بين احضان قاتلي

part"48"

ياشاغل العينين كيف سلبتني؟
ووقعت في محظورِ ما أتحذرُ
يا سارق الانفاس كيف عبثتَ بي؟
وانا الكتوم الحاذق المتحذرُ
جد لي جوابًا للسؤالِ لكي ترى
إني أُحبك فوق ماتتصورُ
آمنت أن الحب فيك نبوءتي
وهواك شبه الموت لايكررُ
منفايَ أنتَ ومن سواك يُعيدُ لي
روحي، ومن ذا عن جفاكَ يصبرُ ؟

..............................................................

ريم..مفهمت شبي جان الألم طاغي علية مكدرت احجي شي هو جرني من ايدي بقوة وكعدني باوعلي بغضب يتنفس سريع وكال وجهة اصفر

شاهين..ماكو دم ريم ماكووو

فتحت عيوني على وسعهم ونزلت عيوني لبين رجلية انصدمت من شفت الفراش ابيض وماكو دم باوعتلة خايفة

..محد طاخني والله محد

خلة ايدة على راسة يباوعلي بصدمة واني حسيت نهايتي هاي اجة ببالي كلام رنا
(مو شريفة وملعوب بيج)
بس اني محد طاخني ليش هيج صار
لميت رجلية على صدري وصرت ابجي هو كام يفتر بالغرفة مخلي ايدية على راسة ويهمس بأشياء ممسموعة
اصعب لحظة مريتها صعبة من تشوفين نظرات الاتهام بعيون حبيبج باوعلي عيونة حمر واجة كعد كدامي يحاول يلزم اعصابة

شاهين..تعالي احجيلي ريم ريحي گلبي

زدت بالبجي هو لزم ايدي يهديني وكال بهدوء عكس الاعصار الي بداخلة
شاهين..لاتبجين خلينة نفتهم
سمعيني شنار من خطفج سوالج شي؟