ليّت اللِذي خَلق العُيون السُود ... خَلق القُلوب الخَافقات حَديد

البارت الخامس

كان ع كلام عقاب القاسي الا ان الهنوف تحبه حب م حبه عاشق لمعشوقه ابتسمت الهنوف بحب وهي تشوف قفى عقاب وهو راجع بالحطب للرجال دخلت داخل البيت وشافت ضحى واقفة فالمطبخ تقدمت لها وقالت : ضحى
ضحى كانت تسولف مع الميلا ولفت وقالت بقرف : نعم ؟
الهنوف اعطت الميلا نظرة بمعنى " ابي ضحى لحالها " وابتسمت الميلا وقالت : طيب تكلمي
مشت الميلا وطلعت مع باب المطبخ اللي يفتح ع الحوش
ضحى : خير ؟
الهنوف بحدة : اشوفس وافقتي ع عرس عقاب !
ضحى ضحكت بسخرية وقالت : وخير يطير وش تبيني اسوي رجال ضعفي انا وياتس ويعرف مصلحته
الهنوف : اييه واضح انه عارف حتى هو مغصوب ومجبور ع الورعة ذيك وبعدين وش تحسبين بتعرف تسوي اول م يتزوجون هي حدها تنسدح جنبه !!
ضحى تكتفت وقالت : طيب استاذة الهنوف وريني خبرتتس وش بتسوين اذا خذيتي عقيب ؟
الهنوف ابتسمت بأستهزاء وقالت : انتي عارفة كم بيني وبين عقيب م بيننا الا اربع سنين وانا سنينة اسر واكيد عندي الخبرة الكافية يعني معليس لا تخافين
ضحى علطول تقدمت ومسكت فكها بقوة وقالت : اسمعي عاد عقاب والجود يويلتس تتدخلين بينهم او تفكرين حتى تخربين بينهم سامعة !
الهنوف مسكت يد ضحى وتركتها بقوة وقالت بحدة : ماش سبقتس وسويتها وبديت اشوفهم يبعدون عن بعضهم
مشت الهنوف وطلعت من المطبخ وضحى ع اعصابها وجلست وقالت بصوت شبه عالي : ميلو تعالي
" عند الميلا "
طلعت وكانت الشمس دافية بما انها قربت تغيب جلست بهدوء وصارت تغني بصوتها الشجي بهمس عشان محد يسمعها جاهلة وجود اسر ورا الجدار وهو رجع اول م قفل الدكان وكان يسمعها بحب ابتسم ومسك قلبه وقال بنفسه ( وصوتن يبري العليييل ! فوق الجمال الطاغي والعيون السود ! ) مشى بهدوء وقال بصوته الرخّيم : يوولدد طررييقق
الميلا انسحبت من ضحى داخل المطبخ وشهقت الميلا بخرشة وقالت : ضحى خيير خرشتيننيي !!
ضحى ضحكت وقالت : وش اسوي خفت اسر يشوف الزين كله ويخطب مع عقاب ونبتلش فيتس انتي وجود
اسر ابتسم اول م سمعهم وقال بصوت هامس : ليتتس تدرين اني شفته لكن م وراي وظيفة تسندني وعمي م بيعطيني الميلا الا اذا توظفت !
ضحى بعجلة : اعجلي اطلعي اطلعي !!
الميلا قامت ورفعت جلابيتها وركضت برا المطبخ وضربت بالبندري اللي شهقت وطاحت البيالات وقالت بصوت عالي : ميييلا وعمى م تشووفيين !
الميلا ضحكت بفشلة وقالت : اسفه اسفه بس اخوتس دخل وجيت اركض
البندري : مين ؟
الميلا : ناصر مدري اسر م افرق بينهم
البندري ضحكت وقالت : لو عرفتي الحب عرفتي تفرقين
مشت البندري ودخلت تجيب المكنسة ووقفت الميلا بصدمة وقالت بنفسها ( وشقصدها ؟ لا يكون جود قالت لها شيء ! ) مشت للصالة وجلست جنب اختها وقالت : جود ارحميها من النظرات خلاص ! رحت وسولفت وجيت وانتي للحين تطالعين فيها !
الجود بحقد وهي تناظر بالهنوف قالت : وربي م اخليها تبي تفرق بيني وبين عقاب وحنا للحين م اعرسنا خليني اوضح لها اني م بسمح لها عشان م اصير ضعيفة شخصية ولا مطلقة بعمر العشرين !
سكتت الجود ولفت للميلا اللي كانت تناظرها وكاتمة ضحكتها وقالت : ميلو خير ؟
الميلا انفجرت تضحك وقالت : اجل حبيتيه من الحين !!
الجود غطت فم الميلا وقالت : اص الله يفشلتس !! لا لا بس م احب اكون الطرف الخسران خير خيير ميلو !
الميلا مسحت دموعها من الضحك وقالت : الله ي جودي والله وطحتي لعقاب
الجود بقرف : يخسى !
الميلا : اف اف زوجتس ترا وش اللي يخسى ؟
الجود وهي تبي تغير الموضوع اللي كانت نهايته مو اللي توقعته وقالت : اقول اعجلي دقي ع جوالي ابي اعزم صديقاتي للزواج اللي اشوفه يوم جنازتي
الميلا حضنت اختها وقالت : استغفري والله احسه خيرة خلاص يقلبي وابشري الان ادق واعزمي دانه منزمان عنها
الجود ابتسمت وقالت : اكيييد المهم وانتي بعد اعزمي كل اللي نعرفهم عاد اغلبهم ارقامهم معتس عشانتس الكبيرة
الميلا : ابشري
دقت الميلا ع جوال الجود ونزلت جوالها وقالت : اسمعيه بروح الحمام
الجود رفعت الجوال ع اذنها تبي تسمع اذا بيرد او لا وتبي تسمع النغمة ..
" عند الرجال "
دق جوالها بجيب عقاب واستنكر النغمة والكل لف عليه ابتسم وتلطم وطلع وسحب الجوال وشاف الاسم وكان مكتوب " ميلو ❤️ " رفع حاجبة وقال : ماشاءالله ومن ميلو ذا ؟
رد علطول وقال : هلا ؟
الجود صرخت برعب ورمت جوال الميلا وانفجع عقاب بالجهة الثانية وكان بيطيح جوالها بس مسك نفسه وقال بحدة : جود صح ؟
الجود رجعت حطت الجوال ع اذنها وقالت بفشلة : ايه
عقاب استغفر وقال : كم مرة بقولتس صوتتس لا يطلع !
الجود : مو موضوعنا جوالي وش يسوي معك ؟
عقاب ضحك بسخرية وقال : ناسية اني سحبته ؟
الجود ضربت راسها بخفه وقالت : اييه طيب اسمعني تعال ابيه شوي
عقاب بدون اي مبالاة قال : لا
وسكر حتى م تعب نفسه يسمع ردها ورجع جوالها فجيبه وقال : اجل هذا اذا عاد شفتتس مرة ثانية ؟ الحين تجيني غصب
دخل للمجلس ونسى علطول من السالفة بس الانتقام باقي بقلبه وهي اوجعته كلمة جود اول م قالت " هذا اذا عاد شفتني مره ثانية !! " جلس يصب للرجال ويسمع سواليفهم عن العرس حقه ..
" عند الجود "
قامت بعصبية وقالت بحرقة : وش اللي لا يستهبل !!
كانت بتدخل للمطبخ لكن استوقفها صوت اسر وهو يسولف مع ضحى تغطت ودخلت وقالت : سلام يالحمو
لف اسر لدخول وصوت الجود ابتسم وقال : عليتس السلام يجود عقابنا
الجود ابتسمت وقالت : اسر شرايك تناديه ابيه بموضوع مهم
اسر اشر بأصبعه ع خشمه وقال : ع ذا الخشم
ضحى ضحكت وقالت : يالبييييه علاقتكم تجنن الله يديمها ع كذا
اسر توسعت عيونه وقال بحدة : وضيحي سد حلقك
طلع يركض ووصل للمجلس ودخل وجلس جنب عقاب وقال : عقيب تعال
عقاب زفر بعصبية وقال : وضيحي ؟
اسر ابتسم وقال : يمكن ايه ويمكن لا
عقاب قطب وقال : انطق وش العلم ؟
اسر : ادخل المطبخ وانا بصب بدالك اعجل
عقاب طرى عليه امه وقام علطول وطلع من المجلس وكمل اسر يصب بداله ولف ع صوته ابوه وهو يقول : وش عندك يالسربوت قومت اخوك الكبير !
اسر مسك لحيته وقال : افا يبه انا سربوت ؟ وبعدين الوالدة تبيه
ابو فهد تنحنح وقال : ايه يرجال كملوا
اسر كتم ضحكته ونزل عيونه ع الدلال والبراريد ..
" فالمطبخ "
دخل عقاب وشاف الجود معطيته ظهرها وتلعب بشعرها توسعت عيونه من المنظر وقال بحدة : وش تسوين هنا ؟
جود لفت له وهي تبتسم وربطت شعرها بين شفايفها وقالت بنطق غير مفهوم : انمم امممم
عقاب تقدم وسحب الربطة من شفايفها وقال : انطقي !
الجود كانت تتراعد وخدودها حمرت بس قررت تكمل وقالت : وش جيت اساعد ضحى الا اشوفك جيت وانت رافض طلبي قبل شوي
عقاب : ايه برفض بس لا يكون عندتس مانع ؟
الجود : اول شيء هات ربطتي
عقاب مد يده لها ونزلت الجود نظرها لها وكانت كف عقاب كبير مقارنة بيدها الصغيرة ضحكت واخذتها وقالت وهي تربط شعرها : يكبر يدك صدق لا قالوا لك يد خباز
عقاب ابتسم بكلافة وقال : وش يقالتس تنكتين ؟
الجود : اسمع عطني جوالي
عقاب نزل ظهره وتساوى بطولها وقال : لا
الجود : عقاب تكفى بس بدق ع عشيرة عمري تحضر زواجي تكفى تكفى
عقاب صار يهز راسه بنفي تحت اصرارها عليه وقال بحدة : بس عااد وبعدين منهو عشير عمرتس ؟
الجود ضربت راسها بخفه وقالت : اقوله عشيرة ويقولي عشير وش مسوي تغار ؟
عقاب ابتسم وقال : واذا كنت اغار م هو انتي زوجتي وحلالي وملك عقاب لحاله ؟
الجود بقرف : اتمنى انك تمزح
عقاب تبدلت ملامحه لجدية وقال بحدة : طبعًا امزح ويويلتس تفكرين تحبيني انتي زيادة عدد لبيتنا والاخص خواتي وبالنسبة لحقوقتس بتجيتس كاملة ونص بعد لكن اعرفي ان عقاب والحب خطين متوازية ومستحيييل من سابع المستحيلات نتقابل فاهمة !
الجود كان كلامه لها مثل الرصاص وتجمعت دموعها بعيونها وقالت بهدوء : طيب فهمت بس عطني جوالي والله بكلمها وانت عندي
عقاب مسح وجهه وشنبه وقال : انتي من وين تفهمين ؟ قلت لا يعني لا !
الجود فزت ومسكت لحيته ومسحتها بيدها وباست يدها وقالت : انا طالبتك يعقاب هي اعز الناس لي انا طالبتك م تردني وتخليها بخاطري
عقاب ضاع بعد حركتها وطلبتها له وعلطول مد يده وطلع جوالها وقال بربكة : اخلصي الان !
الجود ابتسمت بفرحة وقالت : يابعد حيي وميتي يعقاب
عقاب توسعت عيونه وابتسم وكان يشوف فرحتها اول م سمعت صوت دانه والدليل ردها وهي تقول : اررححبيي يددهرر قلبيي ورجعاااانه
دانه ضحكت وقالت : يغايبة طولتي غيابتس ! الله يبقيتس ي جودي شخبارتس ؟
الجود ابتسمت وقالت : وش نسوي صارت اشياء قلبت حياتي فوق تحت
دانه بحماس ضحكت وقالت : اسلممميي
الجود : يووه الحين م يمدي بس تراني عازمتتس لزواجي يوم الجمعة فالليل يويلتس م تجين !
دانه ابتسمت وقالت : تمزحين صح ؟
الجود : لا !
دانه صرخت بصدمة وقالت : ههاااااااههه تمللككتتيي !!!
الجود بعدت الجوال من اذنها ورفعت عيونها لعقاب اللي كان اقل م يقال عنه مصدوم ضحكت بفشلة وقالت : شرايك تنتظرني عند الباب ؟
عقاب : ليه غبي انا عشان تدخلين عند الحريم بالجوال ولعاد اقدر اصيدتس ؟
الجود زفرت بملل وقالت : مدري متى بتستوعب اني زوجتك يعني ان م صدتني اليوم فالليل وان م كان الليل بكرا لكن الشكوى لله
لفت وسكرت باب المطبخ وجلست عنده وقالت : ايه ؟
دانه بصدمة : جودي تستهبلين صح ؟ واحلامتس وطموحاتتس وبعديين ميلا باقي قدامتس وش صارر !!
الجود : م يمديني اشرح زوجي النشبة يناظر فيني بس تعالي وبقولتس كل شيء وعد
عقاب توسعت عيونه واشر لها وهو يقول : والله م اخليتس
الجود ضحكت وسكرت وقالت : خلاص بتاخذه ؟
عقاب مسك كتوفها وقال : والله لعاد توضحين لأحد علاقتنا ان شاءالله لو انها اقرب شخص لتس سامعة ماني ناقص تصير مشكلة ونتلاعن انا وابوي وانا ماخذتس عشان رضاه !
الجود دق قلبها برعب من شكل عقاب وطوله ابتسمت بخوف وقالت : امسك خلاص بدخل انا
لفت اول م اخذ عقاب الجوال واستوقفها صوته وهو يقول : ولعاد اسمع التهديد مثل والله معاد تشوفني مرة ثانية فاهمة ؟
الجود اشرت بأصبعها ع خشمها وقالت : ع ذا الخشم ابشر
طلعت من المطبخ وطلع عقاب وقال بنفسه ( اليوم الجمعة يعني باقي ع العرس اسبوع كامل ؟ الله يستر وعساه يعدي بسلام والله ماني ناقص ! ) دخل للمجلس وانصدم من عدم وجود اي شخص فيه ورفع جواله علطول وشاف وقت صلاة المغرب عض طرف ثوبه وركض للمسجد ووصل وتوضىء ودخل ولحق الركعة الاولى معهم وانتهوا من الصلاة وسلم عقاب وقال بنفسه ( والله وبدت تغيير فيك يعقاب اشهد انك عقبت صدق ارجع لموازينك ! ) مسح وجهه وشنبه ولف لفلاح وقال : فليح وين اسر ؟
فلاح اشر بأصبعه ع مكان اسر اللي كان يصلي جنب ابوه وفهد وقال : شفه ذاك
عقاب مسح ع كتف فلاح وقال : صقر وهيثم م ردوا لكم خبر عن حضورهم للعرس ؟
فلاح هز راسه بنفي وقال : لا للحين بس بدري باقي اربع ايام وبقولك معليك
عقاب قام وانصدم من مسكة ابوه للكتفه بقوة وقال بصراخ : يالعاااقب وينك من الصلاة والصفوف الاولى !!
عقاب ابتسم لأبوه وقال بهمس : يبه كنت عند الجود تعبانه وكنت اشوف وش فيها
ابو فهد تغيرت ملامحه وركد وقال : طيب ليه م وديتها للمستشفى ؟
عقاب : لا معليك طيبة طيبة
ابو فهد : ولحقت الصلاة ؟
عقاب : ايه اني معكم من الركعة الاولى
ابو فهد مشى وعياله وراه ووقف فهد قدام عقاب وقال : عقاب الحقني
عقاب شّد ع قبضته وقال بنفسه ( ياااارب صبرررني وهد من عصبيتيي خوفي اكسسر وجهه ويزعلون علي ثامر وحصيص ! ) مشى ورا فهد ودخلوا داخل المحلات واسر وفلاح وراهم وهم يقولون : ولد فلاح وش عندهم ؟
فلاح : مدري لكن فهد وراه شيء وماهو بمخليه لين ينضرب
اسر : اصلاً صرت اخاف عليه قاعد يستفز عقاب ومحد يستفزه
فلاح ابتسم وقال : الصدق انت تستفزه ومدري شلون للحين م انصفقت منه
اسر ابتسم وقال : عقاب م يقدر علي ترا وكم مره مد يده علي ومسكتها له معليك انا نقطة ضعف عقاب
فلاح : حاليًا بس
اسر قطب وقال : وبعدين ؟
فلاح رفع ثوبه وركض وهو يقول : الجود خذت مكانك
توسعت عيون اسر وقال : وررربيي م اخليييك
صاروا يركضون ورا بعض لين م وصلوا للدكان ووقف فلاح وهو يقول : عمي مفروض يعطيني نسبة عشاني اللي احفزكم تداومون
اسر ضربه وقال : تحفز ميين وهو م فيه الا انا اصلاً !
تقدم اسر وفتح الدكان وجلس عند الكاشير وجلس فلاح ع الكرسي اللي عند الباب وصار يهوجس ويفكر مليون مره بكلام تالين عن ترك الاشياء الفاسدة وبدأ فلاح يستجيب فعلاً وهو اول مره يكمل شهر ونص بدون م يلجأ لذيك الحاجات ..
" ورا بيوت الحارة "
فهد جلس وقال : عقيب اقعد !
عقاب جلس وقال : اسلم وش بغيت ؟
فهد : الصدق ابي اعرف كم شيء وابيك تتعاون معي
عقاب ابتسم وقال : انقلبت وظيفتي علي وش اتعاون معك الله يصلحك وش وراك ؟
فهد بحدة : ماني اصغر عيالك احترم العشرين عام اللي بيننا
عقاب تكى ع احد الجدران وقال : اخلص علي يالاربعيني
فهد : ابوي ليه زوجك وخلى ناصر وليه عمي عطاك الجود وخلى الميلا
عقاب : ايييه اثر عرسي ماكلك اكل وش حارقك تملكت وعرسي بعد اسبوع والاسئلة ذي اسألها ابو مساعد اربه يعطيك ضربة ع تدخلك
مشى عقاب وسمع فهد وراه يقول : تحسب ابوي يمد يده علي ذا كان اول ذالحين انا اللي امشيه ووالله م اخليك وبتشوف !
عقاب بسخرية رفع صوته وهو يقول : اعلى م في خيلك اركبه
مشى عقاب ووصل لنص المحلات ومشى لزاوية الديرة مكان دكان ابوه وقال : سلام يعيال
فلاح م رد وهو للحين يفكر كيف يصلح حياته وانه لازم يتخطى ماضيه بشتى الطرق وانصعق من ضربه عقاب وعيونه تطلع شرار وهو م كان يحب احد يتجاهله وقال بحدة : سلااام علييك يفليييح
اسر طلع وقال : عليكم السلام العهد قريب وانت تسلم عسى م شر ؟
فلاح برعب : وجعاااااه يعقاب خرشت ابوي
عقاب : اقول ترا شريت خيل
فزوا اسر وفلاح بفرحة وقالوا : بالله ؟؟
عقاب جلس ع الكرسي اللي مقابل فلاح وقال : اي بالله
اسر : خيل ولا فرس ؟
عقاب : م تعقب انا اركب فرس ؟
فلاح كتم ضحكته وقال : لا كذا قلة حيا في حق الخوصاء
اسر فز ومسك رقبة عقاب وقال : اعتذر لصاحبها الان !
عقاب ابتسم وقال : اسف يآسر قلبي اسف يعضيد وسند عقاب اسف يالدنيييا فعيوني ويروح اخوك انت اسف
اسر ابتسم وحضن عقاب وقال : عساني م اتبدل فيك يعقيب
عقاب : المهم ابي احطه فالاسطبل حقكم فيه مكان ؟
اسر بحب : ان م وسع شيء لعقاب المكان توسعه العيون اي والله
عقاب ابتسم وتقدم وباسوا خشوم بعض وانفجعوا من شهقة فلاح ولفوا عليه وكان يمسح دموعه عقاب فز وقال : فلااحح وش فيييك !!
اسر برعب فز وحضنه وقال : صااار شيء !!
فلاح حاوط اسر وقال : لا بس م عمري جربت شعور الاخوان ولا احد حبني مثل حب عقاب لك يالاسر ولا حبك يالاسر للعقاب
عقاب مسح وجهه وشنبه وقال : الله يخرشك حن اخوانك يحمار والله انك وراي وفي وجهي وشنبي اعقب صدق
اسر شّد ع فلاح وقال : وش تبي بعد هذا كلام من عقاب الجدار عديم الشعور
فلاح ضحك وقال : الله لايحرمني منكم
عقاب واسر بصوت واحد قالوا : ولا منك
عقاب قام وقال : امشوا اوريكم المرتجز
اسر صفر بحماس وقال : شكله يصهل زيين
عقاب : من الاسم تدري اصلاً
فلاح تلطم ومشى وراهم وشوي وانسحب من عقاب وقال : تمشي جنب اخوانك ماهو بوراهم !
فلاح دخل يده بين ذراع عقاب واسر ومشوا مع بعض ووصلوا لجدران الاسطبل وصهل المرتجز اول م شاف عقاب وركض له وكان عملاق وضخم ابتسم عقاب وقال : فححلل ويمين بالله فحل
اسر ابتسم وقال : ماشاءالله ماشاءالله تبارك الله الله يعطيك خيره ويكفيك شره يعقيب
عقاب رفع طرف ثوبه وركب خيله وفتحوا اسر وفلاح البوابة ودخل عقاب يمشي ع خيله وفتحوا احد الغرف وهي كانت ست غرف ودخلوه فيها وسكر عقاب عليه وقال : اجل تراه في امانتكم
فلاح ابتسم وقال : افا عليك لاتوصي حريصين
اسر : وفليح صادز
عقاب : نرجع للبيت ؟
فلاح : انا برجع لبيتنا
اسر : اجل في حفظ الرحمن يفلاح
مشوا متعاكسين وكان بيت ابو فهد اخر بيت فالديرة ووصلوا اسر وعقاب بعد مدة طويلة والسبب سوالفهم لبعضهم وشافوا ابو تركي وتركي وبناته وام تركي طالعين وقال ابو تركي : ايييه زين اني لحقت عليك يعقاب
عقاب تقدم وقال : سم يعمي
ابو تركي : تركي دوامه بعد ثلاث ايام وعجلنا العرس ليوم الاثنين وبنمشي بعده انا والاهل
عقاب توسعت عيونه وقال : ولازم يحضر تركي ؟
الجود ابتسمت ان عقاب وافقها الرأي وقالت : ايه صدق يبه ماهو لازم
تركي لف بحدة وقال : جود !!
عقاب لف وشاف غامد مع خواته وامه طالعين من بيت ابوه وكان غامد يطالع بالجود ويبتسم حس عقاب بنفس الشعور وكأن داخله يحترق تقدم ومسك رسغ الجود بكل قوته وقال بحدة وهو يهمس ويصر ع اسنانه : كمم مرره بقولتس صوتتس لايطلع وانتي بمكان مفتووح !!
ام تركي توسعت عيونها وقالت : خيير ان شاءالله وش تسوي !
وتقدمت وسحبت الجود عندها وقالت : ماهو انت اللي تعلم بناتي التربية
عقاب مسح وجهه وشنبه واستغفر ربه وقال : يأم تركي عن الغلط ولو انها ع التربية ربيتتس معهم !
ابو تركي تقدم وكان ناوي يصفق عقاب لكن مسكه اسر وقال : لا يعم ولا تفكر فيها حتى !
ابو تركي بحدة : وشذا الكلام يعقاب !!
عقاب : هذا انا عقاب واسلوبي وطريقة تعاملي كلها تربية اخوك وتتفاهم معه اما انكم تغيروني عشاني خذيت بنتكم ترا كلها اوراق وترجع لكم !
ابو تركي كان مصدوم وبنفس الوقت يدري كيف اسلوب عقاب وانه لو يتهاوش معه بيقهر اخوه عايض واضطر انه يسكت وقال : طيب طيب يعقاب
ام تركي بصدمة : بس كذا طيب ؟! وبعدين بنتي ماهي ميتة عليك !!
عقاب ابتسم وقال : انا قلته ؟ ولا اني ميتن بحبها معليتس شعورنا متبادل
ام تركي : الزواج م بيتم اذا اسلوبك كذا وهي للحين معي وش يضمني بعدين !!
ابو تركي بحدة : بسس ي صباااح الموضوع بيد جودي الحين !
ام تركي لفت لبنتها وقالت : جود !!
الجود مسكت يدينها بربكة وكانت هذي فرصتها انها تهرب من جحيم عقاب اللي كان يناظرها بنظرة تخدرها وتسحبها اكثر واكثر لقربه ولفت بقوة ع صوت امها وهي تقول : جودي اختاري تكملين ولا تتراجعين وتراتس معززة مكرمة محد له دخل فيتس وقرارتس بيدتس الحين !
عقاب ضحك وقال بهمس سمعه اسر فيه : معززة مكرمة وحنا وش حن عيال شوارع ؟
اسر بحدة : عقاب بس !! اقصر الشر
الجود م قدرت تتكلم حتى ومسكتها الميلا وقالت : امشي طيب واختاري الطرف اللي تبينه اذا م تقدرين تتكلمين
ام تركي : لا م هي ميتة عليه !
وحست ام تركي انها انصفقت اول م مشت الجود بهدوء ووقفت عند عقاب ابتسم ع جنب وهو يناظرها ونزل ظهره لها وقال : اخترتيني ع اهلتس ؟
الجود بهمس : مفروض تسجد شكر اني بديتك عليهم وكله مو عشان سواد عيونك عشان خاطر عمي وابوي وعشان م انكتب بالاحوال مطلقة بالعمر ذا !
عقاب ابتسم وقال : يزيينتس بس يالجود
الجود صدت ورجعت وحضنها ابوها بيد وحدة وقال : مشينا وعقاب رجال ويعرف يعتذر
عقاب : ايه يعمي رجال لكن اعتذر من الرجال ماهي حرمة م تقرب لي وغلطانه بحقي واجي اعتذر لها عيب ع شنبي والله !
ابو تركي لف لأم تركي وقال : تستاهلين يوم تغلطين ع رجال اطول واعرض مني والشنب خط وجهه
ام تركي بحرقة : كلامي ماهو معك غير مع الكلبة ذي !
الميلا بحدة : يمه معليش بس مدامتس تبين تخربين بيت بنتتس ليه تزوجينها من الاول ؟
الجود ابتسمت وقالت : وميلو صادزة
دخلوا بيتهم وبدأت هوشتهم مع امهم وتركي كل شوي يتدخل اذا شاف امه رفعت يدها ع خواته وهو م يبي هالشيء ينمو داخلهم سواء خوف من جهة البنات وسلطة بطريقة بشعة من جهة امهم ..
" في بيت ابو فهد "
اسر : وش بداية الهوشة وليه تقدمت لها
عقاب : عشان صوتها وغامد ونطراته
اسر سكت شوي وبعدها صرخ وقال : تغغغاااارر يالككلببب
عقاب فز برعب وهز راسه بنفي وهو ينكر الشعور وهو غيرة مليون فالمية وقال : لحد يسمعك بس
اسر نط وتعلق برقبة عقاب وقال : الا اعترف تغار ع الجود وم تبي احد يسمع صوتها غيرك
عقاب ابتسم وقال : واذا كنت اغار فهذا دليل رجولتي لأن اللي م يغار ماهو برجال !
اسر : يقطع شكلك والترقيع البطل بس تصدق تمشي ع الكل الا انا وانا اسر خابزك خبز معليييك
" بعيد جدًا عن الديرة تحديدًا اسطبل الصقلاوية "
دخلت دانه بهدوء وقالت : متأكدة ذا المكان الصح ؟
ديم : ايه ايه معليتس
دانه : الله يستر
ديم اشرت بيدها ع لوحة انكتب عليها " الادارة " ومشوا ودخلوا واستقبلهم المدير وهو يقول : اهلاً وسهلاً كيف اساعدكم ؟
دانه : هلا فيك معك دانه ال سليمان
المدير فز وقال : يمرحبا يدانه اخيرًا قبلتي تجين عندنا والله انه شرف كبير لنا نضم فارسة مثلك في مياديننا
دانه ابتسمت وقالت : الشرف لي والله
ديم تقدمت وقالت : وانا ديم ال محمد
المدير : يهلا وسهلا فيك ي ديم وان شاءالله اننا نكون عند حسن ظنكم معكم خيولكم ؟
دانه : طبعًا !
المدير : تقدرين توريني مكانهم ؟
دانه رفعت حاجبها وقالت : افتحوا البوابات طيب
ولفت لديم وقالت : وش عنده ذا يقرف !!
ديم ضحكت وقالت : الشكوى لله
طلعوا وارتفع صوت دانه وهي تقول : يالمهررررة
فرس دانه المهرة صهلت وركضت اول م انفتحت البوابات ودخلت وكانت تركض ومسكت دانه اللجام وركبت عليها وهي تركض وكانت هذي احد المهارات اللي م يقدر عليها الا المحترفين وشوي وقالت ديم بصوت عالي : يالسمراء
دخلت السمراء وركضت لديم وقفت وركبت عليها ديم وكانت ديم محترفة بقفز الحواجز عكس دانه اللي محد نافسها بركض فرسها والسباقات اللي كانت دانه تربحها سواء كانت هي اللي تقود المهرة او المهرة لحالها
هتان تقدم وقال : دانه ؟؟
دانه ابتسمت وقالت : ارررحب هتان
هتان ابتسم وقال : يمرحبا ومسهلا !!
دانه تقدمت وتلامسوا بالمرفق وهذا كان سلامهم بحكم ان دانه بنت وهتان ولد
هتان : شخبارك شعلومك ؟
دانه : والله بخيير
هتان ابتسم وقال : وش الفرصة السعيدة بشريني وقولي بتشتغلين معنا
دانه ابتسمت وقالت : ان شاءالله
ديم تقدمت وقالت : خير عرفيني ؟
دانه سحبت ديم جنبها وقالت : هتان هذي ديم ودين هذا هتان
هتان حط يده ع راسه وقال : لي الشرف يبنت محمد
ديم : الشرف لي يولد سابر
دانه توسعت عيونها وقالت : ماشاءالله تعرفون بعض
ديم بغرور قالت : لا بس المعروفة لا تعرف
هتان ابتسم وقال : والله امي داعية لي انتي وجيتي والليلة ماهر بيجي
دانه ابتسمت وقالت : الله يخليها لك بس مين ماهر ؟
هتان : ماهر الفيصل م اظن تعرفينه
ديم صرخت بصدمة وقالت : يوييلليي ماهر الفيصل ميين م يعرفه !!
دانه اشرت ع صدرها وقالت بقرف : اما عاد لا يكون واجب علي اعرفه ! سري امها
مشت دانه وهتان يضحك وقال بصوت عالي : احب عزة النفس ذي لكن اتحداك تقولينها قدامه اذا شفتيه
دانه : اعلى م في خيله يركبه ماهركم ذا
وسكتت شوي وحست بالمهرة وراها ابتسمت وركبت وصارت تركض داخل الميدان والكل مصدومين من السرعة وفوق كذا م جلطهم الا ثقة دانه بالمهرة وكانت فاتحة يدينها بالهواء وم هي متمسكة باللجام
ديم : متى بيجي ماهر بالضبط ؟
هتان : والله مدري لكن الليلة
ديم : اذا م انت شايف بس ترا الوقت ليل خلاص !
كان بيتكلم لكن قاطعه صهيل اللطيم وصوت ماهر وهو يقول : حاااااي ياللطيم
دخل ماهر وخيله يركض فيه هتان ابتسم وقال : ارححببوووااا
ماهر طاحت عينه ع دانه وهي تركض بفرسها ولف لصوت هتان وقال : الله يبقيك ي هتاني
نزل ماهر وتقدم وباسوا خشوم بعض وتحاضنوا وقال : شخبارك ؟
هتان ابتسم وقال : والله توو صرت بخيير
ماهر ابتسم وقال : جعل عمرك طوييل
ديم تقدمت وقالت : اهلاً ماهر معك ديم
ماهر قطب وقال : ديم بنت محمد ؟
ديم هزت راسها بنعم وقالت : ال محمد بالاصح
ماهر ابتسم وقال : يهلا وسهلا انا م..
قاطعته ديم وهي تقول : ابد المعروف لا يعرف
هتان توسعت عيونه وقال : احلفي ! وين الغرور اللي قبل شوي !!
ماهر ابتسم ومد حبال الخيل حقه لأحد المساعدين فالاسطبل واخذ اللطيم لغرفته وتقدم ماهر وقال : ابطيت عليكم ؟
هتان : ابد والله فالتوقيت
ماهر : اشوا الا بسألك
هتان جلس ع طاولة عليها براد شاهي وجلس ماهر معه وقال : اسلم اسأل
ماهر اشر ع دانه اللي نزلت من المهرة عشان يغسلونها ويلبسونها لبس خاص بخيول اسطبل الصقلاوية وقال : ذيك من ؟
هتان ابتسم وقال : صديقة الطفولة
ماهر رفع حاجبة وقال : بالله عليك ؟
هتان : ايه نعم
ماهر : لانا مدري دانا ؟
هتان ضحك وقال : ايه ايه دانه بالهاء
ماهر عدل جلسته وقال : م يهمني بالهاء ولا الالف لكن واضح انها تبي من ينافسها ويروضها هي وفرسها
هتان : استهد بالله ولا تحط دانه بعينك لأنها بتكسرها لك
ماهر توسعت عيونه وقال : اف اف شوف من بيكسر عين ولد الفيصل !
هتان : والله محد نافسها وفاز عليها انت مستوعب انها تثق بالمهرة حقتها لدرجة انها تنزلها للميادين وهي م هي معها وتتسابق المهرة لحالها وتكسب الالقاب والجوائز !
ماهر ابتسم وقال : اللطيم يروض فرسها
هتان : شلون ؟
ماهر بخبث : يعتليها وينهي الموضوع
هتان طرطش بالشاهي وقال : وجعععااااه يماهر
ماهر ضحك وقال : حشى خيول ترا اجل لو اني اسولف لك عن اوادم !
هتان توسعت عيونه وقال : سد حلقك تكفى
قام ماهر وقال لوحدة من المساعدات : وين غرفة الملابس ؟
حلا ابتسمت وقالت : مدري والله توو جديدة انا
ماهر : تستعبطين صح ؟ وكيف لبستي اللبس ؟
حلا بحدة : تعرفني انت ؟ وش الميانة ذي وبعدين غرفة ملابس الحريم غير عند الرجال الا اذا انت تشوف نفسك حرمة عاد الموضوع راجع لك !
مشت وماهر ع اعصابه زفر بقرف وقال : هتان
لف ومعاد شاف هتان وراه ورجع يطالع قدامه وشاف دانه طالعة بلبس الاسطبل وكانت لابسة عليه جاكيت طويل بحكم ان اللبس يبرز مفاتنها وكانت تغطيها بالجاكيت تقدمت وطلعت المهرة باللبس الجديد وشعرها مظفر ابتسمت وقالت : مهرتي وشذا الزييين
المهرة صارت تتراقص بفرحة ونزلت راسها لدانه وباستها بحب وركبت بهدوء وقالت : يالله بسم الله مشوار جديد مليان انجازات
مشت بالفرس حقها ووصلت جنب ماهر وقال : دانه ؟
دانه لفت له وقالت : سم ؟
ماهر ابتسم وقال : الصدق توو جيت وضعت واحتاج..
قاطعته دانه وهي تقول : اسأل المساعدين الرجال ماهو الفارسات !
ضربت ع المهرة وركضت فيها وكح ماهر اثر الغبار وقال : هم كلهم وقحات كذا ؟!
مشى بنفسه وصار يقرأ اللوحات وبعد ربع ساعة حصل المكان المناسب له ودخل يغير عشان النشاطات اللي بتبدأ والتدريبات ..
" فالديرة "
اسر فتح جواله ع رسالة من فلاح وكان مرسل اشعار ورسالة ثانية استبيان لهم تحت عنوان " اسطبل الصقلاوية " ابتسم ودق عليه ووصله صوت فلاح وهو يقول : ارحب شفته ؟
اسر : فرصتنا يولد الاسطبل قريب والله لنكسب اذا وريناهم مهاراتنا
فلاح : تم والله بنروح ع سيارتي بكرا
اسر : تم تم
فلاح ابتسم وقال : وعسى ربي يوفقنا يارب
اسر : امين والخصوص انا ولا انت متوظف جعلك تسلم
فلاح ابتسم وقال : نقيب وفارس الله صدق
اسر ابتسم وقال : الله يرزقنا بالعسكرية اولاً ثم الفروسية ثانيًا
سكر فلاح وطفى اسر جواله عشان ابوه م يحب يسمعه للي ماعندهم شغل مثل اسر وناصر وسامح لعقاب وفهد حطه بجيبه وطلع ع جلستهم المعتادة مع امهم وابوهم وخواتهم فالحوش وقال : هلااااابي يالقعدة البطلة !
جلس وقال ابو فهد بحدة : سلم سلم !
اسر ابتسم وقال : العهد قريب يبه
ابو فهد : شكلك انت وناصر بتجلسون بحلقي لين اموت اعنبوكم افلحوا
اسر : طيب اسمع العلم بكرا بقدم في اسطبل و..
قاطعته ضربة ابوه بالعصا وهو يصارخ ويقول : م خلاك ردي م تعرف فالحياة شيء الا الخيل والاسطبل اللي تحسب انك بتفلح فيها !
اسر بألم قال : انا اشوف انك يبه م تسبق الاحداث
ام فهد ابتسمت وقالت : كمل ي اسر كمل يولدي
اسر ابتسم وحط راسه ع حضن امه وصارت تمرر اصابعها بين منابت شعره وكمل اسر وقال : وان شاءالله اصير من اعظم الفارسين فالسعودية
ضحى بحماس : وبالعالم بعد !
ناصر ابتسم وقال : عسى الله يوفقك يعين اخوك
اسر مد يده وتشابكت مع يد ناصر وقال : وياك يدكتورنا ناصر
ابو فهد بعصبية : وليته صار دكتور للحين يقرأ في ذي الكتب وفقع مرارتي !
ناصر بحدة : والله لو انه سحر يبه يوم يصير بيوم وليلة !
ابو فهد ضرب قفى كف ناصر بقوة وقال : ولسااانك طايل !!
ناصر سحب يده بسرعة وصار يون من الالم وقالت البندري بهمس : ناصر تكفى لا تبكي !
ناصر قام علطول وسحب كتبه معه ودخل للمقلط وسكر الباب بقوة ع دخولية عقاب وهو جاي من العزبة وقال : سلامات وش العلم ؟
ابو فهد : تعال يعقيب تعال يولدي
اسر قام وحط عينه بعين عقاب واستحقره ومشى تحت صدمة عقاب وناصر واسر تأكدت نظريتهم وهي ان ابوهم يحب عقاب وفهد اكثر منهم مشى اسر ودخل المقلط وسكر الباب بالمزلاج [ قفل الباب ]
عقاب جلس بعصبية وهو م حب نظرة اسر وخصوصًا انها جات من اسر وقال : سم يبه ؟
ابو فهد بحدة تحول علطول وقال : سم ببطنك يالعاقب !! وش قايل لمرت عمك !!
عقاب بحدة : وش قلت لها ؟ غلطت علي وتحسبني اصغر عيالها وعساك تبي تحاسبني عشانها وانا ماخذ بنتها غصبن علي عشان رضاك !
ابو فهد بحدة : بحاسبك ونص ذي ام زوجتك ومرت عمك قبلها !
ام فهد بحدة : لا عاد ! اسمع يعايض م تحاسب عقاب عشان مرأة وانت م تدري عن السبب
ضحى بحدة : وامي صادزة يمكن انها تبلت عليه !
عقاب ابتسم وقام وباس راس ابوه ورجع لأمه وباس راسها ومشى وضرب راس ضحى بخفه وقال : تمسوا ع خير
مشى للمقلط وفتح الباب وحصله مسكر ودقه بهدوء وقال : وش معاديني انت وياه افتحوا ابي ارقد !
اسر غطى راسه بمخدته وطنش عقاب وناصر سبقه وانخمد وبعد دق متواصل تعب عقاب وقال : اه يالاسر اشهد بالله انك اوجعتني بنظرتك وابشر بالرضواة ولو اني م غلطت عليك
لف عقاب ودخل البيت ومشى لغرفته ودخل وسكر الباب وانسدح ع سريره وقال : الله اكبر يعقاب وراك حزنت عادي اعتبره درس عشان اذا تزوجت وجاتك جود تنخمد عندها ماهو فالمقلط مثل السرابيت اخواني
ضحك وانسدح وشوي وفز وقال : وجعاه عجزت انام !
وطالع بالارض وسحب فراشه وانسدح ونام ع الارض علطول ..
" بعد ثلاث ايام فاليوم المنتظر زواج الجود وعقاب "
الكل في بيت ابو فهد كانوا مستنفرين دخل اسر مستعجل وقال : ناصر كيف يدك ؟
ناصر ابتسم وقال : معليها طيبة ليه ؟
اسر : اجل تعال ساعدنا فالمخيم الرجالي برا الديرة
ناصر تقدم ومشى للمكان اللي حددوه الرجال وشاف عقاب ينصب الخيام مع فهد وفلاح وابو فلاح واقف يشرف ع شغلهم وشوي وصرخوا الرجال ترحيب بصقر وهيثم وقال صقر : يالبييييه والله تخسى لندن واوروبا عند ريحة الديار وقرب اهلي البقااا جمييع
فلاح تقدم وحضن صقر بكل قوته وقال : واححششنني يالصقر
صقر شّد ع اخوه ورفع راسه وباس راس فلاح وقال : م يوحشك غالي يالعضيد بشرني عن حالك عساك استقمت ؟
فلاح ابتسم وقال : ابشرك بشارة
صقر : الحمدلله اجل اليوم عندي فرحتييين يفلييح
فلاح ضحك وتركه وتقدم لهيثم وسلموا ع بعض وكان البرود من جهة هيثم والحنان من جهة فلاح وهو اللي محتاج للحنان ابتسم بهدوء ولف ع صوت عقاب وهو يقول : صقر هيثم يالله يدكم بيدينا انا وانا العريس شغلوني
صقر ضحك وقال : ابششر والله بعزك يعريسنا
الكل اقدموا ع شغلهم والضحكات والسواليف متعالية والكل يسمعها من بعيد واهل الديرة من حبهم لأبو فهد جاووا وتعنوا بالهدايا والمعونة والاغراض وصاروا يجهزوون الخيام كلهم ..
" في طرف الحريم "
البنات كانوا يتجهزون ويتكشخون وريحة المكياج البسيط والكحل الاسود المشهور في زمنهم والعطورات العتيقة واصوات الاكسسوارات تخالطت مع اصواتهم وفرحهم وهم متجمعين ببيت ابو فهد والكل يردد ويقولون :
يوم التقوا وتلاقت العين بالعين
عقاب والجود نورهم بالسماء بان
النور كله واحد من هالاثنين
اذا ابعدوا يبعد واذا بينوا بان
والجمال فيهم غاروا واجد من الزين
والشان نفسه يفتخر انهم شان
والجود اجمل من حكى الليلة عنها
هي عروستنا وهي اللي يغار الورد منها
-
وصاروا يزغرطون ويرددون بفرح ابتسمت ضحى وتقدمت ومسكت كاسة وصارت تمثل انه لقاء تلفزيوني وقالت : وش شعورتس يعروستنا ؟
الجود بتوتر : متوترة
ضحى ضحكت وقالت : واحد يتزوج عقاب ولا يتوتر الحمد لك يارب اني اخته
الجود مسكت الكحل ورمته عليها وقالت : شف الوسخة !
الميلا : يالله دور الفساتين قوموا
ضحى قطبت وقالت : وين ؟
الميلا : وحدة عرفتها مصممة وصممت لنا عشر فساتين غير فستان جودي
البندري بحب : اماااانه ورينا
الميلا طلعتها ومدت كل وحدة وفستانها ع الكيس اسمها ومدت اخر فستان لضحى وطلعته وكان متزين باللون الازرق ضحكت بفرحة وقالت : اخيرًا شعور فستان جديد
الميلا ابتسمت وقالت : خلوني اتأكد ضحى والبندري وسحاب وسديم وحصيص وعمتي قمراء وامي وانا وغالية واحلام بس ؟
الكل : اييه
الميلا : يالله اجل انسحب انا بلبس واجي
الكل استنفروا ورا الميلا يلبسون ويتكشخون بالاكسسوارات الجديدة والفرحة ع وجه البندري وضحى اللي اول مره يحسون بالفرحة والاشياء الجديدة وكانت البندري باللون الاخضر وضحى الازرق ولبسوا وخلصوا وطلعوا وشافوا الميلا عند الجود بفستانها الاحمر القرمزي واللي بارز ملامحها ضحكت ضحى بفشلة وقالت : م تحسونه مكشوف ؟
البندري : طيب ؟ بنات ترا
الميلا : ونوني صادزة !
الجود قامت بفستانها الابيض ذو الجمال الطاغي وتفاصيله الاخاذه ابتسمت وقالت : خلصت شرايكم ؟
غالية بحب : ماشاءالله وذا الزين كله لعقاب اشهد بالله ان امي داعية له واشهد بالله انه ضاااع
الجود ابتسمت بخجل وقالت : يعمري يغالية
الميلا حضنت اختها وقالت بصوتها الشجي :