Stay Wild, Moon Child

Chapter Sixty Three

Chapter Sixty Three

Ang lakas nang loob kong gumala samantalang wala naman akong alam na lugar na pwedeng galaan. As someone na ilang taon na puro school-bahay ang buhay, wala akong idea kung saan pwedeng tumambay, mag chill, o gumala ang mga estudyanteng katulad ko.

Naisip ko nung una na pumunta na lang kami sa Leisure House. Pero palagi nang nandoon si Seb at baka ma bored lang siya at iwan ako so pass.

It's still too early para kumain ng lunch kaya hindi ko rin naman mayaya si Seb kumain somewhere.

Kaya naman naisipan ko na lang na pumunta sa lugar kung saan pwede kaming mag ikot---sa mall.

Oo, alam ko, napaka cliché and napaka common. Pero wala na akong ibang maisip kung saan dadalhin si Seb.

Nung nasa jeep kami papunta sa mall, tahimik lang si Seb na nakaupo sa tabi ko. Hindi siya umiimik, pero hindi rin naman siya nag t-try umalis which is a good sign. I think.

Nang makarating kami sa mall, sarado pa ito because it's still 9:30 in the morning. Kaya naman doon muna kami ni Seb tumambay sa may grocery area. Sa labas ng grocery, may bilihan ng snacks. Naisipan kong bumili ng gulaman at siomai para sa aming dalawa.

"Second breakfast," sabi ko kay Seb habang inilalapag ko ang siomai sa table kung saan kami naka pwesto. "Pero tig dalawa lang tayo sa siomai para hindi tayo masyadong mabusog. Gusto kong makakain nang marami sa lunch," I told him with a smile.

Narinig ko ang pag buntong hininga niya at napatingin sa akin si Seb.

"Iris kung ginagawa mo 'to dahil---"

"Hindi pa ako nakakagala nang ganito during class hour," pag putol ko sa sinasabi niya. "Never ko kasi na try ang mag cut ng class para gumala. Nakwento sa akin ni Chichi at LJ na natry na nila once. Yung may kinakabaliwan silang actor tapos nalaman nila na may mall show, tumakas sila sa klase para makapunta? Well, wala rin naman akong lakas ng loob mag cut ng klase, isa pa, I still think it's not right and it's something na I wouldn't tolerate---as a president of course. Kaya I'm happy I got this chance na makapag gala during class hour na legal at hindi ko kinakailangan mag cut ng klase."

Napatingin sa akin si Seb. He looks confused while trying to process kung ano yung pinag sasabi ko.

"I mean, dati kung saan saan mo ako kinakaladkad, so ako naman kakaladkad sa'yo ngayon. O naiilang ka ba ngayon dahil alam mong crush kita?"

Napaiwas bigla nang tingin si Seb sa akin and he clears his throat. I can see his ears slightly turns red. Gusto kong mapangiti, pero pinigilan ko.

Hindi pa niya alam na alam ko na yung title ng kantang pinahulaan niya sa akin. Nasa bag ko yung record at hindi ko pa rin naibibigay sa kanya.

Let me feign ignorance for a little while. After all, hindi rin naman dahil doon kaya ko siya kinaladkad ngayon.

"So.. anong gusto mong gawin dito sa mall?" tanong sa akin ni Seb. Alam kong iniiba nito ang usapan. Okay lang, basta sasamahan niya lang ako.

I shrug, "ewan. Arcade? Hindi pa ako nakakapasok doon. Tapos lunch siguro tayo after arcade. Tapos pwede tayo manood ng movie! Sabi ni LJ meron daw nirererun na old movies dito sa cinema nila. Fifty pesos lang yung ticket. Game? Kung okay lang sa'yo na kasama mo yung may crush sa'yo?"

Nakita kong mas namula yung tenga niya. Kahit mag supla-supladuhan pa siya diyan, may mga moments talaga na hindi matago ni Seb ang iniisip niya.