ချစ်ခြင်းတို့အလွန်

အပိုင်း(၆၉)

ဝင်ခဲ့တော့ ! ဆိုတဲ့ အစ်ကိုမင်းမြတ်စကားသံ အဆုံး ချပ်ဖာကြီးမ၍ သယ်လာသော အိမ်အကူများကြောင့် အံ့ဩမှင်သက်လျှက် ။

ကိုယ်ရံတော်တချို့ မ, လာသော ကတ်ထူချပ်ဖာတွေကြောင့် ကျွန်တော်တို့မှာ ဘာတွေလဲဟု သိလိုစိတ်ဖြင့် ဖင်တကြွကြွ။ အပါးကိုကြည့်တော့ သိနေသည့်အလား သားငယ်ကို ကြည့်ပြီး ခေါင်းရမ်း၍ ရယ်မောနေပြန်သည်။ သားငယ်ဒယ်ဒီဆိုသူကတော့ ခပ်ပြုံးပြုံးဖြင့် ဒီကိစ္စမသိတာ ကျွန်တော်တယောက်တည်းလား ။

" ဘာ....ဘာတွေလဲ မမ "

" မမလည်း မသိဘူး ၊ ဖိုးသားလေးအတွက်ဆိုပြီး Germany ကနေ မနေ့ညနေ flight နဲ့ ရောက်လာတာ "

" ဟမ်....."

သားအတွက်ရည်ရွယ်ပြီး ပြည်ပက ဘယ်အရာတွေများလဲ ဆိုတာ သိလိုစိတ်တွေ တဖွားဖွား။ ပြည်ပထုတ် ကလေး ကစားစရာ၊ အဝတ်အစား ၊ အသုံးအဆောင်ဆိုတာ သားငယ်အမြဲထိတွေ့ဝတ်ဆင်နေကြဆိုပေမယ့် ခုလို သားငယ်အတွက်သီးသန့်ဆိုပြီး ကတ်ထူဖာကြီး၊ ငယ်တွေကြည့်ပြီး သားကိုတော့မနိုင်ဘူးဟု သက်ပြင်းဖွဖွ ချမိသည်။

အစ်ကိုမင်းမြတ်ရင်ခွင်ထဲကနေ လက်ခုပ်လေးဖွဖွတီးပြီး တူအရီးနှစ်ယောက်ဘာတွေတွတ်ထိုးနေတယ်မသိ သားငယ်က အစ်ကိုနား, နားကပ်၍ ပြောနေဟန် ။

" ဘာတွေ သက်ပြင်းချနေပြန်လဲ ငါ့မောင်ရယ် ၊ အိမ်တော်မှာ ဖိုးသားလေး အတွက်ဆိုတာကလွဲ သုံးရမယ့် အကြောင်းအရာ အပြင်မရှိဘူး နော် ဘာမှမဖြစ်ဘူး ၊ အစ်ကိုက တကူးတက ကိုမှာယူထားတာမို့ ဖိုးသားလေး ဘယ်လောက်ပျော်နေလဲ ကြည့်လိုက်"

" ဟုတ်တယ်သမီး...မြေးငယ် အပြုံးရယ်သံတွေကြောင့်ပဲ တို့အိမ်တော်က ပြန်အသက်ဝင်ရတာလေ "

" ဟုတ်ကဲ့ပါအပါး "

အားနာစိတ်တွေနှင့် ပေါ်ပေါ်တင်ထားသော ကျွန်တော်လက်ကို အသာဆုပ်ကိုင်ကာ ခေါင်းညိမ့်၍ ပြုံးပြသည်။

အားလုံးအဆင်ပြေတယ်ဆိုတဲ့သဘော။

Company မှ စာရင်းချုပ်တွေကိုတင်ပြရန် အိမ်တော်သို့လာကြသော ကိုလင်းနှင့် ဖိုင်တွဲများကိုကာ ဝင်လာကြသော ဝန်ထမ်းအကြီးအကဲ တစ်ချို့တို့ကြောင့် ထသွားရဟန်၊ နေရာဖယ်ပေးရန်ပြင်တော့ မမနဲ့အေးဆေး စကားပြောနေဆိုပြီး ဘယ်ဘက်နားထင်စပ်လေးကို ခပ်ဖွဖွနမ်းကာ အလုပ်ကိစ္စများဆွေးနွေးနေကြ အိမ်တော်၏ သီးသန့်ဘန်ဂလိုဆီ ထွက်သွားသည်။