يهزمني الحُب وانا جاهل بدرب المُحبين

البارت السادس والستين

طاحوا العيال يضحكون ع رد طارق وطلع حمد يكلم امه ويشوف رأي عهود بزواجها من سعود ...
" عند الحريم "
دخلوا حفيدات مها وقاضي مع بعضهم وهم مستبشرين وجايبين لأهلهم ولدين وحفيدين
هيام بصوتها الانثوي الطاغي : سلاام عليييكم
الحريم مع اهلهم اللي بالمجلس قاموا كلهم ورحبوا بصوتها وقالت ام هيام بفرحة : اررححبيي يبنييتيي
هيام ابتسمت وتقدمت لجدتها وسلمت عليها وقالت بهمس : خطاتس الشر يعمود بيتنا
ام محمد ضحكت وضربتها بخفه وقالت : وش عموده جعلتس العافية
هيام ضحكت ورفعت ايهم لجدتها وقال بصوته الطفولي : دادده
ام محمد بفرحة : يالبييييه ي ايهمنا
ايهم حضن جدته وهيام تبتسم لهم واخذته منها عشان م يعورها
ام ضاري وام شوق وام رعد وام منصور قالوا بصوت واحد : ارحببواا يالذييب ويالرعد
سلمى كانت شايلة ولدها ذيب بين يدينها وضحكت وقالت : الله يبقيييكم
وعد ابتسمت وقالت : من يرحب يبقى يأهلي
سلموا عليهم السلام الواجد وانتهوا وجلسوا وكانوا البنات متجمعين ويسولفون
بشرى : عقبال عنودنا
العنود ابتسمت وقالت : اميين يعيوني
هيام بهدوء عشان م تحرج جيهان همست وقالت : جيهانو للحين م لمستس ؟
جيهان بصدمة : ميين !!؟
هيام مسكت يدها بقوة وقالت : اقصرري حستس !
جيهان همست وقالت : مين طيب ؟
هيام بسخرية : مين يعني زايد
جيهان : اف يهيام ودي اقولتس وش بيننا
هيام برعب : يمه وش !!
جيهان حكت لهيام اللي صاير بحكم انها اقرب وحدة لها وكانت الصدمة معتليه ملامح هيام وقالت اول م انتهت جيهان : سألتتس بالله !!
جيهان بحزن : وقسم بالله بس توو اعترفنا لبعضنا واحس تعلقت فييه احسه طفل يحتاج الحناان كله
هيام ابتسمت بحنية وقالت : يحلوتس والله الله يديمكم ويسخره لتس يقلبي
جيهان : اميين يارب
قاطع حديثهم صوت رعد اللي صدع بكل زاوية وهو يقول بصوته الرخّيم : يووولدد شوفووا لي طرريقق لأم محممد
ام محمد ابتسمت واخذت عصاها ووقفت وقالت بصوتها التعبان : هيام ببنتي اطلعي له وقولي بتروح دورة المياة وتجيك
هيام ضربت فخذها بخفه وقالت بنفسها ( اااه يجدة وش معنى انا ! ) قامت هيام بهدوء ومشت وطلعت له وكان معطيها ظهره وجالس يقلب بجواله
هيام : رعد جدتي تقول شوي وتجيك
رعد لف لها وقال : ارحبي يدهر قلبي ورجعانه
هيام ابتسمت وقالت : شدعوة حبيبي توو نزلنا من نفس السيارة
رعد فز وباس نحرها بقوة وقال : قولي البقى وانكتمي
هيام فزت منه وقالت : ررععد تككفى لااا
رعد همس حولها وقال : م طبعت لاتخافين يالخوافه !
هيام ضربت صدره بخفه وقالت : انقلع بدخل انا وانتظر جدتي
رعد بعناد : وعساس بخليتس تدخلين ؟
هيام : وش تقصد هاه ؟
رعد حاوط خصرها وشّدها عليه وقال بصوته الثقييل وهو يهمس : انتي عاارفه وش اقصد وكلام مين اللي يمشي
هيام تقدمت وحطت خشمها ع خشمه وقالت : احبك
رعد احتدت نظرته وقال : قوليها مره ثانية
هيام ابتسمت وقالت : اهييم بك
رعد بتخدر : مره ثانية
هيام فزت اول ضربت عصا جدتها بكتف الرعد وقالت بعصبية : ياللي م تستحوون ولا تنتخوون !!
رعد زفر بعصبية وقال عكس عصبيته : ارحبي يمهاوي
ام محمد ركدت وقالت : الله يبقيك يالرعد
رعد تقدم وسلم عليها وباس راسها وقال : خطاتس الشر
ام محمد بحب : خطااك اللاش يوليدي شحالك انت ؟
رعد اشر لهيام بعيونه اللي كانت تطلع شرار بمعنى " انثبري ولا تدخلين " وابتسمت هيام اول م قالت ام محمد : رح وناد لي العيال كلهم
رعد صد وهو يمسح شنبه وقال : ابشري
طلع رعد ودخلت هيام وهي تحمد ربها ان جدتها انقذتها من الرعد ...
" عند الرجال "
طلع رعد وقابل حمد قدامه وقال : حميد ترا جدتي بتسلم عليك
حمد ابتسم وقال : الله يحييها
مشوا اثنينهم متعاكسين الرعد اتجهة للمجلس وحمد مشى للمقلط
حمد : ارححبييي
ام محمد ابتسمت وقالت : هلا هلا الله يبقيك يولدي شحالك يحميد ؟
حمد وهو ماسك يدها بعد م باس راسها ويدها : والله ع م يسرتس يجدة
ام محمد : احسك مقصر مع غدي تكفى يولدي انتبه تفشلنا مع اهل صالح
حمد : لا لا معليتس بس عشاننا تونا عرسان حسيتي كذا لكن م به الا كل خييير
ام محمد : ان شاءالله
قاطع حديثهم صوت العيال وابرزهم صوت كاسر اللي دخلوا وهم يقولون : ياهل المحل ، سلاام علييكم
ام محمد ضحكت وقالت : يالبييييه يعييلي اشهد بالله ان شوفتكم ترد الروح
تقدموا كلهم لها وبدأ السلام والمواجر والسؤال عن حالها وتحمدوا ع سلامتهم ربهم
ام محمد مسكت يد منصور ويد كاسر وقالت بحب : الحمدلله ع م جاكم والله يرزقكم برهم يعيالي والحمدلله انهم عيال سند وذخر لنا بعدين وهذي معونة مني والله م ترفضوني اعتبروها مني ومن جدكم رحمة الله عليه
كاسر باس يدها وقال : لبى روحتس يجدة م تقصرين عسانا م ننحرم من حستس
منصور باس راسها وقال : م تقصرين يأم محمد
ام محمد شّدت ع يد منصور وقالت : قل جدة يولدي عادي قدك من عيالي اصلاً
منصور ابتسم وقال : ابشري يجدة
محمد بنظرة وبمزح قال : وشقصدتس يجدة يعني البنات م فيهم بركة !
فارس تكتف وقال : وحمود صادز !
ام محمد ناظرت فيهم بحدة وقالت : شكلك تبي تجرب الضربة اللي طاحت ع الرعد انت وياه !
محمد تقدم وهو يضحك وباس راسها وقال : ممزح والله
ام محمد ابتسمت وقالت : الا وين الرعد ؟
كاسر : عند الرجال مع ذياب وسامي وضاري
ذيب : وشتبين به يجدة مغثنا قسم بالله
كاسر بحدة : تراني باقي اخوه !
ام محمد : اعقب يالذيب !
ذيب ضحك وقال : مشينا يالله لانطول ع الرجال
حمد : ايه بالله امشوا وانا بكلم امي واجيكم
" عند الحريم "
وصل اتصال حمد ع جوال امه وردت وقالها كل شيء وقالت بهدوء : يولدي انا مالي سلطة ع عهود ماهي مني واخاف تضطر ترجع لأمها
" كانت عهود اخت حمد من اب وكانت برضو اخت ذياب من اب بحكم ان ابو شوق تزوج ٣ حريم وجابوا له عهود ووعد وشوق وذياب وسامي وحمد ، وعهود تعتبر وحيدة امها وابوها بس بسبب سوء تعامل امها وابوها اول م انفصلوا احتضنتها ام شوق من وهي صغيرة "
حمد تجمدت ملامح وجهه وقال : يمه شدعوة م ظنتي تجي من عهود كلميها ولا طلعيها لي اكلمها
ام شوق : يالله بكلمها ونجيك بس ناد سامي وذياب تأثيركم الثلاث بيكون قوي عليها وبتقتنع
حمد : ابشري يصير خير
سكر حمد وطلع للمجلس وناداهم ومشوا معه للمقلط
ذياب قطب وقال : حميد وش العلم ؟
سامي : صدق وش السالفة ؟
حمد قالهم الحوار اللي دار بينه وبين امه وقال ذياب : لا مستحيل عهود تفكر كذا ابدًا
حمد : ندعي الله بس
سامي : ايه ايه مستحيل صادق ذياب
حمد بمزح : ماشاءالله اخيرًا اتفقتوا بنقطة !
ذياب ضرب راس سامي بخفه وحضنه له وقال : عضيدي اكيد بنتفق !
حمد رفع يدينه للسماء وقال : يارب تديمها كذا
دخلت ام شوق وقاطعت حديثهم هي وعهود اللي كانت منزله راسها خجل وقالت : حمد صدق فيه احد خطبني ؟
حمد تقدم ورفع راسها وقال : راستس يبقى مرفوع سامعة ؟
عهود ضحكت وقالت : امزح معكم يالسبايك ولا انا استحي ؟
طاحوا العيال يضحكون عليها وقالت ام شوق بهدوء : عهود يبنتي م بترجعين لقرار والدتس صح ؟
عهود رفعت حاجبها وقالت : انتي ؟ الا اكيد برجع لقرارتس !
ام شوق ابتسمت وقالت : لبى عيونتس يبنيتي
عهود حضنت امها وقالت : يحبيبتي يمه لعاد تجيبين سيرة ناس نسوني واستغلوني انتي امي وابوي بالوقت نفسه
ام شوق حاوطت عهود وقالت : ابشري والله باللي يطيب خاطرتس
عهود : م تقصرين المهم يعيال وشو ومنهو منه ؟
حمد قطب وقال : يعني يقالتس بتعرفينه الحين ؟
عهود حكت راسها وقالت : اوه صح
ذياب تقدم وكان اقرب اخوانها لها بحكم انهم عاشوا وهم صغار مع بعض وحاوطها وقال : هاه بتعرسين يالوسخة ؟
عهود بصدمة : حه باقي م قلنا بسم الله !!
سامي انفجر يضحك وقال : ويمين بالله انها مريضة
*تعريف بسيط*
ابو شوق وام شوق وعيالهم تم التعريف عنهم ..
ام ذياب ( الزوجة الثانية )
مريضة سرطان وفالمستشفى تتعالج بعد م كرهت ذياب بحياته وكانت تتهمه بسبب مرضها وتقول انك سبب علتي
ام عهود ( الزوجة الثالثة
انسانه انانية وم تحب الا نفسها وتزوجت قسرًا من ابو شوق وجابت عهود منه وحطت عهود عذر عشان تتطلق منه تحت مسمى " نفسية الولادة " وقفت تشوف بنتها من سن ٨ سنين
ذياب
ثاني ابن بالترتيب لأبو شوق من زوجته الثانية ذياب انسان عاش في مجتمع سيء جدًا وكانت امه تدخن وهذا سبب مرضها وكانت تعذب ذياب بحياته سواء ضرب او كلام او حتى حرمان اكل وشرب لكن كان يتامل بحياة احسن وكمل وساعد نفسه بنفسه ودخل كلية الضباط بتوفيق من الله عمره " ٢٤ "
عهود
ثالث بنت لأبو شوق من زوجته الثالثة عهود اطيب قلب فالبنات كلهم وكانت تحب واذا حبت عطت م وراها ودونها انسانه عسسل بمعنى الكلمة لكن واجهت صعوبات كبيرة وكثيرة خلتها تخفي شخصيتها للسن هذا عمرها " ٢٣ "
.................
عهود ضحكت وقالت : انت المريض !
ذياب : والله م حنيت الا امي كلنا تجمعنا عليها
ام شوق ابتسمت وقالت : والله انه ع قلبي مثل العسل
ذياب ابتسم وباس راسها وقال : عهود اخلصي بتوافقين ؟
عهود بجدية وهي م كانت تدري ان سعود هو نفسه اللي مسكها بحكم انها تعرف شكله وم تعرف اسمه قالت : يارب انك تستهبل شلون اوافق وانا م اعرفه !
حمد عض شفته السفلية وقال : وهي صادقة خلاص نسأل عنه هو رجال والله ومن ظهر رجال لكن الحذر واجب
سامي : يالله اجل مشينا
طلعوا العيال ودخلت ام شوق وعهود وقفت فالمقلط ومشت وهي تبي تشوف من هو سعود ذا وطلعت راسها وكان احد ابواب المجلس مسكر بحكم انها بابين كبييرة وتسكيرته عطت عهود مساحة تقدر تمشي وتشوف وطلعت وهي م توقعت تصادف سعود ابدًا لفت برعب اول م شافت ظل طويل وراها وقالت برعب : ااننتت !!
سعود قطب وبنفس اللحظة ابتسم اول م سمع صوتها وعرف انها عهود وقال : انا ؟
رجعت عهود ورا وتعثرت ومسكها سعود وضحك وقال : يعني م تتوبين ؟
عهود بصدمة قررت تسأل وتقتل فضولها وقالت : انت سعود !
سعود ابتسم وقال : بشحمه ولحمه
عهود شهقت وتركت يدينه بقوة ودخلت للمقلط وسكرت الباب وراها وقالت بهمس : مستححييلل شلوون جاء وخطبني شللوون مستحيييله يااارب !!!
دخلت عند الحريم والرجفة ماسكتها مسك
" عند سعود "
ضحك وقال بنفسه ( يويل قلبي ذي عهود ! بسم الله علييها الرحمن الرحيم والله اني طحت لها ولا سميت ! )
مشى للمجلس وقابل ابوه وقال بهمس : يبه وش قالوا لك ؟
ابو سعود : م قالوا شيء ولا عطونا اجابة بس يقولون بنرد لكم خبر
سعود رفع يدينه للسماء وقال : يااارب اجعلها من نصيبي
ابو سعود ابتسم وقال : امش امش سرينا
طلعوا الرجال وخذوا حريمهم من ابو سعود واهل صالح كلهم لأبو منصور واهله كلهم
" عند سيارة ابو منصور "
منصور وصل اهله وقال : ليلو انتبهي لنفستس ولثابت
ليلى ابتسمت وقالت : ابشر معليك
مشى منصور بيروح لسلمى اللي ركبت مع ولده في سيارتهم بس استوقفه صوت امه وهي تقول : منصور !
منصور لف لها وقال : لبيه ؟
ام منصور بحدة : وعساك ان شاءالله ناوي تسمي ولدك بأسم اخوها !!
منصور زفر بملل من نفس الموال وقال بنفسه ( وانا احسب امي تعدلت لكن ابو طبيع م يجوز عن طبعه ! ) ورجع يتكلم وقال : وش تبيني اسميه هي اللي تعبت فيه وهي اللي لها الحق والذيب يستاهل !
ام منصور بعصبية : هذااا اول طفل لك والبكر وولد بعد يعني لاززم تفرضض سيطرتك من البداية وخيير يطير تعبت ومدري وش هذي انا تعبت ولا سميتك ابوك اللي سماك !!
منصور مسح شنبه وقال : يصير خير
ام منصور : يويلك تسمع كلامها ! ويين رجولتك
منصور كان يضرب الارض برجوله وشوي وينفجر عصبية واخذ نفس عميييق قبل يركب مع سلمى وركب ومشى بهدوء لبيتهم ...
" عند العيال "
محمد وهو يطفي نور المجالس قال : يالبييييه يالبيييت صدق راحة لعاد نسافر تكفون
رعد كان بيشغل سيجارته بس قال : صادق والله
حمد دخل وقال بصوت عالي : يالله يغدي
لف لرعد وقال : ماشاءالله وانت تدخن قدامنا ؟
رعد ابتسم وقال : م شغلتها طيب !
حمد ضحك وقال : وشعليك مني امزح معك شغلها
رعد شغلها واستنشقه وزفر براحة وقال : محمد تبي ؟
محمد : م نقول لا
عطى محمد وشغلها وصاروا يسولفون وطلعت غدي بهدوء وم شافت حمد وقالت بصوتها الخجول : عيال وين حمد ؟
رعد كان يثقل صوته اذا دخن وتكلم وهو يقول : برا اكيد
غدي فزت من صوته المرعب وقالت بنفسها ( يويلييي كييف ذا زوج هياام النونو ذييك !! ) كانت غدي مصدومة وبقوة وهي اول مره تشوف رعد قريب كذا ضحكت وكملت وهي تقول ( بس لايقييين مرره وبنفس الوقت مررعب الحجم والفرق بينهم اجل ذا هو رعد الهيام ) مشت وركبت مع حمد وقالت بهدوء : حمييد
حمد ابتسم وقال : ييررووحه
غدي مسكت يده وقالت : وين بنروح ؟
حمد : بيتنا يعني وين ؟
غدي : امداك تشتري لنا بيت ؟
حمد ابتسم وقال : حبيبتي من قبل لا اخطبتس وانا عندي بيت بس خلصته اول م قررت اني باخذتس وخلاص
غدي بحماس : انت اللي اخترت الاثاث ؟
حمد : ايه
غدي : الله بشوف ذووقك
حمد : بيعجبتس صدقيني
غدي بمزح : يشيين الثقة
حمد توسعت عيونه وقال بصوته الثقييل : ااعقبب !
غدي ضحكت وشّد حمد ع يدها ومشوا لبيتهم
" عند حنين الفارس "
فارس : وين ليمو ؟
حنين بهدوء : داخل
فارس : فيتس شيء ؟
حنين صدت وقالت : لا ليه ؟
فارس تقدم ومسك وجه حنين وكانت الحرارة ماسكتها مسك توسعت عيونه وقال : افا عليتس يحنيني وتنكرين ورجلتس دكتور
حنين ابتسمت وقالت : م فيني شيء معليك
فارس باس خدها قريب من مبسمها وقال : عساني اخذ وجعتس وعساه بضلوعي عنتس
حنين حضنته وقالت : بسم الله عليك !
فارس : يالله نمشي ؟
حنين : تدخل تجيب ليما م فيني لها والله
فارس ابتسم وقال : معليه ادخلي وخلي امي تجيبها وانت البسي وتعالي
حنين فهمت ومشت ولحقها فارس وشوي وجاته امه وسلم عليها ومن السوالف اللي جات ضاع الوقت وجات حنين وسلمت ع عمتها وطلعت وقال فارس : يالله يأم الفارس انتبهي لنفستس
ام فارس ابتسمت وقالت : وانتوا بعد ينظر عين امك
طلع فارس وهو ماسك حنين بيد وليما حاضنها له بيده الثانية ومشوا لبيتهم ..
" عند لين الذيب "
ذيب بمزح : يع يمقرفين تدخنون !
كاسر اول م شغل سيجارته تقدم يركض وزفر الدخان بوجهه وقال : احسسن عرفت القرف الحين
رعد بحدة : بس انت وياه !
ذيب وهو يكح : يملعععوون !!
محمد : استغفر ررببك !
ذيب بهمس : استغفر الله حسيبك ربي يالكاسر
كاسر وهو يضحك قال : اببللع
دخل ذيب وقال بصوته الرخّيم : يلليينيي
لين فزت وقالت : لاا يارب م يبي يوديني لبيتكم
بشرى صغرت عيونها وقالت : وشقصدتس ؟
لين ضحكت بفشلة وهي نست انها اخت ذيب : لا شدعوة ! م اقصد شيء
بيان : اوريتس ارجعي وتشوفين
لين ضحكت وطلعت لذيب وقالت : تكفى لا نسري
ذيب ابتسم وقال : ولييه ان شاءالله ؟
لين : تعرف يعني بدت السمرة وكذا
ذيب : تم والله بس اول م تخلصون اطلعي
لين بفرحة فزت وحضنت ذيبها وقالت : ذييببيي عششققيي والله
ذيب ابتسم وحاوط خصرها وشّدها عليه وقال بصوته الرجولي وهو يهمس عند اذنها : يروح وعيون ودنيته ذيبتس ذا
لين بعدت وباست خده بكل قوتها وقالت : ابووسهم عيوونك
ذيب : احس بديت اغير رأيي تحسين مثلي ولا كيف ؟
لين شهقت وبعدت منه وقالت : لا اسمع اسفه بهرب خلاص
ذيب ضحك ودخلت لين وطلع وقال : شكلي بصير مقرف معكم
غص رعد بالدخان وصار يكح ويضحك وكاسر ومحمد ماهم اقل منه
تقدم ذيب وقال : صحة صحة يبو ايهم
رعد انبح صوته وبقوة وقال : ع قلبك يالذيب
كاسر بصدمة : يهووووه وشذا الصوووتت !!
محمد برعب : بسم الله ع قلييب اخيتي منك بتجلطها
رعد ابتسم وقال : عشاني منزمان م دخنت خلاص سكروا الموضوع
محمد طفى سيجارته وقال : انا بسري والله ودعناكم الله
دخل ونادا بشرى اللي طلعت وهي بعبايتها ولميس معها ونزلتها وركضت لميس لأبوها وهي تقول : باااباا حبيببيي
محمد ابتسم وشالها وقال : يعييون ابوتس انتي
بشزى قربت تبي تلبس لميس جزماتها وقالت : كنت تدخن ؟
محمد غمز لها بمعنى " صدتيني " وكملت بشرى وهي تقول : الله يهديك يحمود !
محمد : امشي بس
بشرى ضربت كتفه بخفه وقالت : وسخ !
لميس قلدت امها وقالت : ووثثخخ !
محمد ابتسم وقال بحدة : ااععقبببيي !
لميس احتدت نظرتها وقالت بحدة : عييييب
اما بالنسبة لبشرى فكانت منهارة تضحك عليهم وقالت بخفه وهمس لمحمد : تستاهل يحمودي
محمد : انتي الحين قولي تستاهل ومدري وشو وانا الحل عندي لا انفردت فيتس بعد شوي
بشرى توسعت عيونها ومشت وراه بصدمة وهو شايل لميس
محمد للعيال : يالله تمسوا ع خير
رعد : مسرى الخيير
طلع محمد وبشرى معه وقال كاسر : بسم الله على لميسو تهبلل يعيااال
ذيب بحب : مررره تحس تبي تعضضها
رعد طفى سيجارته وقام وقال : كاسر بنام عند اهلي الليلة تجي ؟
كاسر وهو يزفر الدخان : اخاف رعد يزعج امي وابوي
رعد ابتسم وقال : لا معلييك رجاااال السمّي طالعن ع عمه
كاسر ابتسم وقال : يالله اجل شورك وهداية الله بجلس مع ذيب لين يسري
رعد بدون م يلتفت وهو مقفي عنهم هز راسه بمعنى " فهمت " ومشى لبيت اهله وكانوا بيان وشوق وعهود ووعد ولين وهيام هناك
دخل رعد بيت ابوه وقال اول م سمع اصواتهم : يوولدد طرييق
البنات فزوا كلهم من حدة وثقل صوت رعد وكان عكس صوته الطبيعي تمامًا
لين ضربت راسها بخفه وقالت : ابلش لحقنا !
هيام برعب : لييه صوته كذا ؟؟
وعد : بسم الله صددقق
لين ابتسمت وقالت : اييه اكيد كان يدخن
ضحكت هيام برعب وقامت له وكانت لابسة قميص حرير ابيض ماسك ع جسمها ويوصل لركبها وشعرها الاسود الحريري منسدل ع ظهرها وم نست عطرها اللي يجذب وطلت براسها وقالت بخوف : هلا رعد ؟
رعد وهو يفرك عينه قال : ابي انام
هيام رجعت راسها وصارت تنط بفرحة انهم م بيروحون بيتهم ورجعت تناظر بشكل هادىء عكس اللي صار وقالت : تمام شوي واجيك كاسر بينام هنا ؟
رعد تكى ع الجدار وقال بحدة : ايه واخلصي علي
هيام ارتعش جسمها وقالت بنفسها ( يمهه شفييه صوته قلب كذا !! )
دخلت وقالت : وعد بننام هنا تخيلي
وعد ابتسمت وقالت : اماااانه ؟ يوونسس
عهود : اف يحظكم
بيان : اص تكفين يعهود لا اطعنتس انا اللي باكل تبن لحالي بالبيت !
عهود : يالله اجل امشي بجي معتس انتي وسامي
بيان ضحكت بسخرية وقالت : تضحكين م فيه احد الا ذيب اخوي والوضع الحين تحت سيطرة لين
لين ابتسمت بكلافة وقالت : وشدخلني ؟
بيان : عشان نسري ولا لا
لين : اييه لا لا بنسري امشوا يالله
طلعوا البنات وبقت لين تنتظر رعد يدخل وكانت هيام عند باب غرفته شغلت تكيفها وفرشت مفرش جديد وخلصت ووقفت عند الباب وقالت : رععد يالله ادخل
رعد دخل ومشى وهو متكسر وقال وهو يطلع الدرج : وين ايهم ؟
هيام : عند امي
رعد ابتسم بخبث وتقدم وشالها بين يدينه وباسها بقوة ومشى فيها داخل غرفته وسكر الباب وراه
اما عند لين ابتسمت بفرحة بعد م صورتهم كم صورة وطلعت لذيب بعبايتها وركبت معه
ذيب بصدمة : تكفون المفروض ليني بس وش امة محمد ذي !
بيان ضربت راسه وقالت : سد حلقك وامش لبيت خالتي عبير
ذيب : سم
مشى لبيت ام شوق ووصلوا بعد مدة ونزلت عهود ومشى ذيب لبيت اهله ووصلوا ونزل بيان وقال بمزح : يبه امسك بنتك الصايعة !
ابو ضاري رمى عقاله ع ذيب وقال : اععقببب !!!
ذيب ضحك ونزل يعطي ابوه العقال وقال قبل يمده : شوف بعطيك بس لا تضربني وبعدين م تحس انه عيب في حق ليني
ابو ضاري سحب العقال وضرب ذيب كم ضربة وقال : اذلللف
ذيب وهو يحك ظهره من الالم قال : سم طال عمرك
ركب سيارته وانفجرت لين تضحك عليه وقالت : يعمررري الله يكتب اجره عمي طلع حرتي فيك
ذيب ابتسم بخبث وقال : هاهاهيي حبيبي اصبري شوي شوي بسس
لين بلعت ريقها وقالت : وش بتسوي ؟؟
مشى ذيب لبيته الجديد واللي كان شبه قريب من بيوت اهل قاضي ...
" عند غدي الحمد "
دخلوا البيت وانصدمت غدي من جماله كان صغير ويكفيهم لكن كان افخم من كل القصور اللي شافتها غدي كان يجنن وله اشياء كثيير تشّد الواحد ابتسمت وقالت : تسسسلم يديينك يحمييد
حمد تقدم وحاوط خصرها من وراها وقال : غدو منجد كيف ؟
غدي حطت يدينها ع يدينه وقالت : يجنن !! وربي مقدر يييجننن
حمد باس نحرها وقال : وحرام بالله ماهو مثل زينتس
غدي ابتسمت وقالت : عيييون غدي انت اسمع ورني كل زاوية فيه
حمد مشى وقال : ابشري
مشت غدي وراه وصار يوريها كل زاوية ووصلوا لمكتب قضايا المحامي حمد بن هادي ال***
غدي بصدمة : حمد انت محامي !؟
حمد ضحك وقال : صباااح الخييير م قالوا لتس ؟
غدي حضنته وقالت : وظظييفة احلااااامي
حمد ابتسم وقال : وش تخصصتي ؟
غدي : للحين ادرس والله قانون
حمد : ابد يالغدي وظيفتتس علي
غدي صارت تنظ قدامه بفرحة وحاوطها حمد وشّدها عليه وقال : بس اول ابي شيء منتس
غدي انفجعت من قرب حمد بس قالت : وش ؟
حمد همس لها وقال : كبرت وابي اشوف عيالي بأسرع وقت
غدي توسعت عيونها وقالت : شلون يعني علطول احمل ؟
حمد : ايه
غدي م تناقشت ابدًا وقالت : ابد بخاطرك ؟ سهالات ان شاءالله ومن كبر حظي يوم يصير رجال مثلك ابو لعيالي
حمد ابتسم برضى ومن هنا تأكد ان غدي المرأة اللي كانت ناقصة بحياته تقدم وباس راسها بحب وقال : يعساني م اخلى منتس
مشى معها لغرفتهم وشوي وانهارت غدي من جمال الغرفة وقالت : تهبببلللل !!!
حمد ضحك وتقدم وباس خدها وابتعد ومسك فكها ولف وجهها وو🌚..
" عند رعد الهيام "
رعد ابتسم اول م وصلوا للسرير وقال : اوهو مفرش ابيض بغرفتي ؟
هيام : اف لاتصير درامي مفرش غرفتنا ببيتنا ابيض
رعد مسك خشمها وقال : ركزي عيوني قلت غرفتي !
هيام بألم بعدت يده وقالت : اسمع صوتك وشفيه ؟
رعد مسح وجهه وشنبه وقال : م فيه شيء
مشى رعد للحمام ودخلت هيام علطول تحت المفرش وغطت نفسها وهي تدعي تنام قبل يجي رعد
وماهي الا دقايق وطلع رعد من الحمام بشورت ودخل معها وسحبها له وحضنها بدون م ينطق بكلمة وحدة ونام وهيام تحس بأنفاسه ع نحرها ونامت بعد مدة طويلة من التفكير ...
" عند سلمى المنصور "
دخلوا بيتهم ومنصور شايل ذيب بيدينه وواضح الضيق ع ملامحه طلع الدرج ومشى لغرفته ونزله ع سريره وشوي ودخلت سلمى وفكت شعرها وصارت تمشطه ورفعته وراحت تلبس بجامتها وانسدح منصور ينتظرها تجي وشوي وجات سلمى وقالت بأهتمام : عيون سلمى ضايق ؟
منصور ابتسم بهدوء وقال : انا ؟
سلمى قربت وانسدحت ع صدره وهي تناظر فيه
وقالت : وفيه غيرك عيوني ؟
منصور باس جبهتها وقال : ابد سلامتتس ماني ضايق ولا شيء
سلمى : منصورري انططق !
منصور : انتي بتزعلين اذا م سميت ولدنا ذيب
سلمى تلقائيًا رفعت راسها وعدلت جلستها وقالت بجدية : وليه م عجبك اسم الذيب ؟
منصور عدل جلسته وقال : ماهو عن بس اسأل لأن ببالي اسم
سلمى : علمتك ثلاث اسماء اختار منها ذيب وقاضي وقايد
منصور : قايد حلو شرايتس فيه ؟
سلمى : انا عاجبني بس علمنا ذيب وكذا
منصور ابتسم وقال : معليتس انا بفهمه وذيب رجال خط الشنب وجهه تتوقعين يزعل عشان امر تافه زي ذا ؟
سلمى : بكيفك ولدك وانت تصرف
منصور حاوط خدينها بيدينه وقال : ولدنا يسلومتي ولدنا
سلمى بتعب وهي عارفه ان امه ورا ذا الموضوع قالت : خلاص تمام ننام ؟
منصور : ليه لا
انسدحت سلمى وعطت منصور ظهرها ونامت وشوي ولحقها منصور ...
" فاليوم الثاني تحديدًا بيت لين الذيب "
لين صحت بأنزعاج من صوت جوالها وردت بدون م تشوف المتصل وفزت ع صوت رعد المعصب وهو يقول : ووجعع ان شاءالله م تسمعييين !
لين برعب : بسسم الله الناس تسللم !!
رعد : اخلصيي اليوم موعدننا تكفييين لاتتأخريين علي زياددة
لين ضربت راسها بقوة وقالت : اااااه كيييف نسيييت
رعد بحدة : عجليي طييب وعلمي ذيب
قامت لين ركض للحمام وتوضت وصلت وخلصت ولبست وتكشخت ودقت ع هيام
هيام بصوتها الناعس تكلمت وقالت : هلا لين
لين : توتس تصحيين ؟ يالله رعد عازمنا ع غداء قوممي تجهزيي تراه وقع وبيجيتس
هيام فزت برعب وقالت : اححللفييي !!!
لين ضحكت وقالت : والله شوفي بعد
فتحت الكام وشافت هيام كشخة لين وقالت : يووه يجمالتس
لين بحب : حيااااتي اعرف لي وحدة شوي وتغطي علي
هيام ابتسمت وارسلت بوسة للين وسكرت ومشت وتجهزت وخلصت وتعطرت وكانت لابسة فستان اسود برز ملامح جسمها وحطت مكياج برز ملامح هيام الهادية وصارت ملامحها حااادة وم زاد النار حطب الا روجها الاحمر القرمزي طلعت تنتظر رعد وشوي ودخل وسلم ع امه وابوه ونزلت هيام وسلمت عليهم وقالت : رعد وين ايهم ؟
رعد : مع ذيب ولين امشي
رعد م شاف كشخة هيام عشان كذا م طول السالفة ومشى لسيارته واتجهة لمكان هيام تجهله وزادت اسألتها وهي تقول : ويين بنرروح
لكن من جهة رعد م كان فيه اي استجابة وفضل الصمت حتى وصلوا لمكان قديم بس يشّد الواحد له نزلوا وقال : انتبهي وامسكي ذراعي
تقدمت هيام ومسكت ذراع رعد ووصلها لباب وفتحت لين وقالت : وصلتووا
هيام ابتسمت ودخلت وسكرت لين الباب وراها وقالت هيام : يمه وش المكان ذا !!
لين ضحكت وقالت : بتعرفين بتعرفيين
هيام بشّدة : المكان يخص الرعد صح ؟
لين : كيف خمنتي ؟
هيام : نفس اسلوب غرفته
لين : يب اول شيء هاتي عبايتتس وبننزل نتقهوى
هيام نزلت عبايتها وصارت تضبط شعرها وفستانها وصارت تضبط روجها بأحد اصابعها وتدمجه بشفايفها وهي تطبطبها ع بعض وهالحركة سمحت لغمازاتها بالظهور وشامتها وكل شيء كان في هيام يفتن وم انفتن الا اللي يصورها كان رعد داخل من الباب الخلفي للاستديو حقه بحكم ان رعد مصور ومحد يعرف الا لين لأنها تحب تصور مثله ابتسم وهو يحس بنيران داخله من جمال هيامه وكان يلقط كل لحظة وخطوة تسويها هيامه
لين : انتبهي ترا الدرج يحوس
هيام مسكت المسند وصارت تمشي بهدوء حتى وصلت للنهاية ودق ذيب الباب وفتحت لين وهي مغطية هيام وراها وصرخ ايهم وهو يقول : نييين
لين ابتسمت اول م عرف ايهم عمته ونزلت وباست راسه ولف وشاف امه وضحك وقال : مماااامميي
هيام ابتسمت ونزلت بشكل جريء قدام الرعد اللي كان يصور انحناءات هيام لولدهم وحضنته وانصدمت اول م قال ايهم : بااابتيي
لفت هيام بأيهم وكان رعد واقف وراها بثوبه الكحلي والكاميرا خاصته ملتفه حول رقبته ابتسم وقال : يروح بابتك انت
هيام تركت ايهم يركض لأبوه بتركيز وهو توو عرف يمشي وشاله رعد بين يدينه وكان يناظر بصدر هيام اللي برز من الفستان وقامت بهدوء وقالت : هذا المكان لك ؟
رعد ابتسم ع جنب وقال : ايه لي يالدنيا
تقدمت رعد ومشت لين واخذت ايهم وطلعت مع ذيب وكان المكان كبييير وقدر رعد ينفرد بهيامه اللي حطت يدينها ع صدره وقالت : وش عبارة عنه ؟
رعد حاوط يده ورا خصرها وشّدها عليه وقال : استديو التصوير حقي انا ولين خلص قبل اسبوعين وتوو افضى اوريتس
هيام ابتسمت وقالت : م علي بس توو ادري انك مصور
رعد ابتسم وقال : المخرج عايز كده
هيام قربت وقالت : احبك طيب
رعد بحب : قوليها مرارًا وتكرارًا لعاد تسكتين يالهيام كله !
هيام حاوطت رقبته وقالت : اححببك
رعد ابتسم وباس خدها بقوة وقال : اهيمتس يروح رعّودتس
بعدت هيام وقالت : عطني نظرة للمكان
رعد مسك يدها ومشوا مع بعضهم تحت تصوير لين لهم وبكل لحظة صارت ابتسمت وتركت ايهم وركض لهم وضحك رعد وشاله وشال هيام وقال : خفاااايف اهلي م احس فيهم
هيام شهقت برعب وهي تضحك وقالت : انتبببه تكففى
ايهم بهدوء قدر يقول : بابا كبير بمعنى " ابوي قوي " ضحكوا هيام الرعد عليه وقالت هيام : قوووي مررره
رعد نزلها بهدوء ومسكوا ايهم بينهم وصاروا يمشون فيه ولين تصورهم وضحكت ودخلت للمكتب وشبكت الكاميرا حقتها ع الاجهزة ونقلت الصور لها وصارت تعدل عليها وخلصت علطول وحطتها بملف وامنته بكلمة مرور وسكرت باب المكتب وحست بهيئة وراها لفت وانصدمت بمبسم ذيب اللي انحط ع مبسمها دفته برعب وقالت : ذيييب مو هنااا !
ذيب ابتسم بهدوء وقال : حبيبي اهدا شوي بوسة ترا ؟
لين : اللي هو امش بتتقهوى انت ورعد فالسطح
ذيب قرب منها وقال : وشفيتس ؟
لين بخجل : ولا شيء بس خفت يشوفون
ذيب ضحك وقال : رعد اكثر واحد م يهتم اذا هو يفجرها ويورينا تتوقعين بنقد عليتس ؟
لين : لا بس يعني انا ماني مثل اخوي
ذيب : طيب طيب اصلاً سمحت لتس امس تنامين لكن الليلة ويييين النوم وانتي وييين
لين ضحكت وقالت : اشوا عاد الساعة ٢ الظهر
ذيب ضحك وقال بتحدي : بيمشي الوقت وبيروح لكن من اللي بيفكتس مني ؟
لين باست خشمه وقالت : يحلوه اللي يتحدى
مشت وطلعت لغرفة مقابلة السطح وقالت : رعد غط هيام عشان يطلع ذيب وتلحقه
رعد غطاها ودخل ذيب علطول ومشى لباب السطح الزجاجي وفتحه وطلع وجلس ع الكرسي وشوي وطلع رعد وراه وايهم معهم ودخلت لين وقالت : يحلووهم صدق ويحلووتس
هيام ابتسمت وقالت : تكفييين يليين الذيب وشذا المكان يجنن ماشاءالله !!
لين بحماس عدلت جلستها وقالت وهي تترشف قهوتها : اووه يهيام الرعد تصدقين لنا ٣ سنوات انا ورعد ندور مكان حلو وحصلنا ذا قبل سنة واشتغلنا علييه بتعبنا وحطيت كل الاثاث ع عاتق رعد وحمدلله النتيجة كانت اكثر من مرضية !
هيام وهي تشرب قهوة قالت : ماشاءالله ع الرعد اخ حبيبي هو
لين وهي تقلدها : اوووه حبيببيي هو
ضحكت هيام وقالت : م يشوفونا صح ؟
لين : ايه زجاج نشوفهم وم يشوفوننا
" عند الرعد والذيب "
رعد رفع جواله وقال : ارحبي يمهاوي
ام محمد : رعد اليوم فيه عشاء بالحديقة ** لا تنسى !
رعد : ابشري نساتس موتتس م نسيت
ام محمد ابتسمت وسكرت وقال رعد : ذيب يالله ؟
ذيب : بدري ؟
رعد : عشان يمدينا نجهز العزبة والاغراض مع اهلنا
ذيب : يالله اجل توكلنا ع الله
مشوا ودخلوا البنات ودخلوا رعد وذيب وايهم ولبسوا وسكر رعد الاستديو ومشى لسيارته وقال لهيام ليه استعجلوا
هيام : اييه تمام عادي حبيبي
رعد باس يدها وقال : انتي اليوم مقدر اتحملتسس
هيام ضحكت وقالت : لي فترة م صدمتك بشكلي
رعد ضحك وقال : كل م انتي وتصدميني اخاف اموت من كثر الصدمات
هيام شّدت ع يده وقالت : فاااال الله ولا فالك !
رعد باس يدها ومشى مستعجل للبيوت الثلاث ...
:::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم 🤍
( ارحبوا يحبااااااني وحشتووننييي 😔😔 ، بدأ ضغط الجامعة دعواتكم كلكم وتعالوا انستا نفضفض وتسمعوني " Jwuiri " هذا يوزري هناك تعالوا كلكم 💙💙😉 ، البارت يجنن وطووييل وتحت مسمى " هيام الرعد ورعد الهيام " اشوفكم ع خيييير قريبًا ببارت جديد💋 )