بيـــن وصـــالك أوصاف ؛
أستغفر الله العظيم وأتوب اليه 🩶
*
صباح يوماً ما في « قصـــر مـــرادي » عند وصول عائله مرادي و قايد في ليله امس من شمال المملكه مدينه - حايل - إلى الرياض ليقيمون احتفالاً عضيماً لحفيدهم الذي تم تحديداً زِفافه في الأسبوع القادم , صرخ ريان : عزوز يتزوج وانا لا !! جده بكره تجيبين لي عروس والله ،
مسكت راسها ام محمد بصداع : ريان وقسم بالله ان قمت عليك بالعصى
جلس قدامها : برري لي ليش تزوجينه وانا لا
ام محمد : والله هو اذا عاقل بتعقلون وتفكونا من هبالكم
الجده مزون : المثل يقول وانا جدتك زوجوه ويعقل
ريان : انا بعد زوجوني واعقل
صرخت ام راكان : ريان الله ياخذك قم فارق عني اوجعت راسي !
قامت رزان اخته تسحبه : فارق
ريان : طيب طيب الايام بينا
مشى للمجلس يطرق الباب , وصرخت وجدان : وربي لو واحد من العيال بلعنك
فتحت الباب ورفعت حاجبها : وش تبي ريان !
ريان : افتحي الباب بجلس معكم طفشت
رغد : ريان اذلف
فتحت الباب كله شهد تناظره : ورا ماتروح للعيال ؟
ابتسم بوسع ثغره : تخيلي جلدوني
وجدان : انا اول مره اشوف احد ينبسط على الجلد
شهد : مُتخلف فعلاً
ريان : اقول فارقوا انتم الثنتين ،
دخل لداخل يناظر وديم : دقي على اخوك الحين
عقدت حاجبها بستغراب : ايء اخو ؟
ريان : البقره اللي بيتزوج
ريهام : ماعندك جوال انت ؟
رهف : ماتعرف تروح للعيال يدقون عليه يعني
ريان : مالكم دخل اسكتوا , أنا اكلم وديم !
دقت وديم عليه تعطيه الجوال , وفتح السبكر يهز رجله ينتظر رده , ورفع حاجبه من عدم رده : مايرد علي ! انا ريان مايرد علي الكلب هذا !
شهد : تزوج وتغير عليك يامسكين وااك واك
رجع يدق عليه , ومن بدت تنحسب اول الثاني صرخ : يالملعون وينك ياحيوان ! تطلع ولا تاخذني معك !
رغد : والله لو انك زوجته
ضحك عبدالعزيز : بروح اجهز لزواجي وانت افطس غيره يالجربوع ،
ريان : كل تراب
ضحك يسفتزه : وش شعورك وانا أصغر منك وبتزوج , سمعني ريّو لا تستحي .
ريان : تعال بس والله لدعسك
عبدالعزيز : تعقب والله
وديم : عزوز حددوا الزواج دريت ؟
عقد حواجبه بذهول : أسألك بالله
وديم : والله , ماما ماقالت لك !
عبدالعزيز : لقيت لها مُكلمات بس مارديت بداوم
وديم : ايه امي وخالتي ساره - أم سيف - حدوده الاسبوع الجاي
عبدالعزيز : ياليل مافيه وقت !
ريان : الا فيه بس انت تبي تلعب مع البنات قبل تتزوج
ناظروه بصدمه , وصرخ عبدالعزيز : على تبن انت
ريان بملعنه : عادي قول ترا خالاتي مو عندنا
عبدالعزيز : فارقني لا ادوسك
ريان : قول عزوزي اعترف
طفى بوجهه وانفجر يضحك ريان , ومسكت راسها ريهام من صوت ضحكته : ريان تكفى انقلع صدعت براسي !
ريان : اوكي بطلع وبتشتاقون لي
شهد : فارق بس
خرج لقسم الرجّال يدخل المشب ويشوف جميع خواله جالسين يتقهون : بونجور
ابو سلمان بحده : اعوذوا بالله , سلم سلم , وأسلّم
صب له فنجال قهوه : ليش خالوا , تشوفني كافر ولا قلادة المسيح معلقه برقبتي ؟
ابو ريان اللي صرخ بحده : ريــان !
استقام بوقفته : سم طال عمرك
ابو سعود : والله شكل هذا اللي بنزوجه عشان يعقل
نط ريان عنده : ايه والله صح عليك
ضحك بصدمه : وش !
ريان : بكمل نص ديني ياخالي تكفى
ابو خالد : كمل النص الأولى وانا خالك بعدين تعال ،
ريان : استغفر الله ! وش هالكلام انا ديني كامل ياربي لك الحمد
ابو خالد بسخريه : ايه انا ادري
ابو ريان : متى صليت الفجر اليوم !!
ريان : اول ماقال الله واكبر !
ابو تركي : ايه مصدقينك حنا بس فارق
ريان : محد يبيني يعني ؟
ابو طلال : مع الأسف ايه
ريان : تمام .
