يهزمني الحُب وانا جاهل بدرب المُحبين

البارت التاسع والخمسين

ضحك ذيب وطلع لسيارته ومشى من بوابات بيوت اهل قاضي يستعد لزواجه اللي بعد يومين ..
...................
" فالسوق "
محمد ورعد والعيال كلهم واقفين
رعد زفر بملل وقال : يكرهي للأنتظار يشيخ اكرهه
فارس : احمد ربك بس انا افرفر واصور لحنين فستان تلبسه فالعيد وفستان لعرس الدبشة اللي وراك
ذيب زفر الدخان من فمه وقال : خيير يبوي ترا بطردك !
فارس رمى علبة موية عليه وقال : انكتم فوق م انك كاتمني تقول بتطردني اعنبوك استح ع وجهك اكبر منك !
ذيب طاح ع كاسر يضحك وقال : شفيه الفارس زعلان ؟
رعد انفجر عصبية عليهم وهو يقول بصوت عالي : وقسسم بالله اذا م تعدلتوا لا اعدللكمم عللة انتوا عللة !! امشوا خلونا نخلصص كل واحد ينطلق لأهله ويستعجلهم شوي !
فزوا العيال رعب واتجهة حمد وسامي لأهلهم وكاسر راح لوعّوده ورعد مشى لهيامه وفارس اتجهة لعماته وامه وجدته ومحمد لبشرى وذيب وضاري وزايد ومنصور مشوا لأهل ضاري وفعلاً خلصوا واستعجلوا حريمهم وانتهوا بثلاث ساعات واتجمعوا فالمواقف
ذيب بتعب : يالله يالربع نشوفكم بعد يومين
ام محمد رمت عصاها وضربت بركبة ذيب وقالت بعصبية : اعنبو غييرك بكرا اخر فطور برمضان وبنجتمع ببيت جدك من انت عشان تقرر م نتقابل !
ذيب بألم : جدده وشدرااني طيبب
ام ضاري ضحكت وقالت : بس لاترفع صوتك ع جدتك !
ذيب لف لأمه بحدة وقال : ابشري
مشى والعيال يطقطقون عليه ولقموا كم ضربة من ذيب اللي تنرفز من قوة الضربة حقت جدته
رعد : هيام
هيام لفت بهدوء وانصدمت انه اول مره م يقول هيامي وقالت : هلا رعد ؟
رعد : تروحين مع فارس ولا محمد ؟
هيام قطبت وقالت : عسى م شر وانت ع وين ؟
رعد : م بروح للبيت معزومين عند العيال بالاستراحة اليوم
هيام ضحكت بأستهزاء وقالت : خييير كم عمرك تخلي اهلك عشان عزيمة عزاب ؟
رعد ركب وقال : البلشة صدق يحبيبي اسمعيني زين انا اقصد انهم مسوين العزيمة عشاني وقلت للعيال يجون معي
هيام بملل : خلاص وصلني بيتنا والله يستر عليك
رعد سكت ومسح وجهه وقال بهمس : ابشري
مشوا الكل متجهين لبيوتهم
وصل رعد لبيته ونزلت هيام وايهم بحضنها نايم وقالت بهمس : رعد افتح الباب لي ونزل اغراضي تمام ؟
رعد ابتسم وقال : ابشري يهيامي
هيام مشت للباب وتقدم رعد وفتحه ودخلت داخل ونزل اغراضها اللي اشترتها من السوق ونزل اغراض ايهم ودخل للبيت وحطها فالصالة وقال بصوت شبه عالي : هيامي بطلع انا اذا بغيتي شيء دقي علي طيب ؟
هيام ردت عليه من الدور الثاني وقالت : تمام يعيونها
لف رعد بيطلع بس لمح لبس احمر في احد الاكياس وتقدم يبي يشبع فضوله بس فزت هيام من وراه وقالت : هييه ابعد !
رعد ابتسم وقال : شسمه فيه لون احمر قرمزي جذبني والله
هيام حطت اكياسها ورا ظهرها وقالت : خلاص مو مهم
رعد قطب وقال : لا تتحديني ووريني
هيام بصوت عالي : رععد ابعد لاتخرررب عليي
رعد تقدم يبي يسحب الاكياس بس طلعت هيام الدرج ركض ابتسم وقال : خلاص يغبية م بجي لاتركضين وتطيحين محد ناقصتس
هيام ضحكت وقالت : بتسد حلقك ولا وش ؟
رعد احتد صوته وقال : احلفي ؟
هيام ناظرت وكان رعد ماسك طرف ثوبه معلنها حرب بينهم ضحكت وقالت : سدد حلقققك
ركضت وم امداها تحط رجلها الا ورعد وراها ورافعها من الارض صرخت هيام وضحكت بأعلى صوتها وطاح رعد ع ظهره وهيامه فوقه
رعد بضحك : يحبي لتس بس
هيام ابتسمت وقامت ومدت يدها لرعد وقالت : هات يدك
رعد ابتسم وقال : بتقدرين علي يالنتفه ؟
هيام سحبت يدها وقالت : بكيفك
رعد قام وهو يضحك وحاوط خصرها وشّدها عليه وقال بصوته الثقييل : اهيييم فيتس يهيام الرعد !!
هيام ابتسمت بهدوء اول م حست بثقل راس رعد ع كتفها وقالت بهمس : رعّودي عزيمتك ؟
رعد باس نحرها ورفع راسه وقال : وداعتتس ايهم ونفستس
تقدم ومشى من قدام هيامه ونزل للدور الاول وشافته يضبط شماغه وقالت بصوت مسموع : استودعتك ربي انتبه لنفسك
رعد لف وغمز لها وطلع من البيت اول م شافها تبتسم وتلف لغرفتها ومشى متجهة للأستراحة ..
.......................
في بيت ابو رعد
حنين : لييين خلاااص دوختتيها
لين استصغرت بنظرتها وقالت بحدة : ورا م تنطمين فوق م اني اسكتها ورعتتس ذي ووع عليتس انتي وياها
وتقدمت ونزلتها بهدوء وباست راسها وضحكت وقالت : الله يقلعتس يحنين مقدر
حنين ضحكت وقالت : حيوانه وش الخالة المعفنة ذي
لين : يحلوي بس اطلق خالة يحظظها بنتتس فيني
حنين ابتسمت وقالت : اشهد بالله اني اول المحظوظين فيتس ي لين الذييب
لين ابتسمت وقالت : الله يجعلني قبلتس
حنين ابتسمت وقالت : الا يوسخة وش العجلة اللي فيتس انتي وذيب ؟
لين : مدري الصدق انا قلت له زواجنا باقي بشهر شوال قالي ايه واول ايام العيد بعد !
حنين : بس اهم شيء انتي واهم شيء اغراضتس خلصتيها ؟
لين عدلت جلستها وهذا دليل حماسها فالسوالف وقالت : ايه ايييه معليتس انا جاهزة
حنين ابتسمت وقالت : الله يوفقتس وينور دربتس
لين بحب : امين وياتس الا وش بتسمين الحلوه ؟
حنين : مدري ودي اسمها ليما
لين ابتسمت وقالت : اصبري ليما بنت فارس بن نادر بن قاضي
وفجأة عم الصمت وشهقت بعدها لين بثواني وهي تقول : ييييججننننن !!!
حنين انفجعت ورمت المخدة الصغيرة ع لين وقالت : وجعاااه ي ليين خرشتنييننيي
لين شالت بنت حنين وقالت : يحلوو لييما يعررب
حنين ابتسمت وقالت : خلي ليما تنام
نزلتها لين وجلست بحماس وهي تنتظر ردة فعل الاهل ع اسم بنت حنين الفارس ....
........................
قدام البوابات دخلت سيارة كاسر وسيارة فارس
كاسر : يالله يمه
ام رعد : انتبه لنفسك ولوعد ولعاد تسرع !
وعد ضحكت وقالت : والله يخالة اكثر من مره اعلمه وم يفهم
كاسر بهمس : اص لاتزيدينها وتحلف م تخلينا نروح
ام رعد رمت جزمتها ع كاسر وقالت : اعنبوك م تستحي ع وجهك امك انا اممك
كاسر ضحك ونزل بجزمة امه ونزلها عند رجلها ورفعها ع ركبته وباسها وقال بحب : تمونين ع رقبتي ي جنتي
ام رعد ارتخت علطول وقالت : الله يجزاك الجنة يولدي
مشى كاسر وركب وكانت وعد منهارة من المنظر حبت كيف ان كاسر نزل وم رضى زعل امه كانت هيمانه وتتمنى يكون كاسر كذا مع امه طول حياته لأنه تؤمن ان الرجل اذا صلح مع امه صلح مع زوجته وبيكون مخلص وصادق لها ابتسمت اول م ركب وسحب يدها وشابكها بيده وبعدها بثواني رفعها وباسها وقال : وشفيتس ؟
وعد ابتسمت وقالت بحب : احبك يكاسر الوعد
كاسر ابتسم وقال بصوته الرخّيم : يعساني الكسر اللي م ينجبر ان كسرتها
وعد فزت وقالت : كاااسر بعييد الشر
كاسر ضحك وقال : احبتس يالدنيييا ويفرحتي والوعد اللي حقق لي كل امنياتي
وعد ابتسمت وقالت : عساك لي ذخر وسند
قاطعهم دق لين لشباك سيارته وفتحه بهدوء وقال : خييير بتجين ؟
لين تخصرت وقالت بصوت عالي: نننعمم يرووح اممك !! لا م بجي وخلاص قفل جناحي اصلاً اغراضي كلها في بيت امي وابوي وش ابي فييك ذليتنني ع العيشة معك امححق اخو !
وعد ابتسمت وقالت : لا بارك الله فالكتمان
كاسر كان مفجوع وملامحه بارده وفزت لين وفتحت بابه وحضنته وقالت : يحبيبي امززح
وعد بمزح : ورعه ابعدي من زوجي !
لين ناظرت فيها نظرة قاتلة وقالت : اننن وييرعه ابعيدي مين زويجيي
كاسر انفجر يضحك وقال : الله يقطعتس ي ليين
لين : وجع اقرفتني لا هي ولا هيام معاد صرت احضنكم منهم
كاسر ابتسم وقال : خلييها تغااار انتي شتبيين ؟
لين ابتسمت وقالت : سموا بنت حنين الفارس
كاسر : امانه ؟
لين : ايه سمتها ليما
كاسر ابتسم وقال : والله وسوتها حنيني
لين ضحكت وقالت : ايييه تذكر واحنا صغار كانت تحلم بأسم ليما عسى فارس م يخليها بخاطرها
كاسر : م ظنتي يسويها ابو ليما
وعد : خلصتوا ؟ ورانا تجهيزات
كاسر : اي والله والعزيمة حقت الرجال بيذبحني رعد بعد شوي
وعد قطبت وقالت : اي عزيمة ؟
كاسر تجاهل ولف وقال بحدة : لين ادخلي !
لين ابتسمت وقالت : بدخل هد يالرجل الغيور
كاسر : الان !
دخلت لين وسكرت الباب ومشى كاسر لبيته وبنص الطريق لف لوعد وقال : وعّودي وراتس ضايقة ؟
وعد بهمس وهي لافه بوجهها ع الشباك تتأمل الطريق : لأني سألتك وم رديت !
كاسر : اي سؤال ؟
وعد : هو لو انه يهمك عرفت وجاوبتني
كاسر ابتسم وقال : خلاص يزعوله خلاص
وعد تجاهلت وفتحت الباب اول م وقف كاسر بحوشهم ونزلت وفتحت الباب بمفاتيحها ودخلت وقالت بنفسها ( رجع روتين عيشتي بدون لين اف يالحزن )
كاسر كان مستعجل عشان كذا تجاهل وعد مره ثانية ومشى للأستراحة قبل يفجر فيهم رعد ...
........................
في سيارة فارس
فارس : يالله يميمتي وجدتي
نزل فارس ونزلت ام فارس وام محمد ومشوا لبيت ابو رعد ودخلت وقال فارس : سلميلي ع حنيني وبنتنا
ام فارس : وش ناوي تسميها يولدي ؟
فارس ابتسم وقال : للحين الشور شور حنين
لين ابتسمت وقالت بصوت عالي : فارس ترا حنين سمت
ام محمد : ماشاءالله مسرع
فارس ابتسم وقال : وش ؟
ام فارس بحماس : والله واحنا واثقين ببنتنا وسماوتها الزينه
لين ضحكت وقالت : ليما
ام فارس ابتسمت وقالت : ليما ولا لينا ؟
فارس ضحك وقال : ليما وتم والله انه تم
لين نطت وحضنت ام فارس وحاوطتها وقالت ام محمد : وشفيتس يبنت انهبلتي ؟
ضحكت لين وقالت بصوت عالي : حنييين فارستس وافق
فارس مسك قلبه وقال : فارسها ؟ اه يالحنيين كله
مشى طالع لسيارته وطار متجهة للأستراحة مع باقي العيال
ام فارس دخلت وسلمت وقالت : من وين جبتي الاسم
حنين ابتسمت وقالت : والله يعمة من وانا صغيرة والاسم عاجبني
ام محمد : عاشت الاسامي والله وجعلها من مواليد السعادة
حنين : امين يجدة امين
جلسوا حول بعض والسوالف ماخذتهم ونستهم الوقت وم حسوا فيه ابدًا ..
........................
في بيت ابو ضاري
ابو ضاري فتح الباب لزوجته واهله
ابو ضاري بحدة : وين كنتوا ؟
ام ضاري : يخوي الناس تسلم وانت تهاوش ابد والله زواج ذيب بعد بكرا ورحنا نتقضى
ابو ضاري : والله ؟ ادخلوا طيب
دخلت بيان وام ضاري وذيب وضاري وخولة وعيالهم
ذيب : يبه انا استاذنك معزوم والله انا وضاري
ضاري فز وهو توه يتذكر وقال : ايه والله معزومين
ابو ضاري بحدة : سلاماااات توكم جيتوا !
ضاري لبس زبيريته وطار للسيارة وذيب لف وقال : معسلامة
طلع ركض وركب وقال : الله يقلعك بغيت تنكبني مع ابوي !
ضاري ابتسم وقال : انا عارف عشانك عريس م بيسوي لك شيء عشان كذا حطيت رجلي
ذيب : والله لا تستأمن ابوي بيدق وجهي ويخرب كل شيء
ضحكوا ومشوا للأستراحة ..
..........................
في بيت منصور
نزلوا وشال الاغراض مع سلمى ونزلها وقال : توصين شيء ؟
سلمى لفت وتخصرت وقالت : سلامات ؟؟
منصور ابتسم وقال : معزوم يحلوه ناقصك شيء ؟
سلمى : اللهجة !
منصور مسح وجهه وقال : انسى طيب ولاتزعلين مني
سلمى ابتسمت وقالت : م بزعل حشى بس م احب لهجتنا الا منك
منصور ابتسم وقال : انتبهي لتس زييين ولا ترهقين عمرتس بالشغل سامعه ؟
سلمى اشرت بأصبعها ع خشمها وقالت : ع ذا الخشم
منصور سحبها وباسه وقال : جعلني فداه
لف وطلع وسكر الباب ودخلت سلمى لبيتها ودخلت غرفتها وبدت تقوس فستانها وقالت بمزح : يحظ حنين افتكت من البطن يقلع ابليس ولدي مدري متى بيطلع !
ضحكت وكملت تلبس وتجرب ملابس جابتها لنفسها ..
........................
في بيت محمد
كان محمد يركض وينزل لميس وينزل العابها الجديدة واغراضه واغراض بشرى وقال بصوت عالي وهو يلهث : بششرى خلصصت امسكي لميسس وانتبهي لها ولتس يحبيبي
بشرى ابتسمت وشالت لميس وقالت : ابشر استودعتك ربي
طلع محمد يركض وركب السيارة وطار للموقع اللي رعد ارسله وكاتب فالرسالة :
هذا الموقع حق الاستراحة ويويله يسواد ليله اللي يفشلني ويتأخر !
محمد بتوتر : الله يقلع رعد بيفجر فيني الحين !!
دخلت بشرى ولميس للبيت وقالت لميس : ماما
بشرى فزت برعب وقالت : ييعيييوونن مااامااا !!
وكانت هي اول كلمة نطقتها لميس وضحكت وضحكت معها بشرى وحضنتها وقالت : تعالي يعيون امتس نجرب فستاني وفستانتس بنطقم ونكسرهم كلهم
مشت ببنتها لغرفتهم وصارت تقوس وتلبسها وتضحك ولميس تضحك مع امها وكانوا لطيفييين مرره وقفت بشرى اول م حست ان لميس نعست وشالتها وعطتها رضاعتها وشوي ونامت وغطتها ونزلت فالصالة تنتظر رجوع محمد للبيت ...
..................
" فالأستراحة "
رعد وصل والكل كانوا موجودين وسابقينه
رعد بحدة وعصبية : خييير وشفيكم واقفين عند الباب !!!!
فارس : تستهبل ناوينا ندخل وانت المعزوم بينخرشون المساكين بيقولون من انتوا !
رعد بعصبية : تستههبلل انتت يعييالل ترااااه سعود ؟!
كاسر : يخي تمشي وتفكنا من الوقفة محد ناقص !
رعد رفع يدينه لشماغه وضبطه وهو يتنفس بهدوء يعكس العصبية اللي اجتاحته ودخل وهو يقول بصوته الثقييل : سلااام ياهل المحل
فزوا سعود وعيال عمه وقالوا بصوت واحد : اررحببوواا
دخلوا الرجال وبدؤا يسلمون وجلسوا والدلة بدت تدور عليهم
سعود : شخباركم يعيال ؟
احفاد قاضي بمختلف الإجابات ردوا بمعنى " بخير "
رعد : انت شعلومك ووين الغيبات ؟
سعود ضحك وقال : ابد والله سالفتي سالفة
كاسر نزل فنجاله وقال بحماس : اسلم
سعود : والله يالرعد اني متفشل منك ومن ذيب لأني تقدمت لخطيبته قدامه وانا والله مدري عن شيء
ذيب ابتسم وقال : حصل خير وبعد بكرا زواجي وحالف عليك تحضر
سعود ابتسم وقال : ابشر والله بعزك
رعد تدارك الوضع وقال : انت وعيال عمك
ذيب صد وكمل يشرب قهوته
كاسر : والحين متى بتعرس ؟
سعود ابتسم اول م جاء السؤال وقال : والله للحين طامع بنسبكم يأهل قاضي
محمد : والله انك تبشر
فارس : احتززم
رعد ابتسم وقال : ابد ابشر باللي يطيب خاطرك
حمد همس لرعد وقال : وشرايك بعهود ؟
رعد رجع يهمس له وقال : عهود ولا صالحة ولا جميلة كلهم باقي م اعرسوا
حمد : صادز والله
سعود : منهي منه عشان اقبل عليكم ؟
حمد : وحدة من بناتنا بس بتقبل علي انا
سعود ضحك وقال : ابششر والله بالمعونه والكرامة الطيبة وان شاءالله اني قد الهقوة
حمد ابتسم وقال : قدها ان شاءالله
مشى الليل بطوله وعدى من سوالف وضحك ومزوح وصولاً للساعة ٢ الليل طلعوا العيال كلهم من الاستراحة وكل واحد توجه لبيته هلكاان
" بيت رعد "
وصل رعد ودخل بسيارته للحوش حقه ونزل وفتح باب بيته ودخل وسمع صراخ ايهم نزل جزمته ودخل للبيت وحصل هيامه لابسه قميص قصير حرير اسود وشعرها منسدل ع ظهرها وكانت تحاول تسكت ايهم وتطبطب ع ظهره وتقول بصوتها الانثوي : خلاص يماما ادري بطنك يعورك خلاص يحبيبي
رعد كان منهبل من المنظر وقال بحدة : هيامي
هيام لفت برعب وصرخت وقالت : ووججع يالرعد م تعررف تحنحن قبل تدخل !!
رعد دخل واخذ ايهم من يدينها وحضنه وسكت ايهم علطول
هيام شهقت وقالت : شف الووسسخ هيين ي هيمي هيين !
رعد كان يناظر بقصر قميصها وكيف انه واصل فوق ركبتها وماسك عليها وكان ساكت رفعت هيام عيونها له وقالت : خير شفيك ؟ وبعدين ليه جاي متأخر وش العزيمة ذي !
رعد لف لأيهم وكان نايم مشى فيه ونزله بسريره وطلعت هيام وراه وقالت : قاعدة اكلمك انا !
لف رعد بكل قوته لهيامه وشّدها عليه وو🌚..
...........................
في بيوت اهل قاضي قبل اذان المغرب ..
ام محمد : وين رعد للحين م جاء ؟
ابو رعد : الان بيجي كلمته يقول بيجي
ام محمد : يالله اقعدوا
جلسوا احفادها وعيالها وبناتها حول المائدة والكل يتنظر اخر اذان واخر فطور في شهر رمضان وشوي ودخل رعد بسيارته ونزل بدون هيام ولا ايهم
ابو هيام قطب وقال : عسى مهنا خلاف وين هيام ؟
رعد : تعبانه وم قدرت تجي وقالت اعتذر لي من اهلي
ام هيام فزت برعب وقالت : وشفييها ؟
فارس قام وقال : يخالة اجلسي الله يهديتس م فيها الا كل خير ان شاءالله وتعال يالرعد افطر
تقدم رعد وجلس ع السفرة وهو يقول بنفسه ( وامها ذي م تعرف تسكت لازم تسأل وتدّعي الخوف وشو م يصير شيء بين الزوجين ! لا اله الا الله صدق )
اذن المغرب والكل افطروا وجلسوا بعد الصلاة يسولفون عن احداث بكرا والعيد وش بيسوون والزواج والكل استنفر لبيته عشان التجهيزات بكرا ..
....................
في بيت فارس
فارس دخل بحنينه وجلسها فالصالة وقال بحذر : تكفين انتبهي لنفستس زييين
حنين ابتسمت وقالت : ابشر يعيوني
جلس وقال : يعني بعد ٤ ايام بنسوي التمايم وبنتمم ع اسم الليما ؟
حنين بهدوء : اذا اعجبك تمم
فارس فز وقال : منتس ولا يعجبني افا !
حنين ضحكت وحضنت فارس اللي حاوطها وهو يضحك وقال : يعساني م انحرم منتس ولا من ليمتنا الصغنونه
حنين ابتسمت وقالت : اميين يروحي
فارس : تقضيت لتس اطلق الفساتين وبيعجبتس وانتي اللي بتحلينه
حنين ابتسمت وقالت : نجربها ؟
فارس قام بحماس وقال : يالله
مشى بحنينه يساندها ووصلت للغرفة وبدت تلبس وتطلع ويشوف فارس وينهبل كانت جمييييلة رغم ملامح التعب اللي طغت عليها لكن كانت تهبل ابتسم وقال : يعسى اللي فيتس بين ضلوعي ي حنين الفارس
حنين ابتسمت من بعيد وقالت : مجار لبى روحك
فارس قام وقال : جبت لليما فستان تتوقعين يضبط ؟
ضحكوا فارس وحنينه ومشوا لبنتهم وطلع الفستان كان ابيض وصغير يجنن لبسوها وانهاروا اثنينهم ع لطافة بنتهم ..
.....................
في بيت كاسر
دخل كاسر ووعّوده وقال : وعّودي قدتس جاهزة صح ؟
وعد دخلت ونزلت عبايتها وعلقتها وضبطت شعرها وقالت : ايه يحبيبي خلصت كل اغراضي اف والله ان لين لها فقدة
كاسر حاوطها من وراها وقال : وش تبين بها الحين ؟
وعد ابتسمت وقالت : مو عن شيء بس كذا كنت مسوية لنا جو الصراحة
ضحك كاسر وقال : اسمعي شرايتس نطلب عشاء ونتابع مسلسل مع بعض ؟
وعد : جووي مسلسلات بس مو اذا صار شيء مُخل تقولي شرايتس نسويه !
طاح كاسر يضحك وهو انصدم كيف وعد عرفت له وقال : كيف عرفتي ؟
وعد ضحكت وقالت : خابزتك م يحتاج
كاسر ابتسم وقال : تراتس حامل ولا نسيتي يعني حدي ابوستس ولا احضنتس بس
وعد : امش طيب وانت اللي بتدفع
كاسر : والله م اخذ منتس شيء وانتي ع ذمتي
وعد ابتسمت وباست راسه وقالت : حبيب عمري وسندي وزوجي م تقصر عساني م انحرم منك
كاسر باس خشمها وقال : ولا منتس يوعد الكاسر
دخلت وطلب كاسر وصاروا يدورون عن مسلسل يناسبهم وفزت وعد وقالت بحماس : الله هذااا يجنن البططل !
حست بنغزات نظراته ولفت وشافت كاسر يناظرها بحدة وقال : احشمي اني موجود طيب !!
وعد ابتسمت برعب وقالت : اسفه
كاسر صد وقام وقال : الطلب جاء انتظريني ولا تأملي فالكافر ذا !
ضحكت وعد وقالت : اموووتت ع اللي يغغاارر امووتت
مشى كاسر وهو يضحك بهدوء واستلم الطلب ودفع ورجع وقال : اقلطي يالوعد
وعد تقدمت وباست خشمه وقالت : م زعلت صح ؟
كاسر ابتسم وقال : افا عليتس م انتي بهينه عندي لذي الدرجة
ابتسمت وعد وكملوا ياكلون ويتابعون مسلسلهم ..
.........................
في بيت رعد
دخل البيت وسكر باب سيارته وتقدم وفتح الباب ودخل وفز اول م شاف هيام واقفة عند الباب وكأنها تنتظره وقالت بحدة : اسمعني وقسم بالله اذا حملت اني لا اموتك سامع !
رعد ابتسم وقال : خرشتيني طيب
هيام بحزن : ررععد م امزح ترا م ابي احملل توو افتكيت ابي استمتع معك حشى بنجلس ننجب !!
رعد بحدة : ان حصل خير وبركة والله يتمم وان م حصل خلاص هونيها !
هيام تخصرت وقالت : بس كذا !؟
رعد ارتفع صوته وهو يقول : هيياااام بسس خلاااص اعقلليي
هيام ابتسمت بضيق وغمضت عيونها اول م صرخ عليها وقالت بصوت مهزوز : رعد ايهم م كمل ٥ اشهر وتبيني تجيب الطفل الثاني ؟
رعد بحدة : علمتتس ان حصل من الله بتردينه يعني ؟
هيام بحدة صرخت عليه وقالت : يمريض اصحى ع نفسك انت متزوجني اخلف كل شوي !
رعد انفجر عصبية ورفع يده وصفق هيام كف ولأول مره بعد فترة طويلة وصرخ عليها وهو يقول : انقللععيي ممنن وجههيي
شهقت هيام ومسكت دموعها وقالت بصوت باكي : انا تضربني يالرعد ! تضربني بعد م صرت ام لولدك وتضربني بعد كل شيء صار لنا سوا وم تركتك ضربتني بعد بشرى وبعد م تعدلت رجعت تضرب !!
رعد ابعدها من قدامه وطلع لغرفته وهو يدعي ع نفسه بالكسر وجسمه يرجف وعروقه بارزة كان مقهور ع هيامه ولا يدري كيف بيرجع ويعرف هيام استقوت كثيير وم يدري هل بترضى ولا لا كانت الافكار ذي تاكل بمخه وخصوصًا انه توه مسويها معها ومجبرها عليه والان يضربها انتهى رعد من التفكير وم قدر ونزل علطول لهيامه وحضنها وقالت بهدوء : رعد ابعد دام النفس عليك طيبه
رعد ابتسم بضيق وحست هيام بدموعه ع كتفها وقالت بصوتها الباكي : رعد تبكي !!
رعد شّد عليها وقال بصوت مهزوز : اسف وقسم بالله اني اسف اسف انتس تحملتي شخص مثلي اهله م قدروا يتحملونه واسف انتس صرتي حلال شخص م يستاهلتس بس تكفين يالهيام الرعد هام فيتس لاتخليني وراتس
هيام دخلت اصابعها بين شعره وشّدته عليها وقالت : رعّوديي تكففى يسندي وحزامي لاتبكي تكفى لا تطيح دموعك مره ثانية انا وانت مقدر لما نعيش مع بعض والدليل كل المصايب اللي واجهتنا وللأن م تركتني ولا تركتك ومستحيل نترك بعض اهدا
شوي وبدأ رعد يركد وجلست هيام وانسدح رعد ع صدرها وكان محاوطها بيدينه كانت اكثر لحظة حنان ودفء بينهم كان كل منهم سند وقوة للثاني كان رعد يلامس بيده خدها وكل شوي يرجع يبوسه بكل قوته ويقول بهمس : عساها البتر ان مديتها مره ثانية
هيام ابتسمت بهدوء وقالت : في عدوينك ولا فيك يرعد الهيام
رعد ابتسم وغط في نومته وكانت الساعة ٩ الليل ويعتبر بدري لكن التعب كان اقوى وناموا ابطالنا والكل متحمس للعيد ولزواج لين الذيب ...
..............................
في بيت ابو محمد الساعة ٧ الصباح
بعد صلاة العيد الكل كان متواجد والرجال يذبحون عيدهم
ابو رعد بصوت عالي : سيف ذبحت عيدك ؟
ابو هيام : لا باقي انتظر محمد ولدي وببدأ
ابو رعد : طيب بذبح عيدي انا وعيالي وفارس
كاسر ورعد وفارس تقدموا وقال كاسر : اخس شيء اني لازم اذبح عيدي بعدها احلق
ضربه رعد بخفه وقال : طيب احسن شيء تخلص كل اشغالك وبعدها تتروش وتنتعش
فارس ضحك وقال : منجد
ذبحوا الرجال عيدهم والكل انتهى وتقدموا العاملات ينظفون الحوش من الدم كان الجد قاضي مسوي في اسوار بيوتهم زي المجاري والفتحات عشان الذبايح وفعلاً كانت تأدي عملها العيال م كان فيه وقت يروحون لبيوتهم بحكم ان الحريم كلهم تجمعوا داخل بيت ابو محمد
" عند الحريم "
ام محمد بأبتسامة : عاد عيدكم يأهل قاضي وأهلي وعساكم من الفايزين بجنات النعيم
تقدموا البنات وسلموا ع بعضهم و ع جدتهم والامهات معهم والكل قدم عيدياته وتجهيزاته
هيام رفعت لميس بيدينها وقالت بحب : بنااات شوفوا حبيبة عمتها كيف حللووه ومطقمة مع امها
بشرى ضحكت وقالت : يحلوتس انتي خلي لميس في خير
سلمى ابتسمت وقالت : يشينتس وبنت حنين مالها حق !
حنين ابتسمت وقالت : شدعوة عادي والله
لين بلطااافة : اققوول محد واصل مواصيل ايهم لبى عيوونه
هيام : الا اعلمتس من ؟
لين قطبت وقالت : من ؟
هيام بهمس عشان الامهات : ابو ايهم
ضحكوا البنات كلهم عليها وقالت بيان : م تستحين ولا تنتخين
وعد وهي تضحك : منجد والله
شوق : خلوها تمدحه شعليكم ؟
هيام حضنت شوق وقالت : هذي اللي تفهم والله
شوق ضحكت وحاوطتها وقالت بهمس : العن شكلتس وش عطرتس يهببلل
هيام ابتسمت وقالت بهمس : سر !
ضحكت شوق وهيام معها ومشوا وبدأ الرقص والطهبلة عند الحريم
" عند العيال "
محمد ومنشفته ع كتفه وبالسروال والفنيله والكل كانوا نفسه قال بحدة : اشتغل المسجل جعلني اكسره ع روؤسهم !
رعد زفر بعصبية وقال : انا اعصابي الايام ذي تنفلت امشوا بيت ابوي واقطعوا الشر
كاسر اشر للعيال يطيعونه وهو ملاحظ ع رعد اصلاً وقال : يالله
مشوا العيال كلهم لبيت ابو رعد ودخلوا والكل انطلق للحمامات اللي منتشرة في مختلف ارجاء البيت
رعد دخل غرفته واخذ عدة حلاقته وهو م يفضل الحلاقين بعد م تعلم يحلق نفسه فالعسكرية ودخل واخذ دش سريع وطلع للمراية وحلق نفسه وخلا الشنب بس وخفف الدقن وطلع ولبس ثوبه وحزامه ومسدسه وطلع وحصل كاسر وفارس ومحمد فالصالة وكلهم كاشخين
رعد ابتسم وقال : من العاييديين يعييال
كاسر ابتسم وقال : وانت من الفاييزين
فارس ابتسم : من السالمين والغانمين
محمد ابتسم وقال : وانت من الغانمين
تقدموا وسلموا ع بعض وشوي ودخل ذيب بالمبخرة والعود عليها وقال : صح اني العريس وصح انكم انتوا المفروض اللي تبخروني لكن عيد وش نقدر نقول
رعد بمزح : عريس ميين يحبيبي ! تعال بخرني بس
ذيب قطب وقال : انكتم
مشى وسلموا عليه وتجمعوا كلهم فالصالة
زايد بهدوء : عيال امشوا للمجالس
رعد : ايه والله مشينا
مشوا كلهم وطلعوا للمجالس وجلسوا يضيفون الرجال اللي امتلت المجالس فيهم وتباريك العيد وريحة الذبايح والعود الازرق كانت هي اللي ماخذه الجو كله
" عند الحريم "
بشرى ابتسمت وقالت : هيام رجلتس ازعجنا
هيام قامت وقالت : والله م ازعجنا الا المسجل ذا اعنبوه طفوه
سلمى قامت وفصلت السلك وقالت بحدة : بسسس صدقق ازعجتونا
طاحت لين تضحك وقالت : العييد اللي راح م كنتوا تقولون شيء عشان م عليكم عيال والحين صرتوا نفس امهاتنا
بيان وعهود وصالحة وجميلة طاحوا معها يضحكون
هيام قطبت وقالت : خير ؟
وعد ضحكت بقوة وقالت : وربي ان لين صادقة
حنين بجدية : يمه صدق ان الأمومة مسؤولية
رعد بصوت عالي : يههيياااااام !
هيام فزت برعب وقالت : الله يقلعكم نسييت منه
مشت هيام وهي تركض لرعد وقالت : هلا !
رعد بحدة : خييير وينتس فييه لي ساعة انااادي !
هيام قربت وقالت : خلاص اهدا شفييك !
رعد نزل وقعد علطول وقالت هيام برعب : يمه رعد شفيييك !
رعد مسك راسه وقال : مدري مدري شفيني
هيام خافت يكون رعد انصاب بالسكر وخصوصًا انه شبه متوارث في عايلتهم وقالت : الان تروح المستشفى الاااان !
رعد قام وقال : لا لا م فيني الا العافية لا تجلسين تخليني اهلوس وافكر فشيء انا في غنى عنه
هيام حضنته بكل قوتها وقالت : اسفه م اقصد بس خفت عليك طيب عشان تنسى وش كنت تبي ؟
رعد ضحك وحاوطها وقال : ابيتس عشان اعايدتس انتي وايهم
هيام ابتسمت وقالت : ايهم نايم والله
رعد ابتسم وباس راسها بقوة وقال : كل عام وانتي بخييير وصحة وسلامة وعافية وكل عام وانتي حولي وحواليني وجنبي لأخر عمري وكل عام وانتي عيدي وايامي الحلوه وكل عام وانتي هيامي وروحي وجميلتي وحبي وحبيبتي ونبضي واهلي وطوايفي احبتس والله لا يحرمني شوفتتس م حييت
هيام كانت تتأمله وهو يقول كلامه وقالت : وانت بخيير يالخير كله وعسى هيامك م تنحرم منك والله اني همت في حبك وصرت غريقة ولا اطلب النجاة ولا اطلب من ينقذني احبك واحبك الف عام وعام وعيدي انت والسلام
ابتسم رعد وباس مبسمها ولف ع غمازتينها وقال : والله من كبر حظي يوم مثلتس حلالي
ابتسمت وقالت : خلص الغزل ؟ هات عيديتي
ضحكت وضحك رعد معها وحط عيديتها بين صدرها وفستانها وقال : ووصلت عيديتتس
ابتسمت وقالت : م تقصر يرعد الهيام
مشى رعد ودخلت هيام وهي تضحك ع منظرهم وبنفس الوقت تدعي من اعماقها م يكون رعد مصاب بأي مرض مزمن او غير مزمن
فارس استوقف رعد وقال : ناد حنين تكفى
رعد ابتسم ورجع وقال : ي ام رعد خلي البنيات يطلعون لرجالهم
فزت كل وحده منهم متزوجة لزوجها
" فارس وحنين "
حنين تقدمت وقالت : لبيه ؟
فارس ابتسم وسلم عليها وقال : كل عام وانتي عيد الفارس وكل عام وانتي المهرة اللي م شّدت الا فارسها
ابتسمت حنين وقالت : عشقت الجملة ذي منك وخصوصًا انك م تقولها الا بالاعياد صرت انتظر كل عيد عشانها وعشان معايدتك الحلوه احبك يفارسي وعساك من عواده يحبيبها
حاوطها وشابك يده بيدها وقال بهمس : وهذي عيدية حنين وليما ووصلت
حنين باست خده وقالت : م تقصر يحبيبي
طلع فارس ودخلت حنين لمجلس الحريم ..
" كاسر ووعد "
كاسر كان معطيها ظهره وجالس ع جواله ودقته بهدوء ع ظهره ولف وشاف وعد بفستانها الاحمر وملامحه الحادة وبطنها البارز وكان اكبر دليل انها شايلة ولد الكاسر بين احشائها وابتسمت وقالت : حبيبييي من العاايديين
ابتسم كاسر وباس خدها وقال : وانتي من الفايزين السالمين والغانمين وكل عام وانتي عيدي يوعد الكاسر
وعد ابتسمت وقالت : يروح وعّودك والله
حضنها وقال : وهذي عيديتس يالحلوه والله انتس العيد وحلو ايامه
اخذتها وقالت : م تقصر يالدنيا
كاسر ابتسم وقال : يووه يالأحمررر صدق ييوووه
وعد ضحكت وصارت تدور ع نفسها وقالت : كييف ؟
كاسر مسك يدها وصارت تدور قدامه وضحك وحضنها وتركها وطلع وقال : ادخلي يالزييين
دخلت وعد وطلع كاسر للرجال ..
" محمد وبشرى "
بشرى وهي شايلة لميس وقالت بحماس : لمييسسوو شووفيي بابااا
قربت وقالت : هلا بحمود
سلمت عليه خدادي وحاوطها محمد وقال بحب : يهلا بالبشرى وبلميسسو من العايدين يحبيبي انتي وهي
شال محمد لميس من يدين بشرى ومد لها عيديتهم وقال : هذي العيدية لحلواتي وبناتي وحبيباتي بيشو ولميسو ولعلها بسيطة وانتوا والله تستاهلون روحي لكن من قلب حبيبكم
بشرى باست خشم محمد وكانت بتبعد بس سحبها محمد وباس مبسمها وقال : اهييم فيتس انا
بشرى ضحكت وقالت : يرووح بشرى انت ودنيتها وانت عيدنا والله وفرحتنا تسوى الدنيا بشوفتك
محمد مد لها لميس وقال : بطلع يروحي انتبهي لتس
بشرى ابتسمت وقالت : منعيوني
طلع محمد ودخلت بشرى ولميس بعد م سلموا ع ابوهم ..
" منصور وسلمى "
سلمى طلعت مستعجلة وقالت : هلا منصور ؟
منصور ابتسم وقال : مستعجلة ؟
سلمى كانت مشمرة اكمامها وقالت : اي والله
منصور حاوطها وعطاها عيديتها وقال : ارجع اقولتس انتبهي لنفستس زييين وانتبهي للحلو اللي ببطنتس
سلمى ابتسمت وقالت : يعيوني وعيدي وفرحتي ابشر ابشر
منصور ابتسم وقال : كل عام وانتي عيدي يحبيبي
ابتسمت سلمى وتقدمت ورفعت رجولها عشان تعادل طوله وباست مبسمه بكل حب وبكل قوتها ولفت علطول ودخلت وهي تضحك ابتسم منصور وحط اصبعه ع شفايفه وعضها وضحك وقال بنفسه ( وربي لا اندمها ) طلع للمجالس وهو يتحلف بسلمى ...
" ذيب ولين "
ذيب دخل بعد منصور وقال : تقلعوا لا اشوفكم
رعد رفع مسدسه وقال بصوته الثقييل : بتدخل ولا شلون ؟
ذيب رفع يدينه معلن استسلامه وقال : استسلم لأختك ماهو لك
كاسر بمزح ارتفع صوته وهو يقول : ااععقبب !!
رعد ابتسم وقال : تقلع قبل افجر فيك
ذيب ضحك ودخل وكان بيسكر الباب بس شاف احد العاملات فالمقلط وقالت : ايش تبغى بابا ذيب ؟
ذيب قطب وقال : وين لين ؟
العاملة : لين م بيجي عشان ليلة هي عروس
ذيب حك راسه وقال : نظااامها الوسخة م تبيني اشوفها !
طلع وطاحوا كاسر ورعد يضحكون عليه
زايد بضحك : م حصلتها لأنك مستحيل تطلع بذي السرعة !
رعد وهو يحاول يسكت نفسه قال : ايه ادري انه م بيحصلها لأنها تقولنا من امس امسكوا ذيب
كاس وهو يرجف من الضحك : اللققمم يههططفف
ذيب نزل زبيريته وركض ورا كاسر اللي يضحك وهو يركض وهذا اللي خلاه ابطى واستسلم لذيب اللي طاح فيه ضرب من القهر واثنينهم يضحكون وسكتوا وقال كاسر : يخي خل روحك رياضية يعني عادي انا اروق واشوف حلوتي وانت محروم عااادي
ذيب عض ع طرف ثوبه وبعده وقال : ويمين عظيييم يكاسر !
كاسر حط اصبعه عند شفايفه ومثّل انه يخيطها وقال : ابشر سكت خلاص
دخلوا للمجالس وكل العايلات يتحدثون ويسولفون ومحور حديثهم زواج لين الذيب فالليل ..
:::::::::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( هاااااااااي يحباااااني اشتقت لكم مررره وحشتوني صدق المهم رجعنا ببارت يجنن وخفيف لطيف اغلب احداثه كانت تجنن 🫦 ، بارتنا الجاي زواج لين الذيب انتظروني وحماسكم مليييون 🔥🫡!! )