កម្មសិទ្ធិOmega
ភាគទី២៧
25Vote for next part❤️️
«អរបែបហ្នឹងទេឬ?អញ្ចឹងអ៊ុំទៅវិញសិនហើយណ៎ា ញុាំឲ្យហើយទៅ ទាន់នៅក្តៅៗ ប្រយ័ត្នត្រជាក់លែងឆ្ងាញ់ហើយ»
«បាទ អរគុណអ៊ុំម្តងទៀតដែលបានយកម្ហូបមកឲ្យ ហិហិ»
«ចាស៎ អ៊ុំទៅវិញសិនហើយ» គ្រាន់តែថាចប់ភ្លាម អ៊ុំស្រីម្ចាស់ផ្ទះក៏ដើរចេញទៅ ចំណែកឯអាល្អិតក៏បិទទ្វារគ្រាំង! ដើរតាំងៗសម្តៅមកអង្គុយនៅលើគ្រែទាំងចិត្តក្តៅ ដេកជាមួយគ្នារាប់ភ្លេចហើយ ពេលណាទើបហៅថាប្រពន្ធ?នៅនិយាយថាស្គាល់គ្នា តែស្គាល់គ្នាបែបមិនធម្មតាហ្នឹងដល់ពេលណាទៀត?
«អាល់ហ្វាគឺអញ្ចឹងមែន អាក្រក់លើសពីអាក្រក់ តែហ៊ានមក ចាំមើលចុះគោះដល់ងាប់ទៀតក៏មិនបើកឲ្យដែរ!» រាងតូចអង្គុយឱបដៃធ្វើមុខជូរហួញសម្លឹងមើលទៅទិសដៅបែបដិតជាប់របៀបកំពុងតែខឹងហើយរកអ្វីមកជះកំហឹងពុំបាន
ងាកមកខាងរាងក្រាស់ឯណេះវិញ មួយថ្ងៃហើយ បុគ្គលិកចេញចូលក្នុងបន្ទប់ការិយាល័យរបស់គេដើម្បីយកឯកសារឲ្យគេពិនិត្យជាបន្តបន្ទាប់ ប៉ុន្តែថ្ងៃនេះគេទទួលការងារទាំងអស់មកធ្វើដោយគ្មានអារម្មណ៍ថាធុញឡើយ ព្រោះគេទទួលបានដំណឹងល្អហើយក៏ជាអ្វីដែលគេចង់បានជាយូរមកហើយ ដូច្នេះហើយហ៊ានសន្មតថា ថ្ងៃនេះទោះបុគ្គលិកធ្វើខុសលើឯកសារផ្សេងៗក៏មិនត្រូវទទួលបានការស្តីបន្ទោសពីគេដែរ
តុកៗ«ចូលមក»
«ចៅហ្វាយថ្ងៃនេះមានកម្មវិធីដែលចៅហ្វាយត្រូវចូលរួម ឲ្យខ្ញុំរៀបចំសម្លៀកបំពាក់ឲ្យទេបាទ?»
«កម្មវិធីអី?ហើយរបស់អ្នកណា?»
«កម្មវិធីរបស់ក្រុមហ៊ុនគីមគ្រុបបាទ»
«ឯងចូលរួមជំនួសយើងទៅរេន» គេបញ្ឈប់សកម្មភាពពីឯកសារងាកក្រសែភ្នែកមកប្រសព្វនឹងមុខរបស់នាយរេនវិញ ស្របពេលគេញញឹមឡើងមក និយាយដូចវាមិនមែនជារឿងធំដុំយ៉ាងអញ្ចឹង ទាំងដែលរាល់ដងកម្មវិធីបែបនេះ គឺគេដាច់ខាតត្រូវតែជាអ្នកចូលរួមសោះ
ESTÁS LEYENDO
កម្មសិទ្ធិOmega💎 (completed✅)
De Todo" ក្តីស្រឡាញ់ ការនាំយកមនុស្សដែលខ្លួនឯងស្រឡាញ់ជាកម្មសិទ្ធិផ្តាច់មុខ..." "ស្រីប្តី វាយរាបអល កុំចង់ហក់!!" ជីមីន ជុងហ្គុក ចនរីផេត X ជីមីន ផាក Page : MinGukk-Novel FB : KM Novel