့်နောင်ကို မေးလိုက် ။ ကိုယ်သူ့ကို
အကုန်ပြောထားလိုက်မယ် ။
ကိုယ်ပြောတာ နားလည်တယ်မလား "
" ...... "
" OK!
ဒါဆို ကိုယ်ဖုန်းချလိုက်တော့မယ်နော် "
YOU ARE READING
🖤SWEL'🖤( စွဲ~စြဲ ) ~completed~
Romanceမောင့်ကြောင့်ကျတဲ့ မျက်ရည်တွေကို မောင့်အသက်နဲ့ လဲလိုက်ချင်သလား အချစ်🖤 ေမာင့္ေၾကာင့္က်တဲ့ မ်က္ရည္ေတြကို ေမာင့္အသက္နဲ႔ လဲလိုက္ခ်င္သလား အခ်စ္🖤 7.10.2022🖤 17.3.2023🖤
