ပြန်လိုချင်တယ်
အပိုင်း (32)
"မုန်းလိုက်တာ အရမ်းပဲ ငါကိုကမှားတာပါ "
"အေးဟုတ်တယ် နင်မှားတာပဲ နင်ပဲ နေပိုင်ထွဋ်တို့တစ်ဖွဲ့လုံးကိုကြည့်မရပါဘူးဆိုပြီး သန့်ဇင်အောင်ကိုတော့အမြင်ကြည်တယ်ပေါ့ "
"တကယ် သူတို့တစ်ဖွဲ့လုံးက အလိုတူအလိုပါ အကျင့်စရိုက်တွေအကုန်အတူတူပဲ"
"ကိုနေပိုင်ထွဋ်က သိရဲ့သားနဲ့တောင် လားရှိူးသွားတုန်းက သန့်ဇင်အောင်ကိုခေါ်လာသေးတာနော် ငါကတော့သန့်ဇင်အောင်ကနင့်ကိုအဟုတ်ကြွေနေတာမှတ်လို့"
"အေး နင်တောင်အဲ့သလိုထင်မှတော့ ငါ့နေရာမှာစဥ်းစားကြည့်စမ်းပါ "
ယမင်းက အောက်နှုတ်ခမ်းကလေးကိုဖိကိုက်ပြီး ဒေါသထွက်စွာနဲ့ ရှေ့မှာရှိနေသောစားပွဲခုံအား လက်ဖဝါးဖြင့်ရိုက်လိုက်သည်။
ခင်သက်က မျက်လုံးလေးစုံမှိတ်ကာလန့်သွားရပြီး
"ဖြေးဖြေးသက်သာလုပ်စမ်းပါ စားပွဲခုံကြီးလည်းကျိုးသွားဦးမယ်"
"ကျိုးကျိုးဟာ !"
"အေးပါ နင့်ပစ္စည်းပဲ ကြိုက်သလိုသာလုပ်"
ဒီတစ်ပတ်ပိတ်ရက်မှာ ခင်သက်နဲ့ယမင်းတို့ ယမင်းအိမ်၌Dateဖြစ်ကြသည်။ ဘီယာနှင့်အာလူးချောင်းကြော်ရယ် မပါမဖြစ် မာလာရှမ်းကောလည်း ခင်သက်ကဝယ်ခဲ့ရသေးသည်။
အသည်းကွဲနေတဲ့အပျိုကြီးစာရင်းဝင် သူငယ်ချင်းလေးကို သူမှလာမနှစ်သိမ့်ရင် မဖြစ်တော့ပြီမို့။
"ယောက်ျားတွေကလေ ငါတို့မိန်းမတွေကိုသူတို့ရဲ့ကစားစရာလို့များအောက်မေ့နေလားမသိဘူး ငါတို့ပြန်Play လိုက်ရင် သူတို့ရူးတောင်သွားဦးမယ် "
"လောလောဆယ် Play ခံလိုက်ရတာကနင်နော် ယမင်းလွင်!"
ခင်သက်က ဘီယာဘူးကိုမော့သောက်ရင်းလေကျယ်နေတဲ့သူငယ်ချင်းမကိုသတိပေးလိုက်သည်။
"ငါဘာလို့အဲ့ဒီကောင်ကိုမှ ရင်ခုန်သွားရတာလဲ မုန်းလိုက်တာငါ့ကိုယ်ငါတောင် !"
"နင်မုန်းလည်းအပိုပဲ ရင်ခုန်လို့နင်သူ့ကိုတောင်ကြိုက်ပြီးသွားပြီမလား"
YOU ARE READING
ပြန်လိုချင်တယ် (Completed) OC
Romance"မင်း အဲ့သလောက် တိုနှံ့နှံ့လေးတွေဝတ်ပြီး ပွတ်သီးပွတ်သပ်လုပ်ပြရတာကြိုက်နေလား" "ကြိုက်တယ် ကျွန်မဟာကျွန်မကြိုက်လို့ ဝတ်တယ်ဘာဖြစ်လဲ!" "အေး...အဲ့တာဆိုရင် ချွတ်စမ်း...မင်းယောက်ျားငါ ဒီမှာထိုင်ကြည့်မယ် ချွတ်...ခုချွတ်!" Mautre on Uni/Zawgyi "မင္း အဲ့သေလာက...