Unicode
တိတ်ဆိတ်နေသောဟိုတယ်ခန်းထဲ၌---
ချူချန်သည် ဆိုဖာပေါ်ထိုင်ပြီး လက်ပိုက်ထားလျက် ရှေ့တော်မှောက်မှလူသားအား အေးစက်စက်စိုက်ကြည့်နေသည်။
ကျိချင်းကျိုးကတော့ သူနဲ့မျက်နှာချင်းဆိုင် ဆိုဖာပုစိပေါ်မှာ ထိုင်ပြီး သိသိသာသာကို မကျေမနပ်တွေဖြစ်နေသည့် မိမိရှူးဂါးဒယ်ဒီအားကြည့်ရင်း နားမလည်နိုင်စွာမေးလိုက်သည်။
"ဘာဖြစ်နေတာလဲ"
"ဪ...မေးရဲသေးတယ်လား"
ချူချန်ရဲ့ချစ်သူပေါက်က ဟန်ဆောင်ကောင်းလွန်းလို့ တကယ်ကို သရုပ်ဆောင်ဖြစ်ထိုက်ပါပေတယ်! !
"ကိုယ့်ဆံပင်ဆေးရောင်အသစ်က ကြည့်ကောင်းရဲ့လား"
ကျိချင်းကျိုးတော့ ဂရုတစိုက်စူးစမ်းကြည့်ပေမယ့် ဘာမှပြောင်းလဲသွားတာမတွေ့ရပေ။
" ခင်ဗျား ဆံပင်ဆေးဆိုးထားတယ်? ။ မဟုတ်သေးပါဘူး။ အနက်ကြီးပဲကို "
အလင်းရောင်ကြောင့်များလား? ဒါနဲ့ သူလည်း မတ်တပ်ထရပ်ပြီး ချူချန်ရှေ့နားထိကပ်သွားကာ သေသေချာချာကြည့်ရင်း မရေမရာပြောလိုက်သည်။
"ကျွန်တော်သွားတုန်းကနဲ့အရောင်တူတူပါပဲ။ခင်ဗျား ဘာအရောင် ဆိုးလိုက်တာလဲ"
"ဘာအရောင်လဲ ဟုတ်လား... ဟမ့်!"
ချူချန်က လှောင်ရယ်လာသည်။
"အစိမ်းရောင်ပေါ့ကွ! မြက်စိမ်းရောင်လေ ! မြက်စိမ်းရောင်! "
ကျိချင်းကျိုးကြောင်သွားသည်။သို့သော် နောက်တစ်စက္ကန့်မှာပဲ မအောင့်အည်းနိုင်စွာ ရယ်တော့သည်။ ချူချန်ရဲ့လက်ရှိပုံစံကြီးနဲ့ ယင်းယန်ထူးဆန်နေပုံကြီးကို နားလည်သွားပါပြီ။
"လျှောက်တွေးနေပြီ..."
ကျိချင်းကျိုးက ရယ်ပြီး ဆိုဖာလေးပေါ်သွားပြန်ထိုင်သည်။
"ကောနဲ့ ကျွန်တော်က သာမန်ညီအစ်ကိုဆက်ဆံရေးပါပဲ။ခင်ဗျား ဘယ်လိုတွေ လျှောက်တွေးနေတာလဲ"
"ကိုယ်ကလျှောက်တွေးတယ်? ဒါဆို မင်းပဲ ရှင်းပြစမ်းပါဦး။ကိုယ်လာတုန်းက မင်းတို့နှစ်ယောက်ဘာတွေဖြစ်နေကြတာလဲ။အချစ်မျက်လုံးတွေနဲ့ ဆွဲဆွဲငင်ငင်ကြည့်နေရုံတင်မကသေးဘူး လျန်ကျင်းရှင်ကလည်း အင်္ကျီကစ ဝတ်ပေးချင်နေတာ တကားကားနဲ့။ သူက မင်းလက်ထောက်မို့လား။မင်းကိုကျ အင်္ကျီကူဝတ်ပေးပြီး ဘာလို့ ကိုယ့်ကိုကျ အင်္ကျီကူမဝတ်ပေးတာလဲ "
YOU ARE READING
ဗီလိန်ဥက္ကဋ္ဌရဲ့ ချစ်သူလေးအဖြစ်ကူးပြောင်းလာခြင်း [မြန်မာဘာသာပြန်]
RomanceType Web Novel (CN) Genre Comedy Drama Romance Yaoi Author(s) Lin Ang Si 林盎司 Status in COO 167 chapters + 47 extras (completed) Associated Names Transmigrated as The Villain President's Lover Xuyên Thành Tiểu Tình Nhân Của Tổng Tài Hệ Phản Diện 穿成反派...