بيـــن وصـــالك أوصاف ؛
أستغفر الله العظيم وأتوب اليه 🩶
*
جلست على الكنبه تتامل الفراغ بعد أن صلت للمره الثالثه صلاة الاستخاره , تسترجع احداث الخميس في مساء يوم الإثنين , قد استغرقت 5 إيام من التفكير ومن انتظار الجميع من ردِها وقرارها , اما الرفض اول القبول , رفعت انظاره لباب من طرقه وتنهدت بملل منهم كل دقيقتين طابين عليها يسالونها , فتحت الباب اوتار تدخل وتبتسم بخفه : عادي ادخل ؟
هزت راسها بايجاب , ودخلت تسكر الباب خلفها تمشي وتجلس امامها تتامل نياف اللي جالس بجنبها يتابع بايبادها وضحكت : تدرين دنو اني من اخذه من عندك وهو يصيح يبيك واجيه القاه يتامل صورتك !
رفعته لحضنها تبوسه لانه هو مصدر سعادتها الوحيد : قلبي أنا !
اوتار : احس اني اتطمن اذا كان معاك لانه يتعب اذا رجع معي للبيت من دونك حتى سلطان تعب معاه !
دانه : خلاص اجل خليه معي ،
ضحكت ترفع كتفها بقل حيله : اكثر من كذا ؟
هزت راسها بايجاب , وابتسمت اوتار : اذا انتي تبينه وهو يبيك مقدر اقولكم لا ،
ترك الايباد من يدينه يحضنها ويرتخي على صدرها من شعور الامان اللي يشعره بحضنها ولا قدر يحس فيه بغير حضنها حتى لو كان من والدينه , مسحت على شعره تشوفه يرتخي وينام وسط صمتهم وهدوئ الغرفه , ناظرتها اوتار بهدوء : فكرتي ؟
رفعت انظارها لها , وابتسمت تطمنها : فكري بعقلانيه دنو وصدقيني والله اريح لك انم تبتعدين عن امي احسن من تزيد المشاكل بينكم
ضحكت بسخريه : امك بوادي والناس كلها بوادي ثاني
تنهدت اوتار بتعب من حالهم : اوكي عشانه اريح لك الإبتعاد وافقي ،
ناظرتها بصمت , ومسكت كفوفها اوتار : كلمتي عمتي ؟
هزت راسها بايجاب , اوتار : وش قالت ؟
دانه : موافقه
ضحكت من تذكرته : وفيصل
هزت راسها بنفي تضحك : ماحس بياوفق , قالت بكلمه وامهد له الموضوع
اوتار : يعني انتي بنفسك موافقه بس تنتظرين رائيهم ؟
زمّت شفايفها بتفكير : تبين الصدق اوتار ؟
ابتسمت تستبشر قولها : اكيد !
دانه : مره مرتاحه ثلاث مرات وربي استخرت وبكل مره الطمٌنينه تملي قلبي .
ابتسمت بوسع ثغرها : والله دنو ان ربي بيختار لك الشخص الصح صدقيني ! , وتعيشين مع صحبتك اللي ابلشتينا فيها شيء ازين من كذا ؟
هزت راسها بنفي , اوتار : يعني موافقه ؟
ابتسمت دانه بصمت , وحضنتها اوتار : اهخ يارب لك الحمد تعبتيني .
دانه : شدعوه عليكم جالسه على قلبكم انا !
هزت راسها بنفي تحاوط وجها بكفوفها : لا والله بس انا خايفه عليك من امي , خايفه عليك ترجعين زي اول وخايفه امي تزداد سو .
ابتسمت تفهم شعورها وتفهم خوفها عليها لأنها فعلاً الأخت الحنونه ويكفي انها تترك ولدها وقطعها منها لها وعندها عشان بس هي متعلقه فيه , تنازلت عن امومتها لهذا الطفل لختها قبل الربع سنوات , وهذا اعضم شعور لها كأخت وكأم لكنها قدمت اختها على امُومتها , ابتسمت اوتار من ابتسامتها : الله يكتب لك الي فيه خير
قبّلت خدها وخرجت , ورجعت هي ظهرها على الكنب تتامل اتصال فيصل - توائم روحها - ابتسمت ترد من وصلها صوته : يامرحبا مليون في مليوون
دانه : وحشتني !
فيصل : ورب الكون انا ميت شوق
دانه : يلا خلص وارجع لي ترا تعبت انتظرك يالطيار
ابتسم يضحك : ابشري , هانت مابقى الا شهور
دانه : الله يهونها ويوفقك
فيصل : وربي يادينو ان البعثه والحياه بدونك خايسه
ضحكت بستخفاف : توك تستوعبها !
فيصل : طولت اخر سنه بالحيل طالت !
ابتسم بخفه : انتظرنا سنين طويله باقي القليل , تحمل ونلتقي على خير بإذن الله
تنهد بتعب : الله يعديها على خير ،
وابتسم : سمعت أخبار شينه زينه , بين وبين
حكت حاجبها تضحك : القرار لك حُبي
ضحك فيصل : اذا القرار لي وصادقه ؟ اقولك وافقي .
ضحكت بصدمه لانه ابد مو من عاداته يستقبل خُطابها بالقبول , عادتاً يرفض من يسمع طاري خُطبه : غريبه فصول توافق !!
ضحك بستعباط : ايه استخرت وارتحت !
ابو فيصل : وش دخلك توافق وتستخير انت !
صرخت تضحك بصدمه من سمعت صوته : بابا !
ابتسم يشتاق لصوته : ياقلبه !
عدلت جلستها تبتسم بلين ملامحها من فتح الكاميرا فيصل لها يوريها جلستهم البسيطه : ناقصنا وجودك
دانه : بابا وحشتني والله !
ابتسم ابو فيصل : ياعيون بابا انتي والله اني بعد مشتاق لك بس كله من الحمار اخوك
دانه : ايه وربي انه حمار اخذكم مني !
ضحكت ام فيصل : ايه انا لي الله
دانه : عاد توني مكلمتك قبل نص ساعه !
ابو فيصل : لها ثلاث ايام تكلمك وتقولي مايحتاج تكلمها !
فيصل : تغار من بنتها مشكله يامي انتي في مُشكل كبير مع غيرتك !
شمقت لهم ام فيصل : اغار على بنيتي ولا اغار على ابوها والحمار اخوها
ابو فيصل : افا !
فيصل : سددوا لنا وحده والله
اكملوا مُكالمتهم المليئه بضحكاتهم وابتساماتهم والمُنقشات الحاده اللي تنبع بمحبه , اخذ الجوال ابو فيصل بشبه جديه : دنو يبابا .
دانه : ياعيوني ؟
ابو فيصل : أنا معاك ولا تركتك الا لضروف انتي تعرفينها زين لكن بإذن الله الواحد الأحد , ان خلص فيصل جامعته جيت واخذتك , واذا انتي مو مرتاحه الحين واحّد جابرك على هزواج قولي لي انا اجي اخذك من الحين , واذا انتي مرتاحه وموافقه عسى الله يوفقك ويبني بيتك بسعاده وتذكري اني انا وامك وفيصل معك بكل خطاوي حياتك ويخسي كل من لمسك بالمضره ،
ابتسمت تلين ملامحها : والله اعرف وأحبك , وانا موافقه من راحه واتمنى يعني اذا تم كل شيء تحضرون زواجي لاني مره ورب الكون مشتاقه لكم
ابتسم يطمنها ويشر على عيونه : والله تبشرين ياعيون بابا انتي والله لجيك لو انك بآخر الدنيا
ام فيصل : تممي كل شيء وبتحصين تلقيني بوجهك
دانه : والله ازين من أصبح على وجهه
ابتسمت غصب : ياحبيبه قلبي انتي وروحك , الله يحفظك واستودعتك الله الذي لا تضيع ودائعه وعسى الله يسعدك في دنياك كلها .
-
وبينما بالاسفل , وصلهم خبر موافقتها , وزغرطت اميره بعد ماتسعين بالميه فقدت الامل : اخيراً !
اسيا : توقعتها تطول السالفه عشان ترفض
ضحكت الماس تهز راسها بنفي : اكيد وافقت عشان وديم
اسيا : ياشيخه اهم شيء وافقت !
نزلت بعد مانتهت مكالمه اهلها , ونزلت وهي بكامل روقانها حتى ضنو انها اصُيبه بالجنون , اسيا : مبروك !
رمت لها بوسه تضحك , وضحكت اميره بذهول : واه انتي دنو بنتنا متاكده !
دانه : بلحمها وشحمها
دخلت أم سيف تنزل عبايتها بعد مارجعت من السوق , وضحكت الماس : امي ابشرك دنو وافقت
لفت بصدمه تناظرها , وضحكت تهز راسها تأكد قبولها : يس
جلست تناظر الماس : بسرعه جيبي جوالي بكلم ام سعود
ضحكت بصدمه : هيه طيب بشويش !
كتمت ضحكتها اميره : خايفه ترفضين !
ضحكت الماس تجيب جوالها , ودقت ام سيف على ام سعود اللي ردت بعد الثواني : السلام عليكم
عدلت جلستها ام سعود : ياهلا وعليكم السلام
ام سيف : كيف حالكم ؟ وحال امك ؟
ابتسمت ام سعود بتوتر : والله يالله لك الحمد كلنا بخير وعلى ماتحبين
ام سيف : الحمدلله .
ام سعود : بشريني عنك انتي شلونك ؟ وشلون البنوتات ؟
ام سيف : ياربي لك الحمد كلنا بخير وصحه وعافيه
ام سعود : ايه والله عسى ربي يديمها
ام سيف : اللهمَ امين يام سعود , والله يتمم على خير البنت موافقه .
ابتسمت بخفه : اجل توكلنا على الله والله يكتب لهم اللي فيه خير .
ناظرت فنجالها تبتسم غصب من فتحت موضوع الملكه : متى يناسبكم ؟
ام سيف : الله يحيكم بالوقت اللي تبونه
همست دانه : الخميس الخميس , عشان ننخطب الخميس ونملك الخميس ونتزوج الخميس , ويصير الخميس الونيس !
كتمت اسيا ضحكتها على نظرات امها المستخفه بتفكيرها , اميره : دنو انتي وين والناس وين
زفرت بملل من نطقت امها : الجمعه ؟
ام سعود : مٌناسب
ام سيف : اجل الله يحيك انتي ومن يعز عليك
ام سعود : ماتقصرين يابعد روحي ،
أنهوا المكالمة بسلام وبشكل المُطول المُعتاد , دانه : يعني لو قدمتي شوي أجمل !
لفت ام سيف لـ اوتار : قوموا اقلعوها للمول جهزوها , وبلاش يادانه الحركات اللي صارت بشوفه تتكر مره ثانيه !
ميلت شفايفها تضحك على أحداث الشوفه , وقت دخلت الجده معهم وبينهم وضحكته اللي تعالت المكان ماقدرت تمسك ضحكتها وماتضحك , حتى سحبتهم ام محمد تخرجهم وتفرقهم عن بعض وتحلف ان الكتاب باين من عنوانه , اسيا : يلا بالله خل نطلع
اوتار : تم
ابتسمت اميره تغمز : نسوي تجهيزات العروسه
دانه : بدري !
سحبتها الماس : اقول امشي بس , باقي يومين !
اميره : صدق عمتي كان اخرتيها شوي
ام سيف : خير البر عاجلُه
دانه : قولي بفتك منك بسرعه يعني اصرح من هاذي
ناظرتها بستخفاف : روحي روحي الله يستر عليك
