اشتاكلي..
المشتاك يطفه ابماي عينه ويشتعل ابجروح اديه
ويضحك ابوجه الضنون ابغير كلبه ويبتشر والبيه بيه
اشتاكلي
الماي يعثر عالجروف وداع صدفه ويعتني الهرش اليبس
مايعتنيه
اشتاكلي..
اليعثر ابظله ايموت صاحي
واليعيش بلايه وعيه ابغير ظل
الشوج من ينبت بسجه ايبات وبنادم يزل
اشتاكلي..
اجروحي غلاتي
وعيبي صبري
ودفلتي السكته
ووحشتي بلايه هم
وحجتي الفشله التطشني تراب مايسواش لم
وهمي دنيه انبعت بيه اغيرك انت
وشنهو معناه الجرح من غير دم
................................................................
غزل..اباوع عليهم فاتحة عيوني بصدمة معقولة تنزل نفسها لهيج مستوى!!!!
شفت رانيا حاضنة ايهاب من ورة وتبوس بضهرة وهو يحاول يدفعها عنة ممنتبهين علية لأن اني صايرة بضهرهم اسمعة يهمس ويدفعها
ايهاب..وخري لا افضحج عند الكل
ترد علية برخص
رانيا..يلا حتى اكوللهم تحرشت بية وبهالوضع غصباً عنك تزوجني
خليت ايدي على حلگي هاي بدون كرامة ابد
حاول يدفعها عن ضهرة بس ميكدر لحد مدفرها برجلها خلاها توكع بالارض عاطت بخفة باوعلها معصب راد يحجي وانتبه علية ووكف عدل كلت بصدمة
..شديصير هنااا!
راد يحجي بس سبقتة وهي تكوم وتلزم ايدي تبجي
رانيا..حبابة غزل لحگيلي ايهاب ديتحرش بية واني منعتة جان حيعتدي علية
أنت تقرأ
بين احضان قاتلي
Romanceخليت ايدي على اذاني التفتت لليسار شفت مجموعة أشخاص بيدهم سجاجين وشكلهم يخوف التفتت لليمين شفت دم باوعت الكدامي شفت باب البيت بي ضوة كلش قوي واكف كدامة شخص ضخم مشفت وجهة فتحلي ايدة بدون ماحس رحت اركض لحضنة وذولي الأشخاص يركضون وراية وصلت اريد احضنة ب...
