ဗီလိန်ဥက္ကဋ္ဌရဲ့ ချစ်သူလေးအဖြစ်ကူးပြောင်းလာခြင်း [မြန်မာဘာသာပြန်]

{103}

Unicode

ယင်းနျန်သည် ကျိချင်းကျိုးနောက်ရက်အနည်းငယ်အတွင်း မားမားကို သွားတွေ့မည့်အကြောင်းကြားသည်နှင့် ကျိချင်းကျိုးရဲ့ လက်ရှိသူငယ်ချင်းရောအိမ်နီးချင်းရောဖြစ်တဲ့ သူအနေနဲ့ သူ့စိတ်ပူမှုအား ပြရန် သူလည်း လိုက်လည်သင့်တယ်ဟု ခံစားရသွားသည်။ကျိချင်းကျိုးကတော့ မလိုအပ်ဘူးထင်နေသော်လည်း တားတော့မတားဖြစ်ခဲ့။ဘာလို့ဆို ဝမ်ဖန်းက အနုပညာလောကထဲမှာ သူတစ်ယောက်တည်းဖြစ်ပြီး အနိုင်ကျင့်ခံရမှာကို အမြဲတွေးပူနေတတ်တာဖြစ်သည်။ထို့ပြင် ဇာတ်ကားရိုက်ရတာ ပင်ပန်းလား၊သူငယ်ချင်း‌ကောင်းတွေရှိရဲ့လား ဟုလည်း အမြဲပင်မေးတတ်သည်။ထို့ကြောင့် သူမပျော်စေရန် ယင်းနျန်အား ခေါ်သွားဖို့ ဆုံးဖြတ်လိုက်သည်။

ယင်းနျန်ဟာ မိဘတွေဆီသွားလည်သည့် ဓလေ့ထုံးတမ်းတွေနဲ့ အတော်ကြီး ရင်းနှီးနေသူဖြစ်၍ ဝမ်ဖန်းဆီသယ်သွားဖို့ လက်ဆောင်တွေအများကြီး ဝယ်တော့သည်။ထို့ကြောင့် ကျိချင်းကျိုးမှာ တားနေရ၏။

“အများကြီးလျှောက်မဝယ်နဲ့လေ။မားက အများကြီးစားနိုင်တာမဟုတ်ဘူး။ဝယ်ထားတာတွေ အလဟသဖြစ်သွားလိမ့်မယ်။ယူသွားချင်သပဆို မင်းရဲ့သန့်ရှင်းရေးစက်ရုပ်လေးယူသွားပေါ့။နေ့တိုင်း ကြမ်းခင်းပေါ်လှဲလို့ရသလို လက်တွေ့လည်း အသုံးဝင်တယ်လေ”

ထို့ကြောင့် ယင်းနျန်တစ်ယောက် ဝမ်ဖန်းဘာအရောင်တွေကြိုက်တတ်လဲ ကျိချင်းကျိုးဆီမေးလာပြီး သိုလှောင်ခန်းတံခါးအားဖွင့်လိုက်ကာ အတော်ကြာပြီးမှာတော့ သန့်ရှင်းရေးစက်ရုပ်နဲ့ Tmall elf လေးတစ်ခုပါ ယူထုတ်လာသည်။

“မင်းမားမားကို ဒါလေးလည်း ပေးလိုက်မယ်လေ။ဘယ်ကရလာတာလဲတော့ မမှတ်မိတော့ဘူး။ဒါပေမယ့် ဒါလေးက မင်းမားနဲ့ စကားပြောလို့ရသလို၊သီချင်းလေးဖွင့်ပေးတတ်တယ်”

“အင်း။ကျေးဇူးပါကွာ”

“ရပါတယ်ဟ”

သူတို့နှစ်ယောက် မြန်မြန်ပဲ ပြင်ဆက်ကြပြီး နောက်ရက်နည်းနည်းကြာပြီးနောက် ဝမ်ဖန်းရဲ့ ဆေးရုံဆီသွားခဲ့ကြသည်။ယင်းနျန်မှာ သူနဲ့အတူ VIPဆောင်အထိ ဓာတ်လှေကားနှင့် တစ်ပါးတည်းလိုက်ပါရင်း ပါးစပ်ကလည်း တသသရေရွတ်နေသည်။