အရံဇာတ်ကောင်၏ လှည့်ဖြားခြင်း System [ဘာသာပြန်]

Arc 12.8

Sound of Heaven ပြိုင်ပွဲကျင်းပလာတာ အကြိမ်ပေါင်းမနည်းတော့ပါဘူး။ နာမည်ကြီးအဆိုတော် အတော်များများက သူတို့ပထမဆုံးပွဲဦးထွက်ချိန်တုန်းက ဒီပြိုင်ပွဲမှာ ဝင်ပြိုင်ခဲ့ဖူးသူကြီးပါပဲ။ ရလဒ်ကတော့ ဒီပြိုင်ပွဲစတာနဲ့ နိုင်ငံအဝှမ်း စိတ်ဝင်စားမှု များပြားတာပါ။

အကြိမ်တိုင်း ပြိုင်ပွဲဝင်ရတဲ့ အသုံးအဆောင်တွေက မတူသလို အကဲဖြတ်တဲ့အဆင့်ကလည်း အတော်လေး စိစစ်သည်။ အဆိုတော်ရဲ့ အသံစွမ်းရည်ကို စစ်ဆေးတာတင်မကဘဲ သူတို့ရဲ့ဂီတစွမ်းရည်ကိုပါ စစ်ဆေးတာပါ။ ဒါကြောင့် ဂန္တဝင်ဆန်ပြီး စိန်ခေါ်တဲ့သီချင်းတွေကို သီဆိုရမယ့်အပြင် ကိုယ်ပိုင်သီချင်းတွေပါ သီဆိုရမှာပါ။

သီချင်းဆိုစွမ်းရည်က အကြိမ်ကြိမ်လေ့ကျင့်ရင် တိုးတက်လာနိုင်ပေမယ့် ဂီတပါရမီဆိုတာမျိုးကကျ မွေးရာပါ ပါလာတဲ့အရာမျိုးမလား။ တကယ်တော့ အဆိုတော်တစ်ဦးက သီချင်းရေးတဲ့နေရာမှာပါ ထူးချွန်ပြောင်မြောင်ရမယ်ဆိုတာကြီးက နည်းနည်းတော့ လက်တွေ့မဆန်ဘူးလားလို့လေ။

နောက်ပိုင်းပြိုင်ပွဲတွေကျတော့ စီစဉ်သူတွေက ပြိုင်ပွဲဝင်သူတွေကိုယ်ပိုင်သီချင်းဖန်တီးတဲ့အခါ လက်ထောက်တွေကူခွင့်ကို မသိမသာ ခွင့်ပြုခဲ့ကြသည်။ စီစဉ်သူတွေက အဲ့လိုမလုပ်ဘူးဆိုရင်တောင် ပါဝင်သူတွေက ပိုက်ဆံအမြောက်အများသုံးပြီး ရေးပြီးသားသီချင်းကို ကိုယ်တိုင်ရေးသလိုမျိုး ပြောကြမှာလေ။

ပရိတ်သတ်တွေကလည်း ဒီအချက်ကို ကောင်းကောင်းနားလည်လေသည်။ တချို့လူတွေအတွက်တော့ အဆိုတော်တစ်ယောက်ဟာ ကောင်းကောင်းသီချင်းဆိုနေနိုင်သရွေ့ သီချင်းကို ကိုယ်တိုင်ရေးရေး မရေးရေး ကိစ္စမရှိပေ။ ဒါပေမယ့် ကိုယ်တိုင်ရေးဆို ပြီး ပြိုင်ပွဲဝင်တဲ့သူတွေအတွက်ကျတော့ သီချင်းရေးဖို့ ပြင်ပအကူအညီတောင်းတဲ့အဆိုတော်ယှဉ်ရင် မတရားသလိုခံစားရတယ်လို့ တချို့ပရိတ်သတ်တွေက ထင်ကြသည်။ ဒါက ဖန်တီးမှုနဲ့ ဂီတပါရမီကို စမ်းသပ်တာမဟုတ်လား။ ဒီတော့ စမ်းသပ်ခံနိုင်ရမယ်လေ။ အဲ့လိုမှမဟုတ်ရင် ဒီလိုဖန်တီးမှုကို ပြိုင်တဲ့ကက္ဍထည့်စရာကိုမလိုဘူးလေ။ ဒီလိုသာဆို ဘယ်သူအဆိုပိုကောင်းသလဲဆိုတာကို ရိုးရိုးသီချင်းဆိုပြိုင်ခိုင်းရုံနဲ့ပြီးသွားပြီမဟုတ်ဘူးလား?