بلاي ي جابر بعناد روس الرجال

بارت 31

الدكتور طلع ووجهه مايبشر بخير ابد : الباقي بعمركم ادعو لها
ساره : ء اييش ؟ . استوعبت الي قاله وصرخت . لااااااااااااااااا يمهههه لااااا تروحيننننن لتتركينييييييي
سالم ركض لها وحاوطها بيده يحاول يهديها وعيونه امتلت دموع متحجره : خلاص سارونه يعيوني اهدي
ساره صرخت بصوت عالي سالم خاف عليها وعلى الي ببطنها وركض ينادي الدكاتره ورجعو خذوها ودخلوها للغرفه وماهي ثواني الا طلعو وهم ساحبين سرير به ساره الي تبكي وتصارخ وتنادي امها
سالم بخوف : ايش بها ليه ماخذينها
النيرس : ولاده
وراحت ركض ودخلو ساره غرفة العمليات وسالم رافف ينتضر يطلعون يعلمونه يطمنون قلبه بالحضه ذي حس انه محتاج احد معه احتاج حد يسنده انصدم بموت عمته والحين ساره خاف حس كل خليه بجسمه ترجف من فكرت انه يفقدها وهو للحين مو مستوعب انه فقد عمته راحت مابيشوفها مرا ثانيه ؟ حس الغصه بحلقه
مايقدر يتصل على خالد وخالد توه ماله ساعتين متزوج طلع جواله وايده ترجف دخل على نايف وهو مسميه ( وليفي ) اتصل رماهي ثواني ووصله صوت نايف
نايف : لبيه ؟
سالم بغصه : محتاجك ي نايف
نايف فز من مكانه بخوف من صوت نايف ومن كلامه : وييينك وش صاير بك شي تكم لتخوفني ؟
سالم : تعال لـ مستشفى ** بس لتعلم احد تكفى
نايف قفل ولبس ثوبه بسرعه واخذ مفاتيحه وطلع وحرك سيارته بسرعه وبعد دقايق وصل ونزل بسرعه واتصل على سالم سالم رد : وصلت ؟
نايف : اي وينك ؟
سالم : مدري وين بضبط زين وصلت اسألهم عن اسم ساره
نايف : طيب وقفل
وتوجه يسأل : لو سمحت المريضه ساره احمد ال ** وين موجوده ؟
الموضف اشر بيده : مع الفه ذي تلقى باب كبير ادخل معه ويمينك غرفت العمليات عندها
نايف انصدم من سمع العمليات وركض بسرعه لهم حتى نسى يشكر المرضف راح لغرفت العمليات شاف سالم يفر وهو متوتر ركض له : سالم؟
سالم لف عليه وركض يحضنه وهنا انهار يبكي
نايف : سالم تكفى يخوي لتخوفني وش صار ؟
سالم بدموع : عممتيييي ي نايف عمتيييييي
نايف ارتخى وقال بصدمه : ء ء ايش بها ؟
سالم : مااااتتتتت راحت ي نايف راحت
نايف انصدم وحس بشعور صدمه ؟ انكسار ؟ حزن ؟ دموعه امتلت بعيونه والغصه واقفه بحلقه انلخم ( انهبل ) مابدر منه اي ردة فعل من الصدمه فحأه هز سالم بقوه : ساللللمممممم واعييي على نفسك شتقول صاادق انت ؟ تكفى انكرررر الي سمعته ! تكفى قلللللل انه مقلب لا مستحيللل
سكت شوي وكمل : ساره ؟ ايش بها ايش صار لها
سالم صد وقال وواضح من صوته الخوف عليها : مدري مدررري قعدت تصارخ ودخلوها العمليات اذا صار بها شي والله اموت ي نايف
نايف رجع حضنه وهو يحاول يستوعب توهم من كم ساعه يرقصون ومستانسين وعندهم عرس كيف كذا بساعات بسيطه تغير كل شي تحول صوتهم الفرحان لصوت يبكي
بعد دقايق طلع الدكتور
سالم بخوف : بشر ي دكتور طمني ؟
الدكتور : الحمدالله على سلامتها ومبروك المولود
سالم ضحك حزن وفرح بوقت واحد وقال : هي بخير ؟
الدكتور : اي بخير ولله الحمد الحين يطلعونها لكم هي والبيبي
نايف : يعطيك العافية
الدكتور : الله يعافيك
وراح وطلعو الممرضات وهم مطلعين ساره بسرير وهي مغمى علها
سالم بخوف : ليه مغمى عليها !
النيرس : تطمن بخير هي دقايق وتقعد
سالم هز راسه بـ اي
نايف ابتسم بضيق : مبروك ي ابو نايف يتربى بعزك
سالم : الله يبارك فيك
وتوجهو يشوفون عمتهم وطلعو منها وهم في حالة انهيار بكي تلطمو وطلعو
بعد ربع ساعه اذن الفجر
الجد اتصل على سالم
سالم : نايف رد عني
نايف احذ الجوال ورد : هلا جدي
الجد : وين سالم متصل عليه انا ؟ وبعدين انت شتسوي عنده من الفجر !
نايف كانت الغصه بحلقه وقال : عمتي تعبت وودينها للمستشفى و....
قاطعه الجد : ايييشش ؟ بنتي وش بها ؟ صادز انت ولا تكذب !
نايف  : ء ء جدي استهدي بالله اهداء اول شي وتعالو للمستشفى ال ...
الجد قفلل بوجهه وطلع من الجناح حقه لـ جناح ابو جابر الي جنبه
ابو جابر طلع وخاف من شاف ابوه الي مستند على الجدار ويطق الباب بعصاه وايده ترجف : يبه ؟ وش بك ليه شكلك كذا !
الجد : سعاد اختك
ابو جابر استغرب : وش بها ؟
الجد : نايف يقول تعبت وخذاها للمستشفى هو وسالم
ابو جابر : هد ي يبه يمكن تعبت من العرس وخذوها يتطمنون بس
الجد : لا صوتهم مايطمن مايطمن يولدي خذني لـ اختك الحين
ابو جابر : يلا يبه تعال بس خلني البسك ثوبك شف يدك شلون ترجف
اخذ ابوه ولبسه ثوبه وطلع ركض لبس ثوبه وراح لـ ابوه الي ينتضره بسياره
الجد : قلت لـ اخوانك وعيالهم
ابو جابر : لا
الجد عصب : قل لهم بسرعه ؟؟
ابو جابر : طيب دقيقه انزل اقول اهم وارجع
راح لـ جناح اخوانه وقال لهم ربعده راح لـ جناح خلف وجود بعده صقر والمها وسياف واخته سُلاف وقال لهم بس ماقال لـ خالد و وعد وهو متوقع الموضوع بسيط بس علشان ابوه قال للكل
وركبو سياراتهم للمستشفى والجد على اعصابه حاس ان بنته بها شي صاير لها شي قلبه كان حاس نرجع عند نايف وسالم
سالم راح لـ ساره الي سمع صوتها تبكي وتصارخ دخل عندها وقلبه اوجعه على حالتها ساره اول ماشافته زاد بكاها وقالت بصراخ : تكفىىى ي سالم تكفوووونن لتحرموني امي تكفوونن لتحرموني جنتي تكفى ودني لها بشوفها اليوم احر مرا بشوفهااااا لتحرمني شوفتها ي سالممم تكفىى وانهارت تبكي
سالم ركض لها ومسك يدها وقال : ي ساروني ي عيوني انتي اهدي توك طالعه من العمليات مايصير الي تسوينه ادعي لها برحمه والمعفره دموعك مابتفيدها بشي واا بتسوي شي غير انها تكسر ضهري
ساره قالت بسن شهقاتها ودموعها وصوتها المهزوز : ودني لها لتحرمني شوفتها طالبتك ي سالم تكففففىىىىى ي سالم
سالم مقدر يشوفها تترجاه ولف للنيرس وقال : بطلعها تشوف امها وترجع
النيرس : مايصير حالتها صعبه وهي منهاره الحين حتى المهدئات مافادت معها
سالم : على مسؤليتي ؟
النيرس : تمام تقدر تاخذها
سالم : اطلعها بعربيه ؟
النيرس : كيفك بس هي عمليه تقدر تمشي بس لازم تساندها شوي
سالم هز راسه بـ اي ووقف ساره وهو ساندها لين وصلوها لـ ثلاجة الموتى طلعو سعاد وجهزوها عشان تشوفها ساره
ساره اول ماشافت امها متىغطينها بالابيض فكت يد سالم وركضت لها وهي تبكي وصوت شهقاتها يسمعه كل الي بالمستشفى شالته عن وجه امها ويدها ترجف : يمهه يمهه لتخليني يمهه منو لي بعدك يمههه انتي كنتي بتشوفين ولدي يمه قووومي شوفيهه يمه قلتي لي ان ذا تعب وبيعدي بس انكساري بموتك شلون يعدي ؟ يمه انكسر ضهري بخبر موتك ي يمهه قوميييي لتخليني مكسوره وكسري شلون يبرى وانتٍ مو بهالدنيا ولا انتِ معاي
يمه رحتي واخذتي روحي معاك ارجعي يمههه ارجعييي ي جنتيي
وصرخت بصوت عالي هز قلب سالم  : يممممممهههههه
انهارت تبكي بحرقه اكبر وامر سالم ركض لها وهو يحاول يهديها وطاحت بين يدينه مغمى عليها نزل شماغه ولفه على وجهها وصرخ : ناااااييففف
نايف جا ركض وهو كان عامل حساب انها بيغمى عليها او بتتعب ماتقدر تقوم وجهز عربيه ودخلها عند سالم وهو مبعد نضره عن ساره وسالم جلس ساره بالعربيه واخذها للغرفه لاكن قبل يدخل شاف الجد وابو خالد وابو صقر وجابر وسلمى وروابي ورغد
وقفه صوت الجد : ساللم
سالم لف وعيونه حمر
الجد بخوف : ليه ساره مغمى عليها كذا !!! وين بنتيي سعااد ؟؟؟؟
ابوجابر : تكلم ي سالم ؟
نايف : عمي خلو سالم يدخل زوجته للغرفه
سالم من شاف نايف جا دخل ساره الغرفه وهو مو قادر يتكلم اكثر منن كذا
ابو صقر بحده : نااايف انطق ؟
نايف بحزن وغصه : الباقي بعمركم عمتي توفت
البنات شهقو ورجعو على الجدار يبكن بحرقه الجد طاح على الارض وسندوه عياله بسرعه
الجد نزلت دموعه مثل النار على خده وقال بصوت مهزوز : انا لله وانا اليه راجعون
ابو جابر حضن ابوه ودموعه تنزل ويحاول يهدي ابوه
ابو خالد تلطم وسمح لدموعه تنزل وكذالك ابو صقر
سلمى ركضت لـ ابوها حضنته وتبكي ونايف حضن رغد يحاول يهديها ويهدي ابوه
جابر جلس على الارض ويده على راسه وهو من الصدمه ما ابدا اي ردة فعل لف على روابي الي تبكي وحاطه يدها على فمها تحاول تهدي صوت شهقاتها وقف وراح لها وسحبها لحضنه وبالحضه ذي انهارت روابي
وصل الخبر لكل العايله معدا خالد ووعد والكل كان بحالة انهيار وبكي وكل شخص اكثر من الثاني ساره الي اغمى عليها وعطوها مهدئ ونامت ودموعها لاتزال على خدها
نروح للفندق بتحديد جناح خالد
طلب الفطور وقعد ينتضر وعد تجي بعد ثواني جت وعد
خالد ببتسامه :
اهلين يسمح المحيا وسهلين
ي راس مال الي يحبتس ورصيده
وعد ابتسمت وماكان عندها اي رد وجلست
خالد : سمي بالله
بدو يفطرون
خالد : تبين نقعد برياض كم يوم بعدين نرجع لـ نجد عشان بعد اسبوعين بنسافر شهر العسل
وعد : لا نرجع معهم اليوم احس اشتقت لـ مجد العذيه
خالد : يحض نجد والله دامتس مشتاقه لها
وعد ضحكت
خالد : اجل لخلصتي اكل قومي تجهزي بنطلع نتمشى ونتونس
وعد : تم
ماهي دقايق الا خلصو اكل وعد قامت تبدل لبسها ولبست فستان ناعم ولبست كسسوارات ورفعت شعرها الي يوصل لـ اخر ضهرها حذت شنطه حطت فيها عطور ومكياج ومناديل وجوالها وباقي اغراضها ولبست عبايتها وتنقبت وطلعت لـ خالد الي بالصاله قاعد
خالد : وهه ماذبحني غير عيونتسس
وعد ابتسمت بخجل
وجو بيطلعون وقف خالد وقفت وعد معه
خالد : غطي عيونتس اغار
وعد لفت للمرايه وصغرت النقاب وطلعت وركبو السياره
خالد اتصل على جابر يشوف مشو او للحين
جابر رد بضيق يحاول يخفيه : هلا بالعريس
خالد : هلابك وش به صوتك ؟!
جابر انصدم وقال بتوتر : ولا شي توني قاعد
خالد شد يده على الدركسون وقال : جاابر تكلم صاير لك شي لتخوفني عليك؟
جابر لف على اهله الي بكل مكان شخص يبكي وعرف ان خالد كذا كذا بيعرف ولو كذب عليه بيزعل وقال ودموعه رجعت تنزل وملت شماغه الي كان متلطم به وروابي حاضنته تبكي وتلطم عشات ما يبيها تشوف دموعه قال : وينك انت
خالد : طالع
جابر : تعال للمستشفى
خالد : مستشفى ؟؟
وعد لفت له بخوف من سمعته يقول " مستشفى " واشرت له بمعنى وش فيه
جابر بلع ريقه يبعد الغصه بصوته وقال : البقى بعمرك
خالد انصدم ووقف يمين الخط وايده ترجف قال : منننننننووو ؟؟؟؟
جابر : عمتي سعاد
ارتخى خالد بصدمه ورمى جواله وحط يده على راسه بصدمه
وعد بكت : خاااالدد وش صايررر !
خالد شد على يدها وهو عارف موضوع الموت بنسبه لها حساااس من بعد موت امها وممكن يغمى عليها من الصدمه وبذات ان عندها ضعف مناعه
خالد حاول يقول لها بطريقه مايصدها وهو اصلاً مصدوم ويحاول يتماسك : تعرفين ان كل شي مقدر ومكتوب ولازم نؤمن بقضاء الله وقدره صح ؟
وعد وهي لتزال تبكي هزت راسها بـ اي : اي ؟
خالد : عمتي سعاد ماتت ي وعد ادعي لها برحمه
وعد ابعدت يده ويدها ترجف حطت يدها على وجهها تبكي وماتكلمت بس صوت بكاها الي وضح كل الي داخلها خالد تركها تبكي يدري مايقدر يهديها وسعاد هي الي ربتها بعد امها بحكم ان امها كانت تعبانه فتره وبعدها دخلت غيبوبه فتره وماتت حرك سيارته بسرعه للمستشفى وايده ترجف وقف سيارته ومسك وعد يسندها تمشي ودخلو سألو عن ساره بحكم ان الكل عندها
عند ساره الي قعدت وهي تبكي وتضرب يدها على وجلها بقوه وتحس دموعها تحرق قلبها قبل خدها سالم كان عندها يحاول يهديها بس مافي اي فايده وانهايرها كان قوي صعب عليها تفقد امها امها الي كانت لها اخت وابو وصديقه وام وكل شي بحياتها
دخل الجد وهو مشيته مو متوازنه وقف بهدوء ودموعه تنزل وهو يناضر لـ ساره وسالم الي بعد مافقد الامل انها تهداء جلس وهو مابيده اي شي
ساره رفعت راسها وشافت جدها وخوالها وزاد بكاها الجد مشى وجلس عندها وحضنها ومسح على شعرها بحنيه : يبنتي حرام الي تسوينه صدقيني لو امك هنا مارضت تشوفك كذا انتي من امس مو ماكله شي قومي اهدي
ساره بوسط شهقاتها وصوتها الي يقطع القلب : مابي اكل مابي شي ابي امي ي جدي ابي امي ابيهاااا ء لتخليني قولو لها اني بحاجتها قولو لها انا ولا شي بدونها انا مابي شي من الدنيا الا امي ليه تخليني بالدنا كذا ؟ قالت لي اذا جبتي ولدك ءبتنسين الدنيا والي فيها وتكوني اسعد انسانه بس انا مانسيت مانسيت كسر قلبي على امي ولا صرت اسعد انسانه انا العككسسس العكسس ءء هي عانت كثيررر ي جدي عانتت كثيررر عشانيييي ليه تخليني الحين لييههه اهه
ورجعت تبكي بحرقه قطعت قلوبها بها ابو خالد وابو جابر وابو صقر وسالم روابي رغد سلمى كلهم بكو بزياده معها وبعد كلامها وجابر ونايف الي كانو برا بس يسمعون صوتها تبكي
وصل خالد ووعد وقف خالد برا ودخلت وعد على اخر كلام ساره ركضت لها وحضنتها
بعد نص ساعه على الحال ذا طلعو الكل للفندق وبقو البنات عند ساره بالغرفه والرجال راحو يدفنون سعاد ويصلون عليها
سلمى : ساره حبيبتي انتي اهدي لو عمتي موجوده بتزعل لو شافتتس كذا وباتقول ليه قرة عيني تبتسي وتكسر امها بدموعها كذا لازم نؤمن بقضاء الله
رغد : وانتي لازم تكونين قويه وتتحملين الحين صار عندتس ولد لازم تكوني ام قويه مثل امتس تتحملين كل شي عشانه
ساره : هي كانت تبي تشوفه كانت تقول اكيد اذا ولد يطلع على ابوه رجال وذا بنت حلوه على قرة عيني
روابي : هي سمتتس قرة عينها لانها تشوف الدنيا بتس واليحن انتي شوفي ولدك بدالها وكأنها هي شافته
وعد : شوفي ساره انا قدامتس امي لها 6 سنين بتكمل 7 من توفت ماقول لتس اني نسيت لا للحين ذكراها بعيني وصوتها يدون بمسامعي لاكن بديت اعيش حياتي وان شاءالله نلتقي بهم بالجنه ولو الدنيا خذتهم الجنه تجمعنا بهم ان شاءالله ماقول لتس ردة فعلتس خطاء بالعكس لاكن خلي ايمانتس بربي قوي
ساره بكت مرا ثانيه : هي كانت لي كل شي بدنيا امي اختي صديقتي ابوي اخوي صح ماعرفت حنان الابو لاكن امي جمعت لي حنان الابو ومحبة الام وخوفها وسندتني وصارت لي كلل شييييي كلل شييييي
روابي : وانتي صيري لولدتس الحين مثل ماصارت امتس لتس وانا بروح اقول لهم يجيبونه لتس تجين معاي رغد ؟
رغد : تمام وطلعو
سلمى جلست جنب ساره وحضنتها وماهي دقايق الا دخلت روابي ورغد والنيرس الي جابت ولد ساره " نايف " رفعته رغد بخفه وعطته ساره الي من شافته رجعت تبكي مرا ثانيه وقعدت تبوسه وتشم ريحته وكان شكلها يوجع القلب دق الباب عليهم وعد من ورا الباب : مين ؟
ابو جواهر : انا ابو جواهر
وعد كشرت وقالت بدون نفس : دقايق
ولبسو البنات وتغطو وساره الي كانت خايفه وساحبه ولدها لحضنها بقوه
دخل ابو جواهر وباس راس ساره وقال : اخبارتس يبنتي ؟
ساره ناضرت له وصدت تبكي
ابو جواهر لأول مرا بحياته يحن قلبه عليها من نولدت وقال : ادعي لها ي ساره وترحمي عليها سعـ....
قاطعته سارع بصراخ : لتقوووللل اسمهااا لتقوووولهه تواسيني بمن ومن ؟ توسيني بـ امي ولا بـ ابوي او اختي او اخوي او صديقتي او من ! امي كانت لي كل ذا وانت موجود ومو موجود ؟ ليه قسيتتتت علينااا ليييههه ليه خليتها تموت وهي ماعاشت لحضه وحده حلوه معك ؟ ليييه خليتها ترح وهي صاااابرررهه عليكك عشانننييي لللليييهه جاي اليحن تواسيني ؟ بعد ماكنت انت كابوس بنسبه لي ماخليت شي ماسويته فينا ضرب ؟ اهانه ؟ تفرقه ؟ شتم ؟ انت خليتنييي اعيششش لحضاااتت ابكييي فيهااا كأنك متت ليه يبه ليهه خليتني اعيش شعور اليتيمه وانت موجود ! ليهه امي راحتتتت وهييي مكسوررره منكك . لفت بوجهها لجواهر الي ورا ابوها . عشاننن بنتك ! بنتك الي كانت تعتبرنا حمير عندها واعدائها
سلمى : اطللععع اطللعع حرامرعليك جيت تعذبها وبتروح . وطلعت تنادي الممرضات الي دخلو يعطونها مهدئات واخذو منها الولد ونامت ودموعها تنزل
ابو جواهر ماقدر يتحمل تأنيب الضمير وطاح عليهم ونقلوه للمليات وصلو الجد وعياله واحفاده وقالو لهم البنات الي صار كله سالم لف وضرب يده بجدار بقوه وهو وده يذبح ابو جواهر على الي سواه بساره وبذات لما قالو البنات كلام ساره حس نفسه ماسوا لها شي حس انه مقصررر بكثيررر ولا عوضها عن ابوها وحتى لو الاب مايتعوض ابد طلع وراح للحضانه يشوف ولده وسجل اسمه وخلص اوراقه
طلعو متوجهين للديره وصلو وبدا ايام العزاء المتعبه على قلوبهم وحسو انهم رجعو وتركو شي روحهم بـ الرياض
خلصت ايام العزاء وبدو يرجعون لدوامتتهم ويحاولون يرجعون حياتهم مثل قبل مع انه الشي ذا صعبب عليهم وبذات ساره الي ماكانت تاكل الا بالغصب وقليل ووجها صار شاحب
بعد مرور فترة النفاس على ساره بعد محاولات اقناع نزلت من شقتها لتحت وبدت السوالف
وعد وهي تحاول تطلع ساره من الجو الي هي فيه قالت : تدرون ودي اصير شاعره
سلمى : زوجتس شاعر خليه يعلمتس
ساره اخذ ولدها وهي تسوي له رضعه وقعدت ترضعه قالت بحزن : عندي قصيده ونثر نوعاً ما
سُلاف : اسلمي
ساره : يمه يواسوني بدعوات وآمين
وتصبري ي ساره .. وادعي بصلاتتس
وانا عليتس انعى واصيغ الدواوين
وصار البكاء عاده على ذكرياتتس
يا وينها الي كلما اقبلت يا وين
تضمني .. وتقول ي قرة العين
ومنهو يسوي سواتتس ؟...
يمه عساك بجنة الخلد ... آمين
وعساه يجبرني بعد ذكرياتتس
البنات نزلو راسهم بحزن وساره الي لفت ودموعها نزلت وهي تحتول تبعدها سمع الي قالته سالم ونزل راسه بضيق وايدري وش يسوي وشلون يطلعها من الحزن وصعبب الشي ذاا صعب

ننهي البارت هنا عطوني رايكم كسرت خلطري ساره 🥺