ဗီလိန်ဥက္ကဋ္ဌရဲ့ ချစ်သူလေးအဖြစ်ကူးပြောင်းလာခြင်း [မြန်မာဘာသာပြန်]

{91}

Unicode

လော့ယွီရှင်းလည်း အပြင်ရောက်တာနဲ့ တက္ကစီငှားပြီး ကားထဲဝင်ထိုင်လိုက်သည်။တကယ်တော့ သူ့ကားက ဘာမှမဖြစ်ပေ။အဲ့တုန်းက ချူချန်ရဲ့ကားထဲ ဝင်ဖို့ရဖို့ လိမ်လိုက်တာဖြစ်သည်။သူ့ကားကို မောင်းရင် သူ့အတွက် အန္တရာယ်ဖြစ်မှာဆိုပြီး ချူချန်ကို ပြောပြီးသွားပြီဖြစ်၍ အခုမှ ကားမောင်းလို့ရပါတယ် ပြောလိုက်ရင် ကိုယ့်တပ်ကိုင်ပြန်နင်းသလို မဖြစ်သွားပေဘူးလား။ထို့ကြောင့် လော့ယွီရှင်းမှာ ရွေးချယ်စရာမရှိဘဲ တက္ကစီငှားရတော့သည်။

ချူချန်မှာ သူ့နောက်လိုက်နေရင်း ဘယ်လိုလှည့်ကွက်တွေသုံးဦးမလဲကြည့်ချင်နေသည်။

လော့ယွီရှင်းသည် ပြည်သူ့ဆေးရုံရှေ့မှာ ကားထဲက ထွက်လိုက်ပြီး သူ့ကားဆီလာနေတာမြင်၍ ချူချန်ကလည်း သူ့ဘက်က ကားမှန်ကို ချပေးလိုက်သည်။

“အိုကေ။မင်းသွားလို့ရပြီ။ငါလိုက်မဝင်တော့ဘူး”

လော့ယွီရှင်းကချက်ချင်းပဲ အထူးတလည်ကျေးဇူးသိတတ်ပုံလေး ဟန်ဆောင်လိုက်ကာ-

“ဒီနေ့အတွက် ကျေးဇူးပါနော်။ကျွန်တော်တို့WeChatမှာအပ်လိုက်ကြမယ်လေ။ကျေးဇူးတင်တဲ့အနေနဲ့ စာအိတ်နီလေးလက်ဆောင်ပေးချင်လို့ပါ”

ချူချန်စိတ်ထဲ WeChatအပ်ဖို့ကတော့မဖြစ်နိုင်ဘူး၊ချစ်သူလေးပေါက်ကွဲသွားလိမ့်မယ်လို့ ကိုယ့်ဘာသာ‌တွေးလိုက်မိတယ်။သို့သော် လော့ယွီရှင်းရဲ့ အဆုံးစွန်ဆုံးရည်ရွယ်ချက်တွေကို သူသိချင်မိကာ နံပါတ်အတွဲလိုက်ကြီးရွတ်လိုက်ပြီး နွေးထွေးကြင်နာတတ်သော နိုင်ငံ့သားကောင်းသရုပ်ကို ဆက်ပုံဖော်နေလိုက်သည်။

“ဒါက ငါ့ဖုန်းနံပါတ်ပဲ။ရဲတွေဘက်က မျက်မြင်သက်သေလိုရင် ငါ့ကို ဆက်သွယ်လို့ရတယ်”

လော့ယွီရှင်းကမြန်မြန်ပဲဖုန်းဆွဲထုတ်ပြီး လိုက်မှတ်လေသည်။

သူမှတ်ပြီးတာနဲ့ ချူချန်ကတန်းမောင်းထွက်သွားသည်။လော့ယွီရှင်းသည် မောင်းထွက်သွားသောကားကိုကြည့်၍ မျက်မှောင်ကြုတ်ပြီးမှ ဖြည်းဖြည်းချင်းထွက်ခွာလိုက်သည်။ကံကောင်းလို့ ချူချန်ဖုန်းနံပါတ်ရလိုက်တာ။ဒါကို ပထမခြေလှမ်းအောင်မြင်တယ်လို့တော့ သတ်မှတ်လို့ရတာပဲလေ။