Unicode
"မနက်ဖြန်ဆို မောင်နေကပြန်တော့မှာမလား"
"ဟုတ်တယ် အန်ကယ်...၊ဟိုမှာလည်းအလုပ်တွေပစ်ထားခဲ့ရတာဆိုတော့ ပြန်မှဖြစ်မှာ...၊နွယ်လည်းရန်ကုန်လာဖို့ရှိတယ်မလား"
စက်ရှိန်ကမနက်ဖြန်ရန်ကုန်ပြန်ဆင်းမှာမို့ နွယ်တို့ကထမင်းဖိတ်ကျွေးခြင်းပေ။စီးပွားရေးပါတနာလည်းဖြစ်၊သူငယ်ချင်းတွေလည်းဖြစ်တဲ့အပြင် စက်ရှိန်နဲ့နွယ်ကိုပါနှစ်ဖက်မိဘတွေကသဘောကျကြတာဖြစ်သည်။လူကြီးချင်းအသိ၊လူငယ်ချင်းလည်းအသိဆိုတော့ စက်ရှိန်နဲ့နွယ်ဘက်ကသာ မီးစိမ်းပြလိုက်ရင် အကုန်အဆင်သင့်ဖြစ်သွားမဲ့အခြေအနေပေ။
မြသွေးနွယ်ဆိုသည့်မိန်းကလေးက လှလည်းလှသလို၊ထက်လည်းထက်မြက်သည်။စီးပွားရေးလည်းနားလည်တာမို့ စက်ရှိန်နဲ့ရှေ့သွားနောက်လိုက်ညီနေတာ ငြင်းမရသည့်အမှန်တရားတစ်ခု။သို့ပေမယ့် စက်ရှိန်ဘက်ကမိတ်ဆွေထက်မပိုတာတော့ မတတ်နိုင်တဲ့သက်ရောက်မှု့သာ။
"ကိုစက်က နိုင်ငံခြားပါတနာတွေနဲ့ချိတ်ဆက်ပြီး စီးပွားရေးချဲ့ထွင်ဖို့ပြင်နေတယ်ဆို"
"အင်း...၊လောလောဆယ်တော့တွေးမိရုံတင်ပါ အကောင်အထည်ဖော်ဖို့ကတော့ကြိုးစားရမှာပေါ့"
"ဒါဖြင့်တွဲလုပ်ချင်တဲ့ အဖွဲ့အစည်းတွေဘာတွေရှိနေတာလား"
နွယ်ကစိတ်ဝင်တစားမေးတော့ စက်ရှိန်ကလည်း ထမင်းစားနေတာကိုခနရပ်လိုက်ရင်း....၊
"အမြှင့်ဆုံးအထိမှန်းထားတာကတော့ အမေရိက,က Kingdom of Diamonf (KD) Group ပဲ၊နည်းနည်းအလှမ်းဝေးပေမယ့်ပေါ့"
စက်ရှိန်ရဲ့ KD Groupဆိုတဲ့စကားကြောင့် နွယ်မျက်ခုံးတွေပင့်တက်သွားရ၏။KD Groupဆိုတာ အမေရိကမှာအကြီးဆုံးစိန်တိုက်ဖြစ်သလို မြို့ထဲနဲ့နေရာတော်တော်များများမှာလည်း ဆိုင်ခွဲတွေရာချီပြီး ဖွင့်ထားရတဲ့ နံမည်ကြီးစိန်တိုက်မဟုတ်လား။
"ဒါပေမယ့် Mr.Hamsley ကတော့ တော်တော်တန်တန်နိုင်ငံခြားစီးပွားရေးသမားတွေနဲ့တောင် တွဲမလုပ်တဲ့သူနော်"
Mr.HamsleyBerton(ဟန်စလေဘာတန်) က KD Group ရဲ့ CEOတစ်ယောက်ဖြစ်ကာ အသက်အရွယ်အနည်းငယ်ရနေပေမယ့် အခုထိဖျတ်လတ်ဆဲ လူကြီးတစ်ယောက်ပေ။ဒါ့အပြင် အစစအရာရာမှာတိကျကာ KD Groupတစ်ခုလုံးကို အမှားအယွင်းမရှိ အုပ်စီးထားနိုင်သူလည်းဖြစ်၏။KD Group ကအခုအချိန်အထိစီးပွားရေးလမ်းကြောင်းပေါ်မှာနံမည်ကောင်းနဲ့ ရပ်တည်နေနိုင်တာလည်း Mr.HamsleyBerton ကြောင့်ပဲမဟုတ်လား။
YOU ARE READING
You are My Bone
Romanceလူတိုင်းပါးစပ်ဖျားမှ ဇမ်းဆိုတဲ့ကောင်က အပေအတေကောင်လို့သမုတ်လဲ သူတို့သတ်မှတ်ချက်အတိုင်းသွားပါစေ.....ကိုယ့်ထမင်းကိုယ်စားပြီး သူများစကားတွေကိုထိုင်ခံစားနေဖို့ အဲ့လောက်ထိ ကျုပ်မှာအချိန်တွေအားလပ်မနေဘူး! ____________ လူတိုင္းပါးစပ္ဖ်ားမွ ဇမ္းဆိုတဲ့ေကာင္က အ...
