مساء الخير ...
#أجرام_مستباح_لثلاث_ندبات
بقلم الكاتبة أيلول
ins: t8_fe3 للتواصل
𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒
- عِيونها مَثل البَصࢪه حَتى بالشِتا تَچوي .
................................................................
جــــمرة ::- دفرته حيل برجله شهك وصك سن على سن غمض عــــــيونة بقوة موجوع يصيح من بين اسنانه
::-لا جــــمرة
سحب نفسه سند ظهرة على تاج الجرباية موجوع واني بــــس اباوع مافاهمه شبيه يأشر على رجله جلبت بزنده خايفة
::- شبيك أبــــــهر ما ضربتك حيل
::-اصاابعي جــــمرة رجلي
- درت عيني الرجله اشوف اصابعه مطبوكات ليجوة كلهن متشنجات ردت انزل من الجرباية وافتر حتى اعصرهن خليت ايدي على بطنة حتى انزل ما ادري فوك العملية صيح ولزم بطنه نزلت محتارة اروح الرجلة لو اشوف بطنه
كعدت بالكاع اعصر اصابعه واعدل بيهن وهو روحه شاطت من الوجع وين يله رخت الاعصاب وبدن يرجعن
درت عيني اباوعله ساند ظهره على تاج الجرباية ورافع راسة ليفوك مغمض مسحت على رجله وحجيت خايفه
::- هــــا أبــــــهر راحت؟
- فتح عيونه يباعلي تشخط بياضهن بشرايين حمر ابتسم هز راسة اي ومد أيــــدة يرفعني من الگاع كعدت بصفه على جرباية رجع سند راسة ويباوعلي
::- شكد حنينه؟
- بلعت ريك اباوع لعيونه الما فارگت محجر عيني اجه ببالي قسام
::- من كضيت قسام شسويتله؟
- راسا تغيرت نظرته ورجعت عكدت حاجبة ابتسم
::- ليش؟
::- هيج احس أريـــــد اعرف
::- المهم مات اعرفي هل شي يكفي
::- شلون مات؟
- رفع أيــــدة سواها مثل السلاح وخله اصبعه براسي يباوع لعيوني
::- هيج
::- ما عذبته؟ مو حركني ليش ما حركته؟
::- هههههه صايرة مجرمة
::- تعلمنا منك
- نزل أيــــدة من راسي الخدي دفعتها اباوعله حيل متغير شكلة ولا مبين هذاك المجرم
أنت تقرأ
أجرام مستباح لثلاث ندبات
Mystery / Thriller.بين ثنايا الظلام هناك من استباح لنفسة الاجرام وبين طيات الفقر هناك من قاتلت للعيش دون استسلام وما بين هذا وهذه فرق لايقاس بالازمان جمعهم قدر الالغاز....معآ في رواية اجرام مستباح لثلاث ندبات 2022/7/10
