Unicode
LGU၏မေဂျာပေါင်းစုံမှ ပထမအပတ်
စာမေးပွဲဖြေဆိုခါနီး 10ရက်ပဲလိုတော့တာမို့
မေဂျာတွေမှမေးခွန်းများအား ပြန်စစ်ဆေးဖို့
တာဝန်က ထင်လင်းသိုက်ဆီ ရောက်လာခဲ့သည်။ဒီစာမေးပွဲပြီးရင်တော့ မေဂျာတွေခွဲပြီး ခရီးထွက်ဖို့ရှိတာမို့ ဒီစာမေးပွဲကိုဖြေဆိုဖို့ အကုန်လုံးကတတ်တတ်ကြွကြွပင်။
သို့သော် မေးခွန်းတွေပြန်စစ်ရသည့် ထင်လင်းသိုက်အဖို့တော့ မသက်သာလှပါ။ မျက်ရိုးတွေကိုက်လာသည်မို့ မျက်မှန်ကိုချွတ်၍ မျက်လုံးနှစ်ဖက်ကြားအား လက်မနှင့် လက်ညိုးကိုသုံး၍ အသာဖိလိုက်မိသည်။ အခုချိန်မီးငယ်အသံသာကြားနေရရင် ပြုံးရအုံးမှာ။ဟုတ်သောရှိ၊မဟုတ်သော်ရှိ အဲ့ဒီကလေးမလေးက လာနှိပ်ပေးအုံးမှာ။အခုတော့ မီးငယ်ဆီကို ဆက်သွယ်လို့မရ... မနေ့ထဲက စိတ်ဆိုးသွားတာ ဒီနေ့ညအထိတိုင် သူမလေးကစိတ်ဆိုးလို့ ကောင်းနေဆဲပင်။
"လင်းသိုက်"
ထိုစဉ် ဂုဏ်နဂါးက သူ့ပခုံးကို ဖွဖွပုတ်လာသည်။
"မင်းကုမ္ပဏီက ကိုကောင်းလာတယ်"
"ကြိုမပြောထားတော့ ကိုယ်မသိလိုက်ဘူး"
"ဖိုင်တွေပေးသွားပြီးပြန်သွားပြီ။ နောက်နေ့မှ လာတွေ့လာပါ့မယ်လို့ ပြောသွားတယ်။ဒီမှာ
ဒီအနီရောင်ဖိုင်က လချုပ်စာရင်း။အပြာက စာချုပ်စစ်ပြီး လက်မှတ်ထိုးပေးဖို့တဲ့"
"ကျေးဇူး ။ ကိုယ်မေးခွန်းတွေစစ်နေလို့ သူလာတာမသိလိုက်ရဘူး"
"ရပါတယ်ကွာ အချင်းချင်းတွေပဲ"
လုပ်စရာအလုပ်လည်းမရှိတာမို့ ဂုဏ်နဂါးက ယောင်လည်လည်ဖြင့် လင်းသိုက်နားသာ
ဝင်ထိုင်နေသည်။လည်ပင်းကိုပွတ်၍ စာရွက်တွေကိုကြည့်နေပေမဲ့လည်း ဘာတစ်ခုမှ စိတ်ဝင်စားစရာကမတွေ့ရ။
"လင်းသိုက်... မင်းမပျင်းဘူးလား"
"ဒီလိုပါပဲ"
"အိမ်ကြီးကလည်း တိတ်ဆိတ်နေလိုက်တာနော်"
"မီးငယ်မှမရှိတာ"
"အေးကွာ မီးငယ်တစ်ရက်မရှိတာတော့
တစ်ရက်သိသာတယ်။ခြောက်ကပ်ပြီး တိတ်ဆိတ်နေတာပဲ...ကလေးက အဲ့ဒီမှာ
ပျော်နေပြီလားမသိဘူး။မီးငယ်ကို
မင်းမလွမ်းဘူးလား"
YOU ARE READING
HUSBAND:Daddy
Romance"အခုဘဝတင်မကဘူး နောင်သံသရာအဆက်ဆက်ထိ မီးငယ်နဲ့ပဲ ... " ဦးထင်လင်းသိုက် (Htin Lin Thike) #Slow romance#Fluff#Fantasy Note - ယခုဇာတ်လမ်းပါ အဖြစ်အပျက်၊အကြောင်းအရာတို့သည် စာရေးသူ၏စိတ်ကူးယဉ် ရေးသားမှုသာဖြစ်၏။ Start Date - 12.1.2023 (8:00PM) End Da...
