( لايك تعليق )
وكانت اجوائهم حلوه اغاني وبعدها قصايد وسوالف وبعدين قام الكل ينام
........................
ثاني يوم
خالد طلع لسوق هو وجابريشوف شغل ابوه وهو يمشي صادف طارق وزياد
طارق : يهلا والله بخالد وجابر
خالد : هلا بكم
جابر همس : امش نروح ماني مرتاح لهم ذولا
خالد بهمس : وش بيصير يعني عيب نروح ونتركهم انتضر
زياد يمثل الحرج : خالد والله اني منحرج منك بس
خالد : مافي شي يخليك تنحرج مني ابد امر
زياد : انا مستدين من واحد من سنه وامر بضروف صعبه والحين الرجال يطلبني فلوسه ولا بيسجني و
خالد قاطعه : كم يطلبك
زياد ابتسم بخبث : ميتين الف
خالد وجابر انصدمو من المبلغ وطارق ناضر بصديقه ببتسامه خبث
خالد : ابشر بكرا المبلغ عندك
زياد : متقصر والله يابو فيصل
خالد ابتسم له ولف لطارق بستغراب : عندك شي بتقوله صح ؟
طارق : كنت بقول شي بس ذام زياد سبقني خلاص
خالد : قل وشو
طارق : انتم عارفين اني لا وضيفه ولا شي وانتم ماشاءالله ضباط اذا تقدرون توضفوني بمكان
جابر : قدم على وضيفه وحنا نشوف لك اما ندخلك واسطه مانقدر اعذرنا
خالد ماكان يبي يغير كلمة جابر فا قال: قدم على العسكريه وحنا نحاول ندخلك
طارق : تمام اقدم واقول لكم. وراح هو وزياد
جابر : خالد يعني ماتعرفهم هذول من زمان وهم مايعترفون بمساعدت احد لهم واذا حنا الي جينا نطلبهم وكان لهم شي يقدرون يساعدونا ميساعدون وفوق ذا كله اخويا زيد العله
خالد كشر من طاري زيد : الله ليحوجنا لهم ودام جو وطلبو منا الشي محنا رادينهم والي اعرفه انهم قطعو علاقتهم بزيد
جابر : مدري يخوي حاس وراهم شي بياذونك به
خالد ابتسم لجابر الي خايف عليه : محد ياذيني وانت معي معليك
جابر ابتسم وراحو يكملون شغلهم
عند الحريم الكبار
ام خالد وام جابر وسعاد كانو يسولفن
الشياب كذالك بمجلس الديره
والعيال راحو لشغلهم والبنات قاعدات وجواهر بقوات عين عازمه نوره معهم
وعد : بنات شرايكم نحط مسلسل ونتابع
جود : تم
ساره : بس مو رعد يويلكم
رغد : خوافه
ساره : وجع
المها : بسوعه قبل يجي ابوي وعمامي
حلا : اي ابوي مايحب هالخرابيط على قولته
روابي وهي تدور مسلسل : تمام
جواهر : وعع معقد ومتخلف ابوك ليه ؟
نوره : ايي صادقه
سلمى ناضرت فيها بحده وقامت متجهه لهن : نعم عيدن وش قلتن
جواهر بسلوب ينرفز : مــــتـــخــلــف و مـــــعــقـد
خلصت كلمتها وسلمى طاحت بها ضرب وجود وحلا ووعد وراوبي معها ونوره جت تفزع ( تساعد ) جواهر ودخلت معهم
رغد والمها يحاولن يفكونهم وجن ام خالد وام حابر وسعاد يحاولن يفكنهن
بس مافي فايده لفو على صوت صقعت الباب
وشافو ابو خالد يضرب عصاته بلباب ووراه اخوانه وابوه
ابو خالد بحدده : وش فيه انتي وياها هاا !!!! صراخكم واصل لاخر الديره
سلمى قامت تعدل دشداشتها ( جلابيه ) بعصبيه : مافي شي يبه
ابو خالد توجه لسلمى ( سلمى القعده وابو خالد يحبها اكثر بناته ومايرضى عليها ) : فيك شي ؟
سلمى : لا مافيني شي
روابي كانت مقهوره من جواهر ونوره : الا عمي الي ماتنسما ( يعني ماتبي تقول اسمها ) وصديقتها متكلمات عليك ويسبنك وسلمى عصبت عليهن ماترضى عليك وهن رجعن يعيدن الكلام وتضاربنا معهن
ابو خالد عصب : جووووااههر
جواهر خافت ولفت لنوره مالقتها راحت يوم شافتهم جو وتركتها حاولت توضح انها قويه ومو خايفه بس مقدرت اهذت اغراضها وطلعت بسرعه تنتضر ابوها برا
المفرب جو العيال وكانو قاعين كلهم برا
خالد عصب من كلام جواهر حيل : انا وريها بنت ال.. سكت لما تذكر ساره وغير الموضوع .. كفوو اخت خالد اي ذي اختي
سلمى ضحكت : تربيتك
وعد : نيوف وش عندك هادي غريبه
نايف قط المخده عليها : اسكتي
وعد ابعدت بسرعه : ههههههههههههه
وخالد خق عند ضحكتها وقال : تبون قصيده مع شبة النار
سالم : يلوموننيييي باخوي ي ناس بس بعدك انا حاب اغني لكم
العيال صفقو : من متى
سالم من اليوم
خالد تنحنح : انتي اجمل من تفاصيل الجمال
ضحكتك اجمل ما عيني شافته
اشعر اني مع عيونك في نزال
لذه النظرات نظره صامته
الكل : صح لسانك
خالد ببتسامه : صح بدنكم
روابي بهمس : حرام عليك لتضحكين وغطي عيونك عذبتي الرجال هههههههههههه
وعد احمر وجهها وهمست : رواابيو اذلفي
روابي : هههههههههههههههههههههه
وعد تغير الموضوع : صقر ابي فروتك اذا ماتبيها ( الفروه جنبه مو لابسها )
صقر عطاها الفروه : فداك الفروه يعيوني
وعد ابتسمت
سالم : يلا اعاد بغني لكم
جابر : غرد
سالم لف لساره السرحانه وواضح متضايقه وقال لمحمد عبده :
ابتسمي ماطيق الزغل
اوجوك يالله حاولي
ابتسمي وتميل الغصون
ابتسمي وتطيح الثمر
ابتسمي هالعالم يكون
اشياء بس انتي قمر
ودخلو معه الكل يغني وسالم ارتاح لما شاف ساره ابتسمت الي عرفت ان الاغنيه قالها لها
بعد الاغنيه
قامن البنات ينامون وبقى العيال
جابر : والله سياف وخلف لهم فقده اليوم
نايف : صح وينهم
جابر : خلف ضل برياض يرجع بكرا وسياف راح لخواله برياض بعد يقول بيرجع بكرا
نايف : الصراحه انا اشتقت لعود خلف ومحارش سياف
سالم : صح مالاحضتو اني انا ونايف هاجدين
جابر : ان غاب القط العب يفار بكرا عمي بيكون عنده شغل بالحسابات حقت المحلات وانتم ترجعون تمجنون
نايف : من قام يقول ان غاب القط العب يفار من عام الفين وحطبه
الكل : ههههههههههههههههههههههههههه
جابر ضربه على كتفه : عمى
سالم دفه : اذلف لخويك اقول وترك خويي
جابر : الله والخوي معبل منك الا هو
صقر : عقولهم نفس الاصدار
الكل ههههههههههههههههههههههه
وانتهى يومهم بلاجواء الحلوه ذي وراح الكل ينام
بشقة ساره وسالم
سالم : سارونه ليه متضايقه اليوم
ساره : ولا شي
سالم : مو علي
ساره : كنت متضايقه من جواهر ونغزاتها وكلامها عن عمي بس بعد اغنيتك رضيت
سالم : ههههههههههههه يعني عارفه انها لك
ساره : طبعاً لمنو مثلاً
...................................
بعد شهر ماتغير شي على ابطالنا غير ان طارق وزياد يحاولون يتقربون من خالد بشكل ملحوض للكل ومحد عارف مقصدهم من انهم يتقربون من خالد بس الي معروف مو ناوين خير ابد
الصبح بعد صلاة الفجر
رجعو الرجال من الصلاة
الجد : يعيال ابي ثنين منكم يروحون للمحلات اليوم يشوفونها امس مارحت انا
خالد : انا اروح
ابو صقر : وانا بروح معك من زمان ماتمشيت بسوق الديره
خالد : هههههههه تعودت على اسواق الرياض
ابو صقر : اسواق الرياض فيها كل شي بس الديره فيها الدكريات والبساطه الحلوه
ابو جابر : عاد بذي صدقت لكن السوق هنا مابعده سوق
ابو خالد : وانا اشهد
جابر : عاد عمي انت وابوي نسخه من بعضكم
ابو خالد : اعقل لخلي العقال يعلمك انزالله حق
جابر : عقلنا عقلنا
بعد الفطور راح الكل يبي يريح لضهر وخالد وابو صقر قانو بيروحون للسوق
خالد لحضه عمي ببدل واجي
العم : طيب استعجل
راح خالد وهو راجع شاف وعد :
ي سبحان الي خلا القمر يمشي بينا
وعد صار ووجهها احمر وجت بتروح وقفها صوت خالد
خالد : كيفك وعد
وعد : تمام وانت
خالد : الحمدالله ... بخطبك اليوم من ابوك
وعد استحت ومعرفة ترد وراحت بسرعه
خالد ابتسم لخجلها وراح لعمه وهو قرر يفاتحه بلموضوع
بلسوق
خالد : لك فتره ماجيت هنا صح
ابو صقر : اي تقريباً سنه
خالد بصدمه : اف سنه مرا وحده ليه ماتحب السوق الشعبي
ابو صقر ضحك على صدمة خالد : ههههههه الا احبه بس الشغل يحكم علي ماروح ولا اجي
خالد : الحمدالله احل اني صرت ضابط مو دكتور
ابو صقر : الي يسمعك شغلك مو تعب ولا ضغط ولا شي بس كلنا لنا اهداف من وضيفتنازانا اساعد الناس وانت تسهر على راحتهم
خالد : صدقت ..
بعد ماخلصو شغل قبل الضهر بشوي
خالد: عمي
ابو صقر : هلا
خالد : تبي نتمشى شوي
ابو صقر حس ان خالد يبي يقول شي له لان ذي عادت خالد اذا بغا شي لازم يمشي وهو يسولف : يلا
وهم يتمشون بسوق : عمي انااا......
ابو صقر : قل يولدي
خالد : ابي اخطب
ابو صقر : ومن سعيدة الحظ الي تبيها ؟ او امك اختارت لك
خالد: لو خطبت وعد بتوافق ؟
ابو صقر ابتسم بحب لولد اخوه : ذي الساعه المباركه ي خالد وانا اكيد موافق بس ناخذ راي البنت واقول لك
خالد الفرحه مو سايعته باس راس عمه
ابو صقر : لك خلق نروح للمزوعه
خالد : ليه
ابو صقر : تركت لي اغراض هناك وبجيبهم
خالد : ابشر
بلمزرعه
لما اهذ الاغراض العم ابو صقر رجعو للبيت وبنص الطريق بنشرت السياره وصفطو على جنب ينتضرون احد يجي
خالد لف بخوف لعمه لما سمع صوت طلقة نار وشاف عمه طايح على الارض وينزف دم ركض له وجلس على ركبه يعز عمه يحاول يقعده : عممممميييييييييي عمييي تكفىى قمم عممميييي
وصارت حالة صراخ هستيري من خالد
وقفت سيارات عندهم على صراخ خالد واسعفو العم للمستشفى
بلبيت الكل قعد
الجد بقلق : تأخرو
ابو حابر : عادي شوي ويجون
الجد : مو متطمن لتأخيرهم
ابو خالد كان ساكت وهو بعد مو مرتاح
وبدا القلق يملا الجو لما اذن العصر وماجو
والكل يتصل عليهم والجوال مغلقق
وعد بدموع متحجره بعيونها : حاسه ابوي فيه شي
رغد حضنت اختها : لتقولين كذا تكفين
سلمى : خالد مو بلعاده يقفل جواله خاايفهه
المها : يارب خير
روابي : بنات الحين يجون وتطمنون عليهم اهدو شوي
بالمستشفى
خالد واقف عند باب العمليات وثوبه كله دم لاف شماغه على وجهه وجالس على الارض وايده على راسه
وكان فيه مجموعة رجال جو مع خالد
واحد منهم بهمس للي جنبه : من ذا ووش يصير له الي داخل
الثاني : مسألناه بس شفناه عند الرجال الي داخل العمليات ومسدس طايح عنده
الاول : تتوقع هو الي ذيحه
الثاني مدري يمكن
خالد كان يسمع همسهم بس مو يمهم وخايف على عمه
طلع الدكتور وفز خالد : بشر
الدكتوره بأسف : سوينا الي نقدر عليه والباقي على الله والمريض الان في غيبوبه ادعو له بالشفاء
خالد استند على الجدار ونزلت دموعه بانهيار داخله
وبعد 10 دقايق تذكر اهله وان الحين اذن المغرب وهو ماتصل عليهم من الفجر طلع جواله واتصل وهو يحاول بخلي صوته هادي كثر مايقدر
الجد : خاالد وينكم وانت جدك قلقنا عليكم
خالد بغصه :انا بخير بس ..
ابو خالد اخذ الجوال : خالد وينك
خالد : بالمستشفى
ابو خالد بصدمه : لييه
خالد نزلت دموعه ووضح بصوته : بشرت السياره ولما نزلنا نشوفها في واحد طلق على عمي ومتشفته والحين انا بالمستشفى
ابو خالد طاح الجوال من يده بصدمه وخوف
صقر سحب الجواد : خااالللددد تكلممممم ابوووويي ويننننن
خالد قفل الجوال واستند على الجدار مرا ثانيه بحزن اعمقرمن المرا الولى
انتشر الخبر بلبيت عند الكل وكانت صدمه للكل
الجد : اسمعونني كلكم الي صار ليوصل لاحريم فاهمين
صقر بغصه : من ماكانت لتدري وعد ورغد مابي يوصلهم خبر
الجد : اهدا اهدا يصقر .. وين نايف وسالم
سياف : راحو للمستشفى قبلنا
الجد راح للحريم وقال لهم ان خالد اتصل وقال انه راح مع عمه للمزرعه وانهم الحين بيروحون لجلسة الرجال وهم اساساً رايحين للمستشفى
دخلو وشافو خالد مستند على الجدار وايده على راسه
جابر ركض له : خالد
خالد حضنه : عمي دخل غيبوبه ي جابر غيبوبه
جابر كانت صاعقه له وصدمه كبيره وكذالك الجميع
بس الي كانت صدمتهم اكبر صقر ونايف والجد هذول الي انكسر ضهرهم بلخبر وخالد الي شاف عمه طايح والارض كلها دم حوله
سالم راح لنايف حضنه ويحاول يهديه وهو الي يتحلف بلي سوا بابوه كذا
خلف راح لصقر
جابر وسياف راحو لخالد
وابو خالد وابو جابر راحو لبوهم
وكانت حاله انهيار يشهد عليها كلرمن بالمستشفى
وبعد ماتشجع الكل وخفت انهيارهم دخل صقر ونايف على ابوهم وبعدهم الجد وبعده ابو خالد وابو جابر وبعدين العيال انثين اثنين
ورجع الكل للبت الا سياف وخلف ضلو عمد ابو صقر وماكانو يبون يشوفون انهيار اكثر من كذا لان كل وتحد فيهم تذكر اهله
وصقر ونايف علشان يسندون خواتهم بوقت يسمعون الخبر
بلبيت
قال الجد لهم وصار البكاء بكل مكان وطبعاً الانهيار الاكثر وعد ورغد
وعد : لاااااا قولو انه مقلب بالله قولو مقلبب مو صدق مستحيللل
نايف حضن اخته : اهدي وعد تكفين
وعد وهي تبكي وترجف : تكفى ناايف لتقول تكفى رجع ابوي مابي اخسر ابوي مع امي ليصير له شي
نايف : مابيدي شي والله ليدفع الثمن غالي الي سوا كذا تكفين لتسوين كذا
وعد طاحت بين يدينه تبكي وترجف واغمى عليها شالها وداها للغرفه
رغد كانت من الصدمه مو قادره حتى تبكي تناضر فيهم بصدمه والدموع متجمعه بعيونها مو قادره تنزل
صقر : رغد .. رغد فيك شي
رغد حضنته ترجف وتبكي بمراره ومو قادره تتكلم ماينسمع غير صوت شهقاتها الي توضح كل شي داخلها
صقر بادلها الحضن بحزن
البنات كانو يبكن روابي راحت لوعد تحلس عندها لين تقعد والباقي ضلو
المها راحت لرغد بعد مابعدت رغد عن حضن صقر
المها : خلاص رغد تكفين قطعتي قلوبنا
رغد ماردت تبكي
المها اخذتها فوق وبعد معاناه وبكي اعطتها المها حبة مسكن ونامت رغد
الجد لف وجهه يبكي بنكسار على ولده وعلى شكل احفاده يبكون وانكسرو وهو مابيده شي
ابو خالد : يبه خلاص الله يخليك حرام الي تسويه
ابو جابر طلع من الغرفه الي هم فيها مو قادر يشوف اهله بذا المنضر
نايف بعد ماطلع لحقه سالم
جابر راح لصقر يشوفه بعد متأكد ان خالد صار تمام شافه قاعد بعيد ويدينه على راسه
جابر حط يده على كتفه : خلك قوي ي صقر لتضعف ويضعفون اخوانك معاك انت سندهم بعد الله الحين
صقر بغصه ودموعه نزلت : حاولت اقوى قدام اخواني بس مقدر صعب صعب يجابر يقولون لك ابوك دخل غيبوبه يمكن مايقعد منها والله صعب
جابر : تفائل بلخير مافي شي صعب على الله
صقر : ونعم بالله
عند سالم ونايف
بعد نص ساعه
( نايف طلع وراح لوحده من البيوت القديمه الي كان متعود يروح لها اذا كان متضايق ومحد يعرف غير سالم )
سالم : يلا قم يخوي الحين تلقى خواتك بحاله مايعلم بها الا الله قم شفهن
نايف قام وتلثم بلشماغ علشان ماياضح عليه انه كان يبكي
بلبيت
وعد مرتميه بحضن روابي تبكي : بشوف ابوي
روابي : بتشوفينه بس اهدي اول
وعد قامت : بشوفه الحيينن
طق الباب نايف وصقر ومعهم رغد تغطت روابي وطلعت تخليهم يرتاحون
نايف جلس على السرير جنب اخته : وعد ي روحي مايصير الي تسوينه
وعد ببكي وغصه واضحه : ابوي بيموت زي امي صح ( ملاحضه ام صقر توفت بحادث سياره دخلت غيبوبه اسبوع وتوفت بعدها ووعد كانت متعلقه بها فا صارت تخاف تفقد احد )
صقر : لا ان شاء الله بيقوم بسلامه
وغد بكت ولف عليها صقر حضنها : خلاص ي رغد انتي الكبيره حاولي تكوني قويه
رغد : بشوفه تكفى
وعد : وانا بعد
نايف : قومن البسو اوديكم تشوفونه
صقر : ممنوع الزياره !'
نايف : نحاول ندخلهم
بالمستشفى دخلت اول شي وعد لحالها عند ابوها
وعد مسكت يد ابوها تبكي : يبه قم لنا يبه انا ولا شي بدونك لتخلينا مابي اخسرك مثل امي .. بعد دقايق طلعت ودخلت رغد ..
رغد بغصه : بحاول اكون قويه مثل ماكنت تقول لي بنتبه لخواني ولوعد بس قم لنا بسلامه والله مانبي شي غيره يبه .... وبعد دقايق طلعت ودخل نايف ..
نايف : دايم كنت تقول لي خلك زي صقر وترك خبال الورعان عنك بس كنت احب امزح معاك وسوي بك مقالب بس الحين انت .... نزلت دموعه ومكمل كلامه ... والله ليدفع الثمن غالي الي سوا بك كذا والله .. طلع ودخل صقر ...
صقر : اذكر قبل لما كنت صفير قلت ان وضيفتك تساعد الناس وتسوي الي تقدر عليه ترسم الضحكه على وجيهم وفعلاً ذا الي صار انت كنت سبب بسمت ناس بعد الله وانا حبيت الشغله ذي من حبك لها بس الحين يبه انت مكان الناس الي كنت تساعدهم ... وطلع ورجعو للبيت
ننهي البارت لهنى
ــــــــــــــــــــــــــــــــــــــــــــــــــــــــ
رايكم بلبارت
كنت حابه اطول لكم البارت بس الاحداث الجايه ابغاها بلبارت الجاي
أنت تقرأ
بلاي ي جابر بعناد روس الرجال
Fantasyروايه تتحدث عن حب نما من الطفوله ولاكن هل الضروف تساعد ام لا ؟ 🤍 مكتمله 💜💜
