Unicode
"ဒီနေ့နဲ့ဆို ခင်ဗျားအလုပ်လိုက်လျှောက်နေတာ တစ်ပတ်ပြည့်တော့မယ်နော်"
ဇမ်းပြောလိုက်တော့ ညွှန်းစားလက်စလှုပ်ရှားနေတဲ့လက်လေးတွေ ခနရပ်သွားကာ ပြီးမှ ဘာမှမဖြစ်သလိုပုံလေးဖြင့်
"အင်း...၊အလုပ်တွေက ငါနဲ့သိပ်အဆင်မပြေလို့"
အလုပ်တွေကအဆင်မပြေတာလား၊အလုပ်ရှင်တွေက အဆင်မပြေစွာငြင်းခဲ့တာလားလို့တော့ ဇမ်းမမေးဖြစ်ခဲ့ပါ။အဲ့အစား ...၊
"အလုပ်က ခင်ဗျားအမြဲလုပ်နေရမှာဆိုတော့ ကိုယ်နဲ့ကိုက်ညီတာကိုရွေးပေါ့...၊တော်ကြာအလုပ်ဝင်ပြီးမှနေ့တိုင်းစိတ်ညစ်ရရင်အဆင်မပြေဘူး၊တကယ်လို့ ဘယ်အလုပ်နဲ့မှခင်ဗျားအဆင်မပြေဘူးဆိုလည်း အိမ်မှာပဲနေပေါ့....၊ငွေလိုလို့အလုပ်,လုပ်တာမှမဟုတ်တာ"
ဇမ်းစကားဆုံးတော့ ညွှန်းကခပ်ဖျော့ဖျော့လေးပြုံးလေသည်။
"မင်းရော ဒီနေ့အပြင်သွားအုန်းမှာလား"
"အင်း သွားမှာ...၊အရမ်းအရေးကြီးတာမျိုးတော့ မဟုတ်ပါဘူး၊ခင်ဗျားကိစ္စရှိလို့လား"
"မရှိပါဘူး ဒီတိုင်းမေးကြည့်တာ"
"အင်း"
နှစ်ယောက်သားစကားစပြတ်သွားတော့ စားပွဲလေးက နောက်တစ်ကြိမ်ပြန်တိတ်ဆိတ်သွားပြန်သည်။နှစ်ယောက်သားဆိတ်ဆိတ်ငြိမ်ငြိမ် မနက်စာစားနေရင်း ရုတ်တရပ်ညွှန်း ခေါင်းထဲကိုမေးစရာတစ်ခုဖျတ်ခနဲဝင်လာ၏။ထို့ကြောင့်...၊
"ဇမ်း"
"အင်း"
"မင်းညကအပြင်သွားသေးတာလား"
"အင်း...၊ဒီနားလေးပါ ခနလေးသွားတာ"
"ကိစ္စရှိလို့လား"
"မရှိပါဘူး...၊ရုတ်တရပ် ကြက်သားကင်စားချင်လာလို့ အောက်မှာရှိသလားလို့ဆင်းကြည့်တာ၊တွေ့လည်း မတွေ့ခဲ့ပါဘူး"
ဇမ်းက ယုတ္တိတန်စွာလိမ်ညာစကားကို ခပ်မှန်မှန်ပဲပြောလိုက်၏။ညွှန်းကလည်း ဘာမှ သံသယရှိပုံမပေါ်ဘဲ....၊
"အော်...၊ဒါဆို ညနေစာကို မင်းအတွက်ကြက်သားကင်ဝယ်ထားပေးရမလား"
YOU ARE READING
You are My Bone [Complete]
Romanceလူတိုင်းပါးစပ်ဖျားမှ ဇမ်းဆိုတဲ့ကောင်က အပေအတေကောင်လို့သမုတ်လဲ သူတို့သတ်မှတ်ချက်အတိုင်းသွားပါစေ.....ကိုယ့်ထမင်းကိုယ်စားပြီး သူများစကားတွေကိုထိုင်ခံစားနေဖို့ အဲ့လောက်ထိ ကျုပ်မှာအချိန်တွေအားလပ်မနေဘူး! ____________ လူတိုင္းပါးစပ္ဖ်ားမွ ဇမ္းဆိုတဲ့ေကာင္က အ...
![You are My Bone [Complete]](https://img.wattpad.com/cover/327871887-64-k25519.jpg)