بين احضان قاتلي

part"22"

خُذْ مَا تشَاء مِنِّي وَلَكِنْ أَعْطِنِي
حُبَّاً وَبَعْضَ العَطْفِ وَالتِّحْنَانِ
أَتُرَاكَ تَدْرِي يَا سُطُورَ حِكَايَتِي
وَعَلِمْتَ مَاقَدْ ضَمَّهُ وِجْدَانِي
قُل لي بِرَبِّكَ هَلْ عَدَلْتَ بِقِصَّتِي؟
إِنَّ الهَوَى وَالحُبَّ هَدَّ كِيَانِي

..........................................................

غزل..حسيت الزمن توقف عندي واني اشوف اختي مثل الجثة رجف جسمي بمنظرها كعدت يمها ابجي رفعت راسها خليتة بحضني احاول اكعدها متت بدمي من شفت حجابها الابيض صاير احمر من كثرة الدم الي نزل منها صرت اعيط واضرب على خدها ك محاولة فاشلة ان اصحيها

..ريممم الله يخليجج اكعدي لتخوفيني عليجج

ماكو اي ردة فعل منها فاقدة واحس حتة النفس گوة تجرة رفعت عيوني على ست طيف الي واكفة مخلية ايديها على راسها وجهها اصفر

..ارتاحيتيييي والله والله اذا صار شي على ريم اكلج بأسنانيييي

رجعت اضرب على خدها عسى ولعل تصحى بس ماكو فايدة حسيتها انرفعت من حضني شفت استاذ رسول شايلها بحضنة كمت وهو ركض بيها واني وراه دخل على مكتب المديرة وهي كامت خايفة

المديرة..خير خير شبيها البنية

رسول..ماكو وقت ست لازم آخذها للمستشفى بس صعبة اروح وحدي تكدرين تجين؟