الكاتبة: - زينب الحربي
حساب الانستكرام :-zienab_alharbi
……………………………
احدهم يحتاج الئ غربة احيانا تنتشله من الضياع
بحاجة الئ حمامة ثقيلة تنقله الئ قاع الضنون
احيانا بحاجة الئ نضافة مفرطة تنقذه من الاوساخ التي تحيطه
حتئ كل تلك الاشياء الخيالية لم تكن كافية بالغرض الذي احتاجه
حتئ الاحلام التي تنقذنا من الواقع كانت اسوء من واقعي
دنيا الالام التي انا فيها كافية ان تميتني علئ قيد الحياة
احساس العطف من المقربين موجع اكثر من الغربة ذاتها
فمن انا
ومن اي طريق اتيت
من امي من ابي
كل تلك التساؤلات تراودني لكي انقذ نفسي لكن لم اجد لها اجابة
ساعدني يا الله
الضيغم: - تسمية امي وحب ابي ولم احضئ بالحنان قط
يا لها من دنيا عجيبة
جنت كاعد بالمضيف وانه اتسايل وي روحي انه غلطان يو اعلئ حك يو انه اعلئ حك ليش تكرهني فردوس وانه ما ماذيها وناضم ليش يدور وراي لجن انه لديته اعلئ حلكة بهاي جلماتي ناطر الوادم ولن يجيني عمي حامد كعد بصفي يريد يشاورني خير يعمي
_بوية الحك ابوك الشيخ يزوع دم الحك يبوية
شنهيييي فجيت عيوني وكمت ركض لبوي ما همتني الوادم الراح تجي ولا همني احد اردن اطر لبوي اشوفنة شبلاه دشيت الحجرة ابوي ولكيتة يتفل دم (اجلكم الله) شنهي بوية شبلاك كوم بعد روحي كوم اخذنك للطبيب
_لا يبعد ابوك موش مرض هذا سني انجسر هالتشوفة
جريت نفس براحة حيلي باد كعدت حذاه كول وروح جدي ما مش شي
_لا اكو لجن تخلص المضيف وطرلي هنا خوش بوية
واشلون اكعد ومجانك فارغ لا انه ولا عشيرة مثلي تاخذ مجانك
_روح يبوي ارفع راسي اريدنك تحلها خوش يا لا
هاي هي بوية التريدة يصير طوع امرك بعد روحي عفتة وكمت لبست وتكشخت من جديد عدلت هندامي ورحت للديوان الوادم جاية لاكاني عمي حامد. اوف عمي وروح جدي خليت حيلي باد وطلع سنة
_لا يبوي موش سنة هساعة تخلص الكعدة وتجي نحجيلك تطب وانت بكامل هندامك واتحجة جن ابوك الشيخ كاعد خوش يبوي ارفع راسة بعد ابوك
ان شاء الله عمي ان شاء الله دشيت المضيف يا الله السلام عليكم حياكم الله الكل كامولي استريحو بوية استريحو اتعذر ما تلكيتكم لجن ابوي الشيخ صحتة ماهي طويبة دعاكم بوية استريحو عمي كهوتك للشيوخ كعدت وعيون ناظم الكلها شرار تباوعلي انه امرتة يوكف خارج المضيف ينطرني يا الله بوية بدايتا. بسم الله الرحمن الرحيم. وخير الصلاة واتم التسليم علئ محمد واله الطيبين الطاهرين ضج الديوان بالصلاة طلعت علك مضموم هدانياه ابوي من رحت البغداد شوفو بوية هاي راية العباس اهي الشاهد بيناتنة واهي الحكم وما تطلعون الا وكل الاطراف راضية انه ابنكم موش ابن الشيخ الا انه ابن الكل كولو بوية شنهي السالفة حجة شيخ كامل
أنت تقرأ
حب عبر الاجيال
General Fictionفي كل جيل سابق هنالك قصة حب تتعلم منها هذه الاجيال بين الحب والنهوة وبين الظلم والفصلية بين الاخوان وانتقام العمام بين قسوة الرجال ورقة الاناث بين العرب حاملي السلاح وبين الحظر حاملي السلام بين الحكم العشائري والحكم القانوني من رحم كل هذه المعاناة...
