{65}

4.8K 883 45
                                    


Unicode


လျန်ကျင်းရှင်ပြန်သွားပြီးနောက် ကျိချင်းကျိုးမှာ မိမိခုနက ယင်းနျန်နှင့်စကားပြောလက်စကြီးဖြစ်ကြောင်း သတိရသွား၏။သူ လိုင်ဆင်းသွားသည်မှာကြာပြီဖြစ်၍ ယင်းနျန်စိတ်ရှုပ်သွားလောက်မည်။ထို့ကြောင့် မြန်မြန်ပဲ ယင်းနျန်ဆီ ခုနဖြစ်တဲ့ကိစ္စတွေကို အတိုချုန်းပြီး စာပြန်ပို့ရတော့သည်။ယင်းနျန်က ကောင်းလားဆိုးလားမသိ၍ ဖန်ယောင်ရွှမ်းကို ရိုက်တဲ့အကြောင်းတော့မပြောဖြစ်လိုက်ပေ။ငါတို့ ရန်ဖြစ်ကြတယ်ဟုသာပြောလိုက်သည်။

ယင်းနျန်ကတော့ စိတ်ပူနေ၏။

"မင်းအဆင်ပြေရဲ့လား"

"ပြေပါတယ်"

ကျိချင်းကျိုးပြောလိုက်သည်။

"အလတ်ကြီးကျန်သေးတယ်။မေးပေးတဲ့အတွက် ကျေးဇူးပါ။ငါ မင်းကို နောက်ရက်ကျ ညစာလိုက်ကျွေးမယ်လေ"

"ရပါတယ်ကွာ"

ယင်းနျန်က ပြန်ပို့လာသည်။

"မင်းအဆင်ပြေရင်ပြီးတာပဲ။ဒါဆို ငါမင်းကို မနှောင့်ယှက်တော့ဘူးနော်။ Bye "

"Bye-Bye"

ကျိချင်းကျိုးနဲ့ယင်းနျန်တို့ စကားပြောခြင်းပြီးဆုံးသွားချိန် ဖန်ယောင်ရွှမ်းအား လက်ဦးပြီးဆော်လိုက်နိုင်သည့် ကိုယ့်ကိုကိုယ် စွမ်းအားရှင်ကြီးလို ခံစားနေရသည်။ ကင်မရာလေးနဲ့ ရိုက်ထားလိုက်သင့်တာကို နမြောဖို့ကောင်းလိုက်တာလို့! ! !

သူစိတ်လှုပ်ရှားလွန်ပြီး မအိပ်ချင်တော့ပေ။ထို့ကြောင့် ချူချန်ဆီ video call ခေါ်လိုက်သည်။ချူချန် အခုမှ ရေချိုးပြီးကာစပင်။ သူ ညအိပ်ဝတ်စုံလေးဝတ်နေရင်း အိပ်ယာပေါ် မှီထိုင်လိုက်ကာ ကျိချင်းကျိုး ၏ စိတ်လှုပ်ရှားနေသောမျက်နှာလေးကို ကြည့်နေသည်။

{ဘာလို့ ဒီလောက်ပျော်နေရတာလဲ}

{ကျွန်တော် သူများတွေနဲ့ရန်ဖြစ်တာ ဟိုဘက်က လူကို ရိုက်လိုက်နိုင်တယ်}

ကျိချင်းကျိုးက ရယ်မောရင်းပြောပြလာသည်။

ချူချန်က နားထောင်ရင်း တစ်ဖက်လူများ ကယောက်ခြောက်ခြားဖြစ်နေသလားထင်နေမိ၏။သူ့ရဲ့ အဆိုးလေးက လူရိုက်တတ်သေးတယ်လား?? ?

ဗီလိန်ဥက္ကဋ္ဌရဲ့ ချစ်သူလေးအဖြစ်ကူးပြောင်းလာခြင်း [မြန်မာဘာသာပြန်]Where stories live. Discover now