صباح يوم جديد على الابطال الساعه 7 الفجر
نبدا الصباح ببيت ابو جواهر
ابو جواهر قعد من النوم وصلى وطلع من غرفته وهو ينادي : جواهر
لكن مافي استجابه استغرب دخل غرفتها يدورها لاكن مو موجوده ولا بالصاله توجه للمطبخ شاف ميري الخادمه تجهز الفطور : وين جواهر ؟
ميري : مافي معلوم بابا
ابو جواهر طلع جواله بخوف وهو يتصل عليها وبعد ثاني اتصال ردت
جواهر : هلا ؟
ابو جواهر: وينتس منتي فيه بالبيت !!
جواهر : طالعه
ابو جواهر : وين طالعه مع من وليه ماقلتي لي ؟
جواهر : طالعه مع صحباتي افطر وليه ماقلت لك نسيت وانت نايم اساساً ليه فيها شي !
ابو جواهر : مو عذر اني نايم ي يبه مفروض تعلميني قعدت ادورك بالبيت خفت عليك
جواهر : شدعوه خايف علي ماني صغيره عشان انخطف !
ابو جواهر تنهد بقلت حيله : تمام لرجعتي ننتفاهم
جواهر قفلت ونزلت الحوال وهي تتأفف
سوسن صديقتها : وش فيك ؟
جواهر : ابوي تخيلي يقول لي ليه ماقلت له وانه قعد خايف علي ؟ مادري متى يعرف اني ماراح انخطف لو مالقاني طبيعي طالعه
سوسن : الله يعينك صدق انا تدرين طلعت واخواتي نايمات وابوي وامي كذالك نايمين بس اخوي سألني وين بروح قلت له مالك دخل وطلعت وقبل شوي اختي تصور طالبه من المطعم وماسألوني وين رحت محد له دخل بحياتي . وقعدت تضحك .
جواهر : اي يحظك انا وين ماروح لازم اقول لـ ابوي ولا يسوي سالفه
سوسن : عاد قبل كنتي تطلعي ومايسألك وين
جواهر بقرف : ايي كانت تغطي علي هذيك الحيه تقول اني استاذنت منها عشان ماتصير سالفه يعنني خايفه علي
سوسن : تصدقين عاد فرحتيني لما ابوك طلقها يبنت فكه هي واختك ذيك يعع ي القرف صدق
جواهر : ماعلينا تعالي صدقق شفتي ذيك ام شعر طاير الي معنا قبل
سوسن : ايي وش فيها
جواهر : شفتها امس بالكفي تخيلي وع شمطتها من العام ماغيرتها وتلبسها بكل طلعه
سوسن : ايوااا ومرا شفتها بعرس لابسه الفستان الي لبسته بزواج اختها تلبس البس اكثر من مرا وع
وكملو كلامهم على كذا
نروح للمزرعه بعد الصلاه قعدو يتقهوون وينتضرون الفطور يجهز
نايف وهو يفكر : الحين جدي انتم قبل كان بيوتكم من خيام ولا مثلنا
الجد : لا يبه مو من خيام اخيام ايام ابوي لاكن على ايام ماكنت صغير كانت بيوتنا صنادق
نايف بصدمه : شلون صنادق !
الجد : والله ي يبه ماني عارف اشرحها لاكن ذي بيوتنا قبل ي زينها ويزين ايامها والله
نايف وهو تحت تأثير الصدمه : يعني لما يكون في مطر تسمعون الصوت زي الصنادق العاديه لما يجيها مطر ؟
الكل قعد يضحك على سؤاله وتشبيهه
سالم وهو ميت ضحك حط يده على جبهة نايف : تطمنو مابه حراره اضاهر ماهو نايم زين رح رح نم
نايف قعد يضحك : ي حيوان ترا ماني نعسان لاكن صدمني جدي الصدق
ابو جابر : اي احمدو ربكم على الحياه الي انتم بها
نايف : الحمدلله دايم بس الحين صدق شلون كنتم عايشين ؟
الجد ضحك على تمسكه بالسؤال ودخلو البنات
وعد : حطينا الفطور بالخيمه
ابو خالد : اي والله احسن من هنا
وقامو الكبار وبقو الباقي
سياف : تصدقون والله احس برحه بدون الدوام يشين القعده الصبح وانت تدري ان عليك دوام وكرف
خالد دق جواله وشاف الاسم ولف على سياف : لو طاري المليون ابرك والله
ورد على المكالمه
العسكري : صباح الخير
خالد : صباح النور ؟
العسكري : طالبينك بالشغل
خالد تنهد : ضروري ؟
العسكري : اي
خالد : طيب جاي . وققل .
جابر : وش ؟
خالد : طالبيني بالشغل
جابر : يووه ي حراممم
خالد رفسه : اسكت مالي خلقهم
سلمى : خلووددييي
خالد ناضر فيها وتنهد : هم ؟
سلمى : بروح معك
خالد : وين تروحين اقول بروح شغل
سلمى : تكفى نزلني بالبيت بجيب اغراض
خالد : طيب امشي
سلمى توجهت اخر الغرفه طلعت ساندويتش 2 وعطت خالد وحده : شفت ماتركك تروح جوعان
خالد ضحك : كفو يلا امشي
وراحو ومشو باقي العيال يفطرون والبنات والحريم الكبار جلسو يتقهوون
ام خالد : يروحي خالد راح مافطر
سعاد : اي تلقينه جوعان عاد هو قاعد قبل الكل اليوم
ام خالد : باتصل عليه اوصيه ياكل شي بالدوام
جود بضحك : اي لو وحده من بناتتس عادي تموت جوع ماهي مشكله بس خالد وسالم لا ويضل بالتس معهم
ام خالد بطرف عين : كلكم عيالي مافرق بينكم
جود ضحكت وهي تقرب من امها وتنسدح على رجلها : ادري والله امزح معتس
بعد دقايق كان الكلام مختصر بين الحريم الكبار
سلمى : بنااات شوفو نايف وسالم وسلطان
حطو البنات الشيله ( طرحه ) على وجههم وطلعو يشوفون سلطان ونايف وسالم وهم يركضون ويلحقهم جابر وخلف
شهد بضحك : فضحنا ممداه حارشهم ههههههههههههههههه
روابي : جابر هو الي يحارش اتوقع
وعد بضحك : اعرف راس المصيبه والله نايف وسالم
الكل ضحك لانهم عارفين ان ذول اساساً الي يسوون المصايب
سُلاف : سيافي المرا ذي طالع من المصيبه
رغد : ودي الصدق يجي خالد ويأدبهم على الجدار مثل اخر مرا
شهد ضحكت : توقعت ابوك هو الي يعاقب بعايلتكم
نوف : لا عمي ابو خالد سلم المهمه لولده خالد ماشاءالله هو يقدر عليهم وغير انه اطولهم ومعضل اكثر من الباقي
وعد ابتسمت على مدحهم له واكأنهم بمدحونها هي.
عند العيال
كانو قاعدين فطرون
سالم قام : الحمدالله
الجد : ون يولدي ماكلت شي
سالم : شبعت جدي
الجد : عافيه
سالم : يعافيك
سالم ابعد وغمز لنايف يلحقه سلطان انتبه ولف على نايف وهمس : سالم يبيك
نايف بهمس : اجل في مصيبه
سلطان : جووويي واجوائي بسويها معكم
نايف : امش . وعلى صوته : الحمدالله
سلطان كذالك وقامو توجهو لسالم
نايف : وش عندك
سلطان : اذا في مصيبه بسوي معكم
سالم ضحك وعلمهم على الشي الي بيسويه
سلطان ضحك : اشوا اني قمت معكم ههههههههههههه
نايف : شرايكم طيب بدال سياف وخلف جابر وخلف ؟
سلطان وسالم : تممم
وراحو يجهزون الشي الي بيسوونه وتوجه سالم عند جابر ونايف عند خلف وسحبو تيشيرتهم شوي شوي وكبر عليهم مويا وانحاشو
جابر شهق وهو يلف على ورا : يمممه
خلف شهق وفز من مكانه
ولما جو بيركضون ورا سالم ونايف كب عليهم سلطان مويا بالسطل
وصارو يركضون ورا سلطان وسالم ونايف اما صقر وخلف كانو ميتين ضحك
جابر : وووقف انت وياه يبن الي ماني بقايل
سالم بعناد وهو يركض : قل يلا يلا قل خلني اعلم ابوي
نايف وهو بالياالله يتنفس : اي والله لخليهم يعلقونك عند شبك الغنم
سلطان وهو يضحك : خلف يكفي بدالي يهبدك من قريب
خلف بعصبيه وصراخ : اذلف والله لوريك
سُلاف ركضت طلعت عصا وعطتها جابر : اهبدهم بذي
جابر ضحك بشر : وربيي كفو
وراح بركض وراهم وسالم وسلطان ونايف كانو تعبو من الركض وبدت سرعتهم تقل لين وقفو ومسكوهم خلف وجابر
حلف اخذ العصا من جابر وبدا يضربهم
نايف بصراخ : اييي خلاص ي كلب اوجعتني
سالم : طاحت هيبتي ترا ولدي يشوفف يحيوانين
سلطان : كل تبن انت وولدك وفكرتك وخلف خلاص ترا مقلب شديتها يطيب
جابر : خلف عطني العصا دوري بضربهم
خلف مد العصا لـ جابر : حيلك بهم
صقر من بعيد : يهوووه خفو علينا مصارعه حشا ؟
سياف : اي والله خلاص لرطشكم مويا كلكم
نايف ركض ورا صقر : بوجهكك صقورر
صقر انصدم وهمس : لبارك الله بعدوك هذول الحين شلون ابعدهم ؟ . على صوته . خلاص بوجهي هالمرا
جابر : ابعد عنه لتنهبد معه
صقر : اقول اهجد تراي اكبر منك ودخل بوجهي الكرا الجايه حيلك به
جابر رما العصا : اوريكم انت وياه
خلف سحب سالم وسلطان من تيشيرتهم ووقفهم : شيوب بك انت وهو ها ؟؟ احد يمقلب بعز اشتاء بمويا ! ولا بارده بعد
سلطان اعطاه الوجه البريئ : افا ولد عمك اهون ؟ وبعدين السالفه مزح ماعرفتك والله معصب
خلف : ولد عمي يحتاج تكفيخ يأدبه
سالم : اسفين بس ابعد عنا
خلف دفهم بقوا ابعدو يملا الي ماني بقايل
جابر.: عما تعميهم
عند خالد نزل سلمى وراح دوامه
العسكري شرح له شحص مرفوع عليه قضيه والرجال مو راضي يعترف الا بوجوده
خالد بهدوء : دخله علي
دخل الشخص ذا وبدا خالد يسأله ويسمع منه الاعترافات ومن الكلام ذا وبعد تقريباً نص ساعه خلص خالد شغله ورجع ياخذ سلمى وركبت سلمى السياره وهي معها شنطه ( زي الي يحطون بها المكياجات وقت السفر )
خالد : وش كنتي تبين من هنا
سلمى ضحكت : حاطه بها الوان الرسم على الوجه وبعد دفاتر واقلام وشده واونو
خالد ضحك : يعني بتسوين فعاليات
سلمى : طبعاً ودام الاسبوع الجاي نبدا نذاكر للاختبارات فا بستانس قبل
خالد : وش بتتخصصين بعد الثانوي ؟
سلمى : الصدق ودي اكون مدرسه
خالد ابتسم : ودتس تدرسين رياضيات صح
سلمى بصدمه : وش دراك انه رياضيات
خالد : اختي واعرفتس ذي الماده تحبينها من زمان بس ها شدي حيلتس بالاختبارات لتنزلين مستواتس على اخر سنه
سلمى : افا عليك مطلع اخت خالد اذا ماجبت الدرجات الي ترفع راسكم
خالد : كفو والله
سلمى : كفوك الطيب . عادي اشغل اغاني ؟
خالد : اي عادي
حطت سلمى الاغنيه
" كأني روضتك وانتا سحابة خير
وصوتك لاهما روحي ابشرها
معك صار الغلا اجمل بلا تبرير "
نروح للجد قايد وعياله
الجد كان قاعد وجنبه ابو خالد
وابو صقر وابو جابر يسولفون
ابو خالد بهمس لـ ابوه : يبه
الجد : هلا ؟
ابو خالد : بخطب وعد لولدي خالد وش قلت ؟
الجد بفرحه : ذي الساعه المباركه والله قلت لـ اخوك ولا !
ابو خالد ابتسم لفرحة ابوه : لا للحين قلت اقولك اول
الجد : اجل الحين اجمعهم كلهم وتخطبها لـ خالد من ابوها قدام الكل
ابو خالد : خلاص تم
الجد لف على ابو جابر وابو صقر : كل واحد ينادي لي عياله ابيكم بموضوع بس العيال مو البنات
ابو جابر وابو صقر : ابشر
وقامو ينادون العيال ووجعو والكل جلس
ابو جابر بستغراب : وش موضوعك يبه !
الجد : انتضر يولدي خالد جاي بطريق
ابو جابر : ابشر
صقر : على مابجي انا بروح دقيقه وارجع
الجد : طيب
راح صقر عند قسم الحريم ونادا المها
المها : هلا
صقر : وين غدو نايمه ؟
المها : لا وين توها قعدت ماتسمع صفارة الانذار توها طفت
صقر ضحك على التشبيه : حرام عليك والله انها هاديه جيبيها لي
المها جابتها وعطته
غاده من شافت صقر ضحكت وهي تمد يدها له : ابا با
صقر اخذها : يعيونيي والله الي تسولف
المها : تدري انها كملت سنه
صقر : العمر كلهه ان شاءالله
ورفع غاده بيدينه فوق وبدا ينقزها
المها بخوف : صقرر نزلها لتطيح
صقر وقف وعطاها المها : خوذيها ذي سيارة خالد جا ليفصحني جدي لتأخرت
غاده بدت تبكي وهي ترجع تمد يدها لـ صقر
صقر خذها : خلاص عطيني اخذها معاي
غاده رجعت تبكي وهي تمد يدها لـ المها : اماا
صقر تنهد : ذي وش تبي مرا انا مرا انتي
المها طلعت حلاوه ومدتها لـ غاده : خذها سكتت
صقر اخذها وراح دخل هو وخالد بنفس الوقت
الجد : اجلسو
جلسو وهم مستغربين من الموضوع الي يبيهم الجد به
الجد : الموضوع الي جمعتكم عشانه بيقوله لكم فيصل والاجابه بتكون من تركي
خالد الابتسامه شقت وجهه من عرف الموضوع
ابو خالد : ودي بالقرب منك ي تركي اكثر وودي اخطب بنتك وعد لولدي خالد
توجهت الانضار على خالد الي توتر من رد ابو تركي مع ان ابو نركي قال له قبل كذا انه موافق بس ترتر من الرد المرا ذي
ابو صقر : خالد مثل ولدي اكيد وبنسبه لي هاذي الساعه المباركه بس لازك اخذ راي بنتي بالأول
الجد : لو تروح وتسألها الحين ي تركي ودنا نفرح بهم
ابو صقر : ابشر يبه . ولف على صقر ونايف واشر لهم يلحقونه
صقر اعطا بنته سياف الي جنبه وقام
ابو صقر : وش رايكم انتم ؟
صقر : والله يبه خالد ولد عمي ونعم به وانا اعرفه اكثر من نفسي
نايف ببتسامه : اي والله صح صدموني بالموضوع بالبدايه بس من رايي اذا وعد موافقه لترفض
ابو صقر : الله يكتب الي به الخير ارجعو انتم وانا بروح اشوف اختكم
عند البنات
سُلاف : جاني فضول وش الموضوع
جود : اييي صدق وليه حنا مايبون ندري
وعد : ودي نروح نتسمع عليهم
سعاد : عيب
وعد ضحكت : امزح عمه
روابي : السالفه كذا كذا بنعرفها
جلا : اي صدق
رغد : الا صدق ساره وين ؟
سعاد لشرت بيدها ورا رغد : نايمه هينا
رغد : يعيوني هي حيل تعبانه
سعاد : اي والله اني خايفه عليها
المها : عمه هي دخلت التاسع صح
سعاد : اي
ترف : بس تصدقون انها محضوضه بنقطه وحده وهي انها مفتكه من وجيه الاستاذات وهواشهن علينا
ام خلف بطرف عين : الشاطره محد يهاوشها
سكتو على صوت ابو صقر ينادي وعد
وعد راحت لـ ابوها : هلا يبه
ابو صقر : تعالي هناك نقعد بسولف معتس
وعد راحت مع ابوها
ابو صقر: اسمعيني ي بنتي اعرفي قبل افتح معتس الموضوع ان الموضوع بيدك انتي لتفكرين ان احذ بيجبرتس على شي وانا موجود
وعد بستقراب : وش الموضوع
ابو صقر بهدوء : خالد خطبتس قبل شوي وجاي اسمع الاجابه منتس اذا موافقه او لا ؟
وعد انصدمت وحست برتباك بشكل كبير وضلت ساكته من التوتر
ابو صقر بعد سكوت شوي :موافقه او لا
وعد توترت وقالت بهمس : ء ء الي تشوفه يبه
ابو صقر : يعني موافقه او لا ؟
لف ابو صقر على صوت نايف الي ضحك
نايف : يبه شف شلون هي ساكته وضحكت الاجابه
ابو صقر رحع نضره لـ وعد الي قامت بسرعه ودخلت عند البنات
ورجع هو ونايف عند الجد والبافي
ابو صقر : موافقه بس .....
أنت تقرأ
بلاي ي جابر بعناد روس الرجال
Fantasyروايه تتحدث عن حب نما من الطفوله ولاكن هل الضروف تساعد ام لا ؟ 🤍 مكتمله 💜💜
