بلاي ي جابر بعناد روس الرجال

البلرت 17

وعد سكتت وهي تحب بنات عمها وماحبت تكسر بفرحتهم بس هي كانت مكسوره من الخبر صعب عليها تدري ان الشخص الي تحبه هو سبب بشي خلاها تعيسه وهو سبب انها ماراح تشوف ابوها ( بتفكيرها انها ماراح تشوف زي امها فتره يضل بغيبوبه ويموت )
تنهدت بضيق وناظرت للبنات قامت من مكانها واستاذنت منهم وطلعت برا.     
البنات درو وش تفكر فيه تنهدت سلمى بضيق : والله مب بخالد اللي مسويها  ساره: ادري كلنا نعرف خالد مستحيل يسويها.
وعد طلعت وهي تحس بقهر تعجز تفسر شعورها صارخت باقوه :اكرهك خالد اكرهك اكرهك  . نزلت دموعها ومسحتهم بسرعه ماتبي تضعف .
عند العيال بسياره
جابر : الديره لها يومين مضلمه ي خوك تو نورت
سياف : وكتمه وتضيق الصدر من دونك علشان كذا من اليوم يا ويلك يا سواد ليلك تروح مكان بدونا
خالد ضحك على خوفهم عليه : اقول انت وياه ترا ماني ببزر
سالم : منت ببزر بس رجلي على رجلك لو لقلعة وادرين
خالد  : قلعة وادرين مرا وحده
سالم ضحك : اي
خلف صقع كتف خالد بخفه : لك فقده ي العشير
خالد : وانتم اكثر ي بعدي    الا بسألكم
سياف : اسأل جعل مايسأل غيرك
خالد ضحك : ماعرفتك سيوف
سياف بطرف عين : صدق ماتمشي الا بالكرش
خالد. : اسكت بس مسوي فيها زعل الاخ ( خالد هيبه عند الكل والكل يخافه لعصب بس مع اخوياه واهله لا عادي ويمزح ويطقطقون عليه ويعلق عليهم ) المهم صقر ونايف مصدقين اني     سكت
سياف : لا بلبدايه صدمة الموقف بس لما هدو لا
خالد : تمام الحين يلا جبوري ودني للفندق
جابر بصدمه : ليه ؟؟
خالد : عارف ليه
جابر فهم ان قصده ابوه (خالد من النوع يرضا بكل شي الا انه ينهان وينكذب فا بالكم ابوه ) : لحظة غضب وراحت
خالد ضحك بضيق : لحظة غضب ماتعرفه كثري
العيال كانو مستغربين لاكن سكتو لما حسو ان خالد متضايق
جابر : ماتبي تشوف امك وخواتك ترا مالهم دخل
خالد : ابوي بالبيت !
سالم : لا مطول على مايرجع
خالد : اجل رح للبيت اسلم عليهم وتوديني للفندق
جابر ابتسم : ابشر
ضلو العيال برا ودخل خالد لحاله لما دخل سمع كلام وعد وحس انها من الصدمه ماتوقع انها فعلاً كرهته : من متى حبيبت القلب تكرهني ؟
وعد حست بكل شي فيها يرجف من سمعت صوته حزن وفرح لانه طلع بس ابعدت مشاعر الفرح وحولتها كرهه وقالت بستهزاء : طلعت هه
خالد استغرب كلامها بس ماشال عليها لان الموضوع صعب مهما كان ذا ابوها صعب تعرف ان خالد هو الي خلاه يدخل غيبوبه : اي
وعد : خساره بس
وجت بتروح لفها خالد بضيق وضح عليه : وعد مو انا    ماتوقعتس تصدقين ابد انا متأكد انتس تقولين اكرهك من ورا قلبك لن الي يحب مايكره
وعد انهارة وصارت تضرب صدر خالد ببكي : الا اكرهككك اكرهك ليه ليه حرمتني من اعز الناس علي ليه ؟؟
خالد كان مصدوم مسكها من يدها بقوه يثبتها وعيونه بعيونها  : موو انااا افهمييي ابوتس الي سوا به كذا للحين مالقيناه اذا لقيته والله ماخليه
وعد بصراخ : كذااب انت انت الي ذبحت ابوي وذبحتني معاهه انت الي خليتني اعيش الفقد مرتين بوقت واحد مو احد ثاني انت
خالد : وعدد والله مو انا انا ماسوي كذا بعمي وابو البنت الي احبها كل الي حولي كذبوني بالبدايه بس صدقو الا انتي الي توقعتس تصدقيني من البدايه للحين مكذبتني
وعد فكت يدها منه بقوا وراحت وصوت شهقاتها سكاكين بقلبه كانت تبعد قدامه ويحس قلبه راح معها يعرف ان الروحه ذي مابعدها رجعه
حلا صرخت بفرحه : خاااللددد
خالد لف لها وابتسم بضيق جت تركض حضنته ابعدت لما شافت طلعو خواتها وامها الي سمعو اسمه
سلمى ركضت له وهي تبكي: خ خلووود
خالد شد عليها وقال بحنان : عيوني انتي ليه الدموع . كمل بضحك .ولا مافرحتي لما شفتيني
سلمى دفته بمزح وهي تضحك وتبكي
جود والمها سلمو عليه بفرحه وشوق ابعد خالد عنهم لما شاف امه وراح لها حب راسها ورجلها وضل حاضنها وهو مشتاق لحنان امه
يعد دقايق
قال خالد : يمه انا بروح لفندق مع العيال
ام خالد بحزن : ليه يمه لا تروح لك يومين بعيد عنا والحين بتروح فندق وش له
خالد ناضر بخواته مايبي يقول : يمه برتاح كم يوم
ام خالد بحنان ماتبي تضغط عليه : الي يريحك ييمه
خالد باس راسها وسلم على خواته وبعد ماوصنه على نفسه وانه مايطول ويرجع   راح
عند وعد راحت لغرفتها تبكي
(((ملاحضه )))
( بيت الجد مكون من ثلاث طوابق الاول صاله ومجلس للحريم ومجلس للرجال ودوانيه كبيره ومقلط قعده للعايله ومطبخ وغرف نوم للكبار ودورة مياه ثنتين "اكرمكم الله" واحواش كبيره الطابق الثاني غرفه للمها وخواتها وغرفه وعد ورغد وغرفة ساره قبل تتزوج وغرفة روابي والعيال مستحلين الدوانيه ينامون بها الثالث به سالم وزوجته )
وعد منهاره تبكي
روابي : وعد ي عيوني انتي كفايه كذا ترا خالد ماسواها كلنا ندري واولنا انتي ليه مصره تكذبينه ؟
وعد بغصه : مقدر اسمع انه قتل ابوي وكان شي ماصار مقدرر
روابي : ابوك ممات وان شاءالله يقوم وتعرفين منه الصدق وتتاكدي ان خالد ميسويها وعد لتسوين شي تندمين عليه بعدين
وعد ماردت روابي مسحت دموعها : يلا عاد ترا محد قام يشاركني مصايبي خلي عنك الدلع وقومي معي نسوي مصايب
وعد ابتسمت : وين ساره وسلمى وترف ماشاركن
روابي : ابد والله وحده تبكي على اخوها الثانيه حزينه على زوجها والثالثه امي تقول ابعدي البنت عن مصايبك توها صغيره على خبالك الفرق بينا 4 سنوات مو كثير
وعد ضحكت : يعني مالك غيري
روابي فرحت لما شافت ضحكتها : اي
وعد قامت طالعه : مارد الكلب لقصابه     وانحاشت
روابي صارخت : وعدووووهه
وطلعت تلحقها وقفت لما شافت ابوها : يزين الزين
ابو جابر ابتسم لبنته : تو افكر وش عند حبيبة ابوها مالها صوت وهاديه
روابي : لتسمعك امي تغار غيوره
ضحكو لما شافو ام جابر جايه
ام جابر : شفيكم
روابي تمسكت بيد ابوها تبي امها تغار : الغالي شاف حبيبة ابوها هاديه وجاي يتطمن علي ويبي يمشيني الحين يونسني لحالنا
ابو جابر اتسعت عيونه متى قال بيطلعها
ام جابر بهدوء : ماتبونا يعني
ابو جابر تر روابي وراح لم جابر : اذا ام جابر ماراحت محد يروح
روابي : افا سجبت علي
ابو جابر : عاد ذي حبيبتي ماقدر على زعلها انتي روحي شوفي اخوك يدلعك ويوديك
روابي : فديت الرومنسيه حبيبت ابوي . وانحاشت قبل تهاوشها امها .
وضحكو على شقاوة بنتهم
وعد : صقر
صقر لف لها وارتاح لما شافها مبتسمه وهي من دخل ابوها الغيبوبه هاديه وحزينه : عيون صقر
وعد : مالك نيه تمشيني اليوم طفشانه
صقر : افا والله يعقب الطفش يجي لتس روحي البسي عباتك وقولي ارغد وتعال
وعد راحت ركض تقول لرغد ( تبي تطلع يمكن تطلع من الحزن شوي )
واخذهم صقر يمشي خواته
عند خالد لما طلع للعيال والحزن واضح عليه : يلا ؟
خلف بضيق : كنت بجي معكم بس خواتي وامي لحالهم مقدر اخليهم بالبيت لرجعو
خالد : ماعليك انتبه لنفسك اجل
سياف : وانا بعد مقدر سُلاف لحالها وتدرون ماقدر اخليها بجيكم بكرا
خالد : الي مايقدر يروح يقعد ي عيال ترا مابها شي وحنا من نروح بننام يعني نقعدون عند اهلكم احسن
سالم : انا بروح معك
خالد: لا والله لتقعد انت اصلاً لك اسبوع ماتدري عن بيتك تراك متزوج
سالم : ليه تحلف انت اخوي اولا من بيتي ومن نفسي
خالد حط يده ع كتف سالم : حلفت وخلاص يلا رح سف زوجتك وانا بروح لحااي بكرا تعالو
جابر بسرعه : والله لروح معك ها حلفت قبلك
خالد : لانك مطفوق
جابر : عمى
خالد : اركب اركب
وراحو بالفندق
خالد منسدح على السرير وايده على راسه تنهد وعيونه على السقف : انهد حيلي يجابر من خذلان احبابي
جابر لف عليه بخوف : افا ي بو فيصل شفيك وليه لتخبي عني شي
خالد : من لي غيرك افتح له قلبي انت وليف قلبي الي بي ي جابر اني سمعتها تقول لي بعضمة لسانها اكــرهـك سمعتها تقولها من قلبها ي جابر قالتها وهي تبتس ( تبكي ) ماتدري ان كلمتها قسمة قابي نصين ودموعها فتته
جابر عدل جلسته بقلق وتردد : وعد
خالد غمض عيونه بضيق
جابر وهو عارف ان الي يقوله ماله فايده بس يبي يقوي خالد مايخليه يحرن لاي شي :  ي خالد خلك قوي متهزك كلمه منها بلحضة زعل
خالد : قوية نفسي لما ابوي تبرا مني ولما صدق بي ولما يقرر عني وقوية حالي ضد الغريب وقوية حالي بكل شي بس كلمه منها هزتني غصب
جابر : ماعليك ترا كلنا نعرف انها صارت تخاف الفقد من موت امها والحين ابوها صعب عليها وطلعت بوجها انت بعد صدقني بتعرف الحقيقه
خالد : الله يسمع منك ويلا انخمد
جابر : ابشر اوامر ثانيه ؟
خالد ابتسم : لا
عند صقر ونايف
صقر : نايف لتخسر خويك بوقت هو بحاجتك
نايف ابتسم : ماعليك انا وسالم لو وش ماكان بينا مانخسر بعض لتخاف
صقر : هاذا العشم فيكم وترا بكرا بنروح نشوف خالد
نايف : مابي
صقر : نايف خل العناد بنروح عرفنا ان ماله دخل
نايف : بس انا صدقت به مالي عين اشوفه
صقر : معليك يدري انها بلحضة الخبر بس
نايف : تمام اجل نروح له بكرا بس ودي اشوف سالم الحيوان طس لبيته
صقر : وش تبي منه خله يرتاح له اسبوع مرهق
نايف : شكلي بتزوج طفشت من القعده كذا صراحه وانت ماش تزوج خلني اشوف حياتي
صقر : تدري ان مهره بشهرها الاخير الحين اخاف تاخذ البنت عندها
نايف : معليك منها هي العوبه ماراح تاخذها وزين الكلام الي قالته صار قدام اخوها يعني تاهذ البنت تخاطها
صقر : الله كريم نم يلا
ثاني يوم
ببيت سالم بعد الفطور
ساره كانت تناضر سالم وتلف عنه من يلفوعليها
سالم : شفيك
ساره : ولا شي
سالم : اعرفك اذا مخبيه شي قولي لي وش عندك
ساره : اا انا حامل
سالم عدل جلسته بفرحه : احلفيي
ساره : والله
سالم كانت الفرحه مو شايلته
سالم قام : انا طالع ابشر خواتي تبين شي
ساره : سلامتك ترجع اليوم او تقعد عند خالد
سالم : مدري ادق عليك اعلمك اذا بغيت انام هناك
ساره : تمام
وراح وبقت ساره ماتبي البنات يطقطقن عليها قدام سالم تبيهم ينسون السالفه شوي
سالم نزل وقال لرغد ووعد
جود بفرحه : احلف الله وناااااسهه بصير عمهه
حلا ضحكت : مو متخيله شكلك ابو
سالم بطرف عين : مو عاجبك
حلا : لايق عليك الابو الفله
سالم ضحك
ام خالد : مبروك يولدي
سالم باس راسها : يبارك فيك
ام خالد ضحكت : اخيراً بصير جده
سالم : اطلق جده
جود : انشهد
المها : انا بسمي اذا كانت بنت
سالم : هههه لا يعيوني انتي انا بسمي الولد وساره البنت
المها : حيوان لانك
حلا : انتي داخله عرض هههههههههه
سالم : وين سلمى
المها : نايمه
سالم وصلو لها الخبر
وراح
وانتشر الخبر
بعد نص ساعه قعدت سلمى ومن سمعت الخبر وهي فرحااننه طلعت للحوش وطق الباب متفت ودخلت سُلاف 
سلمى : سُلااااففف
سُلاف حضنتها : شتقت لك يحيوانه
سلمى : وانا بعد وش عندك ماجيتي لك اسبوع
سُلاف ضحكت : كنت عند خوالي عندهم عرس ولد خالي
سلمى : لعاد تروحين مو لازم البيت مللل من غيرك
سُلاف : ابشري طال عمرك بتخليني عند الباب ؟
سلمى : ادخلي نسيت
سياف كان واقف عند الباب لما سمع صوت سلمى ابعد وسلمى منتبهت له
سياف تنحنح : سُلاف
سُلاف بصدمه : لتقول نرجع للبيت علشان اهبدك
سياف ضحك : لا انا بروح لرياض عند خالد بقولك انه يمكن ارجع متأخر تبين تنامين هنا ولا اذا رجعت اخذك للبيت
سُلاف : لا بنام عندهم
سياف : ماصدقتي على الله
سُلاف ضحكت
سلمى : قولي له خالد نسى جواله امس بروح اجيبه يوديه له
سياف سمعها : جيبيه
سلمى : طيب ( توقعت صقر ونايف ماراح يروحون وسالم وخلف راحو الصبح بدري مالحقت عليهم )
جابته وعطته سياف وراح ودخلو البنات
ابو خالد : ساره
ساره : هلا خالي
ابو خالد: وين سالم
ساره : راح لخالد
ابو خالد بحده : انا قلت له مايروح ليه راح
ساره بتوتر : مدري
ابو خالد راح
ساره دخلت عند البنات وتنهدت براحه
سُلاف : شفيك
ساره قالت لهم : خفت لما عصب
المها : الله يهداه ابوي
روبي : معصب لاتلومونه الناس ماسكتت
سلمى بنفعال : جعل لسانهم للقص الي يتكلم على خالد اخوي ابرك منهم كلهم ولا لشافوه بلعو لسانهم خوافين مايطلع لهم السان الا اذا راح
وعد طلعت
حلا : قومو نسوي الغدا
رغد : مافي احد من العيال بتعملون حسابهم بس الشيبان
المها : صقر ونايف وين ؟
رغد : نايف راح مع سالم لخالد صقر قعد شاف اخو مهره متصل عليه يقول مهره جابت بنت
البنات : مبروكك البنوته
رغد ابتسمت : يبارك فيكم
سُلاف : يلا قومو
ترف : انا بروح اشوف لوسي واجي
جود : بروح معاك
ترف : يلا
روابي دق جوالها : الوو جبورر وينك ي حيوان ماتتصل
جابر : الناس تسلم انتي تهاوشين لحول الله
روابي ضحكت : اخبارك
جابر : تمام انتي اخبارتس يلملسونه
روابي : زينه ولساني زين
جابر : ماطال
روابي بضحك : الا طول وصار اطول منك ( جابر طويل)
جابر : اعوذ بالله عطيني امي
روابي : دقيقه وراحت عطت امها الجوال
عند العيال
نايف : اعذرني ي خالد اني ماجيتك
خالد : معذور
نايف : سالم تعال ابيك
سالم قام معه
نايف : وش عندك ساكت وصاير هادي
سالم : حال اخوي ميساعد
نايف : بلعكس لازم تغير له جو بهبالك
سالم بطرف عين : شقصدك ي حيوان
نايف ضحك : تفكر بلي افكر
سالم : اي
اخذو علب مويا وسوو فيها فتحه من الغطا وراحو جنب سياف بشويش
جابر ناضر فيهم واشرو له يسكت سكت وهو كاتم الضحكه على اشكالهم
سياف منتبه الا يطشر عليه مي تلفت يدور المي من وين يجيه مالقا شي ورجع يسولف وعادو الحركه مرتين المرا الرابعه قال بعصبيه : من الكلب الي يكب علي مي هااا
نايف كاتم الضحكه : يتهيا لك كلنا هنا قاعدين من الي يكب عليك ؟
سياف بعصبيه : مهبول قدامك
سالم : الفندق مسكون يمكن
سياف عطاه نضره ولف خالد مات ضحك ودخل معه الباقي يضحكون
سياف : وش يضحك
خلف وهو مو قادر يتكلم : الي يكبون عليك المي قاعدين جنبك
سياف لف على سالم ونايف : انتم صحح
قامو بسرعه وانحاشو عنه وقلب المكان ركض راحو ورا خالد : بوجهك خلودد
خالد : وش قلت
سالم : خالد خالد
خالد : لعاد تقول خلود لهبدك
سياف وهو ماسك النعل : اطلعوو
خالد : بوجهي المرا ذي
سياف قط النال بعصبيه: لعاد يعيدونها
خلف تنحنح علشان يوقف ضحك : خالد نبي قصيده