يهزمني الحُب وانا جاهل بدرب المُحبين

البارت الخامس والستين

طلع ذيب وضاري ومشوا للسيارة وركبوا واتجهوا للشاطي اما بالنسبة لمنصور جلس جنب سلمى اللي نامت بعد المنوم اللي حطته النيرس لها ..
" فالمخيم قدام البحر "
وعد كانت منهارة الم وتبكي بس كاتمة نفسها عشان محد من البنات يصحون وشهقت اول م مسكت جيهان كتفها وقالت بخوف : وعد بسم الله عليتس وشفييتس ؟
وعد حضنت جيهان وبكت وقالت : خفت من منظر سلمى وصراخها والحين بطني يعورني وجاني طلق مرتين !
جيهان توسعت عيونها وقالت : ولييه ساكته !!
وعد برعب : مدري مدري تكفيين م ابي اولد ولادة مبكرة
جيهان تركت وعد وطلعت وقالت : زايد
زايد سمع صوتها وطلع من الخيمة ووقف بعيد منها وقال : نعم ؟
جيهان صدت بحزن ع حالهم وكانوا كأنهم اصدقاء اكثر من زوجين م لمسها زايد ابدًا ولا قالها احبك كانت تصبر عليه بس انفجرت جيهان وقالت بحدة : وش اللي نعم !! متى ناوي تعدل اسلوبك معي صار لي معك فوق السنتين والحين تعاملني كأني اي شيء غيير اني اكون زوجتك !!
زايد توسعت عيونه وقال : جيهان خيير ؟
جيهان نزلت دموعها وقالت : وباقي تقول خير
زايد تقدم لها وحضنها بيد وحدة وكان مبعد وحاط بينهم مسافة وقال بهدوء وبصوت متقطع : جيهان..خل..خلاص !
جيهان حاوطته بكل قوتها وقالت بحب : لييه تبي تبعد ليه م تبي تحبني وتاخذ وتعطيني ؟
زايد كانت عيونه متوسعة اثر الصدمة وهذا كان اول حضن بينهم ابتسم ودقنه يرجف وقال : انا م تعودت احد يحبني انا حبيت نفسي بنفسي وحلفت م اعطي احد شيء وانصدمت اول م قالوا اني بتزوجتس ولا قدرت ارفض ولا قدرت اوافق مدري وش صار لي وفجأة زوجوني منتس في اقل من اربع ايام وحطيت بيني وبينتس جداااار كبييير سميته الخوف من اني اذيتس او اوجعتس وبعدها بعدت
جيهان زاد بكائها وانصدمت اول م شالها زايد بين يدينه ومشى فيها للبحر وابتعد عن المخيم وهو يبتسم ويقول : م ارضى احد يسمعتس تبكين م ارضى
جيهان بعد شعرها من ع وجهها اثر الهواء وقالت : زايد
زايد بهدوء : هلا ؟
جيهان بحب اندفعت وقالت : احببك
زايد ابتسم وصد وقال : الله يحبتس يجيهان
جيهان قربت وقطعت المسافة بينهم ورفعت وجهه وناظرت داخل عيونه وكانت تشوف روح لطيفة في زايد بس محد تجرأ يكشفها ومحد خصيصًا كان يهتم لزايد اللي عطوه انه بخيل وم يحب الا نفسه وبعدوا عنه ابتسمت بحب وقالت : احبك
زايد كان يتراعد من كلماتها وقربها وابتسامتها ويدينه اللي انحطت ع خصرها ابتسم زايد وشّدها عليه وقال بصوته الثقييل : تحبيني ؟
جيهان ابتسمت وحطت خشمها ع خشمه وقالت : ايه اهيم بك يالزايد ولو اني م احبك ليه صبرت عليك ؟ وليه..
قاطعها مبسم زايد اللي انحط ع مبسمها وارتعدوا اثنينهم بحب وبخجل وابعد بعد مدة وابتسم وقال : اهيمتس
جيهان حضنته بكل قوتها وحاوط زايد خصرها وكان كل م هو يشّدها عليه وقال : جيهاني اسف ع كل شيء سويته لتس وانتي م كنتي تستحقينه واسف..
قاطعه صوتها الباكي وهي تقول : زيزو اتمنى نطوي صفحتنا ونبدأ مع بعضنا صفحة بيضاء جديدة مليااااانه حب وعطاء ووالله اني عاذرتك يحبيبي
زايد شّد عليها وقال بحب : يعسااااني م انحرم منتس يارب
جيهان كانت في اسعد لحظات حياتها اللي نستها وعد والمها ..
" فالخيمة "
وعد كانت تعض ع قماش من احد ملابسها وتبكي منهارة وصرخت بأعلى صوتها وهي تقول : كاااااااااسسسسسرر
فزوا البنات كلهم من صوتها وانفجعت لين وركضت لها وقالت : وععدد تكفيييينن لاااا !!!
وعد حضنت لين وقالت : لييننيي معاااد يمديي للمستشفى ولديننيي واستأمنتتس نفسسي وولديي !!
لين كانت مفجوعة اثر الصحوة المرعبة وكانت عيونها متوسعة وقالت برعب : وعد وشقاعدة تقولييين يوعد !
وعد صرخت بألم وقالت : ووييينن كااااسسسرر
قاطعهم صوت كاسر من برا وهو يمسح عيونه ويرجف رعب وهو يقول : يالوعد وش العلم ؟؟
حنين طلعت لكاسر وقالت : ووعد بتوولد !
كاسر توسعت عيونه وقال بحدة : اايششش !!!
قاطعهم صراخ وعد ولين اللي نزلت تشوف الوضع وقالت برعب : وععد مفتووحة ٨ سم !!
هيام وهي حاضنه وعد قالت : ليين الذييب بتقدريين والله بتقدريين
لين مسكت راسها وقالت : هياامي تكفيين مقدرر
هيام : والله بتقدرييين تكفيين لاتخلينها كذا
لين : بيونه وبشرى تعالوا ساعدوني
بيان برعب : ابشري
وكاسر ينادي ويصارخ من برا ويقول : طلعووها عليي !!!
بشرى تقدمت وجلست جنب لين اللي نزلت وهي لابسة قفازاتها وجايبه شنطة اسعافات صغيرة ممكن تساعدها وبدأت لين تولد للمرة الثانية بحياتها وهي ترجف وعرقها يصب ومنهارة داخليًا لكن عشان وعد وكاسرها كملت لين واعتلى صراخ ولد الكاسر في ارجاء المخيم وطاحت وعد مغمى عليها
لين وبكت وهي تشوف ولد كاسر بين يدينها ابتسمت وقالت : الحمدلله ع سلامتك ونورت الدنيا يرعد الكاسر
حنين شالته من يدين لين وباست راس اختها وقالت : وقسم بالله انتس اخت الرعد
لين جلست بخوف وقالت : اااه تكفيين يحنين جيبوا لي موية
هيام ابتسمت وقالت : وعد اغمى عليها طبيعي صح ؟
لين لفت لهيام وقالت : ايه طبيعي
هيام كانت تمسح جبين وعد بقماشة وقالت بفخر : وقسم بالله م نحتاج مستشفى
ضحكوا البنات كلهم وهم مرتعبين من المنظر وقالت لين : كله من سلمى فجعت البنت وجاتها ولادتها
حنين ابتسمت وقالت : يروحي سلومتنا
مشت حنين وفتحت باب الخيمة وكان كاسر طايح وينتظر وفز اول م شاف حنين طالعة ومعها ولده انصدم وتوسعت عيونه وقال : ذا ولدي ؟
حنين بسخرية : لا ولدي تستهبل ؟
كاسر تقدم وشاله من يدين حنين وباس راسه وقال بصوته الرخّيم : ياللررعد جاااء سمّيييك
رعد تقدم وقال : بسم الله عليييه حبيب عمه ويبشر بالسماوة نفداه
كاسر ابتسم ونزلت دموعه وقال : يالرعد صغيير تكفى مقدر والله
رعد باس راس كاسر وقال : مبروك م جاك يالعضيد وعساه من مواليد السعادة والله يرزقكم بره وينبته نبات صالح يارب
كاسر باس خشم الرعد وقال : الله يبارك فيك يعزوتي وحزامي !
ذيب وضاري نزلوا من السيارة وتقدموا ودخلت حنين علطول وشهق ذيب وقال : ييهووهه منن ذااا !!
كاسر ورعد لفوا لهم وقالوا بصوت واحد : رعد الكاسر
ذيب ابتسم بصدمة وقال : اسألك بالله ولدك !!
كاسر بحب : ابشرك
ضاري تقدم وقال : بسم الله ماشاءالله والله وكبرت عايلتنا ولدين بنفس اليوم ! الف مبروك يالكاسر والله يرزقك بره وزييين م سمييت ع الرعد
رعد احتد صوته وقال : معليييك زود يبو مشاري
كاسر : الله يبارك فييكم جمييع
ذياب : والله ي انها فجعة صدق
كاسر ابتسم وقرب راس ولده منه وسمى بالله واذن فيها وخلص وقال ضاري : هاته بأذن في اذنه انا بعد
كاسر ابتسم ومد ولده لضاري واذن ضاري ورجعه لكاسر اللي تقدم وقال بصوت عالي : حنين ولا لين شوفوا لي طرييق
حنين ابتسمت وقالت : بنات يالله اطلعوا مع الباب اللي ورا
هيام قامت من عند وعد ومسكت يد بشرى وطلعوا مع بيان والعنود وصالحة وجميلة اللي كانوا توهم يصحون وم اهتموا للي صار ابدًا وانفجعوا البنات من جيهان اللي جات تركض من ورا الخيمة
هيام بخبث : ماشاءالله من وييين جاييه ؟
جيهان انفجعت وصرخت وقالت : ووجع يهيياام شكلتس اشتقتي تتصفقين مني !
هيام : تعقبيين بفزع بمحمد والرعد
جيهان ضحكت وقالت : ابد والله رحت مع زايد
البنات بصوت واحد وبخبث : اوووووووههه
بيان بحماس : وش سويتي مع اخوي ؟
بشرى : اييه اييه وش !
جيهان توسعت عيونها وقالت : وجعاااه يبنات وش النيية ذي !
هيام علطول دخلت بالاحداث وقالت : اييه جيهانو ترا وعد جابت ولد
جيهان شهقت وقالت : اسألتتتسس بالله !؟؟؟
البنات ضحكوا وقالوا بصوت واحد : والله
جيهان ضربت راسها بخفه وقالت : الله ياخذني يبنات نسييت من وعد اااااه يتأنيييب الضمميييرر
هيام قربت وقالت : يمه شفيتس وش سويتي لوعد
جيهان حكت لهم وش صار وكيف حصلت وعد اليوم وكانت الصدمة واضحة ع ملامح البنات وقالت بشرى : يويلتس من الله كيف خليتيها كذا !
جيهان وعيونها تدمع : والله مدري نسيييت
البنات جلسوا ع الرمل بصدمة وهم م توقعوا ان وعد كانت تتألم لأن فعلاً محد سمع لها صوت الا بصرختها وعزوتها بأسم كاسرها ..
" داخل الخيمة "
دخل كاسر وقال بحزن : يالله انك تجعله بضلوعي ضلع ضلع ولا فيها يالله انك تخفف وتهون عليها المها
قرب وباس راس وعد بقوة وقال : مبروك م جاني منتس يالوعد والله يجعله من مواليد السعادة ومن الصالحين ويجعلنا خيير والدين له يارب ولا يفرق شملنا ووالله من كبر حظي يالوعد يوم يجيني بكر وولد منتس
وعد فتحت عيونها بتعب وقالت بصوت مبحوح : الله يبارك فيك يكاسري
كاسر فز وباس يدها وقال : يعسااني الكسر اللي م يجبر ان كسرتس يوعّودي
وعد ابتسمت وقالت : بسم الله علييك بعييد الشر
قاطع حديثهم صوت لين وهي تقول : اذا انتهت التهاني والتباريك والغزل امش نوديها المستشفى عشان خطر النزيف ومضاعفات الولادة ومنها نسجل اسم ولدك لأنه يعتبر مجهول حاليًا !
كاسر احتد صوته وهو يقول : يععقببون الرعد ماهو بمجهول
وعد ضحكت بألم وقالت : كاسر اذلف برا وسوو اللي لين تقوله
لين : حمدلله في احد صاحي منكم الله يعينه ذا الرعد ويجيره بمصيبته
كاسر فز ومسك فكها وسحبها له وقال بحدة وهو يهمس : ادعي الذيب يربيتس ولا وش ؟
لين بنفس الخبث : ناده وش بيسوي ؟
كاسر ضحك وقال : اجهزي وساعدي وعد واطلعي
لين ضربت مقفى كاسر وفز وقال : يحييوواانه !
لين وهي تضحك قالت : ابلع حتى مقفاك م سلم مني
كاسر طلع وهو يضحك وجهز الجمس وطرق ببوري السيارة وطلعت وعد وحنين ولين يساعدونها وركبوها وركبت لين وانطلق كاسر مع لين ووعّوده للمستشفى علطول ..
" عند العيال "
فارس صحى من النوم وقال : وين العيال ؟
مشى وحصلهم قاعدين ع الفرشة برا وقال بقرف : وجع م تحسوون بالحر !
رعد : والله بعد الفجعة اللي صارت معاد حسيت بشيء
طلع محمد من ورا فارس وهو يفرك عينه وقال : اي فجعة ؟
حمد : وعد جابت ولد
محمد وفارس صرخوا بصوت واحد وقالوا : مننججدكمم !!
رعد ابتسم وقال : والله العظيم
فارس جلس وقال : وين ومتى وكيف ؟
رعد قص عليهم اللي صار وقال فارس : يروحي ع لين الذيب ذي ثاني مره تولد وهي م وصلت ٢٥ !
رعد : حرام انها قوييية افديها اختي
ذيب ضرب رعد وقال : انا احس انك صاير تحتك واجد ؟!
انفجروا العيال يضحكون عليه وقال رعد وهو يناظره ومسكر عين وحدة اثر الشمس : وانا احس انك صاير تمون واااجد ويبي لك دق وجه !
ذيب فز وقال : اععقبب وانا ولد عبدالله
فزوا زايد وضاري وقالوا : ونععمم ، احتتزززمم
رعد : شكلكم تبون تعيدون تجربة الضرب اللي صار قبل سنة وشوي
محمد ابتسم وقال : واتعزوى بالهيام فيك
رعد بحدة وهو ينزل راسه بين ركبتيه : عشان اذبحك !
محمد ضحك وقال : ايييه اهجد يالرعد
فارس : ايه وش سمى كاسر ؟
محمد : ايه منجد وش ؟
رعد بحب ثّقل صوته وقال : سمى ع عضيده !!
فارس ابتسم وقال : عزز يالررعد اششهد بالله انك تستاهل السماوة والله لو اني جبت ولد غير ليما لأسمي عليك
رعد ابتسم وقال : لبى والله عييينك يالفارس م تقصر نفداك
زايد ابتسم وقال : تستاهل يالرعد كل خير
رعد : تستاهل الطييب يولد العمة
ذيب ضرب كتف زايد وقال : وانت وش عندك احس انك طاير فالسماء ؟
زايد ابتسم وقال : اووه لذي الدرجة واضح علي
ضاري : وزوود بعد
حمد ضحك وقال : شكله اخيرًا افصح عن حبه لجيهان
محمد : صدق والله للحين م جابت لك احد وم اظن انها حامل حتى
رعد بحدة : ورع انت وياه بس خلاص بينه وبينها !!
زايد مد يدينه يأشر لرعد وقال : وجاكم اللي بالخاطر نفداك يالرعد كأنك تففهمم
رعد ابتسم وقال : ابشر بي يزايد اضرب الارض ولاتسمي والله اني وراكم جميييع
الكل بصوت واحد : ووننعععممم
سامي طلع منفجع وقال : سلامات انت وياه !
العيال لفوا عليه يضحكون وقال : يالله انك تخلف علي
حمد : لذي الدرجة تبي تعرس ؟
سامي : ايه عشان افتك من وجهك اللي يطيح الحظ
حمد انفجر يضحك وقال : افااا يالعضييد
ذياب : معلييك منه معك اثنين ان طلح الاول يصلح الثاني
سامي رمى جزمته ع ذياب وقال : وانت تستغل الفرصة وتدور الزلة !
ذياب وحمد طاحوا يضحكون وقال سامي اول م جلس بينهم : ضاري زوجني بيان م تشوف كيف ذياب معوق !
ذياب فز وبطحه واعتلاه وهو يقول : تتعقببب تأخذذهااا
ضاري بجدية : وانت بعد لاترفع امالك
ذياب لف لضاري وقال بحدة : وش مقصدك يولد الخالة ؟
رعد عدل جلسته وقال : ضاري انططق !
ضاري : انا م زلت اشوف سامي احسن لبيان وم بينهم الا كم شهر يعني اذا كان العمر هو العائق
فارس بحدة : اتمنى انك تستهبل حنا كلنا مع سامي ونعرف انه رجال لكن م معه شيء يرفعه ويخليه جاهز يؤي اسره كاملة ولا م تتوقع ان بيان بتجيب منه احد !
رعد بجدية : والفارس صادق يعني من تتوقع بيصرف عليهم ؟ م معه حتى جامعة !
سامي : طيييب م قلت بأخذها الحيين بأسس نفسي وبعده بتقدم لها
ضاري : شفتوا ؟
رعد : ذياب اللي جاهز وقايم بنفسه وشايل عمره تسحب عليه وتنتظر سامي اللي مدري بينقبل ولا لا ؟؟
محمد بحدة : ابو قايد وعطى كلمته !
ضاري ابتسم وقال : تكفون انتوا تمشون ع قرار ابوي ؟ اقدر اغيره بلحظة
ذياب كانت عيونه شوي وتطلع من مكانها والصدمة اعتلت ملامحه وقال رعد بحدة : ضااااري !!!؟
ضاري ضحك وقال : معليش يعني ذياب م ندري من وينه طالع وخريج سجون ولا ناسين ؟
ذياب انكسر من كلمته وحس ان بيان طاااارت بعيييد من يده
رعد بجدية : احلف ؟ كاسر اخوي وهو اخوي خريج سجون وانمسك اسبوع ! وذياب انسجن اسبوعين وش فرق عنه وعن كاسر وشوف كاسر اليوم استبشر بولده واسس لنفسه حياة جديدة تحت مسمى اب !
ذياب ابتسم بحزن وقال : خلاص يالرعد لبى روحك معاد مع ضاري طب ولا طبيب مدري وش مسوي له انا عشان يحقد ويبعد اللي حبيتها من يديني وعيوني
سامي بسخرية : امداك تحبها يعني ؟ وانا وش تقول عني حب الطفولة من اول م عرفت بيان وانا احبها
محمد : خلاص يعيال الرأي رأي بيان وعمي عبدالله
ذيب مسح وجهه وشنبه وقال : والله اختي واعرف بمصلحتها واشوف ذياب اكثر من مناسب لها عشان كذا اقول سامي لا يرفع اماله عشان ضاري معه
زايد بحدة : والذيب صادق انا معه بكل شيء وبوقف ضد ضاري عند ابوي وبيان معنا وانا عارف انها تبي ذياب
ذياب لف لزايد وقال : تبيني ؟
زايد ضحك وقال : مدري عاد بس اتوقع
ضحكوا العيال كلهم ع رد زايد اللي استبق الاحداث علطول ..
" فالرياض فبيوت اهل قاضي تحديدًا الساعة ١١ الصباح "
ابو رعد بأستغراب : وين امي ؟
ابو هيام : والله مدري من اليوم م نزلت
ام فارس بصوت عالي : يعيااال عمتي مها تعبااانه !!
فزوا ابو رعد وابو هيام ركض واخذوها ونقلوها للمستشفى علطول ووصلوا ونقلوها للطوارئ
ابو رعد بخوف : دكتور وشفيها ؟
الدكتور : شخصت حالتها الصحية وم فيها شيء خطير ان شاءالله بس حرارة وحمى
" عند ابو هيام "
ابو هيام اول م وصله صوت رعد وهو يقول : ارحب يعمي
ابو هيام : الله يبقيك يولدي اسمع جدتك تعبانه حاولوا ترجعون اليوم
رعد فز علطول وقال : ايشش ؟؟ وشفييها !
ابو هيام : مدري نقلناها للمستشفى
رعد : ابشر يعمي
ابو هيام : يالله يولدي
سكر رعد ومشى ابو هيام لأخوه وقال : وشفيها امي ؟
ابو رعد ابتسم وقال : ولا شيء حمى وحرارة وعطوها علاج وهجدت حرارتها شوي
ابو هيام : زيين زين
جلسوا عند باب غرفة امهم وقال ابو رعد : وين غطست انت ؟
ابو هيام : دقيت ع الرعد
ابو رعد : ليه عسى م شر ؟
ابو هيام : لا ان شاءالله م فيه الا كل خير بس قلت لهم يرجعون اليوم
ابو رعد بحدة : وش قاعد تقول انتت !! ليييه ؟
ابو هيام : وش وش ؟
ابو رعد : لييه تستعجلهم يخوي
ابو هيام : يمكن اللي فيها عشانهم ماهم موجودين وامي تعرفها تحب حس صغارنا وعيالهم
ابو رعد : الله يستر بس
عم الصمت وكانوا ينتظرون الدكتور يسمح لهم يرجعون البيت..
" فالمستشفى فسعيدة الصوالحة "
وصلوا كاسر ولين ومعهم وعد ودخلوا واستقبلوا حالتهم ودخلوا وعد العمليات عشان تكمل لين عمليتها وتقطب جراحها بحكم ان لين معروفة فالمستشفيات من بطاقتها وانتهت من وعد ونقلوها للقسم ومن اللحظة ذي قررت لين تصير دكتورة نساء وولادة ابتسمت اول م ضافت هالأنجاز لملفها وطلعت تشيك ع كاسر
كاسر وقع وسجل ولده بأسمه وسووا تحليل وطلع ان الجنين ولد كاسر وولد وعد انتهى من كل البيانات وتسجيلها ولف اول م حس بيد ع كتفه وشاف لين بالبالطو الابيض ابتسمت وقالت : خلصت يعيوني ؟
كاسر ابتسم وقال : ابشرتس اسمعي وين وعد ؟
لين : نقلوها للقسم
كاسر : طييب اسمعي اتصل علي رعد قبل شوي ويقول بيمشون للرياض وبنلحقهم اول م يسمح لنا الدكتور
لين ضحكت وقالت : يعني اذا سمحت لك انا ؟
كاسر قطب وقال : هاه ؟
لين مسكت يدينه وقالت بفخر : انا دكتورة وعد وانا اللي ماسكة حالتها
كاسر توسعت عيونه وقال : اسألتس بالله !؟
لين ضربت اعلى صدرها بخفه وقالت : اييييه
كاسر باس راسها بقوة وقال : عزز عاااشت اختتي !
لين حاوطته من وراه وقالت : معلييك زوود يخوي وتاج راسي
مشوا متجهين لغرفة وعد بحكم انها كانت تعتبر بخير نوعًا ما بس كانت اسوء من حالة سلمى ..
" بغرفة سلمى "
منصور رد ع رعد وقال : ارحب يالشيخ
رعد ابتسم وقال : من يرحب يبقى اسمع منصور بنمشي الرياض
منصور وهو يعض شفايفه : عسى م شر ؟
رعد : ابشرك بالخير كاسر اخوي جاله ولد
منصور ضحك وقال : اسألك بالله !! ماشاءالله تبارك الله
رعد وهو يضحك قال : اي والله ماشاءالله مدري وش جاء بناتنا
منصور انفجر يضحك وقال : انشهد بالله مدري وش جاهم
رعد : وش سميتوا ولدكم ؟
منصور : بنقول بنفس الوقت طيب ؟
رعد ابتسم وقال : يالله
منصور ورعد عدّوا لثلاثة وقالوا بصوت واحد : ذيب ، رعد
ضحكوا اثنينهم وقال منصور : تستاهل السماوة يبو ايهم
رعد : ويتساهل السماوة ذيب اللين
منصور : طيب اسمع اتوقع بيكتبون خروج الليلة عشان كذا نمشي بكرا ؟
رعد : جدتي تعبانه
منصور برعب : بسم الله علييها وشفيها ؟
رعد : مدري ابوي يدق اكلمه واقولك
منصور : يالله يالله
سكر رعد ورد ع ابوه وقال : ارحب يتاج راسي
ابو رعد ابتسم وقال : الله يبقيك يولدي اسمع يالرعد لاتجون ولا تعجلون انفسكم امي بخير وم فيها الا العافية
رعد : الحمدلله ع السلامة يارب وابشر يبه ابشر
ابو رعد : يالله توصي شيء ؟
رعد : سلامتكم
ابو رعد : معسلامة
سكر ابو رعد ودق رعد ع منصور وعلمه ورجع وقال للعيال م يستعجلون وتفهموا وجلسوا ينتظرون وعد تطلع عشان يرجعون للرياض ..
" بعد يوم كامل بدون اي احداث مهمة "
فالمستشفى تقابلوا منصور وكاسر
منصور ابتسم وقال : هلا هلا يبو الرعد
كاسر ابتسم وقال : ارحب يبو الذيب
سلموا ع خشوم بعضهم " سلام الرجال " وسألوا عن احوال بعضهم ومشوا بوعد وسلمى اللي شايلين عيالهم ويضحكون
وعد بهمس : رحنا حوامل ورجعنا بعيالنا بس اكيد ولدي احلى
سلمى توسعت عيونها وقالت : خييير ان شاءالله ؟؟
وعد ضحكت بألم ومسكت بطنها ويدها الثانية ماسكة يد سلمى وقالت : امزح معتس وراتس كذا ؟
كاسر بحدة : شرايكم تمشون !؟
مشوا البنات واتجهوا للجموس وركبوا مع الفردين الجديدين ع العايلة واتجهوا كلهم للرياض ..
" فالليل بالرياض في بيوت اهل قاضي "
انوار البيوت كانت تزيين اسوارها ودليل تحضير عشاء كبير لسلمى ووعد اول م دق رعد وقال لأبوه كل شيء صار معهم وبارك لهم ونشر الخبر ع كل من له صلة او دم بقاضي ال *****
رعد نزل من الجمس اول م وقفه بالحوش وقال : عودًا حميدًا يعيال
فارس نزل وقال : يسلمك ويخليك يالرعد
محمد بحماس : يالله ابي اشوف ابوي وعمي والباقيين
مشوا العيال متجهين للمجالس اول م شافوا عمانهم وازواج عماتهم وخالاتهم والكل موجود بس استوقفتهم سيارة هادي واهله وسعود وطارق والباقيين
ابو رعد اعتلى صوته وهو يقول : اررحببوواا يرججااالل
ابو هادي نزل من السيارة وقال : الله يبقيييكم يعيال قااضي
رعد مسح وجهه وشنبه وقال بنفسه ( ماهو وقتتكم ! ) واعتلى صوت الرعد ورعّد في ارجاء البيوت الثلاث وهو يقول : ارحبوا اقلطوا اقلطوا يرجاال
الكل ردوا السلام ع الرعد والترحيب ومشوا وامتلت المجالس وكان الحضور اكبر من المعتاد واكبر من اللي كانوا يتوقعونه والدلال والبراريد كانت شيء طبيعي ومعتاد عن اهل قاضي والبخور والعود والعطورات والتراحيب والسوالف الزينة
ابو سعود : والله جينا يولدنا يحمد نطلب اختكم منكم
حمد عدل شماغه وقال : والله الساعة المباركة وابشروا باللي يطيب خاطركم بس ع مين ؟
سعود ابتسم وغمز لحمد وقال : انا
ابو سعود اشر ع سعود وقال : ولدنا سعود
ابو رعد : والله وابشروا لكن ماحن على عجلة نبي نسأل عن ولدكم وتسألون عن بنتنا وبعدها لنا كلام يبو سعود
ابو سعود تفهم وقال : ابشر والله باللي يطيب خاطرك يبو الرعد وم بتحصل الا الطيب والزيين
رعد ابتسم وقال بصوته الرخّيم : م يحتاج يبو سعود شهادتنا بسعود مجروحة
سعود ابتسم وقال : معليييك زوود يالرعد
ابو رعد ابتسم وقال : اجل دام الرعد يعرفه وحمد اكيد انه طيب راس ومعرب الجد والخال
ابو سعود بفخر ابتسم وقال : معليييكم زووود ياهل قاضي
حمد : ابد يعمي نتفق يوم ونشوف لكن اول رأي البنت
سعود : معليه معليه م يصير الا اللي يطيب خاطركم
طارق ابتسم وقال : سمعنا بمولودين لكم يعيال قاضي ؟
رعد بمزح : سعد من سحبك مع اذنك اعنبو غييرك كيف تسمع كل م قال شيء قال سمعنا وسمعنا
طاحوا العيال والشيبان يضحكون ع رعد وقال طارق وهو يرجف من الضحك : الله يقططعك يالرعد
كاسر وهو يضحك قام ومسك يد منصور وقومه معه وقال : اييه صادق ابشركم بحفيدين لأهل قاضي مني ومن الشيخ منصور
ابو منصور ابتسم وقال : والله من كبر حظنا يوم حفيدنا منكم
فزوا عيال واحفاد قاضي وقالوا بصوت واحد : احتتنززممم
طارق برعب من هيبتهم قال : ععزز الله يعرزكم ولا يعزز علييكم يأهل قاااضي اشههد بالله انكم رجااال ومحاازم
العيال علطول سحبوا اشمغتهم وطارت فالجو وهم يقولون : وهذا جااهنا عندكمم احتززمواا
فزوا عيال واحفاد صالح وشالوا الاشمغه وقالوا : وننعمممم
سعود ابتسم وقال وهو ماسك ذراع حمد : والله انكم رجال قسم بالله وابشروا بنا يعيال واحفاد صالح وم يصير الا اللي يطيب خطركم
ابتسم حمد وسلم عليه " سلام الرجال " وقال : م يحتاج صح ان طارق عطبها لكن معليه تصير
سعود ضحك وقال : ملعون ثوى طارق
طارق بحدة : سمعتك يالنيص " حيوان النيص 🤣"
طاحوا العيال يضحكون ع رد طارق وطلع حمد يكلم امه ويشوف رأي عهود بزواجها من سعود ...
:::::::::::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( ارحبوا يحباااااني شخبااااركم ؟ ، رجعنا ببارت جديد وحشتوني ووحشني تفاعلكم ابي اشوف رايكم ع كل شيء استمتعوا واشوفكم قريييب ع خيير💙💙 ! )