Unicode
လူအိုကြီးရှီမှာ ဒေါသအရမ်းထွက်နေတာကြောင့်၊ သူ့နှလုံးတောင် ပြင်းပြင်းထန်ထန် ခုန်နေသည်။ သူက လက်ထဲတွင် ကိုင်ထားသည့် တုတ်ကောက်ကို ကြမ်းပြင်ပေါ်သို့ အရှိန်ပြင်းပြင်းနဲ့ ရိုက်ချလိုက်၏။ သူ့ရဲ့ ဒေါသထွက်နေသည့်လေသံမှာ အံသွားတွင်းထဲကနေ ပေါက်ထွက်လာသည်။ "လုပ်ရဲလိုက်တာ! မင်းတို့ ညီအကိုနှစ်ယောက်က ငါဒေါသထွက်ပြီး သေအောင် လုပ်နေကြတာလား?"
ရှီယွင်နန်က ထုံးစံအတိုင်း သူ့ရဲ့ ဟန့်တားနေသည့် စကားများကိုကြားသောအခါ ဂရုမစိုက်သည့်ပုံလေးဖြင့် ခနဲ့ကာ မဲ့လိုက်သည်။
ခင်ဗျားကိုယ်က အရမ်းကျန်းမာနေတာကို ဘယ်လိုလုပ် ဒေါသထွက်လို့ သေနိုင်မှာလဲ?
ရှီးခယ့်ယွဲ့က စားပွဲထိုးကို ထိုင်ခုံတစ်လုံးယူလာပေးရန် အရင်တောင်းဆိုလိုက်ပြီး လူအိုကြီးရှီကို ထိုင်ခိုင်းလိုက်လေသည်။ "အဘိုး၊ ဒေါသမထွက်ပါနဲ့"
သူက စင်ပေါ်ကတစ်ယောက်နဲ့ စင်အောက်ကတစ်ယောက်ကိုကြည့်ကာ သူတော်ကောင်းပုံစံ ဆက်ထိန်းထားသည်။ "အစ်ကိုကြီး၊ ဒုတိယအစ်ကို၊ ကျွန်တော်တို့မိသားစုအတွက် ဒီလိုပွဲမျိုး ကျင်းပဖို့က လွယ်တာမဟုတ်ဘူး။ ဒီလိုမျိုး မနောက်သင့်ဘူးလေ။ လူတွေအများကြီး ဝိုင်းကြည့်နေကြတယ်။"
ရှီယွင်နန် လွယ်လွယ်အလျှော့ပေးမှာ မဟုတ်မှန်း သူမှန်းဆမိပြီးသား၊ ဒါမယ့် လူတွေကို အမြဲကြင်ကြင်နာနာ ဆက်ဆံတတ်တဲ့ ဝမ်ရိပေကပါ ဒီလို ရမ်းကားလာမယ်လို့ သူ မထင်ထားဘူး။
ဒါမယ့် ဒါက ကောင်းသွားတယ်။
ညီအစ်ကိုတွေ ပိုခက်ခဲအောင်လုပ်လေလေ၊ အဘိုးကြီးက ရှေ့လျှောက် သူတို့ကို ပိုစိတ်ပျက်လာလေလေပဲ။ နောက် အမွေတွေကို ရသွားမယ့်သူက သူတစ်ယောက်တည်းပဲ ဖြစ်သွားလိမ့်မယ်။
ဒါကိုတွေးမိပြီး၊ ရှီးခယ့်ယွဲ့က သူ့အမေကို မျက်ရိပ်မျက်ခြေပြလိုက်၏။
ရှီးဝေကလည်း အခွင့်ရေးကို ချက်ချင်းဆုပ်ကိုင်လိုက်သည်။ "မင်းတို့ ညီအစ်ကိုနှစ်ယောက်ကောင်းတဲ့ ရည်ရွယ်ချက်နဲ့ လာတာမဟုတ်ဘူးဆိုတာ ငါသိသားပဲ! အဘိုးက ရှောင်ယွဲ့ကို စီမံခွင့် လွှဲပေးတော့မယ်မှန်းကြိုသိလို့ လက်မခံဖြစ်နေကြတာမလား!"
YOU ARE READING
ဒုက္ခိတ အာဏာရှင်ကြီးနှင့် လျှပ်တစ်ပြက်လက်ထပ်ပြီးနောက်
RomanceEnglish Title- After a Flash Marriage With the Disabled Tyrant Author- 惗肆 English Translator- [Hua]rricane Status in COO- 94 chapters &17 extras All credit to original author and English translator.