عند خالد كان مو قادر ينام بس حس انه يبي ينحاش عن العالم بعد خيبت اماله اخذ جواله يشوف الساعه وكانت 3:50 قام للحمام ( يكرم القارئ ) تروش وتوضى وتوجهه للمسجد يصلي ركعتين ويقرا قران قبل صلاة الفجر صلى وقرا سورة الكهف ووكل امره لله بعد ماخلص سورة الكهف جتمعو رجال الديره بالمسجد يصلون
بالبيت يعد ماراح خالد بدقايق
قعد جابروالتفت يمينه ماشاف خالد فز وهو يتلفت يدور خالد قام وتوجه يتوضى وهو متوقع ان خالد بالحوش او عند امه طلع وتوجه للحوش بس ماشاف خالد دخل داخل البيت وتنحنح قبل يدخل المطبخ يمكن البنات كاشفات وجيهن
روابي : تعال
جابر دخل : صباح الخير
الكل : صباح النور
جابر : خاله شفتي خالد ؟
ام خالد : لا نايم عندكم ؟
جابر : طيب
ام خالد بخوف : ليه وين راح والفجر تو مأذن ؟
جابر : يمكن انه عند جدي انا مادورته جيت لكم على طول
ام خالد : طيب بعد ماتخلصون صلاه خله يجي عندي
جابر : ابشري تبون شي وانا راجع ؟
الكل : سلامتك
راح جابر وتوجه للمسجد مع عيال عمه وعمامه وجده
دخلو وشافو خالد يجابر حس براحه وفرحه لما شاف خالد قفل قرانه وهو مبتسم حتى لو ابتسامته كانت شاحبه
خالد قام باس راس جده وابوه وعمامه
بعد الصلاه جابر سحب خالد
جابر : ليه رحت وماقلت لي خوفتني عليك ؟ لتعيدها مرا ثانيه
خالد : ماعيدها يمه اوامر ثانيه
جابر ضحك : اي ادب
خالد عقد حواجبه
جابر : امزحح خلود
سالم : شف شف يقول لك خلود وتسكت ماتقول شي ولا تهاوشه انا لو اقول لك خلود صفقتني
جابر سوا بيده يقهر سالم ( حقين المحارش يعرفون الحركه الي باليد 😅 )
سالم ضربه برجله ولف لخالد وقال بمزح : الحين تقرر انا ولا هو ؟
جابر : تعقب تصير مثلي انقهررر
سالم : خاالدد شفف شف بسرعه اعترف انا تحبني اكثر يلا قل ؟
خالد ضحك على هواشهم: انا اقول لخلصتو هواش الحقوني
بعد ماراح خالد سالم نقز يحضن جابر ويدور به
جابر ابعده : بسم الله وش بك استخفيت
سالم : اخيراً ضحك اشكر وجودك ياخي اول مرا يصير منك فايده
جابر تنحنح بثقه : وجودي دايم له فايده
سالم : الا تعال وين سياف مالشفته بالمسجد ؟
جابربقلق : تصدق ولا انا مستحيل مايجي للصلاه غريبه عليه
سالم : اتصل عليه شف وينه
جابر اتصل بعد ثواني رد عليه سياف
جابر : الو
سياف : هلا
جابر : وينك ماجيت للصلاه ماهي بالعاده تترك الصلاه بالمسجد ؟
سياف : امس باليل تعبت اختي ووديتها للمستشفى ومرقده هناك وانا عندها
جابر : متشوف شر ان شاءالله ماقالو متى يكتبون لها خروج ؟
سياف : لا قالو لازم تترقد كم يوم امس وديتها حرارتها مرتفعه حيل وسكر نازل عندها لانها ماتاكل زين
جابر : متشوف شر الملسونه بنجي نزورها بالمستشفى اليوم
سياف : حياكم
جابر : تبي نجيب شي لكم وحنا جايين
سياف : لا سلامتك
جابر : لبغست شي ارسل لي
سياف : ابشر
وقفلو
سالم : سُلاف. ؟
جابر : اي يلا امش نلحقهم ليخلصون الفطور ميييتتت جووع
سالم : عز الله دايم ميت حوع
جابر : امش قدامي اقول بعد مشبع اعرف ارد عليك
توجهو للبيت بفطرون
نايف بنص الاكل قعد يقح بقوه واحتنق
صقر فز يجيب له مويا وسالم يضربه على ضهره ( يسوونها للي يغص با الاكل ) والكل يناضر له بخوف عليه
نايف فجأه مات ضحك وراحت الغصه والةل ناضر فيه بصدمه بعدين ركزو انه كلن يكذب عليهم وجاه هبد من حيث لا يحتسب وهو مكمل ضحك
نايف : وجيهكمم ههههههههههههههههههههههههههههههههههه طلعت غالي عليكم حم حم
ابو صقر مسك العصا وضربه بخف : لتعيدها لكسر العصا على ضهرك واعلمك المقالب البايخه
ابو جابر : لو غصيت صدق الحين ها يفيدك المزح ؟
الجد : كم مرا قلنا لك خل الخبال ذا كنك ورع ؟ والله لو ماتتركه يويلك
جابر حس ان نايف بيضحك ويجيب العيد قال : تدرون ان سُلاف بالمستشفى
الكل لف عليه : ايش ؟ ليه ؟ وش بها !
جابر : حراره والسكر نازل يقول سياف ماتاكل عشان كذا نزل السكر عندها
الجد بخوف : ووينها هي الحين ؟
سالم : مرقده بالمستشفى
الجد : اجل يلا امشو نروح لها
ابو خالد : من بيروح ؟
روابي : انا
وعد : وانا
سلمى : نروح لها كلنا عادي ؟
ابو صقر : هي تعبانه بيصير زحمه عندها خلاص الي يروحون روابي ووعد وسلمى بس
ابو جابر : والعيال من بيروح
جابر: انا وخالد
الجد : خلاص اجل يلا قومو
صقر بحضنه غاده وماسك يدها : المها جاهزه ؟
المها : اي
ابو صقر : بتروحون معنا ؟
صقر : لا يبه غاده عندها موعد اليوم بمستشفى الـ ....
ابو صقر : انتبه لها مو يوجعونها بلابره
صقر ابشر
وبكذا توجهو الجد وابو خالد وابو جابر وخالد وجابر وروابي ووعد وسلمى لـ سُلاف بالمستشفى
وصقر والمها يودون غاده
والباقي بالبيت
ببيت ابو عبدالله محمد
كانو قاعدين يتقهوون
شهد : عبود وجعا عطني الحلا
عبدالله :من عمتس ؟
شهد : عمت عينك اخلص
سلطان : خلها تولي لتعطيها
شهد : وجعا انت الثاني
محمد : عط اختك عبدالله
عبدالله : ماتستاهل بس يلا
شهد دقت على روابي : الو
روابي : يهلا
شهد : اخباركم
روابي بضحك : الحمدالله مسرع اشتقتي لي امس شايفتني
شهد : ماشتقت لتس بس ملل وحارشت اخواني مافي شي اسويه قلت اتصل عليتس
روابي : مسرع تحارشتي معهم على الفجر
شهد : الشكوى لله هم بس يحارشون
روابي ضحكت :اسمعي اكلمك شوي بنزل
شهد : ليه وينك
روابي : رايحين للمستشفى سُلاف تعبت امس ورقدوها جايين نطمن عليها
شهد بخوف : بها شي اي مستشفى انتم
روابي : مابها شي وحنا بمستشفى الـ.....
شهد : تمام يحيكم
قفلت ولفت على ابوها : يبه عادي اروح لـ سُلاف بالمستشفى ؟
محمد : اي عادي بس عسى ماشر وش بها ؟
شهد : تعبت امس ورقدوها
محمد : عبدالله ود اختك
عبدالله : يبه عندي شغل وش كثره مقدر
سلطان : ادري مالكم غيري قومي البسي عباتتس
شهد نقزت تلبس عباتها وتوجههو للمستشفى
عند صقر
الممرضه: تفضلي هنا عشان تثبتي البنوته ونقدر نعطيها الابره
المها لفت لـ صقر وهمست : انا بنفسي اخاف الابره
صقر احذ غاده : انا اثبتها
حط غاده بحضنه ولما قربت الممرضه ومسكت يد غاده غاده العدت يدها ربكت
صقر حضنها وثبت يده وكان خايف عليها حتى من الابره ولما خلصت الممرضه شالها وباسها وهو يحاول يسكتها
خلصو وبعدين توجههو للألعاب يلعبون غاده
عند سُلاف بعد ماتحمدو لها بالسلامه كلهم
سلمى : انا راح استلمتس بـ الاكل
سُلاف : ترا تو خالصه من محاضرة سياف
سياف : حق الخرعه الي خرعتيني اياها
سُلاف ضحكت
الجد : وشلون صرتي الحين يبنيتي
سُلاف : الحمدالله جدي زينه
الجد : وشلون تعبت سياف ؟
سياف : امس كانت دايخه ورافضه تاكل وبليل حرارتها ارتفعت حيل وماهي قادره تاقف وجبتها للمستشفى
وبعد دقايق دخلت شهد
شهد وسلطان: السلام عليكم
الكل وعليكم السلام
بعد ماسلمو
شهد : ماتشوفين شر سوسو
سُلاف : الشر مايجيك
سلطان: الحمدالله على سلامتتس
سُلاف : الله يسلمك
شهد : وش قالو لتس
سُلاف : بقعد بالمستشفى كم يوم وافتك من وجهتس بالجامعه
شهد : وجعااا انا برتاح منتس الكم يوم ذي
وعد : توم وجيري انتن
سلمى : خالد وين ابوي وجدي وعمي منتبهت اختفو ؟
خالد : راحو للبيت حنا نلحقهم شوي
وعد : انا بنزل اجيب لي قهوه من الكفي الي جنب المستشفى من يبي بعد ؟
سلمى : انا
روابي : انا
سُلاف : وانا
سياف : تعقبين لا
سُلاف : سياااففيي تكفىى
سياف : لا هاذي الثلاجه جنبك مليانه عصير طبيعي
سُلاف تنهدت بقهر
وعد : والباقي ؟
جابر : مانبي
راحت وعد الكفي وكان زحمه بعد ربع ساعه جا دورها تطلب طلبت لها ولروابي وسلمى اسبريسو وذ هوت شوكلت وضلت تنتضر الطلب يخلص
بالمستشفى
كانو قاعدين يسولفون
سلطان : شهد نمشي ؟
شهد : تو خلنا شوي
جابر : اجلسو بعد شوي اصلاً ينتهي وقت الزياره ونرجع كلنا
سلطان : طيب
سُلاف : جااابر وين اليوم ماتهاوشت انت والملسونه الي جنبي
جابر جس وده يهبدها خربت كل شي وهو كان مسوي ثقيل قدام شهد : الملسونه انتي والله
سُلاف : ههاي سامج
جابر : سياف بسألك الحين من التعبان فيكم انت ولا الملسونه ذي ؟
سياف : قل أعوذ برب الفلق انت اذكر ربك على اختي
جابر : ماشاءالله ماعليك بس بسبع ارواح
سُلاف : مدري من البس انا والا الي راح هوشه وسكاكين وذبح طلع منها ولا جرح
جابر بغرور : احم احم دليل على شجاعتي
سُلاف : واضح
شهد : وقفو محارش دقيقه توني استوعب وين نوف وترف وجود وحلا والباقي ؟
جابر : ماجو عشان ماتصير رحمه
سُلاف : صح تذكرررتت سلطان
سلطان: هلا
سُلاف : نبي نعزمكم عندنا بكرا انت وشهد واخوكم نسيت اسمه
سلطان ضحك : أسمه عبدالله
سُلاف : اي هو تعاللو
سلطان ضحك : الحين تعزمين وانتي بالمستشفى اصلاً
سُلاف : سيافيي يقول لهم اني بطلع صح سياف
سياف حط يده على خده بتعب : سياف تعب منتس لا تنثبرين هنا لين يكتبون لتس خروج
سُلاف : لا لا لا لا مابييي
سلمى : سياف خلهم يطلعونها وحنا نستلمها بلأكل هنا محنا عندها بس انت وتقول لك كلمتين تكسر خاطرك تتركها
سياف : اقول لهم بشرط تاكل زين
سُلاف : تممم اجل نرجع لمحور حديثنا تجون ؟
سلطان : تقول شهد لـ ابوي وماعندي مشكله اجيبها
شهد ضحكت : قلت له من زمان قال اذا انت وافقت لان عبدالله رفض
سلطان : خلص موافق
خالد استاذنهم وطلع حس ان وعد تأخرت وراح يشوف ليه تأخرت
بالبيت البنات كانو قادعين بغرفتت حلا وسلمى والشياب بالحوش
ام خالد وام جابر يسون حلا وقهوه
سعاد : فيصل
ابو خالد : هلا
سعاد : بقولك موضوع بس بدون ماتعصب
ابو خالد : قولي
سعاد : حلا خلها تكمل دراستها
ابو خالد : لا الموضوع ذا انا قايل عنه من زمان
سعاد : بس هاذا غلط ؟ لازم تكمل وتدرس وتشوف الناس ؟ ليه تحرم بناتك من ابسط شي والي هو الدراسه !
ابو خالد : انا تعرفوني زين من قبل معارض البنت ماتكمل
ابو جابر : وش معنا ؟ يعني الولد عادي والبنت لا !
ابو خالد : تقارن البنت بـ الولد !
ابو جابر : اي اقارن مافي فرق بعض البنات احس من مليون رجال
ابو صقر : وترا لو درست وكملت ترفع واسك مثل ماعيالك يرفعون راسك
سعاد : ماتفكر ببناتك انت ؟ حرام والله تكسر خاطري الصبح كلهم بمدارسهم او جامعاتهم والضهر يتغدون وعلى صلاة العصر يدرسون الوقت ذا كله هي لحالها او قاعده عندنا وحنا محنا بعمرها ماتتونس معنا
ابو خالد : ماهي مشكله تتعود وبعدين السنه الجايه تكون معها سلمى
سعاد : ترا ان صارت بنتك منعزله او صار بها شي لتلوم الا نفسك لان محد له شغل الا انت اصلاً هي الحين هاديه وبس تقعد لحالها اكثر شي والسبه انت
الجد بحده : كلنا لاحضنا هاشي يـ فيصل وانا ان كاني ساكت مو معناته عاجبني الي تسويه اسمعني زين السنه الجايه تسجلها بالجامعه هي واختها ولا لانك ولدي ولا اعرفك ةافي الي سويته بعيالك كسرت ولدك وخليت بناتك يبن الفكه من السجن الي عايشاته عندك بتفكيرك ذا بكرا لطحت عن حيلك تعال دورهم حولك
ابو خالد كانت هاذي اول مرا يحس انه غلطان وانهم معهم حق قام من عندهم وطلع راح للمحل قعد على الكرسي وهو يفكر لاحظ انهم صادقين حلا صايره هاديه واغلب وقتها لحالها وخالد صار بس لقعد يسلم عليه غيره مايجلس يسولف معه مثل قبل جود والمها شاف الفرحه بوجههن لما حققو حلمهن وهو انه يكملن دراستهن سلمى تمزح وتضحك معهم اذا جاء تسكت سالم مثل الشي
بالكوفي
كانت وعد تنتضر وكثير يجون بعدها ياخذون طلبهم بسرعه وهي كانت مو قادره تتكلم لان المكان اكثر شي رجال
لفت على صوت خالد الحاد : ماخلص ؟
وعد بتوتر : لا للحين يجون بعدي وياخذون الدور بدالي
خالد : اوقفي هناك بعيد الزحمه اجيب الطلب واجيتس
وعد راحت ووقفت بعيد وخالد توجه يشوف الطلب ماهي الا دقيقه وخلص الطلب واخذه وراح عن وعد
خالد : امشي
وهم متوجهين للمستشفى وعد كانت متردده تقول او لا بعد تردد كبير قررت
وعد : خالد
خالد بدون اا يلف حتى : نعم
وعد : ابوي قال لك ؟
خالد : اي وقدامتي نسيت ابرك لتس صح مبروك
وعد بغصه : ماقصدي ذا
خالد : وش اجل !
وعد : رفضت
خالد انصدم وفرح بس الي سوته وعد مو شوي أخفاء فرحته وقال : مو كل شي انكسر يتصلح
وعد سكتت
خالد : بس انا ودي اعرف ليه وافقتي ؟ ليه كسرتي ثقتي بتس ؟ ليه ماصدقتيني من الاساس !
وعد بكت : انت تدري ليه
خالد بعصبيه : لاا مدري ليه تكلمي قولي ؟!!
وعد بدموع : كنت مصدقتك بس الي صار صعب خلاني اقول اني مكذبتك وانا وافقت بلحضة حزن وقلت يمكن لو وافقت تنتهي المشاكل بس لما صار الموضوع جد ماقدرت اقول اني رافضه انت تعرف شخصيتي مقدر اقول لا بـ اوقات الجد ؟
ووقفت مشي وصدت تبكي
خالد : خلاص امشي
وعد ماردت ولا مشت
خالد : وعد امشي خلاص
مسحت دموعها وكملو طريقهم دخلو المستشفى وراحت لحمامات ( يكرم القارئ) تغسل وجها
بعد ماطلعت
خالد بهدوء : لو رجعت تقدمت لتس من ابوتس توافقين ؟
وعد هزت راسها بـ أي وراحت عند سُلاف والباقي وهي متوتره وتحس بخوف و فرح
وبعد دقايق راح الكل بيته وسُلاف طلعت من المستشفى
ننهي البارت هنا
———————
دعمكم نازل 🦦💔
أنت تقرأ
بلاي ي جابر بعناد روس الرجال
Fantasyروايه تتحدث عن حب نما من الطفوله ولاكن هل الضروف تساعد ام لا ؟ 🤍 مكتمله 💜💜
