بين احضان قاتلي

part"47"

قَوَامُكَ فَتَّانٌ وَطَرْفُكَ أَحْوَرُ
وَوَجْهُكَ مِنْ مَاءِ الْمَلَاحَةِ يَقْطُرُ
تَصَوَّرْتَ فِي عَيْنِي أَجَلَّ تَصَوُّرٍ
فَنِصْفُكَ يَاقُوتٌ وَثُلْثُكَ جَوْهَرُ
وَخُمْسُكَ مِنْ مِسْكٍ وَسُدْسُكَ عَنْبَرُ
وَأَنْتَ شَبِيهُ الدُّرِّ بَلْ أَنْتَ أَزْهَرُ
وَمَا وَلَدَتْ حَوَّاءُ مِثْلَكَ وَاحِدًا
وَلَا فِي جِنَانِ الْخُلْدِ مِثْلُكَ آخَرُ
فَإِنْ شِئْتَ تَعْذِيبِي فَمِنْ سُنَنِ الْهَوَى
وَإِنْ شِئْتَ أَنْ تَعْفُو فَأَنْتَ مُخَيَّرُ
فَيَا زِينَةَ الدُّنْيَا وَيَا غَايَةَ الْمُنَى
فَمَنْ ذَا الَّذِي عَنْ حُسْنِ وَجْهِكَ يَصْبِرُ

...................................................................

ريم..حسيت الدنيا توقفت عندي الشي الوحيد الي اتذكرة كلامة قبل فترة صرت ابجي طلعو اخواني يركضون لبرة واني وياهم ماكدرت ابقى كاعدة ركضت وراهم اركض وادعي

..ربي لاتكسرني بشاهين لاتكسر فرحتنة

طلعت برة گلبي مغبوض شفت سيارة شاهين بمكانها وسيارة ثانية مرتطمة بيها من ورة والجام والورة كلة متكسر
صرت ادور بعيوني على شاهين ميتة خوف لازمة گلبي والهث اريد بس المحة داخل السيارة بس ماكو مموجود لزمت اشهب اعيط

..وينةةة وينةةة شاهيني جان بالسيارةةةة

سد حلگي وجهة اصفر ويلهث وعيونة تدور صابتني رجفة بجسمي حسيت نفسي تايهة ماعرف الصاير بحبيب روحي الناس التمت تباوع
سمعت صوت شخص متألم دفعت اشهب عني وركضت لورة السيارة وكفت مصدومة من شفت شاهين متمدد بالارض بيدة علبة الذهب الي اشتريناه ومالك كاعد يمة يلهث ركضت دفعتة عنة وخليت راس شاهين بحضني باوعت لمالك وعطت بغضب